吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 請教有關做人心抱的智慧

自由講場今日: 682|主題: 1350618

收藏本版

發帖

返回列表

跳至頁

查看: 665 | 回覆: 29

請教有關做人心抱的智慧 [複製鏈接]

jacobkit

子爵府

積分: 14543

HiPP勳章(1) 2018父親節勳章 Poo得好勳章瞓得好勳章開心吸收勳章認識瑞士牛牛第四回認識瑞士牛牛第一回育兒性格勳章我的育兒心得勳章 BK Milk勳章畀面勳章

1^#

發表於 15-8-13 23:24 |只看該作者 |倒序瀏覽 |打印

有點長篇，請見諒

問題主要係

1.究竟應唔應該主動捉c6返去男家食飯

2.來緊生日過節點做才合宜

新婚差不多一個月，上星期返了男家去食飯，那天我倆放假，本身c6無諗住返去，但我覺得不大好，因為我自己都知父母會掛住，我自己都會趁c6唔回家食返娘家（一星期返一，兩次），之後我send message俾奶奶話c6好掛住你地，想今晚回家食。c6睇住我send，話，拿，我無講過。

最後回到去c6，99同62都開心的。6299俾咗好多嘢食我們，當晚的湯，99又塞咗好多嘢俾我，叫我煲藥材湯俾c6，指定我煲邊種（其實事前有天突擊去我家，之後就whatapps我叫我煲d藥材湯，send埋點煲，但其實我有煲粟米蘿白之類的老火湯），99好熱心教我煮飯，62說「唔洗教，xx的媽媽會教佢」，又說你呢兩個月有無煮飯，是否食了好多公仔面。走的時候，c6有些唔耐煩，因為我地要用車仔拎嘢走（有些是c6的雜物）,c6嫌煩。之後62說，下星期返來食飯再拎。

走了之後我問c6，下星期幾時返去，c6話唔洗，我問佢點解，佢話「掛住先返，我唔喜歡固定時間，講實一星期要返一次，唔掛唔洗返」事實c6在婚前早一兩個月搬出來，只是主動返了一次，仲要係要拎嘢先返。我問佢返去是否好煩，佢話唔係，但覺得無需要。我話6299會掛住，不如返下la，c6反而問我，你好想去？我笑笑口話其實我做人ar媽都會掛住仔，如果我個仔咁無心肝，真係生女好過（事實我自己差不多每日都會返娘家兜個圈，因為離新居只是5分鐘腳程，之後就回自己家煮飯或返工）。c6當然否認無心肝，但覺得不大掛住，也沒有在無事的情況下主動打電話俾老爺奶奶

今個星期我沒有出聲，c6又真係無諗住返去，今日收到奶奶message說62來緊月尾生日，叫我們點去食飯

以前未結婚老爺生日我同c6會夾份送禮物仔，我本身諗住出去食就算，我們找數。但奶奶又說唔好，想在家食。但我又唔知點做好，之前的禮物仔，都係我建議c6，c6一向主張咩都唔洗。

老爺性格喜歡飲酒，喜歡搞小生意但成日同人唔夾，總是最後賣俾人頂手收場，但賣完之後又從新同其他人搞另一d生意。佢都認自己脾氣不好。看錢重，有問c6借錢，都有借有還，但愈借愈多，c6最後唔理佢。上次食飯向我同c6呻無錢，我當然扮睇電視，c6又扮聽唔到，c6話老爺係覺得自己係叻的，無理由發唔到達，我都好佩服佢。上次食飯又問下我媽做d咩，之前又問下我家的情況。
其實我有諗過封小小利事，因為錢好似實際d，但是我家姐話唔好咁做，好危險。

來緊中秋，我一向買開月餅俾老爺奶奶，仲要係比較貴的款，但c6反對（其實佢年年都反對），不過因為健康原因，我諗緊不如今年買日本生果，但是我唔知洗唔洗封利是。家姐叫我千萬唔好，話俾了返唔轉頭，話俾就c6自己俾

我逢過節生日都額外俾多幾千我媽，我屋企人都係

0 0 0

私人傳訊

蝦B媽媽

大宅

積分: 1248

2^#

發表於 15-8-13 23:29 |只看該作者

回覆：jacobkit 的帖子

你做得好大體，，

私人傳訊

家文

子爵府

積分: 11643

3^#

發表於 15-8-13 23:34 |只看該作者

回覆：請教有關做人心抱的智慧

你已經做足本份啦

私人傳訊

414928

水晶宮

積分: 64104

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

4^#

發表於 15-8-13 23:35 |只看該作者

男家的事,最好不要過份熱心,否則兩邊不討好。

回去食返的事,有空提一下,如果老公唔想便算了,算是盡了本份,有些事情勉強無幸福,男人想野同我地女人好唔同,唔好把自己果套加落別人到,咁樣會比左無形壓力老公,亦無形中傷了大家感情。

生日做開就照舊啦,送些禮物算,比錢真係唔岩身份,除非你老公自己比,男家錢銀問題最好不要插手,有時可能好心做壞事。

點評

wcpcelia

發表於 15-8-14 11:26

amk650191

發表於 15-8-14 03:57

私人傳訊

smiletigger

侯爵府

積分: 21804

5^#

發表於 15-8-13 23:36 |只看該作者

我自認唔係好新抱，家用畀足，大節會提C6,但約唔約同点約就睇佢。
事實上99屋企好多嘢嘅做法我都睇唔過眼，其實C6都好多嘢唔like佢地，因為佢地做成c6前半生好多遺憾(主要係教養佢兄弟姐妹問題)，所以C6感情上唔太鐘意佢屋企，所以我更會c6不動，我不動。

私人傳訊

天佑我們

珍珠宮

積分: 44781

畀面勳章

6^#

發表於 15-8-13 23:41 |只看該作者

回覆：請教有關做人心抱的智慧

keep住隨心啦,有心有力又做到已經好好

人好多時做得太好既時刻習慣左后,一有少少做唔足或者唔夠好會反差仲大

私人傳訊

sumsum_so

伯爵府

積分: 16562

7^#

發表於 15-8-13 23:43 |只看該作者

回覆：請教有關做人心抱的智慧

如果6299好，冇小動作，我都主動捉老公返去，睇得出6299係會開心，但如果6299令我唔開心既時候，我唔會主動叫番去，但老公叫到返唔會拒絕，至於送禮方面我都冇比過現錢，只會送禮物
你既情況我會一個月捉老公返去兩次，太多只會令佢反感

私人傳訊

zitzai

珍珠宮

積分: 35314

8^#

發表於 15-8-13 23:44 |只看該作者

回覆：請教有關做人心抱的智慧

男家嘅嘢唔問唔知唔理。老公成日話佢地屋企點溝通我唔好理。又係嘅，我唔清楚 d background，好易踩地雷。 send msg 話老公掛住我覺得 over 咗。我 99 對我好好，但生 b 後都多咗 d 激氣事。你新婚一切言之過早。而家做到 100 分，第時 90 都係你變咗，呢 d 嘢易放難收

點評

藍藍mami

發表於 15-8-14 12:52

amk650191

發表於 15-8-14 03:58

私人傳訊

dazzlelulu

子爵府

積分: 10900

9^#

發表於 15-8-14 00:13 |只看該作者

引用：有點長篇，請見諒問題主要係1.究竟應唔應該

原帖由 jacobkit 於 15-08-13 發表
有點長篇，請見諒

問題主要係

我覺得對男女家都盡量維持公平，唔需要刻意討好，但若我每星期返屋企聚餐，咁盡量亦會去夫家一次，先生唔得閒，我亦願代做。
99係主婦型，煮食好叻，但我絕不是呢啲材料，我先生好明白亦唔覺得需要迎合，所以99亦唔會指我煮（當然依家有指我家傭人姐姐點煮食俾個孫），多數煮好叫傭人送來。
62文靜，佢出聲係expect後輩收到＆執行，通常仔爺倆搞定。
過時過節99鐘意揸主意，佢好識做，必check子女親家幾時有冇撞期，分開午飯晚飯又前夕正日，知道我媽媽無所謂，通常做早，合時食材好早送去俾我媽，正日若我父母得，約埋一齊開餐

所以99係我處理家事榜樣，只要唔好捉我煮乜煮物

私人傳訊

amk650191

男爵府

積分: 8031

10^#

發表於 15-8-14 04:15 |只看該作者

回覆 jacobkit 的帖子

我好同意樓上 414928 的看法。我們不知男家如何相處，儘量不要將自己的做法套在男家上，你c6有自己的想法，想做 100 分新抱卻令另一半或許不開心，何苦？

以前新婚時，會覺得男家好像不太了解 c6，c6 同我講「佢地唔需要知咁多」，我覺得梗係有d野。過時過節生日我會提 c6 打俾 6299，不會自己決定如何行動。

總知一句 c6 不動，我不動。同樣，女家亦如是。

加油！

世俗艱難，相互體諒就好

私人傳訊

panyeung

珍珠宮

積分: 41589

11^#

發表於 15-8-14 04:38 |只看該作者

引用：有點長篇，請見諒問題主要係1.究竟應唔應該

原帖由 jacobkit 於 15-08-13 發表
有點長篇，請見諒

問題主要係

你諗多咗！

其實真係唔冼刻意做D乜，有心就得啦，你C6話唔洗就唔冼，唔好做多餘野，比利是更加唔好，你家人講得好啱，比咗返唔到轉頭㗎

月餅亦無需刻意買高級喎

點評

bosch

發表於 15-8-14 05:21

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

12^#

發表於 15-8-14 05:35 |只看該作者

你老公唔想成日返去的話，至多間中大家一齊返去食飯，唔一定要捉你老公返去，一定唔好實牙實齿話隔幾耐就返去一次，第日唔可以返得去咁密時，你地只會俾人埋怨。果個係你老公既父母，佢地有佢地既溝通方式。我同6299 勁friend，佢地當我係女咁，我至會主動去探佢地或叫佢地黎我屋企。

黎緊生日，你62 99 想點搞咪佢地話事，唔好將你既想法要人去接受。

俾利是一定唔好，大時大節俾少少當俾佢地買下野就好，62已經成日呻冇錢，見你不停泵水就會倚賴去你度。你同你老爺有幾熟？連你老公都扮聽唔到，你就唔好自己中個頭埋去。

私人傳訊

rayrayus

翡翠宮

積分: 84780

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

13^#

發表於 15-8-14 05:42 |只看該作者

回覆：請教有關做人心抱的智慧

樓主你似乎好著緊想please 你老爺奶奶，我覺得大時大節睇老公頭，至於生日呢d咪買張卡送樣小禮物打個電話咪得，父母係佢的，佢當然知道點同佢地相處最好，老公話唔駛就無需過分熱心，隨緣啦

私人傳訊

MariaTsui

水晶宮

積分: 60500

14^#

發表於 15-8-14 06:07 |只看該作者

回覆：請教有關做人心抱的智慧

我很欣賞樓主的做法。加油!!!

我跟你的做法有點似，我已結婚10幾年，99對我越來越好，有次老公跟99冷戰，是我出手解決，最重要是互相尊重。

私人傳訊

lazywife

侯爵府

積分: 24263

15^#

發表於 15-8-14 06:21 |只看該作者

回覆：請教有關做人心抱的智慧

做人隨心，做新抱都係，特別個老公同父母之間有d往史，做老婆既都係難以明白，亦難以化解，咁既情況下，要隨個老公心意去做，做得多反而突兀。

做新抱，無話要咩智慧，如果佢地只係一般老爺奶奶，永遠都係少金錢來往，家用俾足，基本禮貌做足，如果係非一般，果時就係斗長命，再有智慧都無用。

私人傳訊

Osiana

男爵府

積分: 6323

16^#

發表於 15-8-14 06:26 |只看該作者

回覆 jacobkit 的帖子

我覺得你唔好介入佢地一向嘅運作模式，好心做壞事，你要尊重c6嘅做法。你鐘意返娘家，唔代表佢都咁做。佢屋企嗰邊嘅事，等佢自己揸主意。
你千其唔好俾錢6299, 唔好開壞頭，唔好借錢比佢地。

你c6做咁多次生意都唔成功，即係佢唔係好似自己唸到咁叻，又仲未知道自己衰乜，况且，一把年齡，又無多餘錢，唔應該創業。

私人傳訊

歌莉亞

伯爵府

積分: 17789

17^#

發表於 15-8-14 06:29 |只看該作者

回覆：jacobkit 的帖子

初歸新抱,無論自己或奶奶也會比較緊張,我當年都好著\0重奶奶講的每句説話,如她最怕她的兒子無飯食無湯水飲等,又干預所有我地的一舉一動,但時間耐咗,就明白到不用太上心,做了基本本份,對得住天地良心便可,老人家係咁了。我由結婚那天起都不會理我老公比多少錢奶奶,因這是她的媽,正如他也不用理會我如何用錢和我给多少比我爸一樣。最重要的便是不用同住,大家可以少磨擦和客客氣氣,維持良好關係就好。

私人傳訊

lokyan0901

侯爵府

積分: 23501

BK Milk勳章 hashtag影視迷勳章

18^#

發表於 15-8-14 08:48 |只看該作者

基本上我覺得同男家GE人客客氣氣,你好我好,見面點下頭吹下水就夠,包括6299.
任何深入問題,有關屋企決定全部交返俾個老公自己解決,至少無位俾人入~

另外返唔返去食飯D樣野,我娘家幾時返我話事,佢屋企幾時返咪佢話事囉,
個個人對待屋企同溝通方法都唔同~
同埋講真你一做開個頭,以後你都要咁做,宜家新婚就會連2個星期返去食飯?
以後你一唔咁做一定有說話聽,你真係覺得你以後都可以個個星期返去咩?
放假都想抖下架,唔會玩喇,同埋個老公都出到聲話唔駛喇,你搞咁多做咩?

生日個度都係聽老公講,佢話點就點,你第一年要送禮就以後年年都要送,仲要有心理準備俾人話送得唔岩心水,俾CASH都係,要有心理準備俾人話少,咁送黎做咩?
只要老公話唔駛GE野我全部都唔會做,所有同男家GE生日節日飯我都只係出現,最多幫手BOOK位,俾錢呀個D全部老公負責~

講真...我都係覺得男家GE人係你老公屋企人,佢地咩格你老公最清楚,要點相處點慶祝見幾多次佢會有分數,你做咁多無著數,只會有位俾人入~
大家你好我好,客客氣氣都係相處融合GE一種~
你已經將問題複雜化帶左麻煩俾個老公,已本來個問題唔需要發生

我睇GE美日韓劇PART 2

私人傳訊