吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 給我老公的信

心聲留言今日: 1|主題: 17522

收藏本版

發帖

返回列表

跳至頁

查看: 1985 | 回覆: 16

給我老公的信 [複製鏈接]

grapes_christy

大宅

積分: 1451

1^#

發表於 15-8-31 14:17 |只看該作者 |倒序瀏覽 |打印

由2008年到而家，由拍拖結婚到生仔，到呢一刻，我仍然睇唔到將來，咁耐以黎，我由期望變到而家基本上無得期望你比個\"家\"我。其實你知唔唔知我幾咁渴望有我自己屋企呀，無錯，而家呢個屋企個個都好好，又唔駛我識煮飯，返屋企有飯食，仲有你媽金錢上既支持，可能向你心入面完全唔想搬，唔想離開呢個唔駛點付出既屋企，咁我呢?你有無向我方面諗過，無論我係一個幾咁就得人既人，無論你屋企人幾咁易相處都好，我仍然好需要我既活動空間，好需要一個可以自己話事既屋企，我嫁入黎，由我廿幾年既生活去適應返你們既生活，老實講，我呢一刻仍然未適應到，你從來唔會覺得有問題，因為你由細到大都係咁生活，但我唔係，你試下掉返轉同我屋企人住三日，你得嗎?我適應唔到就會好想好想走，七年啦，我等左七年我都好似唔知幾時有呢一日咁，我既感受有無人去明白，了解。我需要一個有洗手盆既屋企，我需要一個無咁多唔等洗既雜物既屋企，我需要一個d 鞋唔會放地下，地板乾淨，唔會著住鞋周屋走既屋企，我好想自己向屋企鍾意隨意轉台既屋企，我唔可以要求你地改變你們既習慣，咁我只有接受，但我唔想一直咁樣接受落去，我好想搬，我真係好想搬，就算係一間劏房既屋企，都叫做有得自己話事，我唔需要下下向你屋企匿入房，我唔需要下下等無人向屋企先敢返屋企，如果我有屋企，我唔駛成日一個人帶仔去玩，我一定放工即返屋企，你知不知點解我成日咁想你向屋企陪我呀，由其是個個向晒度時，你唔向屋企我好唔鍾意，你掉返轉角色諗，你就會明白我感受，相見好，同住難，本身你們一家人相處左幾廿年一定全無問題，但我呢，我忍受左七年，本以為有埋小朋友，你會識得爭取返我既自由，但原來我諗錯左，我唔應該再寄望於你，我會努力為我自己同個仔打算。

0 0 0

私人傳訊

zocool

大宅

積分: 2665

2^#

發表於 15-8-31 15:33 |只看該作者

你有冇同你老公傾過呀? 佢知唔知你有幾想搬呀?
有時男人就係咁, 你唔比D壓力佢真係會由得佢, 過得一日得一日~

有D人都一樣咁煩, 都係一個無了期ga等待, 冇樓唔結婚.....
但惟一好處...... 都可以再搵個更好先嫁

私人傳訊

grapes_christy

大宅

積分: 1451

3^#

發表於 15-8-31 15:47 |只看該作者

zocool 發表於 15-8-31 15:33
你有冇同你老公傾過呀? 佢知唔知你有幾想搬呀?
有時男人就係咁, 你唔比D壓力佢真係會由得佢, 過得一日得一 ...

佢知我好想搬呀, 但佢一定唔明一個女人嫁入男家既感受, 而且6299 唔係黑人憎既人, 唔係難相處既人, 而且佢都未有能力比到我, 簡單d 講, 佢一d都唔可靠, 前排我再一次要求時, 佢同我講, 出年會搬wo, 但某d 事令我覺得佢都係就咁講算啦, 我唔再講啦 , 我要好好咁為自己打算

私人傳訊

盧c9

子爵府

積分: 11355

4^#

發表於 15-8-31 15:51 |只看該作者

男人, 有時都係想安於現狀, 唔想有咁大壓力. 你地努力D草錢, 或者可以搬出去呢.

私人傳訊

zocool

大宅

積分: 2665

5^#

發表於 15-8-31 16:06 |只看該作者

grapes_christy 發表於 15-8-31 15:47
佢知我好想搬呀, 但佢一定唔明一個女人嫁入男家既感受, 而且6299 唔係黑人憎既人, 唔係難相處既人, 而且佢 ...

做女人一定要好好裝備自己, 就算冇左男友/老公, 都唔可以令到自己好似世界末日咁. 加油!!

私人傳訊

zoekwok1007

大宅

積分: 1910

6^#

發表於 15-8-31 16:38 |只看該作者

你個CASE同我好似,我好明白你感受.不過有時你都要主動提下有D咩租盤底OR政府又出左D咩房屋政策去申請咁...D男人你唔PUSH佢佢就咩都唔做

私人傳訊

tansyneko

琥珀宮

積分: 152982

7^#

發表於 15-9-1 15:18 |只看該作者

係咪無彈藥搬？

私人傳訊

tiffcando

別墅

積分: 621

8^#

發表於 15-9-10 23:49 |只看該作者

回覆：grapes_christy 的帖子

我同你差唔多，最近終於搬左出黎了，我之前同6299住左5年到，又係好想搬出黎，你果種心情我明白到極。到最終比我揾到間平屋租(突然見到，當日約睇加即時比訂，勁開心)，而家間屋雖然細細地，但一家人有個地方，仔仔又有自己小天地，我真係好開心，雖然開支大左，又多野做左。但人就開心好多。唯有慳少少張就下。你都試下推下個男人，我都冇諗住咁就租左。希望你都成功啦!! 加油

私人傳訊

1984121

大宅

積分: 1651

BK Milk勳章

9^#

發表於 15-9-11 09:50 |只看該作者

回覆：給我老公的信

你封信講左我的心聲

私人傳訊

小汀汀

別墅

積分: 579

10^#

發表於 15-9-11 15:25 |只看該作者

回覆：給我老公的信

同奶奶住既心聲～

私人傳訊

ac321

侯爵府

積分: 24705

好媽媽勳章

11^#

發表於 15-9-11 18:58 |只看該作者

引用：由2008年到而家，由拍拖結婚到生仔，到呢一

原帖由 grapes_christy 於 15-08-31 發表
由2008年到而家，由拍拖結婚到生仔，到呢一刻，我仍然睇唔到將來，咁耐以黎，我由期望變到而家基本上無得期 ...

你講既野，我全部都擁有。
但，我好想要個好99(好似你既99）！

我结婚就同老公兩個住，餐餐係街外食！
當我大肚時，吾知點解好想食屋企饭。
於是，我提早幾日打電話比99,話會多D 返去食饭(平日一個月去一次，但就keep住每星期都請6299飲茶）。
同一個月，先去到第二次上9 9 到食饭，99 就同老公當住大家面吵大鑊！
9 9：你地吾係諗住以後上黎痴我呀？
老公：痴你 D 乜呀？你呢層樓(99名）係我供緊架！我另外重個個月有比你5 K零用。
99 ：果5K你都識话係比我既零用，即係我既私己。你地依家上黎食 D餸，係我用自己私己錢買架！所以，你地依家係上黎食緊我既！
老公即刻拖我走，之後一年無去99 到食饭。