論盡家傭今日: 0|主題: 134007

收藏本版

發帖

返回列表

跳至頁

查看: 742 | 回覆: 5

分享我的新工人 [複製鏈接]

wendy_ho

子爵府

積分: 11765

好媽媽勳章

1^#

發表於 15-8-20 14:58 |只看該作者 |倒序瀏覽 |打印

本帖最後由 wendy_ho 於 15-8-20 15:01 編輯

首先, 講明唔好問我AGENT名, 因為請工人係睇彩數

話說,我舊工人大肚,迫住要請新工人,在AGENT那裡,睇中一個5尺4, 24歲, SINGLE 但有一個3歲女及一對2歲TWINS BOY的菲傭

第一日到埗,叫佢坐巴士到總站落車,我去接佢(因為舊工人已走,我要湊小朋友,去唔到AGENT度接,點知,接唔到,因為佢自己問巴士司機,司機老點佢前一個站落,我要行前一個站搵佢,浪費咗我一個鐘.同埋發現佢無5尺4,得5尺1 (oh no, 我同老公都得5尺3,諗住請個高既,可以幫到手,點知....)

因我舊工人在房食野,我成間屋都有蟑螂,所以,我已經第一時間同佢講,唔可以在工人房食野,唔可以鎖門瞓覺,幾日後半夜,我去佢房拎床單換,發現佢鎖咗門,然後,仲發現地下有餅乾及台面有包裝紙,仲有蟑螂在櫃面行, oh no......(後來,佢知我好嬲,佢就SAY SORRY,話以後都唔會再在房食野,之後仲將佢自己買既野食,放在廚房)

我同佢講,我唔識煮飯,叫佢自己諗煮咩,同埋睇COOKING BOOK學,好啦,佢堅持話唔識, 我就唯有自己買一次送,教佢我僅如識煮既野啦,比佢問返我「太太,你又話唔識煮飯既?」吹脹(SO FAR, 佢而家可以自己煮到,味道都幾好, thanks God!)

工人初初無同小朋友玩,只係碌木咁企响度睇住小朋友,我有一日終於忍唔住,問佢: 你唔喜歡小朋友咩?點解唔同佢地玩,又唔跟住佢地,萬一跌親,點算? (我一心以為,佢自己有3個B,應該知道點湊,但見到佢咁,真係有D驚, 好彩, 嗰次之後,佢就自動同我仔女玩,我個女好喜歡佢, 幾日後,佢同我解釋,因為我仔女同佢仔女一樣大,所以,佢見到我小朋友,唔係唔想同佢地玩,而係佢自己HOME SICK)

我返咗工,打電話比佢,叫佢SWITCH OFF THE LIGHT, 佢YES完後,我在CAM再睇,仲係無OFF! (最後,我終於知道,原來,佢英文係有限公司)

其實,個工人都算勤力,早過我起身做家務,又煮到飯,又算有禮貌,又唔黑面,已經好好,其他野,要D時間教同埋溝通,希望各位未請到工人既媽媽,都可以遇到幫到手既好工人