吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公成日話我好斤斤計較. 好唔開心, 借個地方呻下 ...

夫婦情感今日: 8|主題: 42696

收藏本版

發帖

返回列表

跳至頁

查看: 3014 | 回覆: 17

老公成日話我好斤斤計較. 好唔開心, 借個地方呻下 [複製鏈接]

AnnAnn

別墅

積分: 544

1^#

發表於 04-6-7 14:24 |只看該作者

老公成日話我好斤斤計較. 好唔開心, 借個地方呻下

我老公成日話我太斤斤計較, 攪到我好唔開心, 雖然, 我自己都知道自己好計較, 但係成日見到我老爺奶奶佢地好偏心老公的細佬同細妹, 我就會好唔開心, 都唔知點解?

昨日我老公的細佬結婚, 我發覺了老爺同奶奶送俾新娘的頸飾貴過我同老公結婚個時, 咁我話俾老公聽, 佢就話我點解要咁計較, 朝早入門的時候, 我仲勞氣, 見到新郎同新娘俾茶我老爺奶奶都無"櫃", 咁我就真的好唔高興, 我自己結婚的時候, 唔單只要"櫃"老爺奶奶, 連老公所有輩份高過我老公的都要"櫃", 點解咁唔公平, 話無cusion, 自己又唔準備, 但係在大廳都有好多啦, 點會唔可以"櫃", 我老爺已經有老人病, 要佢坐係度伸高手收茶, 我都覺得好好笑, 後來老公講開先至同我講, 話佢細妹結婚的時候都無"櫃" (佢細妹結婚早過我地), 我就仲勞氣, 個個都唔駛"櫃", 係我要@@, 咁即係明蝦我. 同老公講, 佢又話我斤斤計較, 唔好咁小氣, 要大方d, 但係我覺得好唔開心, 我阿爸阿媽都唔駛我"櫃"地, 而家要我去"櫃"佢地, 真的好開心@@

私人傳訊

yukkie

男爵府

積分: 7827

2^#

發表於 04-6-7 15:18 |只看該作者

Re: 老公成日話我好斤斤計較. 好唔開心, 借個地方呻下

Ann,

其實你老公都講我岩﹐我老爺奶奶都係好偏心架﹐有什麼好都比我叔仔同姑仔﹐我都問我老公佢知唔知佢老豆亞媽好偏心﹐我老公自己都知﹐而且我老爺奶奶重係要同我地一齊住﹐好多野都係我老公比﹐除了錢重要時間﹐但係只要自己老公對自己好﹐佢自己覺得無問題﹐我地都唔好意思出聲 :-(

Nijnje

私人傳訊

CMMANDY

珍珠宮

積分: 30133

母親節2025勳章 2025勳章蛇年勳章牛年勳章

3^#

發表於 04-6-7 16:21 |只看該作者

Re: 老公成日話我好斤斤計較. 好唔開心, 借個地方呻下

AnnAnn,

傻妹來的, 都已經過了去啦!!我又唔覺得櫃地奉茶有什麼問題, 妳媽媽好家教, 櫃地奉茶俾長輩, 係禮貌來家, 結婚係人生大事, 櫃地奉茶俾長輩好應該的, 可況妳老公係大仔呢?? 可能因為今次, 在親戚的眼中, 妳更有面啊!!

始終都係大嫂識大禮呢??至於金器的大小, 妳結婚時, 金價可能貴d呢?? 而且時代唔同左, 妳老爺奶奶的銀行儲蓄, 可能亦鬆動好多呢?? 唔好為d小事唔開心啦!! 妳老爺奶奶疼細個兩個, 都無辦法架, 10隻手指有長短, 妳疼妳老公就夠啦!!

私人傳訊

mingb

大宅

積分: 1093

4^#

發表於 04-6-7 16:39 |只看該作者

Re: 老公成日話我好斤斤計較. 好唔開心, 借個地方呻下

我家有四姊弟, 四個人由細都大, 一定有人得到多, 有人得到少, 但任何時候, 我地都唔會去計較, 因為我地覺得, 阿爸阿媽錫家姐, 細佬, 我地應該開心先係, 從來冇諗過點解佢有我冇, 家姐錫細佬妹是正常的事, 而細佬唔去同家姐計較會當是一種回敬, 因為平時佢地都咁錫我, 點解要同佢地計, 而呢樣野, 以前係外人既老婆, 係唔會門白.

我老婆, 佢就係一個計較既人, 會問點解佢有我冇, 又唔諗下有時佢有人地冇, 佢成日咁斤斤計較, 我就真係好唔開心, 真係要借個地方呻下, 兄弟姊妹都係自己人, 點解要計得咁清楚, 我問過佢, 如果妳有一仔一女, 咁點!? 好難兩個俾既野都係一樣, 就一個學琴, 一個學游水, 兩個唔同價錢, 都會一多一少, 唔同仔女又同你咋型!?

我始終覺得, 應該為兄弟姊妹所得到而開心, 不應該為自己得不到而不快!

我個仔好得意架

私人傳訊

學姬公主

子爵府

積分: 11157

5^#

發表於 04-6-7 19:46 |只看該作者

Re: 老公成日話我好斤斤計較. 好唔開心, 借個地方呻下

男人最唔鍾意自己既女人斤斤計較，你老公甘話你都係正常既，使唔使跪係度斟茶都唔係ｄ咩大不了既事，跪一跪係度你又唔會少左忽肉既............
至於d首飾邊個貴d既問題，我又覺得老人家去買野個時可能只係見到邊款佢地覺得靚就買，無咩唸平貴問題！會唔會係你唸多左呀？

私人傳訊

AnnAnn

別墅

積分: 544

6^#

發表於 04-6-8 08:52 |只看該作者

Re: 老公成日話我好斤斤計較. 好唔開心, 借個地方呻下

學姬公主,
其實跪唔跪我並唔在意, 只係覺得點解人人唔駛做, 而我要做, 如果人人都係咁做, 我覺得我應該要做, 但係人人都唔駛做, 但係偏偏就要我做, 咁我就覺得有d 唔妥.
至於係話錢的問題, 其實並非只係個件首飾問題, 而係個件事的態度, 我老公個細佬係佢個仔, 我老公夠係佢個仔, 點解偏心可以偏到咁出面.
(其實有太多偏心的例子, 實在不能盡錄, 我都無謂講啦@@)
不過我都唔理得咁多啦, 最緊要係我老公聽我講. 同疼我^^

私人傳訊

birdbird

水晶宮

積分: 61335

7^#

發表於 04-6-8 09:38 |只看該作者

Re: 老公成日話我好斤斤計較. 好唔開心, 借個地方呻下

AnnAnn,

唔好咁唔開心la!

結婚D金器, 都係得個’擺’字, 又係留番比自己d仔女結婚用, 多同少都冇相干la. 跪地’針’茶, 唔跪都跪o左lu, 算la,　可能個叔仔仲會同佢老婆講, 要學大嫂咁, 咁識大體, 比面個老公同男家添.

老爺奶奶偏心, 應該由來已久, 你老公都習已為常, 佢唔介意, 你都唔好介意la. 作為大’心抱’ , 係辛苦d架la. 日久見人心, 你對老爺奶奶好, 你老公同佢地都會知.

私人傳訊

ronleung

大宅

積分: 3720

8^#

發表於 04-6-8 11:03 |只看該作者

Re: 老公成日話我好斤斤計較. 好唔開心, 借個地方呻下

ANNANN,
有兩個好衰的講法, 1)或者佢地係奉子成婚的唔柜得呢? 2)女家無咩家教教女所以咪唔識禮囉! 如果你係個識做的老人家, 你都唔會選個D日子來擺架子要人柜啦, 但其實老人家好想人尊重同好要面, 我覺得做新抱唔係做一日半日, 係日久見人心的, 你係大新抱當年又比足面佢地, 佢地個心會記得的.

私人傳訊

學姬公主

子爵府

積分: 11157

9^#

發表於 04-6-8 18:23 |只看該作者

Re: 老公成日話我好斤斤計較. 好唔開心, 借個地方呻下

個個唔跪係度斟茶而你有做，咪可以令人覺得你識尊重長輩囉，好事黎既！
首飾既野，價值都唔係甘重要丫，有紀念性咪得囉，反正你又唔會拎去賣！
再唸咪盞自己唔開心！

私人傳訊

hinhei

男爵府

積分: 9835

10^#

發表於 04-6-8 23:21 |只看該作者

Re: 老公成日話我好斤斤計較. 好唔開心, 借個地方呻下

其實真係好小事姐,真係唔應該計!
跪地斟茶呢啲,又唔會痛,點解咁都要比較呢!可能你老爺奶奶便諗,得我大仔個老婆識做跪地斟茶咋!其他個啲都唔識大體等~~~~

致於金器,人哋送比你乜嘢就乜嘢啦!無理由要人去計住幾重幾重呀!

語氣重咗啲!但係我覺得你真係幾斤斤計較囉!日子流流長,你咁計法唔開心個個又係自己!
放開啲啦!