自由報料今日: 23|主題: 297304

收藏本版

發帖

返回列表

跳至頁

查看: 3243 | 回覆: 2

請問有無婚禮司儀犒詞,多謝幫忙 [複製鏈接]

twsf

禁止訪問

積分: 7786

1^#

發表於 08-11-13 15:29 |只看該作者 |倒序瀏覽 |打印

提示: 作者被禁止或刪除內容自動屏蔽

0 0 0

私人傳訊

crystal媽咪

寶石宮

積分: 342341

2025中秋節勳章 2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

2^#

發表於 08-11-13 18:16 |只看該作者

司儀稿#1
各位先生, 女士你地好！
好多謝你地蒞臨 XXX 先生和 XXX 小姐的婚宴。
首先, 我嚟自我介紹, 我係 XX 、我隔離既係XX，我地將會係今日既司儀,
如果有什麼講錯, 請多多包涵！

男: xx, 我等左今日等左好耐啦！
女: 點解呀？
男: 妳知唔知道XX 同XX佢地認識左幾耐呀?
女: 唔清楚啊！我只知道佢地由XX時已經認識。
男: 係啊! 雖然我地都好年輕，但係佢地已經拍左XX年拖。
女: 嘩！好厲害啊！
男: 我相信大家都唔想聽我地講咁耐，我地不如叫今日既主角出場啦！
女: 好呀！請大家熱烈拍掌有請X生 X太進場 … …

**通常入場後都是切蛋糕**
女: 現在有請新郎新娘切蛋糕。
男: 唔該晒！
女: 輪到合巹交杯時間。
男: 有請新郎新娘同大家講幾句說話 … …
女: 唔該晒！
男: 我地代表所有來賓恭喜兩位。
女: 恭喜晒！
男: 最後，酒微菜薄，請大家不要介意，今日大家開心D。

司儀稿#2
開場白
男：各位先生，女士你地好！好多謝你地蒞臨（新郎姓名）先生和（新娘姓名）小姐的婚宴。
首先，自我介紹，我係（男司儀暱稱 / 英文名）
女：我係（女司儀暱稱 / 英文名），我地會係今日既司儀，如果我地有什麼講錯，請大家
多多包涵！
進場（無影碟播放版本）
男：係呢，阿(女司儀暱稱 / 英文名)我地等左今日等左好耐啦！
女：點解咁講呢？
男：妳知唔知道(新郎暱稱 / 英文名)同(新娘暱稱 / 英文名)佢地認識左幾耐呀?
女：唔清楚啊！我只知道佢地係(新郎新娘第一次相識的地方)已經認識。
男：係啊！雖然我地兩個都好年輕，但係佢地已經拍左拖成X年（請向新人查詢正確年份）。
女：嘩！好厲害啊！
男：我相信大家都唔想聽我地講咁耐，我地不如叫今日既主角出場啦！
女：好呀！請大家以熱烈掌聲有請（新郎暱稱 / 英文名）同（新娘暱稱 / 英文名）
進場……（音樂起）（新人路過地方可以拋紙碎或開小花砲）

進場（有影碟播放版本）
男：係呢，阿(女司儀暱稱 / 英文名)我地等左今日等左好耐啦！
女：點解咁講呢？
男：妳知唔知道(新郎暱稱 / 英文名)同(新娘暱稱 / 英文名)佢地認識左幾耐呀?
女：唔清楚啊！我只知道佢地係（新郎新娘第一次相識的地方）已經認識。
男：係啊！雖然我地兩個都好年輕，但係佢地已經拍左拖成X年（請向新人查詢正確年份）。
女：嘩！好厲害啊！
男：不如咁呢，我地先睇吓我地今日兩位主角的戀愛故事先，唔該去片！（兄弟播碟）
(影碟播放完畢）
女：嘩！好溫馨，好幸福呀，搞到我都想即刻結婚，阿（男司儀暱稱 / 英文名）你會唔會
娶我呀？
(如果司儀兩人是情侶的話，女的可以加點肉緊，以增加氣氛)
男：啦啦啦！唔好呢個時候玩啦，今日你唔係主角呀，我相信大家都唔想再睇碟啦，不如我地
請佢地兩位新人出場啦！
女：好呀！請大家以熱烈掌聲有請（新郎暱稱 / 英文名）同（新娘暱稱 / 英文名）（音樂起）
(新人路過地方可以拋紙碎或開小花砲）

切蛋糕（無酒樓公關負責版本）
女：現在有請新郎新娘切蛋糕
男：唔該晒！
女：輪到合巹交杯時間

男：我地代表所有來賓恭喜兩位。
女：恭喜晒！
男：最後酒微菜薄，請大家不要介意，今日大家玩得開心D。

切蛋糕（有酒樓公關負責版本）
公關：（上刪三百字）, XX酒樓現送出結婚蛋糕一座，有請一對新人切蛋糕…….祝一對新人
百年好合，永結同心……(長篇大論，下刪三百字)(音樂起)
女：輪到合巹交杯時間
男：有請新郎新娘同大家講幾句說話……（新人講話）
女：唔該晒！
男：我地代表所有來賓恭喜兩位。
女：恭喜晒！
男：最後酒微菜薄，請大家不要介意，今日大家玩得開心D。

小貼士：
‧其實誰講先講後都無什麼大問題，最重要是司儀口材好，識執生就可以
‧如有其他助興 / 遊戲節目緊接進場儀式前後的話，宜先跟酒樓 / 酒店方面聯絡，
以便取得共識，防止出現冷場 / 「Dead Air」/ 爭咪講嘢的情況出現
‧助興 / 遊戲節目內的司儀稿可根據其內容自行商討，並無任何格式或限制
‧總括來說，只要司儀懂得搞氣氛而一對新人又貪玩的人，一個開心好玩的婚宴自然會出現，

不必太過公式化，免得給人生硬的感覺，一切順其自然便好。

司儀稿#3
女：PAULINE 男：JACKY
女：各位親戚、朋友、來賓你地好！　好多謝你地今日蒞臨林XX先生同何XX小姐既婚宴。
首先，等我自我介紹，我係　PAULINE　
男：我係 JACKY，我地會o係今日既司儀，如果我地有什麼講錯，請大家多多包涵！

男：係呢，PAULINE，我地等左今日已經等左好耐啦！
女：係呀！　THOMAS 同 EMILY佢地已經拍左四年幾拖。
男：我地準備咗佢地兩位由童年到而家一齊既片段，請大家欣賞，唔該去片！

（播碟）（影碟播放完畢）
男：我地睇完咁溫馨既片段，而家有請今日既主角出場.......
女：請大家用非常既熱烈掌聲歡迎THOMAS 同 EMILY進場！

（音樂起）（新人出場）

女：現在有請新郎新娘切蛋糕。（新人切蛋糕）
男：唔該晒！
女：輪到合巹交杯時間。（新人合巹交杯）
男：有請新郎新娘同大家講幾句說話 … …

（新人發言）
女：唔該晒！
男：我地代表所有來賓恭喜兩位。
女：恭喜晒！（拍手）
男：最後, 酒微菜薄, 請大家唔好介意，今日大家飲多杯，玩得開心D。
女：多謝大家！

（起菜）

[ 本文章最後由 crystal媽咪於 08-11-13 18:19 編輯 ]