吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 你地選私家醫生定陪月?

懷孕前後今日: 1|主題: 330443

收藏本版

發帖

返回列表

跳至頁

查看: 2504 | 回覆: 38

你地選私家醫生定陪月? [複製鏈接]

zxzx

伯爵府

積分: 17352

1^#

發表於 08-7-4 17:02 |只看該作者 |倒序瀏覽 |打印

如果你地有一筆有限錢 (4-5萬以內), 你地寧願入私家醫院比私家醫生接生, 定入政府生不過請好陪月?

既是選產前/產時安心 (兩條人命喎) 定產後舒服呀 (因為坐月都緊要)?

第一胎又冇人幫手, 本身身體唔係好好. 請見議.

[ 本文章最後由 zxzx 於 08-7-4 17:04 編輯 ]

0 0 0

私人傳訊

V.G

別墅

積分: 757

2^#

發表於 08-7-4 17:15 |只看該作者

兩樣都選

既然無人幫手, 又身體唔好, 呢D錢唔慳得,搵個唔太貴既醫生同醫院同陪月,5萬元就算唔夠都係差DD者, 我自己經驗係好彩選左私家同陪月,因為真係高齡產婦身體又差兼且無人幫,如果唔係私家醫生同有個好陪月幫我,我會好慘！

私人傳訊

QQP

別墅

積分: 999

3^#

發表於 08-7-4 17:46 |只看該作者

原文章由 zxzx 於 08-7-4 17:02 發表
如果你地有一筆有限錢 (4-5萬以內), 你地寧願入私家醫院比私家醫生接生, 定入政府生不過請好陪月?

既是選產前/產時安心 (兩條人命喎) 定產後舒服呀 (因為坐月都緊要)?

第一胎又冇人幫手, 本身身體唔係好好. 請見 ...

我唸我的情況差唔多, 我都係心大心細, 不過暫時就揀左係政府生, 但間中自己去 c+ 診所檢查, 確保 bb 冇問題, 政府生都好的, 因為佢地面對病人 case 多, 經驗夠, 只係住幾日, 幾萬蚊同幾百蚊個錢真係差好遠. lee 個值得慳.

另外, 陪月, 睇你幾時生啦, 通常你有左四至五個月就要 confirm 架o刺, 如果你剛剛bingo, 可能仲有時間可以慢慢考慮 / 慢慢揀, 揀人都講你識唔識同埋好唔好彩架, 有錢唔一定請到一個好的. 普普通通請八個小時, 一個月淨人工都 $9000 左右, 未計 d 紅牌亞姐仲要收貴到 $15,000 一個月, 仲未計利是, 同埋你該月的買餸錢, 加加埋埋, 都係幾萬蚊架. 可能你同家人講, 佢地唸唸下會自動過o黎幫你, 咁你又可以慳番一筆.

咁你又唸吓, 慳慳埋埋幾萬蚊, 其實都唔係好見洗架咋, 加上你身體唔好, 食左落肚, 補好身體最實際, 一d 好少少的補品俾自己產後補番, o個度都唔野少o架. 閒閒地買下海參, 花膠, 鹿茸, 都成萬萬聲. 但好多人食左, 又真係好好多. 真係補到自己身體.

大家一齊努力唸清楚, 錢搵得唔易, 應洗則洗!

私人傳訊

bigbighei

珍珠宮

積分: 39062

4^#

發表於 08-7-4 17:54 |只看該作者

我兩樣都有簡, 私家醫生可以自已簡邊個都得, 而私家係會一路整過過程佢都清楚晒, 信心會大d, 而生完bb有個好既倍月,坐月坐得好,日後身體都會好d架!

私人傳訊

nickmimi

大宅

積分: 1331

5^#

發表於 08-7-4 17:59 |只看該作者

原文章由 QQP 於 08-7-4 17:46 發表

我唸我的情況差唔多, 我都係心大心細, 不過暫時就揀左係政府生, 但間中自己去 c+ 診所檢查, 確保 bb 冇問題, 政府生都好的, 因為佢地面對病人 case 多, 經驗夠, 只係住幾日, 幾萬蚊同幾百蚊個錢真係差好遠. lee ...

同意

私人傳訊

zxzx

伯爵府

積分: 17352

6^#

發表於 08-7-4 18:05 |只看該作者

Because if public hospital, I'll choose QM as I live nearby. That's why 我係心大心細 law.

Also my health is not good, so I choose public hospital (QM) then don't need to worry about emergency, provided that the doctors are good.

If I choose private hospital, just 安心 d because of the doctor that I choose. I don't need good services like hotel because just for few days, but I need experienced doctors & good facilities if sth happens.

私人傳訊

QRB

大宅

積分: 1730

7^#

發表於 08-7-4 18:12 |只看該作者

我係第一胎, 我自己就會去私家醫院, 因為有個醫生一路follow-up住好似好啲... 安心啲....
至於陪月, 因為我唔想屋企人辛苦兼且又唔係真係好識點樣take care new mom, 所以已經搵咗陪月幫手... 我估我自己生完bb唔會想要煩呢樣果樣, 剩係想休息同盡快recover...
不過始終要睇吓你個budget係點...

原文章由 zxzx 於 08-7-4 18:05 發表
Because if public hospital, I'll choose QM as I live nearby. That's why 我係心大心細 law.

Also my health is not good, so I choose public hospital (QM) then don't need to worry about emerg ...

私人傳訊

QQP

別墅

積分: 999

8^#

發表於 08-7-4 18:57 |只看該作者

原文章由 zxzx 於 08-7-4 18:05 發表
Because if public hospital, I'll choose QM as I live nearby. That's why 我係心大心細 law.

Also my health is not good, so I choose public hospital (QM) then don't need to worry about emerg ...

如果你真係只有四至五萬蚊budget, 我就真係唔建議你去私家, 四萬蚊左右, 都只係一個普通順利的順產價錢, 萬一你有咩事唔順暢要立即開刀, 五萬蚊都未必落到樓, 仲有bb 好多好普遍有黃要返醫院照燈, 我聽朋友講, c+ 要照就成千幾蚊一日. 但以上種種, 係公立醫院, 都有完善的設備, 收費仍然只係幾百蚊至千幾蚊咁上下.

條數唔係普通生個仔順順利利咁簡單架, 有限的 budget 真係要想清楚, 日後bb 出世仲有好多其他濕粹錢要洗, 加埋都唔係一個細數目架. 好好考慮吓.

我都係第一胎, 我 budget 都唔多, 我住的地方都近瑪加烈, 但我就揀左東區, 因為見好多朋友生過, 都好好, 希望到時都可以夠時間去醫院啦.

加油呀!

私人傳訊

doubletone

複式洋房

積分: 202

9^#

發表於 08-7-5 10:50 |只看該作者

原文章由 zxzx 於 08-7-4 17:02 發表
如果你地有一筆有限錢 (4-5萬以內), 你地寧願入私家醫院比私家醫生接生, 定入政府生不過請好陪月?

既是選產前/產時安心 (兩條人命喎) 定產後舒服呀 (因為坐月都緊要)?

第一胎又冇人幫手, 本身身體唔係好好. 請見 ...

我都係第一胎, 我都正抉擇緊去私家定政府, 因為我選擇順產, 順產的話, 其實生的時候最主要自己, 不關醫生及醫院事的, 而且就算生完後, 都係住醫院三、四天, 我又不需要任何很好的服務, 醫院地方有邊個想住耐啲呢? 所以服務對我來說並不重要, 所以我決定去廣華醫院生。將省下來的錢請陪月, 買補品及留待日後BB的用。

私人傳訊

ioi

伯爵府

積分: 16554

10^#

發表於 08-7-5 11:51 |只看該作者

俾我我寧願留番D錢請陪月和買補品. 因為我就係上次坐月時捱更抵夜湊BB, 無定時開飯, 又入左風, 食唔落野, 傷口唔好彩受細菌感染, 要食抗生素, 搞到我身體好虛弱, 睡覺時盜汗, 結果又要花錢睇中醫, 但當時只係叫做醫番好, 實際上身體比未生之前差左好多, 宜家經常有病痛, 俾風吹下都病, 睇醫生D錢都花唔少. 我5呎5吋高, 以前有10X磅, 都已經算瘦, 宜家得94磅.

宜家我陀第二胎, 先知有幾大鑊. 啱啱有左就病左兩次, 仲要食抗生素, 搞到起唔到身, 條腰無晒力, 又盜汗, 頭暈, 請左病假七個星期, 好彩我份工有咁多病假. 宜家要繼續睇中醫調理和安胎.

仲有, 補身係要趁後生時補, 第時老左有錢補身都唔吸收, 坐月就係最好的補身時候, 你原本身子差, 如果坐月坐得好, 都可以改變的. 身體好係一世都受用, 所以搵人幫手和買補品的錢唔慳得!

我在私家生的, 但其實我多數朋友都係在政府生, 都無任何問題, 佢地當中有D係財政較緊張的, 但有D係俾得起錢的, 不過佢地覺得無必要花錢在私家醫院生, 而且萬一有咩意外, 私家醫院D費用可以變成好貴, 例如假日用手術室, 要使用特別儀器, 要輸血等等, 樣樣都另計. 如果你的預算只係剛剛好, 就唔係咁好囉. 只但係如果自己俾得起, 有多餘錢, 就當然想樣樣好D啦, 但財政唔許可的話, 我梗係為自己身體健康著想仲好.

[ 本文章最後由 ioi 於 08-7-5 13:34 編輯 ]

私人傳訊

zxzx

伯爵府

積分: 17352

11^#

發表於 08-7-5 15:01 |只看該作者

多謝你地既建議, 感動-ing !

老實講, 如果住私家同陪月都要, 我諗我要揾平果d私家醫院 (除非唔請陪月, 咁就可以揾間好d既私家醫院).

你地講得arm, 補身同有人幫好重要. 多口問句, 其實請中點 / bun bun 可唔可以代替陪月呢? 我係超級弱底, 一路睇開中医, 生完都会睇中医保身, 咁有中医照住, 屋企有自動'鄧'盅, 我老公 (會請一个月假) 自己識照顧自己, cook, wash clothes ok ~~ 係唔識照顧bb law

所以屋企請果個人最重要只須照顧bb (&煲野比我吃, 打掃下 if possible) 就可. Um ... 或者考慮請晚間陪月, 等我地有覺好訓.

其實生完係咪真係冇覺訓架?

私人傳訊

happymanman

大宅

積分: 4588

12^#

發表於 08-7-5 15:11 |只看該作者

原文章由 doubletone 於 08-7-5 10:50 發表

我都係第一胎, 我都正抉擇緊去私家定政府, 因為我選擇順產, 順產的話, 其實生的時候最主要自己, 不關醫生及醫院事的, 而且就算生完後, 都係住醫院三、四天, 我又不需要任何很好的服務, 醫院地方有邊個想住耐啲呢? ...

我都意見同你一樣呀.. 我都係政府生, 不過我99+媽咪都過來幫我坐月, 我有請一個印印因為第日佢幫我照顧bb所以坐月都唔洗請陪月.

zxzx,

不過請晚間的陪月我好少聽的,你要快d找啦..

私人傳訊

pipip929

子爵府

積分: 10770

好媽媽勳章

13^#

發表於 08-7-5 15:18 |只看該作者

如果你錢有限我會留D錢補身囉.
陪月, 如果你99/MAMI OK. 叫佢地幫下手囉.
請個平陪月, 10,000左右, 幫輕下家務, 煮下野你食. 仲有3-4萬. 要黎買補品啦.

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

14^#

發表於 08-7-5 17:44 |只看該作者

梗係陪月啦

產前/產時係兩條人命, 產後都係兩條人命!! 請左個衰陪月的話, 整親bb 點算?! 不過你有冇家人可以幫手? 起碼信得過丫麻.

你身體唔好, 基本上唔駛諗, 去政府順產生啦, 有咩突然事佢地真正幫到你. 順產係復元得快好多, 如果你陀 bb 時有咩問題, 政府醫院會要你開刀.

我好慶幸自己唔理反對揀去政府生, 錢唔係問題, 我冇命唔緊要, 我要既係bb 安全囉. 我身體好, 但出世時bb 響生果陣惹到菌有肺炎, 兩個人住個幾星期醫院, $1500. 呢 d 突然事真係預計唔到. 雖然醫院要我自己照顧bb, 我係學左好多野至返屋企, 有唔明即時問姑娘即時答.

去私家係無事無幹開刀就好, 你仲要留筆錢以防有突發事件發生, 如果touchwood 有大問題, 你預左私生醫院會 send 番你/bb 去政府醫院. 如果你或bb 有問題的話, 一定要去政府生.

[ 本文章最後由 bosch 於 08-7-5 18:00 編輯 ]

私人傳訊

lyannwong

大宅

積分: 1303

BK Milk勳章

15^#

發表於 08-7-5 18:27 |只看該作者

回覆 #1 zxzx 的文章

如果budget有限，我都會選擇政府生，因為bb出世後有機會用好多錢，而係私家醫院，每用一樣嘢都要收錢，寧願留番D錢比自己補身及請個好陪月幫自己湊bb,等自己有足夠時間休息及養番好身子！我今次生第二胎，我兩個都係係政府生，其實而家政府改善咗好多，唔係想像中咁差，我呢次因為有妊娠糖尿，未生已進出醫院4次，每次住3天，我對病房內各方包括醫生、護士、嬸嬸及環境都好滿意，所以我覺得自己沒有選擇錯誤。

私人傳訊

doubletone

複式洋房

積分: 202

16^#

發表於 08-7-5 18:34 |只看該作者

原文章由 happymanman 於 08-7-5 15:11 發表

我都意見同你一樣呀.. 我都係政府生, 不過我99+媽咪都過來幫我坐月, 我有請一個印印因為第日佢幫我照顧bb所以坐月都唔洗請陪月.

zxzx,

不過請晚間的陪月我好少聽的,你要快d找啦.. ...

因為99不在, 而媽媽又要照顧家中的爸爸及妹妹, 所以一定要請陪月照顧自己呢!

私人傳訊

ioi

伯爵府

積分: 16554

17^#

發表於 08-7-5 19:25 |只看該作者

原文章由 zxzx 於 08-7-5 15:01 發表
所以屋企請果個人最重要只須照顧bb (&煲野比我吃, 打掃下 if possible) 就可. Um ... 或者考慮請晚間陪月, 等我地有覺好訓.

其實生完係咪真係冇覺訓架? ...

初生bb通常要4個鐘食一食奶, 食食下又會瞓著左, 要餵好耐先餵到一餐... 食完又要掃風, 可能掃好耐先掃到, 就算掃到都要抱多佢一陣先放低, 因為驚佢嘔奶... 有時bb食食下或者掃風時已經嘔, 又要幫佢換衫清潔... bb又要食夜奶, 通常夜晚個大人都無覺好瞓 (我聽過最乖的case, bb都要十幾日大先可以由凌晨十二點開始一覺瞓到第二朝六點... 我個仔的case係幾個月大開始唔食夜奶, 但瞓得唔好, 晚晚喊, 一係就半夜醒左唔肯瞓, 要(乙水)成一兩個鐘, 直至兩歲)... 另外初生bb一日有幾次poo, 成日要換片清潔pat pat... 所以, 當你搞好晒bb的事, 自己再做埋少少清潔等等的功夫後, 休息一會, bb又醒, 又要處理bb的事. 超忙!

請左陪月, 起碼日間bb的事全權由佢負責, 洗bb衫和奶樽, 兼且煮野食俾你, 幫你煲薑水... 不過我請的陪月係唔包做其他家務的, 好似好多陪月都係咁, 家務可以留番俾你老公做. 但起碼你可以趁住日間臥床休息(生完之後臥床好重要)和睡覺, 留番d精神夜晚湊bb, 夜晚即使bb扭計, 你同老公可以輪更湊.

至於請過夜的陪月, 我諗未必咁易搵.

不過陪月都唔係個個好, 請著個唔好的又係激死. 要睇你好唔好彩, 或者有人介紹用過好的陪月就最好啦.