心聲留言

收藏本版
發帖
返回列表
跳至頁

首頁
1

尾頁
   0
Mandy333


民房

積分: 4


1#
發表於 04-7-1 18:10 |只看該作者

奶奶遺下的問題!家變都會!

奶奶在年頭突然去左,我和老公在奶奶的遺物中,發現去年老爺借了二百幾萬比三女去全數付清三女住緊的樓,然後每個月還萬三蚊比老爺,要還18年,一直都無人知,我地倆公婆知道後都無對人講,之後老爺怕佢地唔還錢,所以講左比我地知,話借的原因是個女老公當時失業,奶奶話個女好可憐,所以幫佢地(熟)樓,重話奶奶同佢地寫左借據,但借據我們找不到,老爺找不到借據就好驚佢地唔還錢,因為攪遺產的律師話如果人死後的借出的錢,六年後就冇得追,即是佢地可以還六年就不用還.其實我老爺都78歲,還18年,真是要長命百歲.
我倆公婆是同老爺奶奶一齊往, 我老公是大仔,老爺是長期病患者,不可以受剌激,但皮氣好大,可以講是財大氣粗,好喜歡挑是非,時時打電話比D仔女,講其他仔女的壞話(作野）,信佢一成都死.,時時人鬧,最難聽的粗口和說話都講得出,但老爺對錢好清醒,好緊張,現在奶奶走左,照顧佢責任在我倆公婆我身上,我地都知好應該,但佢時時都話自已大把錢,話鐘意趕我地走就走,真是好受氣,但我倆老公只好啞忍,.因為佢真是要人照顧,管住頭家,連工人都話如果我倆公婆走左,佢一定唔做,但老爺話請夠十個工人照顧佢, 好激氣!
而我姑仔同佢老公都好要面,一向都是高收入,全身名牌,因為比我地知道佢地借錢的事,就覺得好冇面,口黑面黑,最衰是老爺又攪事, 姑仔重叫老爺小心唔好比人吞左Ｄ錢,比我老公聽到,攪到同姑仔鬧交,最近又要攪奶奶的遺產,又好激氣, ,律師話最好老爺再同佢地立借據,但如果一提出佢地會立刻反面唔還,律師話可以立安全紙,如果佢地唔還就冇得分家產,但老爺一定唔會立,因為怕人分左佢D錢.
我老公好激氣,佢個妹不合作攪奶奶的遺產,佢個妹的態度是”吹呀!又唔係問你借!”
點解佢地唔覺得我地倆公婆要照顧老爺巳經心身疲倦?點解佢地借人錢都唔感恩?點解佢地唔覺得佢地的態度是太過份? 點解一家人要"門"來"門"去?
其實我地倆個都好忍,一直無同其它人講佢地的事,只是老爺自已講比四女知,四女重以為老豆又亂講,問我地時,我地先講.現在二女都未知,律師話個個都是遺產受益人,個個都有權知.我老公講如果反面,就要計清楚,一定要還清,我叫佢唔好衝動,問下二妹四妹的意見,因為如果連老爺都走左,遺產是四個平均分,三女唔洗還債(因為借據是奶奶同佢地的,而且現在連借據都未見過),又有得分家產.雖然現在佢地都有還錢比老爺,因為怕老爺發癲要佢地一次清,我老爺都78歲,還18年,真是要長命百歲.我地好相信如果老爺死左,佢地一定唔再還錢.好唔開心! 我好怕佢地鬧交,但我知好難免,一定有一次, 如果你是我地,你會怎樣做?希望大家比Ｄ意見.
私人傳訊

yukkie


男爵府

積分: 7827


2#
發表於 04-7-1 18:47 |只看該作者

Re: 奶奶遺下的問題!家變都會!

我同你的情況都幾似﹐但我老爺就應該無你老爺甘多﹐而我老公又唔係大仔﹐又多兄弟姐妹﹐分都分得唔多。其他人從來都唔會知你付出幾多﹐但只會話你算你老爺錢 :-x好似我老爺甘﹐有幾多錢大家心
Nijnje
私人傳訊

shaiko


禁止訪問

積分: 478


3#
發表於 04-7-1 19:00 |只看該作者

Re: 奶奶遺下的問題!家變都會!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

Mandy333


民房

積分: 4


4#
發表於 04-7-1 22:12 |只看該作者

Re: 奶奶遺下的問題!家變都會!

多謝你地的回應! 我都忍左好耐,喊左好多次.
每次見到老公激到好心痛,我就好傷心.
我好怕家中的電話響,怕有人又攪是非,其實奶奶走左,要管家,樣樣都要學,最大壓力是老爺,都唔知掂服待佢!我都喊左好多場.
我都叫老公同另外兩個妹講,唔好自巳一個激氣.
唉!總之好煩!

私人傳訊

咕怪媽媽


男爵府

積分: 7836


5#
發表於 04-7-1 22:44 |只看該作者

Re: 奶奶遺下的問題!家變都會!

其實我老公屋企都有過類似的事，當然數目冇咁大啦。
我老公當時都好唔憤氣，覺得借咗$果位佔晒便宜。
我自己就咁睇，$是老爺同奶奶的，佢地鍾意比邊個就邊個，法律都冇規定要人一定要平均分配家產架。冇立遺囑冇辦法知道先人的意向，先話要平均分唧，如果佢有遺囑，佢話比晒邊個都得架。換轉 d $係你的，你都一樣可以全權支配架。
如果你咁諗，你就唔會覺得人地攞多咗會是問題。
總之一句，人到無求品自高。
私人傳訊

Mandy333


民房

積分: 4


6#
發表於 04-7-2 08:16 |只看該作者

Re: 奶奶遺下的問題!家變都會!

咕怪媽媽 問
私人傳訊

hinhinmummy


侯爵府

積分: 21395


7#
發表於 04-7-2 10:05 |只看該作者

Re: 奶奶遺下的問題!家變都會!

我咪還慘? 老爺臨死前, 已經不識講野, 不識行, 甘二伯同佢老婆 + 姑奶成日去老人院 + 醫院探佢, 還成日話我不去看老爺, 而事實上果時我剛生院細仔, 我又要返工, 我姑奶就自已開舖, 幾時去到得, 而二伯娘就係老人住果間醫院度做, 二伯又係shift的加上無小朋友, 可以就不時走去看老爺.

但我就返朝9晚5, 放工又時放得晏, 係都係星期六抽小小時間去看老爺, 星期日工人放假又要湊仔, 邊度好似佢地甘多時間?

好啦, 到老爺死左, 先之發現(從奶奶口中無意知道), 原來當初二伯二伯娘甘好心, 成日去看老爺, 原來佢地已經將老爺的錢不聲不聲轉晒去自己的戶口到. 到攪老爺遺產時, 先發覺原來老爺的銀行戶口全部無晒錢!? 得返一層樓, 還要無人肯要的舊樓比人善後.(因為太多僭建物同埋好似籠屋甘租緊比人).

大伯緊係不放過啦, 甘又同奶奶講, 佢個女要去外國讀書, 要錢(其實大伯係公務員, 所需的費用不會多), 甘又拿左奶奶一筆.

甘我們一毫子都無拿過, 係不係好不抵? 起碼我老公係甘諗.

我反而不係甘諗, 做父母, 幸幸苦苦甘儲左筆錢, 係為養老, 比不比子女係父母的事, 如果為左拿錢而好似好考順甘就好衰格. 尤其係我二伯同二伯娘, 依家連過年都不返奶奶度食飯, 還同奶奶講要返外母度, 奶奶去佢屋企都苗咀苗成.

佢地比我, 我故然開心, 但不比我, 我都活得好開心, 因為我有對寶貝加鍚我的老公, 何必為左個錢而傷大家的感情?


身教好緊要, 如果成日係d仔女面前講呢d野, 會不會不係甘好呢?
私人傳訊

Pat


大宅

積分: 1157


8#
發表於 04-7-2 11:36 |只看該作者

Re: 奶奶遺下的問題!家變都會!

Mandy333,

你唔好再喊啦, 叫你老公都唔好勞氣啦, 傷身重唔抵啦.

呢個世界一定有o的噤自私的人架. 當年我同老公仲拍緊拖, 佢大嫂持住話會生仔, 就叫奶奶賣佐間細屋, 改買過間大屋話一齊住, 但間大屋就梗係呀大伯倆公婆的名啦. 冇幾來, 呀大嫂真係好快就生佐個"慈姑ting"添. 住唔夠3年, 奶奶一過身, 佢地就話要賣大樓, 買過間細的, 叫我老公同老爺去找政府住臨屋. 到我同老公結佐婚, 即刻問我們借"人情"(擺酒收到o個o的錢), 話呀大嫂要生第2個唻喎, 借黎傍身. 當年我老公都係好激氣, 仲成日咀咒大伯倆公婆添, 佢地貪哂奶奶辛辛苦苦找番來的錢. 呀大嫂的外家都好風光架, 開押店架.

不過, 我就開解老公, 我話 :idea: "你要咀咒佢地唔好, 假若佢地真係冇哂錢, 咪又會來找你, 你唔理大的都要理細個兩個(姪)啦. 但求佢地找到兩餐、唔使訓街咪算唻, 起碼唔使問我們借呀, 我們都冇本事借啦."

所以, 只要自己有能力, 得到的咪當 bonus 啦, 冇咪又繼續返工啦. 唔使唔抵得 ger, 我夠唔抵得六合彩頭獎比人中啦.
:mrgreen:
私人傳訊

Mandy333


民房

積分: 4


9#
發表於 04-7-2 19:31 |只看該作者

Re: 奶奶遺下的問題!家都會!

真好感激你地! 我之前唔錦對人講,只是忍忍忍!
現在講左出來,有你地的分析,個心真係鬆左好多!
我會用你地教我的方法想,和對老公分析.
講多少少比你地知,我都有小朋友七歲,佢每日都要對住一個隨時發癲,大喝大叫,講難聽說話,粗言的爺爺,你地話我的心痛唔痛?不過我個仔都慣左.仔仔喊都要入房喊.怕比佢見又鬧,我個仔好聽話雖然時時比佢無理取鬧,但都好關心爺爺,爺爺一有唔舒服,仔仔會立刻打電話比我地,我時時對仔仔講你讓下爺爺,爺爺有病. 其實我個心好痛.我時時對老公講仔仔EQ練到好高.
人地覺得我地倆公婆好好,有老豆照,但其實真是好痛苦!
我情願唔要Bonus, 平平安安就滿足!
但我知冇可能,我地一定要照顧老爺終老.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy