大仔大女媽媽會今日: 0|主題: 177860

收藏本版

發帖

返回列表

跳至頁

查看: 958 | 回覆: 3

[2008年] 經常性情緒低落 [複製鏈接]

阿紀

男爵府

積分: 6602

1^#

發表於 08-7-21 14:25 |只看該作者 |倒序瀏覽 |打印

我情緒不嬲都唔好, 之前試過患上抑鬱症,
不過已經好返!

但自從我知道自己有左之後就一直都好唔開心,
首先我同我老公拍左拖無幾耐就有左,
之後求求其其結婚,
我覺得我地無乜感情基礎, 對對方唔會有好大信心。
我老公又要返工又要讀書,
無乜時間陪我, 就算放假, 佢都好累,
唔會好似人地D老公咁同個老婆一齊計劃吓要買D咩呀, 上網search吓有咩要做呀, 同個老婆一齊佈置吓呀咁。
我又無屋企人, 好多時我都覺得係孤身作戰。

我成日都好唔開心, 但又唔想再加添壓力比老公,
因為佢返工返得好唔開心, 仲有分分鐘被炒既危機,
我見佢份工做到咁我又更加唔開心...

初初同我老公拍拖時我覺得我係全世界最幸福的女人,
但當有左BB, 多左無窮無盡既責任,
我地兩個都無辦法放鬆, 我好驚我再次患情緒病......

0 0 0

私人傳訊

sb_bb

複式洋房

積分: 411

2^#

發表於 08-7-21 23:05 |只看該作者

咁你有咩記得同醫生講，佢地唔多唔少都會幫到你嘅....

你老公唔會陪你預備BB嘅野，
雖然我老公同我都好期待BB出世，
但係我老公都係好忙，放工都係好攰，
佢都唔係成日可以陪我睇BB啲野，
係就係會商量吓預備嘅野，但好多時都係我作主動，
就算佢陪我行街睇BB野，多數都表現得好攰...
(雖然我知佢好緊張我同BB，但有時都有少少冇癮..)
其實男人有時係會被動啲，
你可以試吓主動同佢傾吓，
同埋講吓你有咩需要，
講吓諗住點預備迎接BB嘅來臨....
記得有咩都要同佢分享，無論開心唔開心都要講呀！
等佢感受吓BB佢都有份！

其實你已經好好啦，起碼你老公肯同你結婚，
一對夫婦，有感情基礎先結婚生仔當然好，
但係你地仲有大把時間慢慢培養吖！
或者你地可以籍住BB嘅來臨而加深感情呢！
千祈唔好覺得個BB係你地嘅負累囉！
因為佢都係一個生命，而且你地已經決定咗要佢，
就要盡力開開心心去迎接佢嘅來臨！
樂觀啲啦！加油呀！

P.S.：我以前都有過情緒病，都係抑鬱症，
都係好返，所以要成日提醒自己唔好諗埋一邊，
有咩是旦搵個人傾吓都好架！再唔係可以上黎講都得！

私人傳訊

阿紀

男爵府

積分: 6602

3^#

發表於 08-7-22 13:45 |只看該作者

thank you sb_bb
其實好多野我都覺得好難適應,
我地既速度太快, 拍左兩個幾月拖就發現自己有左,
佢都鐘意bb既,
但結左婚, 我先發覺佢既思想係諗野無諗得咁全面囉!
係就係佢叫我要個bb, 但佢好似無乜點諗要一個bb有幾大責任,
要左先算咁, 成日同我講船到橋條自然直,
我覺得好無安全感!
同埋我覺得佢好多野都會依賴屋企人,
依賴心太重, 我漸漸覺得佢未適合做一個爸爸!
而我自己都覺得自己未ready做人地媽媽,
又無乜人support自己,
我成日覺得我帶個bb黎世上好似害左佢咁!