上回講到個差到爆嘅工人終於自己提出唔做, 但係呢個月, 我都有排受。
佢本來都已經唔肯做嘢, 自己陪月嚟咗, 佢就變本加厲。佢每朝送咗大B返學都會十一, 二點先返到屋企, 我問佢點解咁晏, 佢竟然同我講, 送完返學去咗食早餐飲咖啡。點解無得我同意, 個工人可以自己去嘆早餐咁爽? 佢見陪月喺到, 而家連晏晝飯都唔肯煮, 當咗陪月係佢工人咁, 嘆完早餐返到就會去沖涼, 一沖就起碼半個鐘。
有一日重離普, 佢送完返學, 嘆完早餐, 沖完涼出嚟, 十二點左右, 陪月忙到踼晒腳, 又餵奶, 又煮飯。佢就喺個廚房阻手阻腳, 煮咗碗飯, 煎咗兩隻蛋同腸仔自己飯房又刷餐飽。到我哋一點左右食飯, 佢無出嚟, 我哋諗住佢梗係食到飽, 都唔出嚟食飯, 無理佢。直到兩點, 我哋食完執嘢, 佢就攞住一大碗白飯出嚟, 發現無餸, 又嘈, 話我成日唔比嘢佢食, 佢而家好肚餓, 好暈喎, 要去入境處告我喎。我懷疑佢都唔知係咪做場戲,錄低嚟誣告我。
平時我會帶埋工人坐地鐵去接大B放學, 呢排佢成日玩失蹤, 搭搭下地鐵襯人多就唔見咗佢,有時返到屋企先見到佢自己返嚟, 問佢去咗邊, 扮晒嘢就喺地鐵站等我喎。有時接咗大B喺學校附近見返佢, 見到有人比緊嘢食佢, 咩人都有, 有時係其他工人, 有時係其他mum。聽D一齊接放學嘅工人講, 佢四圍唱我, 話我伙食差, 唔比嘢佢食。
前排朝早比我見到做廁所有尿無沖水, 我話佢好唔沖水, 咁唔衛生, 佢話因為太眼瞓所以無沖。最奇怪嘅係, 我見廁所入面無廁紙架喎, 唔通………..
前星期, 我見佢幫手同亞B換片, 佢又黑面, 話好多嘢做。我鬧佢, 佢有責任check住幾時要換片架, 次次都要我開聲, 重要嘈。佢衰到同我講, I don’t care。
尋日佢去完廁所出嚟, 無洗手去洗奶樽, 我要求佢返去洗手, 佢鬧我, 話你估你用一百萬請我呀!
等到佢做滿一個月走, 我驚我已經有抑鬱症。
發表於 
因唔知會有乜破壞.
返回列表
