吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 咁嘅情況，你哋會點？

夫婦情感今日: 0|主題: 42734

收藏本版

發帖

返回列表

跳至頁

查看: 2364 | 回覆: 13

咁嘅情況，你哋會點？ [複製鏈接]

joey.ivan

伯爵府

積分: 16380

1^#

發表於 08-7-6 17:01 |只看該作者 |倒序瀏覽 |打印

未離婚前，前奶奶咩都睇我唔順眼，可能因為佢個仔無本事，又無俾家用佢，毎個月仲要問佢攞返轉頭（但我一直被蒙在鼓裡），所以佢以為我好大洗，要佢個仔毎個月都要屋企接濟．事實當然唔係咁啦，佢個乖仔問佢借嘅錢，係用嚟買新款遊戲機，北上消遣等．．總之唔係為頭家啦．攪到佢哋嗰邊啲人當正我仇人咁．最弊就係佢哋又唔知最錯嗰個其實係佢哋自己，借親錢俾佢個仔都唔駛佢還，攪到佢無晒責任，毎次都理所當然咁，問完阿媽借，又問家姐阿哥借，咁多年嚟，佢哋不知幾唔妥我，就算只係過年過節出嚟食餐飯，都要睇佢哋成圍枱啲人面色．到我個仔出世後，佢阿媽眼尾都唔睇吓我，當時我自己又有病，排緊期做手術，但係無人幫都無辨法，唯有自己撐．好彩都撐得住，個仔由我一手湊大，到依家做完手術，連婚都離埋，佢阿媽先知當初錯不在我，而係佢自己個乖仔．有次佢同我講佢驗完身之後，驗出自己有糖尿病，血壓高，心臟病，好似無幾耐日子咁，見佢都咁大年幾，都無謂同佢計較咁多，雖然佢以前對我咁差，但係可能自己都經歷過大病，所以都睇化哂．佢以前就當我唔係人，依家開口埋口都話當我係自己人，我己經同佢劃清界線，講到明話我依家同佢無晒關係，不過如果佢想見個孫，安排到我都會俾佢見，但係佢好似精神分裂咁，成日借啲意買好多嘢俾我個仔，又成日叫我個仔打電話俾爸爸．又製造機會俾我哋三個一齊食飯睇戲．未離婚前，佢眼中根本無我，我feel到佢好似想我同返佢個仔一齊，當然呢啲嘢唔輪到佢話想就想．其實我依家係咪應該絶到連電話都改埋，又或者索性毎次都話無時間，連個孫都唔好俾佢見呢？係咪我一開始就衰有同情心，攪到依家好似唔知點咁，唉．．．．大家俾啲意見吖，唔該晒！！！

0 0 0

私人傳訊

ac321

侯爵府

積分: 24705

好媽媽勳章

2^#

發表於 08-7-6 17:29 |只看該作者

I guess.......
Your 99 know she did something wrong to you.....
She think she dislike you and hurt the relationship between you and his son, and accelerate you to 離婚.
Therefore, she want to do something so that you can rebuilt the relationship with his son.
I think you just tell her directly 離婚 is not her fault. The main reason is you don't love her son anymore.

原文章由 joey.ivan 於 08-7-6 17:01 發表
未離婚前，前奶奶咩都睇我唔順眼，可能因為佢個仔無本事，又無俾家用佢，毎個月仲要問佢攞返轉頭（但我一直被蒙在鼓裡），所以佢以為我好大洗，要佢個仔毎個月都要屋企接濟．事實當然唔係咁啦，佢個乖仔問佢借嘅錢，係用嚟買新款遊戲機，北上 ...

私人傳訊

imanicegirl

伯爵府

積分: 15446

好媽媽勳章醒目開學勳章

3^#

發表於 08-7-6 18:06 |只看該作者

其實最錯o個個應該係你前夫.......
雖然我唔知佢幾大.....但作為一個有家室既人.....無錢咪唔好買埋d無謂野囉......仲要問完呢個借再問第2個借....比我係佢屋企人......睬佢都有味呀......

至於你前度奶奶想你同返佢個仔一齊.....係唔係出於良心發現都好啦(感覺上佢係自私多d)......都要睇你自己對個男人係點....如果佢係離佐婚之後...都無改過既....依d男人....唔要都擺啦

私人傳訊

木馬

禁止訪問

積分: 5390

4^#

發表於 08-7-6 18:34 |只看該作者

提示: 作者被禁止或刪除內容自動屏蔽

私人傳訊

KoyeBaby

子爵府

積分: 12890

醒目開學勳章畀面勳章

5^#

發表於 08-7-6 18:49 |只看該作者

佢都係想補償啫,咁到呢個地步道歉都無用,咪諗住做d嘢囉!但係你自己個心點諗先?如果你完全無諗過同返前夫一齊,咁你要同前99講清楚啦,無謂要特登應酬佢哋!咁佢想見個孫都好正常,尤其是知道自己多病痛...可能嘅咪俾佢哋見下囉~

私人傳訊

noelching39

子爵府

積分: 14677

6^#

發表於 08-7-6 19:02 |只看該作者

你同你前夫食飯、睇戲，佢係咪想追返你？會唔會你奶奶知道佢心意，而自己又錯怪你，所以幫個仔製造機會呢？

私人傳訊

peggyau

大宅

積分: 1105

7^#

發表於 08-7-6 23:47 |只看該作者

坦白d同你奶奶講你同你前夫已不會再一齊!佢想睇個孫就沒所謂,但不要再攪小動作,否則不會再同佢聯絡(始終講清楚好d,無謂拖拖拉拉,攪到自己煩惱!)
我覺得你同你前夫離婚很明智的決擇!我相信你依家的生活比以前的生活更開心!很多人都誤解教人離婚唔好!以為女人離左婚後會好慘(尤其單親媽媽)呢d傳統思想,其實要真正尋找自己及兒女的快樂生活先重要,如果強迫一齊令自己及兒女不開心的話,倒不如唔好一齊!

私人傳訊

奶茶

複式洋房

積分: 151

8^#

發表於 08-7-7 13:48 |只看該作者

因乜嘢離婚 ? 你前夫有沒有改善 ? 你會唔會再接受佢 ? 自己考慮清楚, 行錯一次, 唔好有第二次. 你99想點唔重要, 最緊要自己想點.

私人傳訊

piyo28

大宅

積分: 3308

9^#

發表於 08-7-7 16:12 |只看該作者

我都覺得應該坦白話比你99先, 冇可能再同佢個仔一齊 (都要睇你個心想唔想的), 如果要見孫, 可以盡量安排時間, 但唔代表成日見囉. 你同佢家人己經冇關係啦, 佢只係你既ex-husband, ex-99 etc, 老人家當然希望見到大家開開心心啦, 但呢個只係佢一廂情願吧.

私人傳訊

好好彩

大宅

積分: 1191

10^#

發表於 08-7-7 17:38 |只看該作者

同你奶奶講清楚,你見個孫梗係冇問題喇, 但要佢清楚知道你同你前夫係冇可能係返一斉囉. 冇謂浪費佢既時間, 叫佢有時間不如抖番下喇.

老人家梗係想一家人齊齊整整喇. 但呢d野冇得免強既.

私人傳訊

siuwa

大宅

積分: 1824

11^#

發表於 08-7-7 17:48 |只看該作者

原文章由 joey.ivan 於 08-7-6 17:01 發表
未離婚前，前奶奶咩都睇我唔順眼，可能因為佢個仔無本事，又無俾家用佢，毎個月仲要問佢攞返轉頭（但我一直被蒙在鼓裡），所以佢以為我好大洗，要佢個仔毎個月都要屋企接濟．事實當然唔係咁啦，佢個乖仔問佢借嘅錢，係用嚟買新款遊戲機，北上 ...

如果你冇心同佢ex重新來過, 就少見為妙. 改電話都ok, 真係唔好彩見到面就話有個手機既plan包家居電話線, 你一次過換左. 唔記得通知佢.

私人傳訊

onon1022

子爵府

積分: 12589

好媽媽勳章

12^#

發表於 08-7-7 18:06 |只看該作者

其實問題係你自己想唔想再見到佢...如果你唔想...就改電話...如果你想比小朋友佢見...就同佢講清楚...

[url=http://lilypie.com][img]

私人傳訊

joey.ivan

伯爵府

積分: 16380

13^#

發表於 08-7-16 17:03 |只看該作者

回覆 #7 peggyau 的文章

其實講真,我依家同個囝囝嘅生活的確比以前過得開心，我好同意你嘅講法，單親唔一定好慘，當初我決定離婚，身邊好多朋友都勸我為咗個仔，要俾個完整嘅家庭佢，唔好諗離婚．依家回想起，如果今時今日我無離開佢，我諗我得兩個下場，一就係喺青山過埋下半世，二
就係遲早多一宗倫常慘劇．以前就咩都依賴佢，佢亦都當我係儍嘅，以為我咩都唔識，一世都要靠佢．好彩我都無衰俾佢睇，依家我同囝囝都建立番自己嘅新家庭，雖然無以前咁大，但就好舒服好寧靜．唔駛晚晚等門．反而佢依家就現眼報啦，成日北上消遣，玩到無錢供樓，斷供幾個月，又幾個月無交管理費，最後樓又賣埋，重要衰到搬返自己亞媽到住，佢當自己係外嫁女咁，一唔掂就返亞媽到．我都做唔出，真丟臉．