烹飪搵食

收藏本版
發帖
返回列表
跳至頁

首頁
1

尾頁
   0
EvaLam^^


大宅

積分: 2814


1#
發表於 08-8-4 02:40 |只看該作者
係gemixx 電磁爐

我用0左個爐三個月,開頭個一個月已經間中會出現E5,跟住個爐就用唔到,要熄大制後重開先用得,到上個月開始差唔多隔日就出現E5,仲試過係冇顯示底下自已加熱,當時有煲湯係上面,好彩我亦係廚房洗緊野,跟住我即刻打去保養既太X洋電器約人上來check,過兩日有個阿叔上來,一來就話E5係個爐過熱,一定係我0地個散熱有問題,但我0地已經預留0左好多空間,比佢說明書見議既多一倍,之後佢打開我個爐後,就話我個廚櫃係落到底,應該要下面冇野,0甘散熱一定冇問題,我話"阿叔你冇野呀,香港地個個廚房個爐底都係有門0架啦,佢就話"我都知,所以我平時教d客打開廚櫃門煮飯0架,或者有一個最好既方法就係放係枱上用,0甘如果都有E5既就係個爐有問題啦"我話"我唔係煮好耐先出現E5,細細火煲下水都會呀,0甘佢冇野講就話應該關個電制事,知道我係獨立制後就話我煮法有問題,問我平時點用,我跟住問佢"你講0甘耐都係話我有問題,但你一d都冇檢查過個爐喎"佢就話佢都唔識整電磁爐0架,呢d科技野唔係0甘簡單0架,0甘最终我問佢0甘你上來仲咩呀,佢話係教我用電磁爐既正確方法,不過我最嬲係問佢點解個爐係冇顯示底下自已加熱佢竟然話"太太,你個廚房0甘多電器,又微波爐,又雪櫃,仲有,你部冷氣係邊呀,你知唔知呢d電器有干預0架"我真係唔知好嬲定好笑,佢真係當我白痴,我話"得啦,阿叔,你唔好當我白痴啦,你走啦,你冇野幫到我"佢跟手比張單我簽,上面寫住我個爐散熱同電制有問題,我唔肯簽,佢唔肯走,最後我係單上寫"未解決"
私人傳訊

wmpl


大宅

積分: 3000


2#
發表於 08-8-4 07:54 |只看該作者
嘿嘿,又係太平電器嘅冇料師傅亂噏廿四當啲客係傻嘅,我之前買部冷氣都俾佢哋激到嘔血,嗰啲所謂師傅又係一上到嚟應做嘅唔做,但就不斷講埋啲廢話,話係個客自己嘅問題,又係話你安得唔好,又話個位罝唔好,總之就唔係幫你解決問題,只係想將個問題推返落個客度,而家睇到你買電磁爐都係咁,我好懷疑佢哋嘅處理手法根本就係咁差,唔係一兩個師傅嘅個人問題~~

最好笑嘅就係喺我最後一次同個客戶主任投訴嘅時候,佢仍然想講係我嘅問題,唔係佢哋產品有問題,又唔係佢哋嘅師傅處理手法有問題,更加唔係佢哋嘅CS有問題,終於我把幾火就噴到佢一面屁,得到佢冇聲出,但係佢仍然想講我部機整咗咁多次,個師傅嘅態度又唔好,啲CS又唔肯做嘢全部都只係我一開始覺得個師傅有問題又在場嘅時候點解唔即時打返去CS投訴嘅問題,佢話如果我有問題嘅時候唔趁個師傅仲在場嘅時候即時投訴,之後都只係口同鼻拗,你話佢哋幾好笑??

首先,而家已經唔係個師傅嘅態度好唔好嘅問題,係我投訴咗咁多次,佢哋都只係不斷將個波推嚟推去,意圖將個責任完全推返落個客身上就算,我又唔係投訴専家,點知你哋間公司要個客同你哋嘅職員要咁樣一啲面都唔俾當口當面對質先至會認數咁得意嘅啫??即係你哋唔係以客為先,係恰得就恰啦~~

經過今次嘅教訓,我勸你都係個師傅上嚟但你又覺得佢唔ok嘅時候就唔駛俾面佢,即時就打電話去CS投訴佢仲要錄埋音咁先至係啱,唔係嗰啲人都係拖得就拖,缷得就缷,再講多樣嘢俾你知,佢哋啲師傅連偽造報告,假冒簽名都夠膽死,如果佢真係咁做,你就連唯一嘅証據都冇埋,你不如打返上去CS問你份報告係點寫仲要錄埋音,問埋聽電話嗰位嘅員工號碼,姓名各樣~~唉,而家啲CS都係信唔過,你唔識保障自己,以為佢哋講過就算,又信佢哋個電腦有record就得就唔係咁穩陣,都唔明而家啲人嘅做事手法,正唔正行都好,都總係要人同人之間冇晒信任!

仲有呢,其實有一件事就係真嘅,就係嵌入式嘅電磁爐,你煮食嘅時候最好就係打返開下面厨櫃嘅門就會好啲,有咁易因為過熱就自動停機,因為我屋企人買個部都係咁,不過如你部電磁爐只係用細火都係咁同埋又會自動加熱就一定係個爐嘅問題,因為我屋企人嗰部都係又煲湯,又炒餸得比較耐嘅時候先至會係咁,但係打開厨櫃門就已經冇問題,你都係唔駛同個師傅講咁多嘢,佢哋嘅職責就只係上嚟講一大堆廢話,將個問題踢返俾個客,所以你同佢拗都係冇結果嘅,有咩問題就即時打返上去CS度當口當面投訴啦,佢哋係咁衰格我哋做客嘅都冇辦法唔留情面咁保障自己!
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見