婆媳關係

收藏本版
發帖
返回列表
跳至頁

首頁
1

尾頁
   0
鵪鶉豬


民房

積分: 41


1#
發表於 08-7-20 07:25 |只看該作者
同男朋友都同居了差不多10年了，就是這些婆媳，姑仔問題，令我都幾恐懼，改變左結婚的睇法。本來我本身雖然有想過，但吾系話恨結婚恨到流哂口水果亭人,如果有一天佢要求到的話，我的想法系: 我會同佢結婚，互雙照顧，思守一生，但(點講呢）我吾太想嫁比佢﹣﹣即系好似附屬佢嘅family,即系好似受佢屋企人控制或支配(請原諒辭不達意）.....:-|


其實我並不喜歡佢屋企人，有時佢地對我點樣都系其次，點解佢屋企人會咁對佢？

His Father:
同佢頭幾年拍拖，每隔幾個月，佢老豆就會問佢攞幾千銀(系6,000-7/8,000)手頭稍為鬆動，就比佢攞去，攪到交稅都要借!本來父母要仔女錢,天經地義，但查實背後原因系賭錢同包二奶(呢單野佢亞媽都吾知），據聞佢鮮有比過家用,我男朋友同D細佬妹，細個都系自己諗掂。佢地3兄妹細果只有share窄到不得了的雙層locker 床,我男朋友大d只有瞓梳化，瞓到條頸有事。

有一年勁呀，話番馬來西亞探親，要我男朋友科款$7,000買機票(單人票，據聞佢從來未同老婆返過去），我聽到眼都突，我上次去日本來回都係二千幾，即上網search吓去馬來西亞機票使唔使(各位如果真系有請賜教），原來頭等都唔使喇!結果我男朋友打去問佢，佢話係人地幫佢買，人地巳經比左錢,要比番人地，其實$7,000真系夠佢地成家去玩! 唉~~ 有時真系唔知我男朋友天真定詐吾知，始終比自己屋企人呃并不好受!

之後果年佢血管撕裂，又糖尿又高血壓，又入醫院又剩，好在執番條命仔..


His Mom:
公屋師奶一名，據聞有form 5畢業，but 到目前為止，從未踏足過社會做野，即使家里經濟拮据的時侯，也只在家里幫人看細路，閒時喜愛剪低東方的coupon,集合起來比d仔女用。節儉目來系好事，但講到仔女既飲食營養，就無得慳無得懶la,佢個仔(即我男朋友）忙到死，一年到晚巳經成日係街食飯，但每馮過時過節，佢亞媽就必出街食，彷彿出籠仲要有咁豪食咁豪，因為我男朋友系大仔，一定佢出哂錢！

有次都幾經典，佢個仔一年到晚都少返屋企食飯，巳經比左成萬蚊佢過年，我同佢返到去，無等埋一齊食飯，佢地自己食先，好喇，食咩呢？永恆嘅蒸臘腸（唔使整洗淨蒸蒸攪掂），明知個仔鍾意飲老火湯，佢反而開左罐粟米湯！D醬料全部過期！D野周圍放，鋪哂塵又唔理，大佬呀!過年呀!你係全職家庭主婦嚟假!你平時做咩假!攪到我地食完飯未返到屋企巳經肚痛，我無直接同男朋友可能關餐飯事，but我估大家意會到，費事直接話人亞媽!

佢亞媽d 價值觀好奇特，例如:
佢亞媽以慳家自豪，上午食完野打包回屋企,諗住買兩碗白飯晚上個餐就攪掂,仲同個仔(即我男朋友）講好抵$5一碗白飯，我男朋友問佢屋企煮咪仲抵,２嘜米都吾使$10啦！同佢講個電飯煲壞左!我男朋友返來問我，電飯煲响邊度買!? 我即時真係火x滾!我地個電飯煲係我亞媽買比我假!佢身為全職家庭主婦，買個電飯煲無理由要你粗心啩！佢吾系懶成咁！？

另外，我男朋友有個細佬結咗婚，有個小朋友但可惜行動不便，最近一次聚會中知道佢地成年無上去探過佢，作為一個咁得閒嘅家庭主婦，為何不去關心吓你嘅孫仔呀！


His sister:
佢細妹，男性化打扮，可惜性情并不爽朗，例如自己肥想減肥又吾認吾想知，喜認叻，相信是家中寵兒，懷疑有戀兄情意結(我男朋友)，喜用我男朋友用過的電話and袋（不是節儉）見親佢就要成家人聽佢工作d野同認叻，唉~~

我男朋友租左個住宅辦公室做野，佢又想搬出嚟住，佢話佢份工穩定(到現在有成2萬幾)可以share,點知住左咁耐，只交過一次租，咩Q雜費都係個傻佬交不特止，仲吾幫手做家務，我男朋友咁忙，咩都要理埋!

有次佢地响佢亞媽傾開家務問題，佢亞媽望一望我，我心離一離，心諗唔係啩大嬸，我唔係你屋企工人！我未過門㗎！你一毛子禮金都未比過㗎！我未賣斷比你㗎！


每次聚會我都好吾想去，因為實會吾開心好耐！

李加欣話齎，家嘅感覺應該係好溫暖，好舒服，咁樣點做一家人呀！
私人傳訊

minichong


禁止訪問

積分: 4035


2#
發表於 08-7-20 09:46 |只看該作者
提示: 作者被禁止或刪除 內容自動屏蔽
私人傳訊

akj


男爵府

積分: 6628


3#
發表於 08-7-21 01:55 |只看該作者
千其現在咪就佢屋企人,千其咪洗碗掃地做家務,理得佢死!若果唔係,遲d有排你做!
你男朋友是否不理道理都會幫佢自己屋企人?若果係,你要有心理準備!
我同你一樣,見親佢屋企人都唔開心!所以見佢地我係採取不聞不問無表情嘅態度!
私人傳訊

ac321


侯爵府

積分: 24705

好媽媽勳章


4#
發表於 08-7-21 11:21 |只看該作者
I think ........... your b/f and his brother, sister haven't given their parent living expend monthly. (I guess, right?)
Therefore, they每隔幾個月，就會find some reasons 問佢攞$.
How poor his mother.......... no one would like to live like that, buy no choice.


原文章由 鵪鶉豬 於 08-7-20 07:25 發表
同男朋友都同居了差不多10年了，就是這些婆媳，姑仔問題，令我都幾恐懼，改變左結婚的睇法。本來我本身雖然有想過，但吾系話恨結婚恨到流哂口水果亭人,如果有一天佢要求到的話，我的想法系: 我會同佢結婚，互雙照顧，思守一生，但(點講 ...

[ 本文章最後由 ac321 於 08-7-21 14:22 編輯 ]

私人傳訊

ivory0915


珍珠宮

積分: 39762

開心吸收勳章 醒目開學勳章


5#
發表於 08-7-21 13:07 |只看該作者
原文章由 鵪鶉豬 於 08-7-20 07:25 發表
同男朋友都同居了差不多10年了，就是這些婆媳，姑仔問題，令我都幾恐懼，改變左結婚的睇法。本來我本身雖然有想過，但吾系話恨結婚恨到流哂口水果亭人,如果有一天佢要求到的話，我的想法系: 我會同佢結婚，互雙照顧，思守一生，但(點講 ...


妳男朋友同我老公一樣，超愚孝，有時真係令人幾氣頂。
私人傳訊

sylviawong


男爵府

積分: 5339


6#
發表於 08-7-21 13:32 |只看該作者
係呀!你男朋友係咁,你唔好諗住佢做左你老公會放你係第一位呀!no way!
好似我個咁,佢阿媽話要黎我屋企喎!係佢屋企等我c6車佢,又唔駛淋雨又唔駛曬!就吹命符咁打黎!我+2歲bb(不過佢唔願行架!)+c6去麥當勞拿拿臨食完再去藥房買尿片(屋企無晒),c6都可以係屋企既大堂放低我兩母子,就去接佢老母啦!!送埋我地上樓都唔駛5分鐘!!!個時我要攞傘+一個bb袋+2包大片片,仲要我個大堂係要行幾級樓梯先按到lift,個時我幾狼狽呀!阿仔又要扭抱,又要扭見c6,我就似儍婆咁又拖又拉baby,又要一隻手攞野,我個刻真係好後悔,點解嫁左俾佢呀
私人傳訊

鵪鶉豬


民房

積分: 41


7#
發表於 08-7-22 19:18 |只看該作者
佢屋企衰都算啦，最慘嘅系我吾識及吾知應吾應該講比我男朋友聽，我對佢屋企人有呢d感覺，好耐之前吵架，吾記得咩原因，好記得有句好hurt,佢話我對佢屋企人吾好!雖然吵架實會沖口而出，講D吾好嘅野!但為此好委屈.....

第一:
我同你屋企人吾系好熟，一年見幾次，我點做D對你屋企人吾好嘅野!點解你會敢講野？

第二:
情形剛剛相反，我反而覺得你屋企人對我吾系幾friendly，初時見對面，永沒有對我問多句，ok!你對我沒與趣，我咪主動問你2句囉！永無話食飯叫我食多啖飯夾多件送等門面說話，佢亞媽同佢細妹，見到佢就好似十世無見咁，好大聲Be le Ba la,雞duin 吾斷，永無機會插口，當你隱形，我吾駛你當我貴賓，但基本問候都有掛？你對你個仔女朋友嘅background 一d都吾想知嘅咩？?有次上佢屋企食飯，佢個仔平時都吾多食飯，裝碗勁大碗比佢，勁細碗比我，我雖然吾系大食，但未至於食幾table spoon飯就飽，我咪攞小小我男朋友的飯食囉，點知佢亞媽look大隻眼望一望我，當堂寒一寒!大嬸，攞你個仔小小飯啫，佢吾會餓死嘅!

第三:
我過年次次上親去，鮑魚呀，冬菇呀，咩禮都有送，知你懶煮野，咩野白鳳丸咩丸物丸都送過，大老，我有份夾錢㗎，係咁易利是仔都有封「澤」吓啩！咁多年都無，直至舊年佢亞媽生日，我地送左條千零蚊嘅金連，吾知系吾系因為咁，今年第一年有「澤」番封利是比我。我吾系恨你封利是錢，你平時多謝都吾多句㗎啦，呢D基本禮節你都吾做，你吾尊重我你都尊重你自己啦！如果吾系我出主意買咩禮，你個仔仲送緊DXO醬比你啊！！

好耐之前，我都覺得佢地有d怪，表面無野，但又吾系好友善（吾點形容，有D怪),直至有一次去澳門旅行，作出試探，一砌迷底解開，原來系為錢。

這次去澳門旅行，成員有我，我男朋友，佢亞媽，佢細妹4個人,事原上次我同我男朋友２個去澳門旅行，去左westin resort 個度要千幾蚊一晚,我男朋友吾知點解好老實地講左比佢亞媽細妹聽，之後，佢細妹又要舉行一次澳門旅行，期間不斷重申幾百蚊一晚好平，話我地上次好貴(向我地面前講），上船前我醒目呀，響佢地面前，比番d費用佢細妹，點知佢亞媽同佢妹講，快D收埋D錢啦~之後佢亞媽有咩要買，我都主動比錢！好喇！去到酒店，就知點解禁平，原來裝修緊，地氈污糟，周圍嘈喧巴閉，好喇去swimming pool ，明知佢妹好恨痴住佢大佬，我又醒目地走開比佢地獨處，我做到咁吾話得喇啩？我想同佢地講，禁多年來，每一次我同我男朋友去旅行，我都有比自己嘅錢，我重要負責埋買機票plan 行程，禁多年有無要求一句多謝，我但求大家玩得開心及底玩，我做到禁，我有咩錯你地要咁對我呀!!!

我好討厭佢細妹，佢好緊張佢亞哥D錢，公司等去向，搶我的角色來做（除左辛苦野），可能因為佢成日見到佢細妹，成日講佢Ｄ野比我聽，我吾想知佢細妹工作情況，或學咩course,或買左d咩，或去左邊度旅行，我都無成日講我細佬D野，我成日有種佢係第3者嘅感覺!佢越講我越吾開心，佢重閙我點解講親佢細妹黑口黑面，大佬，點講呀！！


相反我家人係好踏實嘅人，我家人知道佢鐘意食咩買咩比佢食，食飯又等埋佢先食，有咩都益佢，有咩好野比曬我地，自己食D舊送，有時又送d野比佢屋企，一句多謝都無，我成日問佢屋企人鍾意食物，費時買錯，問極佢又吾知，相反佢屋企人次次將自己買左但吾啱用，當益我咁送比我，永吾知我鐘意食咩，吾好話知，問都無話問過，佢亞媽剩系識得買D咩藍莓咩丸物丸，十幾廿盒比佢個仔食，痴線㗎！！！　


最hurt 嘅系我男朋友咩都吾知，又吾問清楚就維護佢地，我暗啞底吞左幾多委屈，你反而仲閙我？
私人傳訊

chanwendy


伯爵府

積分: 16931


8#
發表於 08-7-23 12:41 |只看該作者
你覺得自己咁委屈, 點解唔同你男朋友講啫. 你地既然相處咗咁多年, 應該係可以咩都講架喎.我同 c6 有咩都會講, 即使講咗會嘈架都好, 至少嘈完知大家諗咩嘛.
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


9#
發表於 08-7-23 14:50 |只看該作者
原文章由 chanwendy 於 08-7-23 12:41 發表
你覺得自己咁委屈, 點解唔同你男朋友講啫. 你地既然相處咗咁多年, 應該係可以咩都講架喎.我同 c6 有咩都會講, 即使講咗會嘈架都好, 至少嘈完知大家諗咩嘛. ...


你男朋友係永遠都唔會改架, 你唔忍得只可以同佢分手, 唔好諗住佢會去了解事實, 然後公平對待你同佢屋企人.
私人傳訊

kantanjin


大宅

積分: 1272


10#
發表於 08-7-23 15:23 |只看該作者
樓主：

妳男友都算係愚孝仔．即是永遠都係佢家人岩．妳及妳家人係錯．（記住連妳家人都係錯）愚孝仔既特質係好老公一名．有關涉及佢家人既事，就會失去理智．佢家人犯罪，殺人放火，愚孝仔都會話係岩無錯．係其他教壞之麻．逃避及推卸責任係強項，妳同佢一齊就要永遠做第三及第四　

第三位　（９９第一，妳男友第二，好彩既話妳是第三位，唔係妳向後排位）
第四位　（即係在佢家人面前妳必定是亞四，係應份）

妳自己考慮同唔同佢過生活啦～
記住人生係要自己活得開心呢．兩人生活已有唔開心．將來如生仔女，妳既問題更甚．

[ 本文章最後由 kantanjin 於 08-7-23 15:24 編輯 ]
私人傳訊

鵪鶉豬


民房

積分: 41


11#
發表於 08-7-24 04:06 |只看該作者
好多謝各位意見and support!
我寫左出來舒服好多，
我可能會找個機會，氣氛平和D嘅時候傾傾。
結果可能all or nothing , 但好過收向心!mouth:
私人傳訊

wmpl


大宅

積分: 3000


12#
發表於 08-7-24 06:36 |只看該作者
原文章由 鵪鶉豬 於 08-7-24 04:06 發表
好多謝各位意見and support!
我寫左出來舒服好多，
我可能會找個機會，氣氛平和D嘅時候傾傾。
結果可能all or nothing , 但好過收向心!mouth:

如果你哋喺哩十年裡面嘅關係冇好咗,而佢仲越嚟越維護佢屋企人,唔好意思.....我諗你哋都係分手算把啦~~因為我覺得....佢再好都唔會對你好,做一個普通朋友都好過做佢女朋友,你同佢一齊都咁多年,點解我只係睇到佢對你嘅成見越嚟越深同越嚟越要求你好似佢對佢屋企人咁無理包容?乜佢唔係因為更瞭解你就更信任你嘅咩,點解係相反嘅?

咁樣落去你哋就算結咗婚都只會更痛苦,所以你唔同佢結婚係啱嘅,我唔係話你男友對屋企人好係錯,但係你只係佢女朋友,佢都可以咁樣嚟要求你,可見其實佢份人都幾.....無賴[sorry,我唔想咁講,但係似乎只係你對佢嘅所有事有責任,而佢對你就可以不聞不問,甚至可以好自私又不顧你感受咁要求你一啲根本唔係你責任嘅嘢]~~

同埋我唔知你嘅性格係點?又唔知你之前試過啲咩辦法?但係其實你都係有份縱容佢愚孝,如果唔你做唔出要佢唔理佢屋企人,咁我勸你都係但求自保好過俾佢拖累你嘅青春,畢竟....女人嘅青春真係好有限,你黃金十年都俾咗佢,就算你今時今日離開佢都冇對佢唔住~

如果你同佢傾過之後佢話會改嘅,你就一定要定一個限期,唔係佢實會拖吓拖吓咁就一日,拖吓拖吓咁就一年,你撫心自問,你仲有幾多時間俾佢拖落去?所以你一定要做得絕啲,唔可以心軟,一發現佢話改但又冇改,咁你就應該立即同佢講,如果佢只係依然叫你俾啲時間佢嘅,我就勸你唔駛再等,同話俾佢聽你已經等咗十年,女人最寶貴嘅日子都已經俾晒佢,問佢仲要你等啲咩?
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy