夫婦情感

收藏本版
發帖
返回列表
跳至頁

首頁
1

尾頁
   0
RL0808


民房

積分: 23


1#
發表於 08-8-28 01:30 |只看該作者
我係一個全職媽媽, 近來我發覺自己越來越神經過敏, 成日驚個仔病, 好大壓力, 其實我知道個壓力源頭來自個c6, 因為佢太緊張個仔, 個仔有乜頭暈身慶都賴我, 話我照顧得佢唔好, 又話係我責任,好似尋日個仔朝早瞓覺仲未起身, 我去左廁所, 點知個仔由床入面碌出去床出面, 個頭撞到床邊張椅, 好在無事, 我就話比個c6知, 佢都無事, 點知今晚個仔無瞓下午覺, 食飯時慢吞吞, 個c6就提番尋日撞到個頭件事, 又話我唔啱, 無好好睇住個仔, 我當時有啲嬲, 有乜事就賴我, 如果件事發生係佢身上, 佢就唔出聲, 次次都係咁, 所以成晚我都無乜點出聲, 佢仲問我仲乜咁cool, 我都唔想講, 點知臨瞓前佢話我成日整到個鐘側左佢睇唔到, 佢叫我唔好再整個鐘, 我答"唔", 佢就開始發脾四, 又話我答得 "夫"衍, 又話我成日黑口黑面, 佢話尋晚佢開通頂我一句關心都無喎, 又話自己幾辛苦, 仲話我響屋企只不過係湊仔, 好"他條", 佢話佢知我 "lee"幾日成日心跳得好快, 好唔舒服, 佢就話"你只不過係啲壓力, 你自己諗方法去解決啦" 佢話我唔關心佢, 咁佢又有關心我咩, 佢仲要話我個腦入面只係得睇電視同功課, 同埋約朋友食飯(我係好少約朋友食飯, 咁啱就約左明天食飯就俾佢話) 佢同我呻工作啲野我又好 "夫"衍喎, 我想講我同佢伸阿仔啲野, 佢永遠都話我唔啱, 所以我依家好少同佢呻, 無興趣, 我好頂佢唔住, 失驚無神就發脾四, 再咁樣我會越來越辛苦!!!!!!!!!!唔知點算好!!!!!!!
私人傳訊

ABBC


子爵府

積分: 13533


2#
發表於 08-8-28 01:44 |只看該作者
算啦~~o的男人係咁架喇~自己做錯野就係可以原諒既事~我地做錯少少呢,就唔得!!我覺得你唔使俾自己咁大壓力~更加對你老公講既野唔使咁在乎....咪樣只會俾自己壓力同唔開心!!雖然我唔知你個小朋友係幾大~~!!但係佢係人.你都亦都係..唔通要你二十四小時..你眼望我眼咁坐o係度唔動咩?小朋友整親..大家都經歷過架喇~下下咁緊張~~心臟容乜易有事呀?男人最鐘意個老婆咩地方都唔好去..o係屋企架喇~同埋你有人身自由架嘛~去邊度使佢理呀?咁唔鐘意你湊仔方法...叫佢自己睇囉~~巴閉:;pppp:
私人傳訊

CherryPiani


大宅

積分: 2078


3#
發表於 08-8-28 02:12 |只看該作者
我0個個之前都係咁架~~~:;pppp:
但到我囡歲半之後佢開始冇咁緊張喇~
你bb幾大呀?會唔會你老公仲未適應做人爸爸???
我0個個就係未適應做人老公&爸爸先咁囉~
你俾d時間佢啦~
私人傳訊

RL0808


民房

積分: 23


4#
發表於 08-8-28 09:28 |只看該作者
我個仔已經3歲幾就黎4歲, 但係我c6係一個好問責制嘅人, 佢覺得個仔無病無痛, 無損傷係正常, 唔會話你湊得好, 如果有頭暈身慶, 跌倒撞傷就係我錯, 我無俾心機去湊佢, 我成日同佢講話我似工人多個係佢老婆, 我覺得佢好自私, 佢自己就要我關心, 但我呢? 佢成日都話對我好, 一放工就返屋企, 我知佢係一個好痴家嘅人, 我有乜野同佢呻, 佢就話係我唔啱, 關心完問完一句, 之後就發我脾四, 咁樣叫關心, 唉, 我鍾意睇嗰套電視劇, 佢唔鍾意睇, 同我呻, 就話我鍾意睇電視唔理佢, 我一日得嗰段時間想放鬆下, 都唔得 , 佢自己鍾意睇嘅節目就叫我地唔好嘈佢睇電視, 我想約人食飯都要等佢開ot先約, 點知佢話唔駛開ot, 就話我約左人食飯佢無飯食, 我想話同佢結左婚生埋個仔, 我已經好少好少約人食飯, 有時我都比佢攪到唔知邊個啱邊個錯, 其實好多人都話唔駛理佢講嘅野, 但佢成日都係咁我都唔知頂到幾耐!!!!!!! 我今朝同佢講我好大壓力, 成日驚個仔會病, 佢仲要話 "咁個仔又真係容易病" 之後就無講野, 我都無話可說, 咁樣叫關心????? 我呻完!!!

私人傳訊

cowkingb


大宅

積分: 3183


5#
發表於 08-8-28 10:34 |只看該作者
原文章由 RL0808 於 08-8-28 09:28 發表
我個仔已經3歲幾就黎4歲, 但係我c6係一個好問責制嘅人, 佢覺得個仔無病無痛, 無損傷係正常, 唔會話你湊得好, 如果有頭暈身慶, 跌倒撞傷就係我錯, 我無俾心機去湊佢, 我成日同佢講話我似工人多個係佢老婆, 我覺得佢好 ...


除左叫你唔好唔開心之外, 都唔知講 mud 好? 我自己都係一個好緊張既人, 之前係全職湊, 我老公已經話唔啱我, 個仔又會好辛苦, 我同個仔既感情會差, 因為我太緊張.

好似尋晚咁, 我個仔又唔肯食粥, 我一心卜返去屋企, 就係想自己餵下佢食粥, 佢唔食, 我唔開心, 話佢同打佢手掌仔. 我跟住自己又唔開心, 到今日都重有 dd 唔開心. 我老公話好小事, 我只係好輕力, 同埋個仔真係唔聽話...叫我放開 d.

我講咁多, 係想你諗下, 係唔係出返來做嘢會好 d. 咁你自己又唔使咁大壓力, 交比個工人係唔放心, 但係一方面太緊張個仔唔係一件好事, 我自己係一個好好既例子. 我而家都重學緊點放鬆, 你老公都要學.

我心諗, 如果我而家重係全職湊 b, 好似尋晚咁, 我今日會好驚煲粥同餵粥. 我個仔幾個月大既時候, 可能想出 teeth, 又係唔肯食奶, 我喊呀, 好驚同即刻 call 我老公... 跟住問下人, 過左幾日, 個仔又食返 wor, 咁就開心返... 諗起都好笑...! 但係當日就唔識笑 lor...!

比你老公知道湊一個小朋友唔係容易, 佢可能會識得體諒你既苦處... 不過佢都可能0係出面做嘢真係好辛苦. 大家都知 d 男人, 唔鐘意同老婆呻, 但係又唔知點解會0係面到發左出來... 我老公都係咁架...! 所以有時都會唔開心, 但係佢之後會話返比我知 mud 事. 咁我就擔心同心痛多過嬲佢 lor...

點都好啦... 加油呀!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy