論盡家傭 今日: 0 | 主題: 134003

積分: 3832

1^#

發表於 08-7-24 09:17 |只看該作者 |倒序瀏覽 |打印

蔡子強﹕香港中產只講「着數」﹖

(明報)7月24日星期四 05:10

【明報專訊】最近，聽到剛赴[url=]美國
[/url]進修的一位朋友，所親身經歷的一個小故事。他說有天到理髮店理髮，剛巧理髮師也是移民到來的港人，便閒聊起上來，講到香港的種種熱鬧精彩時，朋友便好奇問對方，為何不回流香港，怎料對方卻說：「算了，我恐怕自己再也不能適應香港。」
理髮師舉例說，在美國，如果覺得顧客不太適合電髮，他會坦白告知，沒有人會埋怨你為舖頭「倒米」；相反，在香港，卻多半會被人罵作「有病」、故作清高。再舉個例，他也是讀書人，在美國，帶本書回理髮店看，是一件自然不過的事，沒有人會報以怪異目光；相反，在香港，卻多半會被看作「珍禽異獸」，被人視作「扮嘢」。
簡單來說，在香港，有原則、有價值、有堅持，會被人視作異類；相反，在彼岸，那才是一個較尊重「values」，較有「heart」的地方。所以，這位理髮師說，他都是選擇不回香港，他覺得自己在彼岸會生活得心安理得一點。
上周三，政府頒布了一系列在高通脹下，政府的紓解民困措施，不料，旋即被部分人士批評為偏重、討好基層，但卻忽略中產，開學津貼、[url=]綜援
[/url]、生果金、公屋租金等，統統無份，只有電費及外傭稅的寬減項目，才稍為惠及，中產再一次被犧牲。另有外傭僱主及中產人士，擬組織遊行，抗議政府漠視中產階級需要云云。
通脹哪個階層影響最大﹖
「中產階級稅就交得最多，但福利就攞得最少」，這是近年輿論中建構出來其中一個最有深遠影響的論述。其中一個最為推波助瀾的，就是愈來愈變得像campaign media的本地傳媒，每次政府「派糖」政策出台，傳媒都最愛攫取一些最具煽風點火效果的公眾sound bites，又或者起一些煽情的報章標題，例如中產「被開刀」，甚至「任人劏」這類語不驚人死不休的字眼。反而對於政策的來龍去脈，政策的合理性，卻着墨和探討甚少。今次一個典型例子便是外傭稅。
隨着政府寬免外傭稅兩年，向中產示好，除了因政策考慮不周而惹來不滿之外，也帶來應否還原回幾年前的情况，取消外傭稅的爭論，而且聲浪愈來愈兇，有報章甚至以頭版加以炒作。但大家卻忘記了，當年在徵收400元外傭稅時，也同時降低了外傭的最低工資400元，所以對於很多住戶來說，外傭稅變相是由外傭支付的。所以今次提出要還原、撤銷外傭稅時，又有幾多人為外傭說句公道話，建議同時還原、提高回外傭的最低工資呢﹖大家恍如失憶，不記得事件中外傭同時是stakeholders（持份者）。
於是，大家只會為自己那一份吵吵鬧鬧，卻不會把眼界擴展至其他人，看看整體上的合理性，看看什麼為之「公道」。
平心而論，在新一輪通脹威脅下，對草根的影響要算最大，因為現時通脹勢頭最猛的，要算是油價和糧食價格。油價太貴，中產可減少使用私家車，多用公共交通公具；但食物如罐頭、麵包、肉價、米價等飈升，可壓縮的空間則不大。大家都明白，菜籃子是草根生活開支的主要部分，對中產則不然。我們這類中產，每次去街市或超市買菜，最多感到有些「肉赤」，但仍未至於消費不起，但設身處地去想，即食麵一包由兩元升至四元；豆腐一磚由一元多升至三元多；罐頭由每罐幾元升至十多元；米價勁升了一倍 …… 一個月入幾千元的草根家庭，這就是「生活中難以承受之重」。再加上，經濟雖然復蘇，雖然中產很多都有人工加，但在全球化衝擊下，很多基層勞工面臨deskilling、工種外移、職位流失等的衝擊，薪水根本升不上去，令其情况更加雪上加霜。
在考慮稅收、公共資源的投放及配置時，如果每個人只考慮自己有無「着數」，自己那一份「夠唔夠大」，這樣只會把香港變成一個全無價值、全無人情味的民粹主義社會，這樣的一個社會將會十分脆弱和容易瓦解。
因此，我們考慮的，應該是更高的一些原則，例如社會價值，以及政策的理性（rationality）等。例如九七金融風暴時，因為利益飈升但樓價卻狂跌，政府推出紓解民困措施，選擇向中產傾斜，例如退稅、增設供樓免稅額等，便十分合理；相反，若要紓解通脹壓力，明白到通脹的勢頭在菜籃子最猛，草根在經濟復蘇中受惠最少，多照顧基層，這也是應有之義。
我相信這個世界是要講道理的，不能只講對自己有無「着數」，自己那一份「夠唔夠大」。在考慮公共政策，如紓解民困措施時，亦當如此。
對香港心存感恩
我自己出身低下階層家庭，父親是個船塢工人，一家三兄弟，如果沒有政府和社會的資助，根本無可能負擔得起讀大學，亦因而無可能通過教育改變命運，實現階級流動。我想這也是香港三四十歲中生代的普遍共同經驗。所以我一直對香港這塊土地，心存感恩。
如果當年的納稅人，也斤斤計較，是否「稅就有份交，福利就無份」，稅款是否流向與己不相干的低下階層之口袋，那麼我相信香港整整一個世代的人，將無法出現階級攀升和集體生活改善，經濟奇蹟和起飛可能也無從談起。
如果有多到世界各地遊歷、見識的朋友，相信不難感覺到，香港的治安、公共秩序、城市管理等，都是世界首屈一指的，身邊不少朋友也認定，香港是全球華人社會中，一個算是可以讓我們安身立命的好地方。只要你看看其他亞洲國家如[url=]印尼
[/url]及[url=]菲律賓
[/url]，便知道幸福並不是必然。如果大家都不認為自己的社會是公義和合理，反而充斥着不忿、嫉妒，甚至是仇恨，一個社會是不可能安定與和諧的。建立一個公義的社會，便是稅款、公共資源投放及配置的其中一個主題，最終每個階層都能受惠，包括中產。
或許這番說話很刺耳，但我知道，自己不會出來參選，也沒有興趣做官，有些說話如果連我都不說，可能就更加沒有幾個人會說。所以還是冒着得罪很多人的危險，坦然道出——為了我所鍾愛和感恩的香港。
作者是中文大學政治與行政學系高級導師

0 0 0

私人傳訊

莎莎莉莉

伯爵府

積分: 17389

好媽媽勳章

2^#

發表於 08-7-24 09:49 |只看該作者

我知道呢篇野實會惹來好多戰火
不過, 我都要話, 我有部分都認同佢講既野

我覺得七八十年代的香港人心態比較好
包括基層和商家~~果時中產唔多
基層會諗下點靠勞力賺錢
商家會諗點回饋社會~!~看看蔣震和田家炳
大家都有份積極建設香港的人
唔係只係話政府呢樣唔俾我, 果樣唔俾我....

私人傳訊

積分: 663

3^#

發表於 08-7-24 09:55 |只看該作者

回覆 #1 happyky 的文章

哈哈哈... 作為大學導師(tutor)睇事件未能全面了解分析, 真係枉為人師...

第一, 法庭已經判左, 外傭徵費(係外傭稅, 你話我地c9 唔識就好好地, 但作為都分唔清楚, 咁就係有問題), 與當年減外傭最低工資無關..

第二, 最低工資的本義是什麼? 何解香港勞工沒最低工資, 而外傭會有? 中間存在什麼問題與利益衝突, 如果我是他管理學老師, 佢講以上番言論, 但文中又冇提及相關論證, 我一定肥呢個學生...

第三, 何謂中產? 你點定義中產? 跟政府講家庭月入萬五就係中產? 有冇讀經濟學? 識唔識咩叫Disposal Income? 月入萬五, 要租樓, 要養細路, 兩公婆的Disposal Income仲剩幾多? 唔好講萬五, 三萬好未? 有冇計過先?

呢位老師都似乎不食人間煙火, 我估計或者應該冇請外傭, , 請過外傭應該會了解一d, 我從以上言論估計佢都係道聽塗說, 尤其話唔做高官及議員, 我認為佢口是心非而已, 此君聰明, 不當『人員』而當『資源』, 此文章明顯又一搏出位言論, 尤幸佢真係唔算好出名, 傳媒登佢出黎只不過係貪佢言論出位, 搏有話題而已, "中文大學政治與行政學系"選如此導師, 恐怕也誤了不少子弟也.... 唉....

私人傳訊

bighug

水晶宮

積分: 52139

2023年兔年勳章 hashtag影視迷勳章好媽媽勳章醒目開學勳章

4^#

發表於 08-7-24 09:59 |只看該作者

呢個世界梗係有呢d咁既讀屎片既人，淨係識理論，唔理實際情況，社會轉變

私人傳訊

happymanman

積分: 4588

5^#

發表於 08-7-24 10:11 |只看該作者

今次的外僱稅唔係個個都係中產, 有好多人係沒有辦法照顧唔到屋企才請maid, 我就係其中一個, 沒有人幫我照顧bb我又要返工, 唔返工又唔得..

私人傳訊

bigbigfamily

男爵府

積分: 5656

6^#

發表於 08-7-24 10:20 |只看該作者

原文章由 happyky 於 08-7-24 09:17 發表
蔡子強﹕香港中產只講「着數」﹖
http://hk.l.yimg.com/hk.yimg.com/i/nws/partner/mp.gif (明報)7月24日星期四 05:10

【明報專訊】最近，聽到剛赴美國
進修的一位朋友，所親身經歷的一個小故事。他說有天到理髮店理髮 ...

你都係戇狗之一族!

, 英國佬時代, 香港無吟多綜援戶. 好多人努力工作, 相信政府, 民生安定, 只要努力讀書加勤力, 機會係系你面前, 自己要去增取.

但97後, 政策變, 狗官當道, 民不僚生! 拎綜援既人大幅上升, 如果政府有遠見, 有腦, 有規劃, 多做事, 少擦鞋. 相信香港一定唔會落此下場.
基層稅交足, 到頭來最終成為被遺望既一群.

97至而家放咪吟多"同志"落香港唔知為乜? 落到香港一於奉行黑人憎狗官既生3個既妙論! d同志何止生3個, 佢地直情"日日做到無停手", 頂! 因有戇居正苦養, 重唔多勞多得. 佢地實質有幾多人係有交足稅? 怎至有工作? 只有白痴就連咦點都諗唔到.

I love my hubby and my boy. XOXOXO

私人傳訊

積分: 663

7^#

發表於 08-7-24 10:33 |只看該作者

回覆 #2 happymanman 的文章

好簡單做過例子:(大學教師興嘛)

富有的人永遠唔明貧窮的人, 一個月多一千蚊駛 (即我講到懶係專有名詞的disposal income), 會將困迫的生活改善幾多?

養個外傭, 人工雜費徵費伙食假期等等, 平均成本六七千起碼...

你估媽媽們好想放低個囝囝囡囡, 比一個陌生人照顧嗎? 好多媽媽真係出去做份文員八九千蚊個月咋? 如果真係唔差果一千蚊開飯, 任何媽媽都寧願自己返去照顧子女, 有咩好得過由親生媽媽去照顧佢地?

所以呢位蔡導師, 真係令我好失望, 原來而家專上教育駛費咁貴, 就係養緊呢班人? 我真係好擔心我的子女, 第日會被教出d 咩思想... 以偏蓋全的言論, 估唔到出自一個上三大的大學導師手中, 唉..... 此刻我已經唔係擔心果幾百蚊一個月問題, 而係, 我地子女在香港受緊咩教育...

私人傳訊

kaiyui_BB

子爵府

積分: 10472

8^#

發表於 08-7-24 10:39 |只看該作者

我哋兩公婆都要外出工作, 在無計可施之下才請工人來照顧小朋友,

私人傳訊

kaiyui_BB

子爵府

積分: 10472

9^#

發表於 08-7-24 10:39 |只看該作者

老套D o個句, 我哋唔係 "中產" , 係 "淒慘"

私人傳訊

qqqqqq

積分: 2815

10^#

發表於 08-7-24 11:01 |只看該作者

原文章由 CreativeAccount 於 08-7-24 10:33 發表
好簡單做過例子:(大學教師興嘛)

富有的人永遠唔明貧窮的人, 一個月多一千蚊駛 (即我講到懶係專有名詞的disposal income), 會將困迫的生活改善幾多?

養個外傭, 人工雜費徵費伙食假期等等, 平均成本六七千起碼...

...

同意你的說法,我現在最擔心的是香的教育質素.大學講師???講緊咩呀???? 佢有無唸吓外國的稅制,國民福利政策...........佢以印,菲等國同香比較. 講野要負責任架.

私人傳訊

彥彥公主

積分: 4060

11^#

發表於 08-7-24 11:09 |只看該作者

我覺得以咁ge學歷身份寫這樣的文章,是不負責任的表現,作為大學的高級導師,寫呢篇文章不會得罪人而會被質疑他的能力

"反而對於政策的來龍去脈，政策的合理性，卻着墨和探討甚少。今次一個典型例子便是外傭稅。
隨着政府寬免外傭稅兩年，向中產示好，除了因政策考慮不周而惹來不滿之外，也帶來應否還原回幾年前的情况，取消外傭稅的爭論，........當年在徵收400元外傭稅時，也同時降低了外傭的最低工資400元，所以對於很多住戶來說，外傭稅變相是由外傭支付的。所以今次提出要還原、撤銷外傭稅時，又有幾多人為外傭說句公道話，.....不記得事件中外傭同時是stakeholders（持份者）。"
他對於外傭徵款這個政策的來龍去脈及合理性,可有查證?如果不是合理性出了問題,點會有咁多人支持要取消?
2003年,外傭的人工被減,情況就如所有的打工人士一樣,因應經濟況而被減薪,你去問問打工一族,係咪所有打工的隨著經濟復甦,而家薪金追回以前?我相信絶大部分都不是,否則,我們不會見到咁多罷工事件,我們沒有忘記外傭是持分者,我們的政府都沒有忘記,所以他們有機制年年review外傭工資,六月份才剛宣佈因應通脹,加咗他們的人工,不計係咪合理,但他們有機制,有review,但外傭徵款呢?外傭版的義工,並不是今時今日才爭取取消外傭徵款,原因就係政策不合理,但政府官員的答覆是徵款居然係用作擴大再培訓之用,怎可能合理?
因應香港經濟情況,2003年以來,很多稅率有增有減,作為納稅人,我一向安守本分,定時繳交,在經濟最差時,我們要繳交最多的稅款,但我沒為此要求取消任何稅項,的而且確我需要盡公民的責任,有權利便有義務,因為自小我也是基層,住的也是廉租屋,我有機會受教育,現今可以改善生活,我是享有了權利,但我一向盡義務的,我對香港是感恩,但不代表要啞忍不合理的政策!
政府的所謂派糖,我從來不認為是德政,這些只是政治手段,如果政府的福利足夠弱勢社群使用,根本無需要派錢,只因為政策不完善,才讓傳媒,政客找到那麼多可攻之處
請不要用"著數"這個字眼,我從不認為我們爭取的係"著數"我作為香港守法公民,我的工作對社會有貢獻,我也對合理稅款交得甘之若飴,但這些不合理的徵款就尤如打劫一様,令人憤慨~
作為大學導師,請考慮一下以你們的身份在傳媒刊登這樣的文章,會為社會做成幾大的分化?今次寬免措施最大的問題就是造成社會分化,基層,中層,外傭,外傭僱主....請好好運用你的知識及智慧寫出對香港有建設性的文章,才是對香港感恩的做法!!!

[ 本文章最後由彥彥公主於 08-7-24 11:10 編輯 ]

私人傳訊

123BB

男爵府

積分: 6598

12^#

發表於 08-7-24 11:17 |只看該作者

大學教授既質數都咁差,我地仔女既未來真係

私人傳訊

mylulu007

伯爵府

積分: 15536

13^#

發表於 08-7-24 11:24 |只看該作者

我唔係要正苦俾D乜野著數我，只係正苦收左稅，D錢亂用唔監管，攞綜緩去旅行，生仔又唔理果D新聞時有所聞，我想去旅行都無多餘錢。

我只係想我地默默付出的一群，可以透過正苦，去搵人監管，去搵人手去幫真正需要既市民，使錢用得其所，而唔係只局限於俾街邊乞兒同埋慈善團體。

講呢番說話既人，身處既地方，係懶民主懶正義，咪又係蝦蝦霸霸去對其它國家？！以為隔岸觀火可以口出狂言嗎？那是否香港俾唔到咩野著數你所以去到老lin咁遠？！

私人傳訊

積分: 663

14^#

發表於 08-7-24 11:52 |只看該作者

回覆 #3 彥彥公主的文章

我點解話蔡導師以偏蓋全, 如果佢表明立場, 話幫外傭組織, 佢用咩歪理去講, 我反而覺得冇野... (如工會代言人係佢親屬)

但佢成篇論文咁講, 完全冇用PEST, 即我地所謂政治(political), 經濟(economics), 社會(social-cultural)以及技術(technology) 去分析, 真係枉佢讀咁多書.... 仲要臨尾講話自己視政治仕途如浮雲... 咁即係想對言論不負責任?

下面係悶棍野, 不喜勿閱(當我拋書包, 因為佢係讀書人嘛)

佢濫用左stakeholder 這字, 講學歷, 佢未係博士我都唔會輸佢好遠(不過佢教書者), stakeholder 範圍係好闊的, stakeholder 有七個group 係包括public

當家庭(family)係一個商營機構(firm)去睇, shareholder 至係持有人, employee(佢所指的外傭)其實都係stakeholder 當中一種, 兩者利益唔讀書都知, 一定有衝突, 平衡得好, 至令間firm 發揮得到... 是但一邊比例上過重, 都會嚴重影嚮...

如間firm 根本負擔唔到一邊stakeholder 過份要求, 根本就有機會做唔到野, 甚至執笠...

如果社會突然好多firm (家庭)出問題, 會構成咩影嚮?

咁點解會咁多 family出左問題? 係咪因為政策出左問題呢? 還是shareholder(即我地呢d 表面叫外傭僱主, 實質只係平民百姓)經濟根本支持唔到呢?

技術方面, 有咩替代品, 可以替代外傭? 所以太太媽媽唔出去做野(對香港經濟有幫助?), 返去湊仔, 會對社會, 經濟改善?

導師呀導師, 我只仲係一個學生, 都尚且識用PEST 講個情況, 你... 你... 你教咩書架??

私人傳訊

彥彥公主

積分: 4060

15^#

發表於 08-7-24 12:07 |只看該作者

原文章由 CreativeAccount 於 08-7-24 11:52 發表
我點解話蔡導師以偏蓋全, 如果佢表明立場, 話幫外傭組織, 佢用咩歪理去講, 我反而覺得冇野... (如工會代言人係佢親屬)

但佢成篇論文咁講, 完全冇用PEST, 即我地所謂政治(political), 經濟(economics), 社會(social- ...

如果真係視仕途如浮雲,根本唔會提la~~
口口聲聲話自己係為公義而出聲,咁點解做好功課,持平才說,一開口就話會得罪人,眼中的香港人個個都不濟?道理在你那裏,點會得罪好多人???難道在遠方生活才是高尚?
呢d挾住個銜頭,說話不負責任的知識分子,係最可惡的!!~

私人傳訊

BBTWIN

積分: 4226

16^#

發表於 08-7-24 12:16 |只看該作者

原文章由 bigbigfamily 於 08-7-24 10:20 發表
我都好同意. 我到而家都仲好懷念英國政府統治時期. 果時會覺得香港真係一個好好的地方．民生安定，社會繁榮．個個都靠自己的勞力腦力搵錢．只有極少數真係有須要的人仕先拿社會津貼．我以生為香港人而自豪．當時所有政府官員被視為天子門生，以為個個有腦．唉！點知９７後再冇英國老o係背後獻計後原來個個個腦都生o係pat pat度．特別係而家個憎淫權，簡直不知所謂．佢上場o甘耐有咩貢獻？？？佢而家同老董有咩分別？？？？攪外傭稅都一塌糊塗．那個什麼中大講師，他是高收入人仕，那一點點的外傭稅他當然並不在乎啦．隔岸觀火，有什麼風涼說話不會講．我都很想在家照顧小孩，想看著她們成長．為什麼要無端端請一個全不認識的菲籍人士在家呢？？？就是為了有人可以全天侯照顧我們的一雙小女兒．我們夫婦倆才可在外工作，爭取較好的生活條件，難道也有錯嗎？？？？我們有較好的生活條件就一定要和某些不事生產的社會大懶虫分享嗎？？？什麼再培訓局培訓了什麼出來？？我只知我身邊有人享用這些津貼但到頭來都不找工作．我們每月＄４００的外傭稅付出是值得嗎？？？？

你都係戇狗之一族! , 英國佬時代, 香港無吟多綜援戶. 好多人努力工作, 相信政府, 民生安定, 只要努力讀書加勤力, 機會係系你面前, 自己要去增取.

但97後, 政策變, 狗官當道, 民不僚生! 拎 ...

私人傳訊

BBTWIN

積分: 4226

17^#

發表於 08-7-24 12:20 |只看該作者

我都好同意. 我到而家都仲好懷念英國政府統治時期. 果時會覺得香港真係一個好好的地方．民生安定，社會繁榮．個個都靠自己的勞力腦力搵錢．只有極少數真係有須要的人仕先拿社會津貼．我以生為香港人而自豪．當時所有政府官員被視為天子門生，以為個個有腦．唉！點知９７後再冇英國老o係背後獻計後原來個個個腦都生o係pat pat度．特別係而家個憎淫權，簡直不知所謂．佢上場o甘耐有咩貢獻？？？佢而家同老董有咩分別？？？？攪外傭稅都一塌糊塗．那個什麼中大講師，他是高收入人仕，那一點點的外傭稅他當然並不在乎啦．隔岸觀火，有什麼風涼說話不會講．我都很想在家照顧小孩，想看著她們成長．為什麼要無端端請一個全不認識的菲籍人士在家呢？？？就是為了有人可以全天侯照顧我們的一雙小女兒．我們夫婦倆才可在外工作，爭取較好的生活條件，難道也有錯嗎？？？？我們有較好的生活條件就一定要和某些不事生產的社會大懶虫分享嗎？？？什麼再培訓局培訓了什麼出來？？我只知我身邊有人享用這些津貼但到頭來都不找工作．我們每月＄４００的外傭稅付出是值得嗎？？？？

私人傳訊

babesiu

禁止訪問

積分: 11847

18^#

發表於 08-7-24 12:34 |只看該作者

提示: 作者被禁止或刪除內容自動屏蔽

私人傳訊