親子旅遊

收藏本版
發帖
返回列表
跳至頁

首頁
12

尾頁
   0
政壹


複式洋房

積分: 361

好媽媽勳章


1#
發表於 08-7-20 02:38 |只看該作者

part 1:

各位, 如果大家諗住貪平搭呢間airline, 大家要有心理準備, 佢D航班會改嚟改去, 令你大失預算, 玩得好唔happy!!!!!! 有問題出現, 佢哋唔會理個客嘅感受, 客人投訴無門, 寫晒意見書, 冇人會主理覆你, 打去問, 你等一個月再打嚟啦(冇咁快處理呀)!!!

今年三月,諗住呢間airline價錢合理又有位, 又係以hk為基地嘅公司, 就諗住一試, 經康泰買票去台中, 出發前, 康泰及快運都分別打過比我, 話回程時間會由三點改兩點, 又叫我回程前要打當地hk express電話comfirm, 我回程前一日打去, 佢都話時間改咗, 由三點改兩點 … … 唉!玩得個幾日, 要改早走, 梗係有D唔開心, 不過冇計啦!

回程當日, 我十二點前已到機場, 發現快運原來冇辦事處, 要在華信counter check in, 去到華信counter, D排隊指示混亂……比人打尖D職員又唔理!!! 都算!!! 問職員班機幾時飛, 佢話張登機證有寫…三點, 我話唔係喎, 有人通知我話改早一個鐘 (當時有幾個一齊等的香港人一齊問佢點解會咁), 佢話我哋冇人通知你要早飛喎 (D態度好差同好串, 覺得係我麻煩、唔啱、有問題)! 我話旅行社有, 佢話咁你問旅行社囉! 我話快運都打過比我, 佢話咁你問快運囉! 我問佢我要點揾快運D職員, 佢話快運冇職員响度! 仲話而家班機又唔係飛走左, 問原因嚟仲乜 … … 我打去當地hk express電話, 點知 Sunday 冇人辦工, 我打長途返hk, 職員話要了解下件事覆我 …

我上到機寫意見書(幾百字), 反映唔係改早1 hr嘅問題, 而係職員D態度同處理手法有間題, D crew睇完話唔好意思, 會向公司反映… …結果, 我返hk打過好多次去訂位部(因佢冇customer service dept.), 叫佢比番個回覆我, 佢都話反映咗比總公司知, 未有回覆, 幾星期後, 終於有人覆我, 話唔好意思, 時間改咗由三點改兩點, 引致不便…(講左多耐, 先發現佢哋根本冇見過張意見書…)

其實, 我一年都會搭幾次飛機, 知道航班提早/Delay/調動好平常, 仲要只係1 hr … …但係通知左乘客提早到機場, 去到D “職員” 態度好差咁話時間冇改過, 當個客有問題, 當個客D時間唔係野, 有意見書又唔會睇……



[ 本文章最後由 政壹 於 08-7-20 11:52 編輯 ]
.
私人傳訊

政壹


複式洋房

積分: 361

好媽媽勳章


2#
發表於 08-7-20 02:40 |只看該作者
part 2:

好啦! 對快運都冇乜信心, 冇諗住再搭 … 點知有朋友抽獎抽到快運機票兩張, 佢想要 $$$$ 多過要機票, CX八月飛日本每張票要$4XXX, 咁我就平少少買咗兩張票返來,六月頭已申請攞假、出好票(是正式票, 不是standby票)、訂好酒店、plan好行程、約好當地的朋友 … …

7月中, 快運又來電, 話去程班機cancel左, 回程班機會遲三個幾鐘 , 叫我遲一日出發 , 話安排唔到轉其他航空公司機走… … 嘩! 大佬, 日本D酒店唔係長洲渡假屋呀! 唔係去到先book架 (或者有 “高人”係, 我唔係囉!) 我訂咗嘅酒店點算??? 我之前plan嘅行程已經好趕, 遲一日要去嘅地方一定去唔哂, 咁樣又要人白白犧牲了遊日嘅時間 … … 我一年唔係有好多日大假,平日好慳犧牲好多先儲到錢同假去旅行, 如果係天氣問題我絕對會接受囉! 但而家唔係!!!

我共坐快運四程機, 有三程都要改, 甚至cancel, 我要求照原訂日子出發, 又話要fax 機票, 酒店資料、價錢同收據等, 仲要係話好難安排到 … …

快運呀快運, 我而家唔係申請upgrade去商務客位呀, 唔係申請貸款, 唔係申請綜緩!!!駛唔駛出世紙、銀行簿、結婚証書、日記簿、經期紀錄都fax埋比你呀??? 而家唔係淨係酒店房租嘅問題, 你係唔想出抽獎信可以唔出, 去旅行要計劃同安排架, 唔係你鐘意改就改, 鐘意取消就取消, 而家細路仔玩泥沙呀??? 你哋公司毫無誠信, 當個客嘅時間係垃圾,…我真係好嬲!!!
大家要知道, 搭快運 ... ... 想如期準時出發同回程係極度者奢侈嘅事!!!

各位BK 媽咪, 我會send條link比快運, 懇請大家幫忙回應下, 感激不盡!!!

[ 本文章最後由 政壹 於 08-7-20 13:05 編輯 ]
.
私人傳訊

kyokoyau


民房

積分: 14


3#
發表於 08-7-20 21:01 |只看該作者
吓?唔係瓜? 仲諗住十月同幾個Family 去日本坐呢間添!
見到你咁長篇嘅投訴,我唔想有gum嘅遭遇呀,
返去同佢哋傾吓, 揾過第二間好過. 錢比多唔緊要, 冇服務先幣加火.


原文章由 政壹 於 08-7-20 02:40 發表
part 2:

好啦! 對快運都冇乜信心, 冇諗住再搭 … 點知有朋友抽獎抽到快運機票兩張, 佢想要 $$$$ 多過要機票, CX八月飛日本每張票要$4XXX, 咁我就平少少買咗兩張票返來,六月頭已申請攞假、出好票(是正式票, 不是stan ...
私人傳訊

小百合


大宅

積分: 3399


4#
發表於 08-7-20 22:02 |只看該作者
去旅行都係想開心jei, 物間航空公司咁都得架. 物可以無端端取消d航班又唔安排既咩? 係d係咩道理!!!

當年我老公係HK返LA讀書, CX賣飛賣大左, CX都好言請我地幫忙, 話"如果你地真係唔趕時間, 可唔可以考慮搭聽日班機, 仲補返$3000 + $1000交通費(當時張來回機票都係$4XXX), 到第二日我老公上機仲upgrade business class 添. 呀怏運, 唔該你學下野啦啦隊!!

你d services咁差劣, 叫人點幫襯呀! 真係一百個唔掂!!!

私人傳訊

怕羞草


複式洋房

積分: 225


5#
發表於 08-7-20 22:15 |只看該作者
唔係呀化!!! 學劉華話齋, 今時今日咁既服務態度係唔夠! 何只唔夠, 直頭唔得啦.

快運呀快運, 我cancel 日本酒店d booking係咪你負責先, 我同公司請左假, 又無得出發, 你點補償先.

要個客provide有關既booking資料, 有無病呀!!! 咁你咁大間公司, 無拿拿取消班機, 我都要有一個合理既解釋同証明, 我都要收到有關既文件囉.

"顧客永遠是對的"這句說話, 你地好似完全誤解左. 錯誤理解為"快運鍾意點玩都得"!!!!!

比我實去生果日報投訴, 將快運既惡行公諸於世.

[ 本文章最後由 怕羞草 於 08-7-20 22:21 編輯 ]
私人傳訊

kyokoyau


民房

積分: 14


6#
發表於 08-7-20 22:21 |只看該作者
喂喂, 你記得話比我知結果係點,我叫我啲friends得閒睇吓,
費事佢地遭秧.
去旅行前整單gum嘅野, mud mood 都冇,確實把幾火,
仲要問長問短, 家陣你係菲傭,快運係阿Mum咩?有冇攪Q錯呀!



原文章由 kyokoyau 於 08-7-20 21:01 發表
吓?唔係瓜? 仲諗住十月同幾個Family 去日本坐呢間添!
見到你咁長篇嘅投訴,我唔想有gum嘅遭遇呀,
返去同佢哋傾吓, 揾過第二間好過. 錢比多唔緊要, 冇服務先幣加火.


...
私人傳訊

caryli417


禁止訪問

積分: 951


7#
發表於 08-7-20 23:38 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

vet


水晶宮

積分: 52961

好媽媽勳章 畀面勳章


8#
發表於 08-7-21 00:16 |只看該作者
budget airlines 就係o甘
service 要錢買的
私人傳訊

tssken


民房

積分: 1


9#
發表於 08-7-21 01:01 |只看該作者
我呢排重想睇下有無一些平的機票........
聽到你咁講真係驚驚.....我都係第一次聽到出發前無耐先要客人改時間.....

我覺得你現在有兩樣事應該要做(個人意見):

1. 快些佢問一問其他airline有無你們的來回時間機位, 點都有一個後備機位,唔會影響你原有的行程!!

2. 我有家人在某生果報做.....如要投訴,可pm聯絡我....

祝 順順利利
私人傳訊

政壹


複式洋房

積分: 361

好媽媽勳章


10#
發表於 08-7-21 12:52 |只看該作者
快運港航兩總裁齊離任 兩小型航企高層大地震
(明報)7月21日 星期一 05:10

【明報專訊】油價屢創新高，連強如[url=]國泰航空
[/url]（0293）亦支持不了，何况本港其餘兩家規模較少的航空公司？據悉，由「賭王」[url=]何鴻燊
[/url]及海南航空合資的香港快運（HongKong Express、下簡稱快運），自啟航以來一直虧損，且股東之間並不咬弦，雙方在營運理念亦見分歧。上周，早已在營運上合併的香港航空（HongKong Airlines、下簡稱港航）及快運更出現高層大地震，快運總裁蔡茂生及港航行政總裁呂榮照同時離任，且兩人加入公司不足9個月，難免令外界懷疑該公司營運是否出現問題。
傳股東出現爭拗
據悉，上周離職的還包今年2月底才上任的快運地面服務總經理姜景源，上述三人加入港航、快運前都於港龍任職。有知情人士指出，蔡離開前向兩家公司員工發出內部電郵，大意指過去半年工作「不太理想」，故決定離去。
該知情人士說，兩家公司高層管理「急急走人」，與公司兩大股東出現爭拗有關。快運由何鴻燊及其外甥謝天賜合共持有55%股權，海航佔其餘45%；至於港航則由港商蒙建強持股55%、海航佔45%。據悉，快運啟航以來虧損持續，故何鴻燊才找來海航入股，其實是希望藉此「脫身」：「何生不想再投放資金，故找來海航。」惟海航入股後，快運經營情况未見改善。
財困消息不斷 何鴻燊圖「甩難」
事實上，本港航空界近日有關兩家姊妹航空公司財困消息不斷，其中前周五快運多班航班因油公司拒絕替航班入油，導致延誤多時，據悉，便是因快運一直拖欠油公司款項。
事件當日雖最終解決，但有與兩家航空公司生意來往的人士坦言：「他們（港航、快運）做生意的風格是這樣，未到最後一刻都不會還錢。」
有趣是，不止「街外人」要向兩家公司追數，甚至持有快運5% 股權的快運行政總裁謝天賜早前亦入稟高院，向公司追數1764萬元。
謝天賜接受本報記者查詢時指，不便評論有關訴訟，亦不願評論公司財政狀况，但表明他與公司的目前營運發展方針有分歧：「我一向認為根本不可以有太多波音737客機，你看港龍那麼多架空巴320（與737同檔次），有邊架賺錢？」問及會否退股，謝天賜說：「間公司（快運）是我一手一腳湊大，不會輕易放棄。」
公司定位起分歧 總裁被「架空」
謝指快運成立初期是定位作短程接駁航線，小規模發展避免與國泰正面對撼：「即是要做短程，做『駁客』，但『有人』要做國泰。」快運成立初期全用只載50至70人的小飛機，而波音737一般可載120人以上。有熟知快運的人士指，謝雖身為行政總裁，但早已被「架空」，日常營運鮮能參與。
正如蔡茂生離任後，來自海航的楊建雄將為蔡的替代人選，但謝竟對楊之任命不知情：「我不太清楚，見都未見過，但都要等董事會開會才可以確認任命。」兩大「股東派系」之溝通情况由此可見一斑。
快運港航 是姊妹公司
香港快運前稱港聯航空，成立初期透過租賃4架[url=]巴西
[/url]76座位的Embraer 170小型客機 ，經營廣州、杭州、南京、[url=]寧波
[/url]及重慶等航線，及後海南航空入股後，機隊全改用載客達164名的波音737-800型客機營運。據網站資料，快運及香港航空兩家公司已合期落實訂購58架飛機，包括20架載客可高達253名的空巴A330-200廣體客機。
（明報記者盧嘉偉報道）

[ 本文章最後由 政壹 於 08-7-21 13:05 編輯 ]
.
私人傳訊

政壹


複式洋房

積分: 361

好媽媽勳章


11#
發表於 08-7-21 12:57 |只看該作者
search from website http://ec2thailand.com/forum/viewthread.php?tid=22378
香港快運航空, 將步甘泉後塵節錄今期壹週刊

三 個 月 前 ， 油 價 仍 是 每 桶 一 百 美 元 的 水 平 ， 甘 泉 航 空 已 抵 受 不 住 油 價 高 企 ， 加 上 債 台 高 築 ， 最 終 導 致 清 盤 收 場 。
現 時 油 價 已 升 至 每 桶 一 百 四 十 美 元 以 上 ， 連 累 全 球 航 空 公 司 亦 踏 入 非 常 時 期 ； 早 前 國 泰 更 罕 有 地 發 出 盈 警 ， 表 示 油 魔 的 影 響 ， 遠 較 沙 士 及 九 一 一 嚴 峻 。 有 專 家 估 計 ， 全 球 將 有 不 少 航 空 公 司 陸 續 倒 閉 。
由 何 鴻 燊 及 其 外 甥 作 為 大 股 東 的 香 港 快 運 航 空 （ Hong Kong Express ） ， 可 謂 面 對 前 所 未 見 的 困 境 ， 上 星 期 油 公 司 表 示 舊 數 未 清 ， 一 度 拒 絕 供 油 給 香 港 快 運 。 除 了 債 主 臨 門 外 ， 甚 至 身 為 大 股 東 兼 公 司 行 政 總 裁 的 賭 王 外 甥 ， 亦 入 稟 法 庭 ， 向 公 司 追 討 一 千 七 百 多 萬 ， 可 見 香 港 快 運 財 困 情 況 嚴 重 。

上 週 五 ， 多 班 準 備 離 港 的 香 港 快 運 客 機 ， 齊 齊 出 現 航 班 延 遲 ， 令 候 機 的 乘 客 極 為 鼓 譟 。 為 安 撫 情 緒 ， 香 港 快 運 職 員 向 查 詢 的 乘 客 解 釋 ， 延 誤 是 因 為 飛 機 須 輪 候 入 油 。
航 班 延 誤 ， 無 疑 與 入 油 有 關 ， 但 原 來 另 有 內 情 。 據 悉 供 應 燃 油 給 香 港 快 運 的 油 公 司 ， 因 對 方 欠 款 未 還 ， 在 多 番 追 債 亦 無 回 音 下 ， 終 於 使 出 撒 手 ， 表 示 必 須 儘 快 繳 清 欠 款 ， 否 則 不 再 供 油 ， 逼 使 對 方 停 飛 。


下 午 突 然 被 拒 入 油
上 週 五 早 上 ， 油 公 司 依 然 替 香 港 快 運 的 航 班 如 常 入 油 ， 但 直 到 下 午 四 時 ， 油 公 司 仍 未 收 到 欠 款 ， 終 於 發 難 拒 絕 替 對 方 五 班 航 機 入 油 ， 香 港 快 運 的 管 理 層 才 知 情 況 嚴 重 ， 於 是 急 謀 解 決 辦 法 。 雖 然 事 件 最 終 解 決 ， 但 導 致 多 班 客 機 延 誤 ， 其 中 原 定 在 四 時 三 十 五 分 飛 往 沖 繩 的 航 班 ， 延 誤 逾 兩 小 時 後 才 可 起 飛 。
航 空 業 人 士 表 示 ， 香 港 快 運 財 困 的 消 息 早 已 傳 開 ， 不 少 與 它 有 生 意 往 來 的 供 應 商 ， 亦 先 後 被 拖 欠 大 筆 款 項 ， 「 近 期 有 供 應 商 被 UO （ 香港快運 的 航 空 編 碼 ） 拖 欠 七 位 數 字 ， 最 後 要 發 出 最 後 通 牒 ， 要 脅 唔 找 數 便 停 止 服 務 ， 才 逼 到 UO 還 錢 。 」
快 運 不 單 止 拖 欠 供 應 商 款 項 ， 甚 至 連 官 方 機 構 的 民 航 處 亦 無 法 倖 免 。 原 來 ， 香 港 政 府 徵 收 的 飛 機 乘 客 離 境 稅 ， 一 直 由 航 空 公 司 代 為 收 取 ， 惟 香 港 快 運 去 年 卻 未 有 將 代 收 到 的 七 十 三 萬 元 離 境 稅 轉 交 予 民 航 處 ， 逼 使 政 府 入 稟 法 庭 追 討 。

載 客 量 低 至 兩 成
業 內 人 士 認 為 ， 國 泰 的 載 客 量 很 高 ， 經 營 尚 且 如 此 困 難 ， 何 況 載 客 量 平 均 不 足 六 成 的 香 港 快 運 。 「 UO 近 期 好 積 極 大 搞 ， 增 加 好 多 新 航 線 ， 好 似 日 本 名 古 屋 、 廣 島 及 岡 山 等 ， 但 只 係 冷 門 飛 行 地 點 ， 有 時 載 客 量 低 到 只 有 兩 成 。 」 這 名 熟 悉 香 港 快 運 的 人 士 表 示 ， 除 非 海 南 航 空 進 一 步 注 資 ， 否 則 擔 心 香 港 快 運 的 窮 根 難 以 解 決 ， 繼 而 步 上 甘 泉 的 後 塵 ？
另 一 邊 廂 ， 由 賭 王 旗 下 澳 娛 持 有 一 成 四 股 權 的 澳 門 航 空 ， 其 經 營 情 況 更 加 混 亂 ， 去 年 澳 航 取 消 航 班 的 比 率 高 達 一 成 二 ， 較 國 際 航 空 業 只 有 約 百 分 之 二 的 取 消 率 高 出 很 多 。 市 傳 澳 航 上 半 年 勁 蝕 二 億 元 ， 須 股 東 注 資 拯 救 。
本 刊 曾 致 電 香 港 快 運 求 證 財 困 問 題 ， 惟 對 方 負 責 人 表 示 不 作 任 何 回 覆 。

旅 行 社 無 疑 是 航 空 公 司 的 一 大 合 作 夥 伴 ， 但 作 為 全 港 最 大 旅 行 社 老 闆 的 黃 士 心 ， 卻 明 言 對 香 港 快 運 及 香 港 航 空 這 兩 間 姊 妹 公 司 印 象 麻 麻 ， 彼 此 合 作 不 多 。
「 佢地 運 作 幾 亂 ， 好 似 今 年 復 活 節 ， 傾 好 包 機 去 黃 山 。 我 一 早 知 道 降 落 黃 山 機 場 要 特 別 申 請 ， 一 個 月 前 已 提 醒 佢 辦 手 續 ， 佢地 拍 晒 心 口 話 冇 問 題 ， 咁 我 咪 開 始 收 客 ， 但 後 尾 竟 然 撞 板 ， 搞 到 要 取 消 個 團 ， 累 我 旅 行 社 形 象 亦 受 損 。 」
黃 士 心 表 示 很 多 規 模 大 的 旅 行 社 也 與 這 兩 間 航 空 公 司 合 作 不 多 ，
「 除 非 要 做 好 平既 團 ， 否 則 都 儘 量 唔 揀 佢 地 。 」
.
私人傳訊

Amanda2025


男爵府

積分: 9786

2018復活節勳章 畀面勳章 BK Milk勳章 hashtag影視迷勳章


12#
發表於 08-7-21 15:14 |只看該作者
唔係呀剛剛BOOK咗佢去泰國自由行
私人傳訊

maggkiki


男爵府

積分: 7418


13#
發表於 08-7-21 17:03 |只看該作者
咁都得 好彩我上星期來回沖繩(坐香港航空)都能準時升降mouth:
私人傳訊

hay03


大宅

積分: 1453


14#
發表於 08-7-21 22:20 |只看該作者
唉, 我夠慘啦!

八月中去程個班機已被通知由早上八點改為中午十二點十五分呀, 話整個八月八點個班機取消喎! 八月係旺季有嘜理由會取消架!

我依家已經買左旅遊保險啦, 萬一呢間公司倒閉我希望有得賠償! 真係驚好似甘泉航空突然執笠呀!

我都吾敢期望呢次旅程可以成行, 又或者去到當地突然收到執笠消息就要滯留在當地!
私人傳訊

政壹


複式洋房

積分: 361

好媽媽勳章


15#
發表於 08-7-21 23:23 |只看該作者
原文章由 hay03 於 08-7-21 22:20 發表
唉, 我夠慘啦!

八月中去程個班機已被通知由早上八點改為中午十二點十五分呀, 話整個八月八點個班機取消喎! 八月係旺季有嘜理由會取消架!

我依家已經買左旅遊保險啦, 萬一呢間公司倒閉我希望有得賠償! 真係驚好似甘 ...


for yr ref:
copy from hsb :
Q:如 果 旅 行 社 因 參 加 人 數 不 足 或 因 天 氣 問 題 取 消 行 程， 我 可 否 得 到 賠 償？
A:不 可 以。 因 航 空 公 司 或 旅 行 社 之 行 政 安 排 而 取 消 行 程， 將 不 包 括 於 此 計 劃 之 保 障 範 圍 內。

Q:如 我 參 加 旅 行 的 旅 行 社 倒 閉， 我 會 否 獲 得 賠 償？
A:不 會。 你 應 該 向 「旅 遊 業 賠 償 基 金」 提 出 索 償。
早前甘泉結業, 保險公司冇得賠,乘客要當一般債權人追討......

u better 問清楚保險公司!


[ 本文章最後由 政壹 於 08-7-22 00:09 編輯 ]
.
私人傳訊

政壹


複式洋房

積分: 361

好媽媽勳章


16#
發表於 08-7-21 23:29 |只看該作者
原文章由 hay03 於 08-7-21 22:20 發表
唉, 我夠慘啦!

八月中去程個班機已被通知由早上八點改為中午十二點十五分呀, 話整個八月八點個班機取消喎! 八月係旺季有嘜理由會取消架!

我依家已經買左旅遊保險啦, 萬一呢間公司倒閉我希望有得賠償! 真係驚好似甘 ...


唉, 我用了共六千幾出左兩張票(連tax...), 因用抽獎券換.........六千幾銀........凍過水啦!!!!!!!!!買也保險都冇用, 我原定八月一日出發, 而家我都未敢"唱"yen, 都唔知去唔去得成or去到要滯留.............早知貴兩千坐cx好過!!!
.
私人傳訊

政壹


複式洋房

積分: 361

好媽媽勳章


17#
發表於 08-7-21 23:32 |只看該作者
原文章由 Amanda2025 於 08-7-21 15:14 發表
唔係呀剛剛BOOK咗佢去泰國自由行


嘩妳幾時出發??? 唉!報紙寫得出......................而家真係好危!!!
.
私人傳訊

hay03


大宅

積分: 1453


18#
發表於 08-7-21 23:35 |只看該作者
我去泰國呀!

點解妳吾要求轉其他航空公司呀? 我有要求呀, 但只可以安排轉坐泰國東方航空公司, 聽聞服務好差勁, 飛機又舊; 所以我無接受呀!

原文章由 政壹 於 08-7-21 23:29 發表


唉, 我用了共六千幾出左兩張票(連tax...), 因用抽獎券換.........六千幾銀........凍過水啦!!!!!!!!!買也保險都冇用, 我原定八月一日出發, 而家我都未敢"唱"yen, 都唔知去唔去得成or去到要滯留.............早知貴 ...
私人傳訊

hay03


大宅

積分: 1453


19#
發表於 08-7-21 23:39 |只看該作者
可以要求退款架, 唉, 不過要比貴價機票 (其他航空公司).

所以我決定吾改航空公司, 一於等運到!
私人傳訊

hay03


大宅

積分: 1453


20#
發表於 08-7-21 23:42 |只看該作者
航空公司職員同我講, 如果因航班延誤令到旅客有損失, 可以要求賠償; 不過預左吾知要等幾耐日子先得到賠償; 即管試下 claim, 但吾好期望太高.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy