少年成長 今日: 0 | 主題: 16113

積分: 2967

1^#

發表於 08-7-28 17:03 |只看該作者 |倒序瀏覽 |打印

想請教:

老公的家人很喜歡買玩具給小孩，每次吃飯飲茶都會帶孩子買玩具，雖然那些玩具都是十多元的車仔，但我覺得此舉會讓孩子覺得每次見到爸爸的家人，便可買玩具，由於他們不是常見，一年聚在一起吃飯的日子大概10次，我和老公由起初不容許到後來大概2歲多容許，現在3歲半了，上星期家庭聚會，2位伯父先後帶我家孩子到玩具店買車仔，殊不知一位伯父逗着叫孩子飯後再買餘下款式的車仔，孩子以為是真的，飯後真的叫伯父買玩具，我叫着孩子也不聽，最後總共買了4架車仔，我覺得太離譜了，豈能這麼隨意，話買就買，兒子不覺有問題，因為是伯父叫買[的，他不明我為何這麼不高興，我應怎樣處理呢？他惱我不理啋他，還發了小脾氣，叫他道歉他不說，(他不是常道歉，他有時會以親吻代替)，回家我跟他說下次若再多買一件玩具我便會將家中一件玩具送給他人，最後他說知道。

我想請教：
1)
孩子有時不願說”對不起”，但以親吻作歉意可以嗎？還是每次都要堅持他說”對不起”。他性格很倔強

2)
我用“下次若再多買一件玩具我便會將家中一件玩具送給他人”的方法，對嗎？平時他是不會扭我和爸爸買玩具的，看完就走，一點也不扭。

0 0 0

私人傳訊

rat

積分: 1096

2^#

發表於 08-7-28 21:18 |只看該作者

原文章由 紫蘿蘭 於 08-7-28 17:03 發表
想請教:

老公的家人很喜歡買玩具給小孩，每次吃飯飲茶都會帶孩子買玩具，雖然那些玩具都是十多元的車仔，但我覺得此舉會讓孩子覺得每次見到爸爸的家人，便可買玩具，由於他們不是常見，一年聚在一起吃飯的日子大概10次，我和老公 ...

其實初初家人都會樣寵小朋友，我就會係好正面同個小朋友話唔得，好似以前飲茶，家姐比5元扭蛋，跟住姐夫又比，另一個家姐又比.....咁一家人七，八個連我仔的表姐都比錢佢扭，咁返到屋企，我只可以比一個佢，其他扣起，話聖誕節，兒童節，生日禮物都計埋落去。咁如果仔仔真係可以講，就同佢講，唔可以要人地買咁多玩具，自己家裡有就算，妳話“下次若再多買一件玩具我便會將家中一件玩具送給他人”係可行，不過就唔需要真係送比人，收起唔比佢知就當作送比人，咁如果下次佢唔買妳未話佢乖媽咪問番人地比番你.....。咁初初教係咁，如果妳就可以講明，今次聚會如果仔仔唔買玩具，可以話帶佢去M記食雪榚等作鼓勵或者同佢去多次公園等，唔好用太高的物質同佢講，如果佢買咗返來，咁妳就扣起佢最鐘意的其中一件玩具當作送比人，佢喊佢怒都唔好理，但一定要係事先講明，連就快去到都要提他一次，等佢再大D就同講，買咁多玩具你又唔係玩得晒，如果你可以KEEP 住唔買，到聖誕節或生日可以選一份(自己指定價錢的物品)，咁好似現在我仔仔唔想話要扭，當然家人都會自己獻身比錢佢扭，但佢會問過我先，我話兩個就兩個，佢就會將餘下的錢比番婆婆等。其實佢地真係唔覺得買玩具有乜問題，而且係人地自動比錢，我仔仔現在大咗D，就同講賺錢好辛苦，姨丈日日要好辛苦返工才賺到錢，好似DADDY 咁辛苦，玩具夠就算，咁做咗幾年功夫，都有點功用，有時家姐帶佢去反斗城，佢都同姨母講睇下就夠，唔世買，如果真係姨媽佢地真係要買(好似生日咁)，仔仔會打電話比我，話比我知件禮物幾多錢，我話貴佢就唔要，價錢OK就尤佢，返來我都會讚佢乖，其實現在我仔6歲了，有時都仲要不停同佢講，好近M 記換公仔，講咗咁耐，現在都要換，只不過就現在可以唔世一定換晒，只算佢鐘意。
講'對不起"，我仔直頭公式化了，毫無誠意，所以佢講對不起，我地就會問佢佢錯係邊，做錯乜，咁起碼佢知自己係錯係邊，但KISS 就一定唔可以當對不起，總不能返到學，做錯事，老師要佢同同學仔道歉，佢就親吻人地。對不住一定要堅持佢講，如果佢硬頸，妳未試下唔睬佢，話唔會同一個做錯事又唔講對不起的小朋友一齊。如果佢肯講，妳就可以讚下佢，話佢好叻，自己做錯事，肯講對不起，肯認錯，係個好男孩.....等，試下啦，其實教仔就係每個人都唔同，小朋友又係獨立體，同一做法反應都唔同。不過妳自己最清楚自己孩子。只係一樣事，妳退讓一步之後想收緊番就好難，如果妳覺得件事係正確就要堅持，咁到小朋友大D就可以放多D自由有信心。

[ 本文章最後由 rat 於 08-7-28 21:24 編輯 ]

私人傳訊

積分: 11206

3^#

發表於 08-7-28 23:35 |只看該作者

同意rat既做法,我同佢做法都有d似~kiss 5 可以當sorry,因為5係個個知你仔想表達sorry~我仔如果曳/5聽話,我會同個仔講我好嬲/好5開心,因為佢點樣點樣曳~所以佢要同我sorry~相反如果我5(岩)我都會同佢sorry~

呢件事我5覺你仔有大錯~係伯父話買俾佢,小朋友1定好開心~你可以同小朋友講5可以要人咁多份禮物,人地買咁多野俾佢就5夠$食飯~再問下個仔肚餓無野食辛5辛苦?伯父咁鍚佢,想5想伯父無野食?你仔可能唸又5係我扭伯父買點解嬲我?你唸下自己細個有無類似情况?你會5會覺得自己5(岩)?

私人傳訊

積分: 11206

4^#

發表於 08-7-28 23:37 |只看該作者

rat:

我想請教下你點教個仔揀朋友?thanks~

私人傳訊

IRON

男爵府

積分: 8513

好媽媽勳章

5^#

發表於 08-7-29 01:40 |只看該作者

我又會咁睇, 有時家人鍚自己個小朋友(因兄弟姊妹中我係最細, 所以我仔仔係全家最細果個), 先至會想買野俾佢, 又好難控制既, 叫仔仔唔要又會唔開心(想買俾佢果個大人又唔開心), 倒不如私下同d大人講, 買d實用既野, 如返左學就仲多文具書本選擇.

仔仔有一輪都好鍾意玩扭蛋, 佢只係鍾意扭個過程, d蛋返到屋企玩兩野都唔知去晒邊, 試過我姐知佢鍾意(佢地傾電話), 我姐竟然叫我俾佢任玩, 蛋就俾我姐用黎送俾生意上d客既小朋友, 咁就可又玩又有用, 我話傻啦, 邊有可能咁. 之後我同我姐講不如叫仔仔考試全部有9字頭先有獎品.

私人傳訊

紫蘿蘭

積分: 2967

6^#

發表於 08-7-29 09:55 |只看該作者

多謝各位意見, 上嚟分享有呢個好處, 可以參考各位既湊仔智慧, 我都同男家親戚講過, 但佢地係唔聽的, 所有孫都"仲", 唔係買玩具就係俾錢, 我老公又唔多出聲既人, 有時講得多我奶奶都會唔高興, 會覺得我黑溥個仔咁. 不過, 我係唔會咁易心軟㗎, 如rat所講"只係一樣事，妳退讓一步之後想收緊番就好難，如果妳覺得件事係正確就要堅持。"

原文章由 IRON 於 08-7-29 01:40 發表
我又會咁睇, 有時家人鍚自己個小朋友(因兄弟姊妹中我係最細, 所以我仔仔係全家最細果個), 先至會想買野俾佢, 又好難控制既, 叫仔仔唔要又會唔開心(想買俾佢果個大人又唔開心), 倒不如私下同d大人講, 買d實用既野, 如 ...

私人傳訊

Carlsson

積分: 4011

7^#

發表於 08-7-29 11:07 |只看該作者

我&老公屋企人都好鍾意買玩具比囝囝...
我都係收起一些...
到佢玩倦了舊的, 我就會攞些新的比佢玩...
而舊的就收起一段時間...
再攞出嚟比囝囝玩, 咁佢會當新的去玩...

而rat的方法, 都好好...
"我只可以比一個佢，其他扣起，話聖誕節，兒童節，生日禮物都計埋落去。"
咁我可以慳返d錢, 節日時唔洗買咁多禮物...

我係開心CarCar...
我最鍾意係車車

私人傳訊

rat

積分: 1096

8^#

發表於 08-7-29 12:57 |只看該作者

原文章由豆丁於 08-7-28 23:37 發表
rat:

我想請教下你點教個仔揀朋友?thanks~

其實如果妳個小朋友比較單純係容易教d，自己要一早教佢分好壞，好似動手動腳打同學，講d粗俗說話作基本教法，起埋初初時佢會自動避開這些同學。但當佢返幼稚園第一年，妳要著緊一些佢同乜同學玩多，接放學時(如果唔係自己接，就睡前)問佢學校咁，邊d同學同佢好玩，自己表現得好開心咁問，咁小朋友就會好主動答妳，每日問下唔同問題，自己執生，咁我係這樣問佢。
今日有無同學仔無返？
茶點食乜飲乜？
有無唱歌？
邊個同學喊？
今日同同學仔玩乜？
類似這些話題作開始，咁妳可以從中知道佢係學校做乜，咁佢自己已經打咗底。佢自己唔會太自動同那些同學玩得太親近，當然有時玩起來，佢都唔理，但衰咗幾次(可能比人撞親，或者比人爭咗玩具)佢自己曉得唔應該再同這些同學玩。當然佢唔係100%識分因為仲細，其實我自己都試過係禁止佢同某個同學一起玩，因為佢地試過上課外活動時玩到係瘋咗，堂堂比老師話。咁我話佢：我地被錢你去學畫，你就同xxx玩到老師叫你地做野都聽唔到，咁你唔好再學，只係去同xxx玩就算啦！老師話未見過你這樣，老師好傷心(我講唔係真)，老師咁比心機教你地，你地就唔理老師......."，當然之後我地分開佢地坐，那個學生上咗幾堂無上，咁過咗半年，又係學校的同一長期活動碰上，我就知佢地又編埋一組，人地的事我管唔到，我只好同個仔做事前工夫，咁仔仔今次醒，我問佢有無同xxx玩，佢答"無...佢有來找我玩，仲坐係我隔離，老師講埋時佢逗我玩，我同佢講，我來學野，唔同你玩，比老師罸就唔好！"我就讚佢乖，之後一年佢都唔會自動坐近那同學，而且係又再係學畫碰上，但仔仔都會選另一桌坐。
妳知嗎，雖然係幼稚園，佢地會有排斥同學，同學間比叻(任何一樣，連杯連手巾都鬥靚)，令佢地價值觀變樣，好似換m記玩具，仔仔話邊個換咗幾多個，我只係堅持佢只換兩件左右，話佢得兩隻手唔玩得咁多。唉....我試過放完一個假期返學，當天個仔就學咗一句粗口(k1)，佢話比我知係邊個邊個講，我同老師講，我地全家唔講粗口，因為我地連個"死"''鬼"等都唔比(當然現在佢6歲已經知這些字的含義唔會亂用)，佢話係邊個教佢...老師話佢聽唔到，如果唔係一定話那個學生，我說現我都唔可以確定係佢，老師話應該係佢，因為老師話曾經警告佢幾次因為佢真係有講。但這一個字仔仔學唔世幾個鐘，但就我用咗差不多一個月教佢唔好講，因為佢己經上咗心，有時衝口而出。
其實我一早同佢作好分朋友的定義，全因升小一作準備，幼稚園佢返半日，同學間的影響已經這麼大，上了小學差不多8個鐘對住同學，教曉佢一些基本選朋友的基礎，希望佢能自己遠離，就算係一齊人(這好難避免始終都會遇上一兩個)，咁都希望佢知佢d同學仔乜野行為唔啱，最重要唔好學。

私人傳訊

rat

積分: 1096

9^#

發表於 08-7-29 13:13 |只看該作者

唉...我都伸下，雖則我仔係純..但其實小朋友應有的特性佢都會出現，只係遲同早問題。好似最近我仔識"串人"。雖然佢仲係怕我嬲，但有好多時佢係好自然講出來，好似早上佢見盒"出奇蛋"，指住盒朱古力就講"唉！都唔知買來做乜都無用！我立刻問佢這樣講係乜意思如果係無用掉咗去。佢立刻話唔係，我話每樣野買返來唔係要立刻食，而且你一日食咁多零食做乜。.....雖然話可以唔再買，但老公又鐘意食，一個大仔加一個細仔都係勞氣死，而且每年每月都好似同個仔鬥邊個智慧高，只係好在妳們遇到的我曾遇過，亦打勝了，我現在亦又面對佢9月升小一的其他問題，要留意佢校內生活，識咗乜朋友，加埋佢自己有自己的主意，當然現在我比較放鬆佢的管制，話晒都漸大，係要一步一步比佢獨立，但當佢有咗多一些自由佢又放縱起來，但總不能捉住唔放，所以我都要係處慢慢找一個適合的方法去做，只因我朋友中只有我仔係最大....沒有太多方法去參考，而且我堅信每個小朋友係獨立，唔係一個copy，我喜歡實戰...哈...哈...有時真係兩敗俱傷，但亦無損我同仔仔之間的愛，正如我大仔講，個仔最愛係我但最怕亦係我。點解因為我一直當佢係"人"，點解會咁講，因為我99一家係好傳統的潮州人，佢地認為小朋友生活開心，唔應該唔開心有煩惱，所以每當仔仔遇到唔開心，佢地仲會話佢，"你有得玩有得食，唔世擔心其他事，有乜唔開心！"佢地都傻，我就唔係這樣講，佢只要係個人，就有感覺有思想，遇一到一些不如意事(你大人唔認為係乜事)，佢都要表達出來。所以有時見仔仔唔開心，我就會抱住佢問佢乜事同佢分擔下，開解下。但99佢地見地就話我"仲"壞佢，...真係唔理佢，我堅信就算bb都有情緒，佢地係需要親人分憂。所以我老公話我太多注意力放係個仔處，我就答，我當然要了解佢多d，佢再大點才去同佢傾，同時都有晒隔膜講乜。溝通係要由細做起，起碼佢現在有乜事第一時間係同我講。

[ 本文章最後由 rat 於 08-7-29 13:23 編輯 ]

私人傳訊

積分: 11206

10^#

發表於 08-7-29 15:52 |只看該作者

我仔就係返學間中俾a同學搶玩具&抓損,初初佢都會打返人~跟住我教佢自救~俾人抓6好抓返人,係曳既小朋友先抓人~咁樣無人鐘意同佢玩,老師又5錫架la~要同小朋友講5好抓我,我好痛ar~同話俾老師知邊個抓佢~見佢放學損左都好心痛~

原文章由 rat 於 08-7-29 12:57 發表

其實如果妳個小朋友比較單純係容易教d，自己要一早教佢分好壞，好似動手動腳打同學，講d粗俗說話作基本教法，起埋初初時佢會自動避開這些同學。但當佢返幼稚園第一年，妳要著緊一些佢同乜同學玩多，接放學時(如果唔係自己接，就 ...

私人傳訊

積分: 11206

11^#

發表於 08-7-29 16:08 |只看該作者

我唸法&做法同你幾似~我會教佢身體5可以俾睇&摸,有d壊人會蝦小朋友~如果有人整到佢5開心要同我講,我會保護佢~因為e+太多變態佬~我老公話我過份緊張,但係我5想發生d 5開心既事先後悔~非常同意你話溝通係要由細做起，起碼佢現在有乜事第一時間係同我講。

原文章由 rat 於 08-7-29 13:13 發表
唉...我都伸下，雖則我仔係純..但其實小朋友應有的特性佢都會出現，只係遲同早問題。好似最近我仔識"串人"。雖然佢仲係怕我嬲，但有好多時佢係好自然講出來，好似早上佢見盒"出奇蛋"，指住盒朱古力就講"唉！都唔知買來做乜都無用 ...

私人傳訊

rat

積分: 1096

12^#

發表於 08-7-29 16:37 |只看該作者

原文章由豆丁於 08-7-29 16:08 發表
我唸法&做法同你幾似~我會教佢身體5可以俾睇&摸,有d壊人會蝦小朋友~如果有人整到佢5開心要同我講,我會保護佢~因為e+太多變態佬~我老公話我過份緊張,但係我5想發生d 5開心既事先後悔~非常同意你話溝通係要由細做起，起 ...

由d事係錯過咗，之後就要雙部努力，好似我同妳個小朋友係男孩子，如果一早做好溝通，咁佢漸大就好難接近，唔似女仔，妳話可以幫佢扮靚，抱埋一堆都唔係問題，佢開始大，就唔會太容易同妳抱抱親親，起碼現在佢6歲，佢想攬一下我，四周d人就笑佢"裙腳仔"，如果個仔想跟我一起，99家d人就笑佢係女孩子，仔仔會怒講："我係好鐘意媽咪，點解我唔可以同媽咪一齊。"或者佢講"我只係想攬下媽咪，點話仲要話我。"我就會安撫佢"當然得啦，媽咪係最愛你，你永遠係媽咪的乖乖。"我唔係要佢黏到我實，我都要佢獨立，但始終....我唔知點講，像外國人母子未一樣可以抱抱係未，只係中國人比較含蓄，但現在的小孩妳係要比實際的行為比佢知妳係好愛佢，唔係口講講，有d怎至唔講，年代唔同，做父母用的方法都唔同，妳話係未男孩就一定要貼住爸爸才正常，如果身邊唔多咗這些"搞事"的人，做起事就好好d，佢地樣樣只係識講，講到教只係得閙，閙我都會但都要各方面要做，要了解，要解釋，唔係大人講就一定就係啱...我覺得做媽咪由細湊到佢大，現在小朋友好多時因為溝通唔到就問題，但d人就這樣講...佢好自然就抗拒同媽咪一齊，但同daddy 又溝通唔到(只係識一齊玩，佢daddy 無咁耐性同明理)，好似同一道理，洗澡，仔仔係已經可以自己洗，但點我地都會幫下手同睇住佢，我老公幫手就要佢除衫先，
仔仔話"媽咪話除褲先。"
我老公就話"我現在要你除衫，係未唔聽我講"仲係好大聲話佢仔。
個仔未含住淚除囉。之後同我講，我解釋比佢知我要佢除褲先，係因為要較水，咁快除咗衫會涼親，咁仔仔一入到去未等水ok就開始除，咁未叫佢先除褲，除完褲水就較好。咁再來仔仔就解釋比老公知...我個好老公就話："現在係我同你洗，你要聽我，係未淨係聽媽咪話，唔聽我！"，又搞喊個仔，我就同老公講，佢仲大條道理話，妳估佢(仔仔)仲細，邊有咁易冷親。我只係好勞氣講"到時個仔病，你負責照護佢係未！"，根本同家人係這些大大小小事協調唔到，好在我地自己一家，咁教仔係我。但多咗d咁人，就係好煩。

[ 本文章最後由 rat 於 08-7-29 16:44 編輯 ]

私人傳訊

積分: 11206

13^#

發表於 08-7-29 17:11 |只看該作者

我老公有時會用d強權式教仔方法,初初我叫佢5好成日鬧&打個仔,佢話我種壞個仔~到個仔成日話5鐘意爸爸佢先知衰~我同老公講5鬧&打5 =我種個仔,想個仔驚左父母而屈服強權/令佢明白咩係錯,服你講既野?佢驚左你就咩都5同你講,係咪想個仔大左覺得朋友仲好過屋企人?佢e+先同我合作~

6歲都仲细姐.做咩笑佢裙腳仔咁衰~講真過多幾年男仔未必好似女仔咁,同ar ma咁親近~我同個仔都有抱抱錫錫,佢成日都話好鐘意我,我不知幾開心~

原文章由 rat 於 08-7-29 16:37 發表

由d事係錯過咗，之後就要雙部努力，好似我同妳個小朋友係男孩子，如果一早做好溝通，咁佢漸大就好難接近，唔似女仔，妳話可以幫佢扮靚，抱埋一堆都唔係問題，佢開始大，就唔會太容易同妳抱抱親親，起碼現在佢6歲，佢想攬一下我，四周d人就 ...

私人傳訊

rat

積分: 1096

14^#

發表於 08-7-29 17:17 |只看該作者

原文章由豆丁於 08-7-29 17:11 發表
我老公有時會用d強權式教仔方法,初初我叫佢5好成日鬧&打個仔,佢話我種壞個仔~到個仔成日話5鐘意爸爸佢先知衰~我同老公講5鬧&打5 =我種個仔,想個仔驚左父母而屈服強權/令佢明白咩係錯,服你講既野?佢驚左你就咩都5同你 ...

係妳老公同我老公都係同一類，咁我老公係硬頸類，之前幾年都同佢講過，咁佢唔聽我都無辨法，只係一種唔同，我老公好多時放工好晚，最多對住個仔係星期六、日，哈...哈..話件事，話說上星期一家庭(包括99一家)去飲茶，去時只有我一家三口去拎位，佢仔唔肯同佢坐一定要坐我隔離，返來時本來想同我坐，我唔比我好多野拎，佢就同大伯坐，佢daddy 問佢："點解有媽咪你就同媽咪坐，媽咪唔比，你就同伯父坐。"我個仔望下佢，點知我大伯講咗一句金句係我時時同佢講，就係"你自己反醒下，點解個仔唔同你坐！"....哈...笑死我。

私人傳訊

積分: 11206

15^#

發表於 08-7-29 17:42 |只看該作者

你大伯好攪笑~你老公有無改變同個仔溝通?多d話俾你老公知個仔對佢既感覺~以前我老公會話個仔成日話5鐘意爸爸,5抱個仔~咁我叫老公唸下自己細個都係強權式教仔方法長大,佢開5開心?服5服父母?佢後尾唸通左,對個仔講道理,個仔成日話鐘意佢,佢都好冧~

原文章由 rat 於 08-7-29 17:17 發表

係妳老公同我老公都係同一類，咁我老公係硬頸類，之前幾年都同佢講過，咁佢唔聽我都無辨法，只係一種唔同，我老公好多時放工好晚，最多對住個仔係星期六、日，哈...哈..話件事，話說上星期一家庭(包括99一家)去飲茶，去時只有我一家 ...

私人傳訊

rat

積分: 1096

16^#

發表於 08-7-29 18:54 |只看該作者

原文章由豆丁於 08-7-29 17:42 發表
你大伯好攪笑~你老公有無改變同個仔溝通?多d話俾你老公知個仔對佢既感覺~以前我老公會話個仔成日話5鐘意爸爸,5抱個仔~咁我叫老公唸下自己細個都係強權式教仔方法長大,佢開5開心?服5服父母?佢後尾唸通左,對個仔講道理 ...

係...無...佢無反醒過，講咗幾年，唔止係我，連我99佢地都話過佢，叫佢下下唔好咁大聲咁惡話個仔(佢地全係識話人唔識話自己)，咁講咗咁耐佢唔覺得有問題。佢只係覺得多數係我話衰佢，所以個仔唔冧佢，尤佢啦，平心靜氣講過好多次，我仲話"你有好多野比我係個仔面前講衰嗎？"，我老公本來係一個好硬頸，又大細佬，同個仔玩唔係當佢係小朋友，有時妳知玩起來，手腳無情，佢又玩得好瘋狂，搞到個仔掙扎得好利害，撞親佢就鬼咁大聲閙個仔，我話你係大人，同佢埋就唔好瘋狂，佢仲細有時真驚得太過，會發"茅"，佢自始至終都無入過耳，咁我媽話唔好再講，老公唔鐘意聽，講過就算，無謂失感情，咁個仔對我係最長時間，我教好佢未得，而且都講咗咁多年。其實佢地打死不離兩父子，感情係有，但未必係最深。咁我都自己下功夫教個仔愛多daddy，解釋比佢知dddy係咁的人，等佢知世界人有各種性格的人。咁現在起碼無以前咁，有時daddy 晚番佢都會掛住佢，感情未由我來幫佢，但始終唔係佢自己做就一定有所出入。

[ 本文章最後由 rat 於 08-7-29 18:56 編輯 ]

私人傳訊

積分: 11206

17^#

發表於 08-7-29 20:29 |只看該作者

男人有時係無女人咁細心,係要媽咪同小朋友解釋每個人既表達方式5同~教1個有時都俾佢激死,個仔仲叫我生個bb~

原文章由 rat 於 08-7-29 18:54 發表

係...無...佢無反醒過，講咗幾年，唔止係我，連我99佢地都話過佢，叫佢下下唔好咁大聲咁惡話個仔(佢地全係識話人唔識話自己)，咁講咗咁耐佢唔覺得有問題。佢只係覺得多數係我話衰佢，所以個仔唔冧佢，尤佢啦，平心靜氣講過好多次，我 ...

私人傳訊

rat