自由講場今日: 1921|主題: 1354407

收藏本版

發帖

返回列表

跳至頁

查看: 719 | 回覆: 7

地鐵口臭亞叔.....俾你遇到會點做??? [複製鏈接]

dian

男爵府

積分: 5436

1^#

發表於 08-7-27 02:09 |只看該作者 |倒序瀏覽 |打印

今晚(26/7)搭地鐵, 8點左右去到長沙灣站落車, 在扶手電梯前有一條銀色的圍欄, 因為都少少多人, 我又背住個幾重的袋, 就順手扶住條鐵欄行左兩步, 係就上扶手電梯之前, 就感覺到被人搭住我隻, 咁我當時的反應係即刻縮開, 又順便望一望, 睇下係邊個.....咁人多之下, 又個個趕住上扶手電梯, 我又唔想阻住條路, 就淨係見到個著住黑色T-恤的男性物體, 都望唔到個樣.

咁我好奇之下, 就一邊搭扶手電梯, 一邊望番轉頭, 諗住睇真少少啦.... 都係望唔到, 直到上到大堂, 再望番轉頭, 卒之見到個亞叔物體, 咁就好自然再望多兩眼, 點知...見到佢毫不友善, 開始啤住我......我見佢啤......咪同佢鬥啤囉.... 諗住咁多人, 我又唔驚佢做得出d乜呀, 其實我望多兩眼都諗住趕時間, 算數, 反正可能佢開頭可能真係冇心呢........點知, 呢位[口臭]亞叔, 竟然首先發難, 我原本一直戴住Headphone都聽到佢係度好串咁講.....望乜野呀.....豬扒......跟住佢講乜我已經唔記得喇........ 因為我嬲到..........即刻拔走個耳桶, 好大聲咁.......你夠膽就企係度, 我報警.......佢唔知係身有屎, 定係怕我真係報警, 仲一邊行, 一邊望番轉頭, 樣衰衰話, 我而家去洗手呀......... 哎呀........激死我喇......... 我一邊行, 一邊再好大聲(我諗成個地鐵d人都應該聽到, 因為好多人望住我地)好呀.......你搵滴露洗囉, 洗完順便洗埋個口呀, 你個口咁臭, 順便毒鬼死埋你添呀!!!

其實係呢個時候, 佢已經施施然出左閘, 我先至醒起影佢相, 但係可惜已經俾佢走左喇.........

呻完.........舒服晒.............

姊妹們, 如果俾你地遇到, 唔知你地會點做呢?

我翻到屋企, 同亞囡講左件事, 唔單止係發洩, 重係同佢講, 我唔想俾佢自己搭車, 就係怕佢遇到類似情形時唔識處理, 我都覺得自己處理得唔好, 但係因為得自己一個人, 當時地鐵又冇人幫手, 有d冇助, 好想大家俾d意見!