少年成長

收藏本版
發帖
返回列表
跳至頁

首頁
1

尾頁
   0
彤媽媽


複式洋房

積分: 271


1#
發表於 04-6-24 18:23 |只看該作者

乳齒未脫,恒齒巳出,要脫牙,你地係咪咁??

我女女之前隻門牙巳經試過咁,要去醫生度脫牙,心都痛埋,隻乳齒居然有隻好長牙腳,係唔會自己脫落!點解依加d細路會咁?唔通營養太好?

今次輪到隻犬齒,前面隻乳齒仲好實,後面隻恒齒又出啦!!!女女好鐘意飲奶同食芝士,唔通太好鈣質!!!你地有無咁架?試過要脫幾多隻牙呢???? :-(
私人傳訊

2jmama


珍珠宮

積分: 31686

好媽媽勳章 畀面勳章


2#
發表於 04-6-24 18:45 |只看該作者

Re: 乳齒未脫,恒齒巳出,要脫牙,你地係咪咁??

我大仔暫時都係出咗兩隻門牙,
但係兩隻都要去醫生到脫. :-(
私人傳訊

angesso


大宅

積分: 4552

好媽媽勳章


3#
發表於 04-6-24 18:48 |只看該作者

Re: 乳齒未脫,恒齒巳出,要脫牙,你地係咪咁??

小朋友脫牙痛唔痛呀?
私人傳訊

carollam310


珍珠宮

積分: 36475

醒目開學勳章


4#
發表於 04-6-24 23:21 |只看該作者

Re: 乳齒未脫,恒齒巳出,要脫牙,你地係咪咁??

我個女呢個月甩了4隻門牙啦.6月4日先足6歲咋.隻舊牙一鬆我就自己幫佢脫左佢,我驚舊牙末甩新牙就出會阻住.D牙會出到打風咁,我阿媽教我用線整走佢,我一見隻牙鬆就用線幫佢再整鬆D,左左右右咁郁,一晚鬆D一晚又鬆D,第三晚就甩左,我冇搵牙醫脫牙架,自己搞掂,又冇血出既,女女又唔痛.

私人傳訊

彤媽媽


複式洋房

積分: 271


5#
發表於 04-6-24 23:39 |只看該作者

Re: 乳齒未脫,恒齒巳出,要脫牙,你地係咪咁??

其實醫生打左痳醉針,等藥力發左先同佢脫牙,道理上應該唔痛,但如果有個人扲住個鉗,放你個口度,好用力咁拔你隻牙出來,你feel唔feel到?女女叫痛,我就覺得佢係驚,至好似覺得痛,你又要說服佢,好快得啦,其實見到個醫生好大力都未搞得到!!!

Believe me,this is a terrible experience!!最慘係你要扮堅強,話佢知好快得啦,捉往佢隻手講東講西,分散佢注意力,但其實自己個心巳經拿埋一舊,好想代佢承受!!!!

唉!都唔知要受多幾次!因為我女女其它乳齒都好實淨,唔係好想"nut"咁,睇妮要為佢彭牙多多祈禱先得啦! :-( :-(
私人傳訊

肥仔媽咪


子爵府

積分: 13946


6#
發表於 04-6-25 10:52 |只看該作者

Re: 乳齒未脫,恒齒巳出,要脫牙,你地係咪咁??

我仔仔的前下門牙也是乳齒未脫恒齒又出, 曾問過這裡的媽咪有教我多點搖動那隻牙至鬆脫, 但未知是否仔仔的牙太過堅固搖咗好耐都不能成功最後都只好找牙醫, 原來牙醫說現今的小朋友可能真是因鈣質太好, 而那兩隻前下門牙因好容易有其他位置給它們出, 所以大多都是相同原因要脫.
私人傳訊

mansoklam


大宅

積分: 2254


7#
發表於 04-7-1 18:13 |只看該作者

Re: 乳齒未脫,恒齒巳出,要脫牙,你地係咪咁??

我自己細時都係咁,依稀記得有3+架~~~呢d case叫做爆牙!! 唔好唔同小朋友脫呀~~~
你知啦,以前d人沒有咁多常識,我有幾隻爆牙是係乳齒已鬆鬆地時發生的,所以我家人順勢脫左我d牙(家人動手,因為差不多脫),因此那幾隻牙沒有影響生長!!

唯一有一隻,是第一隻爆牙,沒有鬆的情況下爆出來!! 而我又唔知道點解,因為好細個嘛,所以恒齒有恒齒生出來,而隻乳齒又唔多鬆的情況下,過左好耐我家人先同我去牙醫度脫的......由於之前隻恒齒比隻乳齒頂住左,結果影響生長,而家我隻牙係"打則"的,好似隻腦彊屍牙呀咁(因為同彊屍牙同一位置那隻)!!

本人意見,不要輕視呀,頂住其間都唔係好舒服架!!
私人傳訊

Mimi_Ma


子爵府

積分: 10799

醒目開學勳章


8#
發表於 04-7-1 20:59 |只看該作者

Re: 乳齒未脫,恒齒巳出,要脫牙,你地係咪咁??

我囡囡D牙會移位出, 所以唔駛脫牙呀. 上年上小學開始, 發覺D牙位愈來愈疏, 到出新牙時兩旁D牙移開晒就生出來, 不久後D舊牙就自然脫落.
私人傳訊

2jmama


珍珠宮

積分: 31686

好媽媽勳章 畀面勳章


9#
發表於 04-7-2 20:54 |只看該作者

Re: 乳齒未脫,恒齒巳出,要脫牙,你地係咪咁??

唔痛,因為乳齒係無牙腳嫁.

angesso 寫道:
小朋友脫牙痛唔痛呀?
私人傳訊

carollam310


珍珠宮

積分: 36475

醒目開學勳章


10#
發表於 04-7-2 22:26 |只看該作者

Re: 乳齒未脫,恒齒巳出,要脫牙,你地係咪咁??

我女上門牙兩隻同下門牙兩隻已甩左,下面兩隻已經開始出,但側側地,唔係平排,比側邊o個兩隻阻住,唔夠位點算呀?脫左去好唔好呢?唔脫去就生得唔靚,點算好呀?
私人傳訊

Blythemia


大宅

積分: 4462


11#
發表於 04-7-4 01:18 |只看該作者

Re: 乳齒未脫,恒齒巳出,要脫牙,你地係咪咁??

唔係喎,我琴日岩岩同個女去完牙科保健,個治療師好詳細同我傾過呢個問題.

佢話而家D小朋友通常恒齒有乳齒一倍半咁大,所以唔夠位係好普遍.佢話,如冇必要,好似話除非小朋友覺得痛,影響睡眠,心理上好唔舒服,先至要考慮同佢脫.因為自然脫落係最好,一旦脫左而新既唔會即埋位,因為牙床既牙其實係會走動既(肉眼睇唔到),空左一個位,其他牙就會tun埋來,食左部分既位,結果反而令到恒牙生哂出來時,個位重少過本來.佢重話用線幫小朋友脫都係唔好,因為夠鐘佢自然會甩,到時又唔痛又冇咩血,好過夾硬來,話哂如果同佢脫,個度都會有較大既傷口,始終會有機會感染.

我個女個口腔好細,而家淨係兩隻大板牙已經佔左好多位,幾個牙醫都預告左佢大個要箍牙.真慘.

你地小朋友係咪未讀小學呢?到小一就可以用每年二十蚊既價錢參加學童牙科保健計劃,幾好架.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy