論盡家傭

跳至

首頁
1

尾頁
   0


別墅

積分: 575


1#
發表於 08-8-22 07:43 |只看該作者
LUCKY-NUR-AZIZAH
I.D. W960236
D.O.B. 24-4-1985

罪項
打我大仔(最主要無得留底原因)
多次傷細仔(兩次都係個咀,要睇醫生)
黑面(經常)
"摺摺聲"(習慣)
爭位坐
係房拜神(無問過可唔可以)
駁咀
唔理7歲哥哥(因為哥哥會自行打電話比我投訴佢)

佢之前係台灣完約(兩年)返印尼我先考慮佢, 點知佢嚟到我屋企唔夠10日就話唔開心要走, 咁我咪入表再申請一個新囉, 佢同意做到我新工人嚟佢就可即走, 咁係呢段時間我返工都比較煩, 因為唔知佢幾時又話走, 好似有日我細仔發燒食完屋企退燒葯咁我shift可以下午放工返去睇醫生, 返到屋企完來佢係房入面拜神就連我小b都係入面望住佢, 咁睇完醫生返去佢就比張遲職信我要即走, 問佢原因原來驚我鬧, 咁經agent同佢講完又唔走仲同我講對唔住。但係上星期日有好多朋友嚟我地屋企玩至晚上10:00, 但佢就咩都唔理9:30就佢沖涼入房之後都無出嚟, 第一我d朋友又未走, 第二拜完咪出嚟收拾囉, 所以得我兩公婆拾。佢真係好煩多多要求又多多投訴, 佢已經話走啦, 但又同我講牙痛要睇醫生, 咁我咪帶佢睇一般門診食止痛葯囉, 之後又話生"飛茲"又話生暗瘡, 我就無理佢啦就算有得睇門診都唔想同佢claim錢。同佢出街又話比我知佢對鞋唔好著, 咁關我咩事喎, 鞋唔好著咪著拖鞋囉, e+夏天個個都係拖鞋出街啦, 又想叫我買對鞋比佢, 唔好當我傻先得架。屋企煮嘅嘢要食得好, 蒸雞要食腿, 菜要食芯, 另外午餐煮比哥哥食淨麵無餸, 而佢自己就麵加蛋加菜。做清潔有時都ok 因為唔係淨係抹見到嘅地方, 佢會搬開d嘢抹, 但係食飯d餸汁掉落地係用腳抹囉, 我屋企d窗只抹前面, 其餘話抹唔到, 妳地話係咪激死。同佢出街叫頭暈, 我地自己出街佢係屋企清潔叫悶(仲要係無清潔過), 佢到步已經同佢講過廚房入面有嘅麵包/餅干/即食麵都可以食, 但係佢投訴我無比早餐佢食, 咁我日日新鮮買返嚟d麵包/蛋糕比邊個食呀, 又投訴我唔夠飯食, 我無同佢講每晚幾多米, 由佢自己安排, 但唔明食淨d白飯會請垃圾桶先生食而佢就唔夠食, 佢咁好客嘅, 上次比我見到垃圾桶有白飯就問佢妳係印尼好富貴呀, 前僱主都好富貴習慣掉白飯呀, 知唔知有好多人無食物呀? 又係同我講對唔住。


子爵府

積分: 13634

醒目開學勳章 畀面勳章 貢獻勳章


2#
發表於 08-8-22 08:48 |只看該作者
原文章由 2001bc 於 08-8-22 07:43 發表
LUCKY-NUR-AZIZAH
I.D. W960236
D.O.B. 24-4-1985

罪項
打我大仔(最主要無得留底原因)
多次傷細仔(兩次都係個咀,要睇醫生)
黑面(經常)
"摺摺聲"(習慣)
爭位坐
係房拜神(無問過可唔可以)
駁咀
唔理7歲哥哥(因為哥哥 ...


對唔住,我看完都覺得好好笑 ! (雖然你好慘, 但表示出你的eq極高) - 俾著我 - 殺人都似 !
以心開揚待人真  晴朗笑容樂在心


別墅

積分: 575


3#
發表於 08-8-22 12:40 |只看該作者
.....續

我放由地鐵行返屋企首先會經過大仔學校, 果日我經過時應該係放學時間, 係校門又唔見工人, 入去望吓仔仔又係到喎, 咁即係唔記得啦, 返到屋企佢見大仔都仲未知衰, 要我返問點解今日會係我接放學嘅, 佢先識 o 咀。
廚房每溤煮完飯佢都會清潔, 包括地下都會抹一次, 但係個鑊同個煲都會有鑊撈, 佢話洗唔到, 但昨天佢走咗之後我一洗就攪掂啦。
抹地以往都係用綠水, 但用曬又唔出聲, 咁佢就自作主張用"潔而亮" 妳地話佢個咩腦呀, 咁"潔而亮"用完之後係咪會用"漂白水/洗衣粉/沖涼液/牙膏....等"正白痴。


別墅

積分: 575


4#
發表於 08-8-22 19:45 |只看該作者
....續

佢最大優點就係準時(記得個D), 我有個時間表比佢送大仔返學同放學, 佢就一定好準時(自己再加早5-10分鐘), 大仔學校其實係屋企行過去只係慢行10分鐘就可以, 但佢就會用半小時去, 但係我計過佢又唔可以再死去第二度, 因為又趕唔切返屋企, 因為佢出入都有打比我, 因為我返好早所以佢都要6:30起身, 但佢就無理果日係我放假佢都係6:30起身跟住就會開始洗衫啦, 吸塵啦, 抹地啦, 拍拍聲, 想瞓耐D都唔得。


男爵府

積分: 5285


5#
發表於 08-8-29 09:10 |只看該作者
原文章由 2001bc 於 08-8-22 07:43 發表
LUCKY-NUR-AZIZAH
I.D. W960236
D.O.B. 24-4-1985

罪項
打我大仔(最主要無得留底原因)
多次傷細仔(兩次都係個咀,要睇醫生)
黑面(經常)
"摺摺聲"(習慣)
爭位坐
係房拜神(無問過可唔可以)
駁咀
唔理7歲哥哥(因為哥哥 ...

2001bc
想問下他是巳婚定未婚?


別墅

積分: 575


6#
發表於 08-8-30 14:06 |只看該作者
未婚, 但睇個樣連20歲都未有,佢有好多不良習慣, 明同佢講嘢時"TAKE"手指同"摺摺"聲,
行路拖鞋"撻撻"聲

原文章由 giant_japan 於 08-8-29 09:10 發表

2001bc
想問下他是巳婚定未婚?


大宅

積分: 3085


7#
發表於 08-8-30 14:33 |只看該作者
咁罕有既人間極品都比你遇到.你真唔好彩.


珍珠宮

積分: 37310

好媽媽勳章 醒目開學勳章 畀面勳章


8#
發表於 08-8-30 14:35 |只看該作者
樓主,我都覺得你「醫竅」極高呀。

嘩,佢都好離譜喎,用腳抹地。
食雞要食脾?
我會揀餸俾工人,即使佢自己攞餸嘅話都係只揀雞腳,雞背。佢唔敢咁大膽攞雞脾食(最好果部份)
佢估自己黎遊埠住五星級酒店?都包食包住喇,俾四千人工佢睇下佢出面租唔租到地方,俾唔俾到水電交通,揾唔揾到食?

踢走佢係你明智嘅選擇!


別墅

積分: 575


9#
發表於 08-8-30 22:54 |只看該作者
....續

好多工人都習慣講對唔住, 不過佢仲有一句口頭蟬, 就係"哈哈..我忘記啦"

1.我個洗衣機隔離就有個洗手盆, 成日係洗衣機洗完衫取出後就將D衫放係洗手盆, 但跟住又唔知佢去做咩喎, 我問D衫係到做咩呀?
佢就話: 哈哈..我忘記啦!!
2.今晚食淨一碗飯放雪櫃, 明晚煮飯無煮返, 繼續放係雪櫃, 到第三天我就引唔住問一問, 當然佢嘅答案都係,
哈哈..我忘記啦!!
3.之前已經同佢講呀仔校服要用手洗, 佢咪又係用機洗咪又話,
哈哈..我忘記啦!!

經過不同CASE 我就同佢講: 哈哈, 妳叫什麼名字, 哈哈..忘記啦!! 是不是呀?

[ 本文章最後由 2001bc 於 08-8-30 23:05 編輯 ]


別墅

積分: 575


10#
發表於 08-8-30 23:20 |只看該作者
呀講吓佢無得留底個原因來源呀

事原我有一日買咗D提了返屋企, 放係雪櫃一個星期都無比我個仔食, 平時我習慣唔食隔咁多日嘅嘢, 所以就話掉咗佢, 咁個傻瓜又話唔掉, 佢可以食, 我就無理佢, 到明天我返工, 仔仔就打電話嚟投訴話姐姐唔比佢食提子, 妳地話個係咪百痴呀比兩粒我個仔咪唔洗佢瓜瓜嘈囉, 又要掙, 佢話D提子係佢喎, 真係痴佢孖根, D提子原本都係我買啦, 為咗呢樣嘢而打我個仔, 妳地話佢係咪有病呀, 我返到屋企無講任何嘢, 只係放支筆同張紙係枱呀佢跟住寫, 寫完我就打電話再跟住就同佢一齊出門交返比AGENT, 係呢段時間及過程都無同佢講咩(包括問佢/丙佢)都無啦, 我係咪好冷靜呀?


珍珠宮

積分: 37310

好媽媽勳章 醒目開學勳章 畀面勳章


11#
發表於 08-8-30 23:30 |只看該作者
好掂,好掂!我諗有企圖果D見你有唔出聲仲驚。
原文章由 2001bc 於 30/8/2008 23:20 發表
呀講吓佢無得留底個原因來源呀

事原我有一日買咗D提了返屋企, 放係雪櫃一個星期都無比我個仔食, 平時我習慣唔食隔咁多日嘅嘢, 所以就話掉咗佢, 咁個傻瓜又話唔掉, 佢可以食, 我就無理佢, 到明天我返工, 仔仔就打電 ...


珍珠宮

積分: 41995


12#
發表於 08-8-30 23:45 |只看該作者
極品。 

原文章由 2001bc 於 08-8-30 23:20 發表
呀講吓佢無得留底個原因來源呀

事原我有一日買咗D提了返屋企, 放係雪櫃一個星期都無比我個仔食, 平時我習慣唔食隔咁多日嘅嘢, 所以就話掉咗佢, 咁個傻瓜又話唔掉, 佢可以食, 我就無理佢, 到明天我返工, 仔仔就打電 ...


複式洋房

積分: 242


13#
發表於 08-8-30 23:58 |只看該作者
2001bc
我想請問送走大帝的機票要大約訂時呢?因為我想送走我家的大小姐。


別墅

積分: 575


14#
發表於 08-8-31 14:26 |只看該作者
唔多清楚, 因為果日送走比AGENT, 佢去咗AGENT到幾日走咗佬, 之後一日返嚟攞証件要走, 所以AGENT出咗張$2300機票比佢同薪金, 要佢簽晒走佬信唔比留底。

原文章由 Suneo 於 08-8-30 23:58 發表
2001bc
我想請問送走大帝的機票要大約訂時呢?因為我想送走我家的大小姐。


別墅

積分: 575


15#
發表於 08-9-1 08:06 |只看該作者
...續

佢初時嚟話好鍾意BB, 所以抱佢就得啦, 咁我咪去買條印尼帶比佢囉, 唔夠兩日同哥哥返學就用BB車, 跟住我呀媽問佢點解用車, 佢話媽咪比佢用, 因為BB好重, 之前我已經同佢講BB重啦, 佢又認叻話OK, 開始啦...有一日同哥哥放學都係推車, 佢個百痴用BB車開門, 唔係用手開門, 仲要將車向上推, (好似D工人推泥頭車咁), 當然BB就係架車入面掉出嚟, 所以個次就整倒個"人中" 囉, 用腦都唔會捯出嚟啦。
另外香港D路唔平我都知, 推BB車次次都要留意有無邊位, 要將車TAKE高, 佢就成日攪到BB車一路推就一路CAKE, BB想吓究竟姐姐識唔識渣車架??好"鄧""鄧"呀!!!

首頁
1

尾頁

跳至