係2006年1月21日開始用一個工人，我同我老公都要返工，工人日間就照顧我個仔，當時仔仔只有四個月大． 一直到2007年3月30日，我地三口子去荷蘭旅行十日，而我工人就去我奶奶屋企瞓，不幸地我老爺第二日中風入院，於是我奶奶每日都留係醫院陪住佢，而我工人就一個人係我奶奶屋企．
後來, 我奶奶發現之前放係櫃既金飾同萬幾史現金完全無晒．但因為怕事，所以一直未有同我地講． 而工人都係2008年1月20日完約，因為佢一向都表現ok，所以當佢搵野做既時候，我都好幫佢，有人打黎我都會話佢ok等人快d請佢． 係2008年5月奶奶先同我老公講，當時我都唔多相信，因為事隔太耐又無証據，加上我奶奶有輕度精神病．
奇怪地係2008年8月2日工人突然上左黎我屋企要我地比多一次reference letter佢，根住我要求佢寫低聯絡電話同佢而家個employer既聯絡電話，我會再聯絡佢．返到屋企我打比佢，我同佢講我唔會比reference letter佢，因為我地已經知道佢偷左我地既金飾同錢，如果佢再搵我地，我地就會報警，佢即時話佢唔要reference letter啦！
我再打比佢個employer問有關於佢而家既表現，就話工人係2008年9月3日就會完約，工人要求resign一個月通知．佢個employer都好嬲，因為剛係2008年7月22日比左levy＄２４００，一個星期後就話唔做，佢兩公婆都要返工，又無人照顧８個月既仔仔，工人開頭講大話話佢老公搵到野做，佢就返菲律賓照顧五個小朋友． 我就唔信，因為只有搵野做先會要reference letter，後黎知道佢係因為係加拿大搵到野做，要比加拿大既employer．
佢個employer追問佢點解甘緊張封reference letter，工人話因為之前個employer（我）已經唔比佢，而家個封唔可以無． 再問佢點解之前個employer（我）唔比佢，工人就話因為佢之前偷左我地＄２０． 佢個employer唔信，覺得好好笑，話我地點會因為＄２０嬲到而家． 覺得佢好有問題，再打比我地同我地相討點好，仲可以做ｄ咩野．
我想請問下可唔可以搵佢攞返＄２００００比奶奶，如果佢一味話無錢，甘又點先可以令到佢去唔成加拿大． 可唔可以寫信比加拿大領事館又或者加拿大入境署，講佢係香港係一個偷野既人． 又可唔可以唔比封reference letter佢，令到佢去唔到加拿大呢？ 佢ｄagent又會唔會幫佢整張假既呢？ 佢而家個employer都唔會比reference letter佢，甘對工人又有無咩影響呢？ 如果我報警佢偷野，我老公會唔會比人告呢？因為工人係第二個地方住． 如果我報警佢偷野，落左口工，佢有case係香港又可唔可以出境呢？ 如果我報警佢偷野，警察會唔會因為時隔太耐唔理呢？ 加上警察可唔可以check到佢有無係個段時間入過個錢係佢菲律賓account呢？
雷大B係2005年9月18日-瑪麗出世
雷細B係2008年5月28日-瑪麗出世
發表於 
返回列表
