興趣嗜好 今日: 0 | 主題: 124022

積分: 1478

1^#

發表於 15-12-22 11:03 |只看該作者 |倒序瀏覽 |打印

狗狗快14歲了, 年初手仔近枕位生左粒野, 佢自己不停lam同咬而出現左傷口。
傷口一路都唔好, 愈黎愈大, 最近做了切片化驗, 證實係皮脂腹瘤。
醫生話係半惡性, 好少會轉移, 但會原位侵蝕D組織, 同切左都好易會生返, 佢建議要截肢。
但我地好唔想, 因為狗狗年紀大了, 眼睇唔係好清, 耳仔都冇咁靈敏了, 怕截肢佢會好難適應。
但依家每日幫佢洗傷口, 佢都好痛。好心痛佢每日都受苦咁!!
其實除左截肢, 仲有另一個方法, 係切左腫瘤後幫佢植皮, 但風險係腫瘤會返發!
依家我地真係唔知應該點做好!!

0 0 0

私人傳訊

積分: 165

2^#

發表於 15-12-22 15:44 |只看該作者

回覆：應該點為佢選擇

7年前我隻西施狗女當時11歲，後腳其中一隻腳板底有小小傷口，當時無為意以為出街刮損，洗傷口搽藥膏一般護理，但惡化得好快成個腳板底全部潰爛，睇愛x動物協會，醫生話要切割組織寄去英國化驗，化驗結果話cancer，當時醫生建議做截肢手術，我都掙扎左一排，呢段時間每日用生理水消毒再搽藥膏，再用油性隔紗布再用繃帶包扎，每次處理傷口見佢好痛苦咁，我心都好痛，最後決定做手術，手術後唔到一年就走左，(中間仲有一d唔開心嘅事)，其實後悔做左呢個決定，建議樓主帶狗狗睇多一個醫生先，唔好咁快決定住，再諗清楚先。

私人傳訊

積分: 1478

3^#

發表於 15-12-22 17:18 |只看該作者

多謝你既回覆呀!! 我果隻都係西施狗仔黎架!! 同你個CASE真係好似, 不過佢係前手, 都係日日咁幫佢洗傷口!! 都係潰爛得好快!! JM介唔介意話我知你狗狗既咩原因離開架?? 因為手術太大捱唔住? 定係因為CANCER? 我都會再帶佢去問下其他醫生既意見呀!!

私人傳訊

積分: 165

4^#

發表於 15-12-22 19:24 |只看該作者

回覆：應該點為佢選擇

狗狗因為後腳截肢，手術後康復進度OK理想，初期佢利用前腳支撐起身體，每一步都係跳跳跳，與平時無咩分別，又識得跳入籠大小二便，係有時平衡唔到跌一跌，大約過左9個月度，開始出現全身抽筋、失禁、動作緩慢，抽筋次數開始越來越密，眼神好似無左焦點咁，全日瞓已經起唔到身，又唔肯食唔肯飲水，帶佢去睇第二個醫生，醫生要過往所有病歷，打電話比愛x動物協會由佢哋Email比呢個醫生，醫生睇晒所有文件後話英國化驗返黎嘅結果係“疑似”癌症，話當時狗狗差唔多係時候走，聽到疑似兩個字我簡直想殺左愛x個醫生，因為如果當初係疑似的話我可能選擇唔做手術，但我都明白要每日洗傷口佢好痛苦，但畢竟狗狗年紀大，咁大一個手術佢身體未必承受到，晚年我都唔想狗狗痛苦，所以我明白樓主而家個心情，實在好難下決定。Anyway，樓主同狗狗都要加油。
另外，想講多少少，如果選擇做手術，樓主要同醫生好好溝通，因為我果時愛x個醫生係外國人，佢哋嘅醫療用詞英文係好難明架，雖然有中國人助手做翻譯，始終都係隔左一層，我老公英文好都唔係幾聽得明，何況仲隔左一個翻譯，因為我預期佢係由失頭哥對落截肢，手術出嚟見到係由大脾成隻截，當期時我大叫，係癲左咁大叫就喊左出嚟，仲要喊左好耐好耐，呢件事我到而家呢一刻都仲好嬲好嬲，如果講清楚我一定一定唔會做手術，我好後悔唔帶狗狗睇多幾個醫生，聽多啲意見先決定，所以樓主你咩決定都好，一定一定要帶狗狗睇多幾個醫生聽多啲專業意見先，何況你隻狗狗係前腳有事，手術後除咗用狗輪椅之外應該行唔到，所以明白樓主好難落決定。
祝福樓主同狗狗。

私人傳訊

Tmc1288

積分: 1563

5^#

發表於 15-12-22 23:52 |只看該作者

回覆：應該點為佢選擇??

衷心祝福樓主同狗狗！
我都覺得睇多幾個醫生，係現在最重要做的事。如你須要我可pm醫生的資料給你。

私人傳訊

hker

侯爵府

積分: 23302

6^#

發表於 15-12-23 03:12 |只看該作者

本帖最後由 hker 於 15-12-23 03:26 編輯

樓主，我自己狗狗剛走三星期了。（16+史納莎）

起初是吊腳，醫生照xray話是bone cancer (內裡的骨蝕了）. 但抽組織化驗又沒有cancer cells.

走前的一個月，傷口一個一個的出來。前腳有7個傷口。我也是非常的心痛。我強烈推薦用prontosan. 那是一枝抹走傷口死皮／組織的東西（我覆蓋在傷口15 mins),之後再用鹽水洗。（以前真善美有代訂的，現在不知；我在元朗老人用品店買的，$190?).

用了，傷口乾淨好多的。千萬別用雲南白藥（傷口又乾，結焦超難洗；外乾入面仍發炎的）。

如果傷口不太深，上面貼"豬油膏"（e.g.hydrocoll/ duoderm).

總之，用了prontosan, 洗傷口好好多。

祝福！加油啊！

p.s. My conditions: 我自己狗狗懷疑是bone cancer 後（生存大約4 個月），沒看vet 了，只去配心臟藥（醫生也配好碼啡貼，給他痛時用；但一直也沒用上，直到走）；他一直有吊腳；後來腳紅腫；傷口一個個出來；但一直吃得睡得，直到走的一刻。走前兩個月，終日睡床，但大小便在協助下能站起來解決的。狗狗有工人姐姐貼身照顧的，每兩個多小時協助起來飲水／吃snacks. 他一直也沒嘔／哀鳴／不進食。最後也是自己走的（走的那天，還在吃早餐，snacks, 坐車車出街，當然，身體極度虛弱了）。

私人傳訊

積分: 1478

7^#

發表於 15-12-23 09:58 |只看該作者

回覆 Wishful 的帖子

其實一開始我都係去愛X度睇, 直到佢叫我地要麻醉做手術切片, 我地就有D擔心, 因為聽人講佢地多數都係D實習醫生, 所以我地轉左去睇第二度!!
前腳的確梗要好多, 依家個醫生都講明係由身開始成隻切晒, 開頭我都有問係唔係切關節以下, 但佢話關節個位有兩條骨, 切左傷口會好難好, 如果要切就要成隻 (個醫生係講廣東話, 所以都溝通到既)...
不過有樣野令我十分1516既係,,,其實未拎切片報告, 個醫生都建議截肢, 如果要植皮佢會叫我地去太平(專門做手術既診所)做! 睇得出佢好唔想做植皮手術。所以我地先冇即時應承俾佢截肢!!
又或者我狗仔既傷口真係太大, 好難切晒D腫瘤啦.......唉.....我都唔知!!!
btw 我一定會再帶佢去睇多幾個醫生, 問下意見先!! 多謝你既分享同建議!!!

私人傳訊

積分: 1478

8^#

發表於 15-12-23 10:00 |只看該作者

回覆 Tmc1288 的帖子

多謝你呀!! 麻煩你pm我醫生資料呀!! 因為我真係未諗到去邊度睇好, 之前朋友介紹過既都去過晒喇!! 唔該你!!!

私人傳訊

積分: 1478

9^#

發表於 15-12-23 10:07 |只看該作者

回覆 hker 的帖子

謝謝你既建議呀!! 請問prontosan係洗傷口之前覆蓋在傷口15 mins 之後再洗嗎?? 可以話我知元朗老人用品店地址嗎??因為我住屯門的, 去元朗都好方便!! 同埋會唔會有呢枝野既全名? 因為我上網SEARCH, 好似有好多唔同既產品咁, 我怕我會買錯呀!! 唔該晒你!!!

私人傳訊

hker

侯爵府

積分: 23302

10^#

發表於 15-12-23 13:22 |只看該作者

回覆 cynthia_ha 的帖子

我pm了妳！

關於傷口的，想問我多點點，隨時話我知。

祝福！

私人傳訊

20150618bb

珊瑚宮

積分: 108041

2024年龍年勳章虎到金來勳章牛年勳章 2018復活節勳章開心吸收勳章

11^#

發表於 15-12-24 12:34 |只看該作者

私人傳訊

積分: 165

12^#

發表於 15-12-27 09:32 |只看該作者

回覆：應該點為佢選擇

狗狗現況如何？

私人傳訊

積分: 1478

13^#

發表於 15-12-28 12:47 |只看該作者

回覆 Wishful 的帖子

同家人商量完, 我地都唔忍心要佢截肢!! 好驚佢接受唔到....
依家都仲算食得訓得!! 下星期會再去睇另一個醫生拎D意見!!
想搵個方法令佢唔好咁痛苦, 如果有醫生肯幫佢試植皮, 都會試下!!
多謝你既關心!!

私人傳訊

積分: 165

14^#

發表於 15-12-28 13:33 |只看該作者

回覆：應該點為佢選擇

其實狗狗都就14歲，我都覺得唔好截肢喇，
年紀大身體承受唔到咁大個手術㗎，
不過辛苦樓主喇，要好好照顧狗狗，
果時我幫狗狗每次處理完傷口，
除咗用油性隔紗網，仲會用棉花
(好厚果啲)墊住個傷口先再用繃帶包綁，
狗狗踩落個地下度無咁痛㗎。
希望你揾到醫生幫狗狗植皮。
祝福你同狗狗。

私人傳訊

積分: 165

15^#

發表於 15-12-28 13:40 |只看該作者

回覆：應該點為佢選擇

我係網上揾到呢個關係植皮舊新聞，
你睇下幫到你？
http://www.weshare.hk/imanblue/articles/2335943

私人傳訊