爸爸專區今日: 0|主題: 16399

收藏本版

發帖

返回列表

跳至頁

查看: 2797 | 回覆: 9

小心選擇豐澤牌 [複製鏈接]

meganian

洋房

積分: 40

1^#

發表於 08-8-18 20:28 |只看該作者 |倒序瀏覽 |打印

7月中買咗部豐澤牌洗衣機，心唸佢雖然平、但點都係大公司、仲有2年保養添、用2年應該唔會有問題，點知就係麻煩嘅開始。

部机送到後第二日個師父先安裝，一裝完嗰師父就同我講 "你部機壞咗啦"，你打返公司安排換機啦！

於是、又要再等送機....等安裝。

第二次個師父裝完後冇話有問題就走咗。心唸今次應該冇事啦就開始洗衫、但點知想洗30分鐘變咗洗120分鍾。試吓乾衣啦、部機乾完又落水、落完水又再乾、機乾完又再落水.....！

於是又再叫豐澤維修。又要再等。

呢次維修個師父同我講、今次你可以選擇換電腦板或者再換機，如果換電腦板可以即刻換、同埋應該再冇問題，但如果換機的話你要再約時間送貨及安裝。我心想今次應該得啦、已經好耐冇洗衫同埋唔想再等，於是決定換電腦板就算。之後平安地用咗大半個月、問題又再出現。

上星期六想洗衫、點知部機唔着、扲咗幾次個電源制都冇返應，但係唔得閒理佢。一個鐘後再試吓、今次着到但唔識得洗衫，於是跟足上次個師父教的程序reset咗再開機、但仲係唔試得洗衫。於是又再叫豐澤維修。

星期日得閒再試吓，點知佢忽然識得洗衫？心想今次麻煩啦！

星期一師父呢到、試左一陣、佢話部機冇事、部機唔着係你個(電制鬆)、扲唔着係你(唔識得用)。於是我同佢講我用咗大半個月都冇事、我跟足咗程序reset部機都唔識得洗衫咁都算冇事？你不如同我再換多一次電腦板啦。個師父居然同我講：我係專業嘅、我檢查過覺得你部機冇壞就唔會換、唔係你話換就同你換！跟住同我爭論咗十幾分鐘。

於是我向豐澤投訴，我同佢地講、部機有問題時我試咗好耐都真係唔郁、突然唔陏同突然好番係部機嘅電子零件唔稳定、你地個師父只係試咗一陣間、我覺得你地應該相信顧客。但得到的答案是.............佢地只係相信佢地師父嘅"專業判斷"！

我以後都唔會再買"豐澤牌"嘅產品。希望大家都要小心選擇。