吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 針唔拮到肉真係唔知痛

夫婦情感今日: 12|主題: 42734

收藏本版

發帖

返回列表

跳至頁

查看: 3875 | 回覆: 33

針唔拮到肉真係唔知痛 [複製鏈接]

Carmen811

複式洋房

積分: 257

1^#

發表於 08-9-5 11:43 |只看該作者 |倒序瀏覽 |打印

以前聽朋友講佢哋嘅感情問題，例如有第三者之類，往往我都會叫佢哋爭氣，要主動分手，但原來到事情發生咗响自己身上，就原全係兩回事.....

懷疑我老公有婚外情已經有幾個月時間，喱幾個月好難受，瞓唔到、食唔到、每分鐘個腦都充斥住喱件事，會不停問自己點解會搞成咁，其實係唔係自己胡思亂想....

最近終於證實咗，响老公承認嗰一刻，我個心跳得好快、手同身都震到不受控制，腦一片空白。

因唔想屋企人擔心，我無同過雙方家人講過，亦都無同朋友提過，因為佢哋嘅關心提問，往往變成在我傷口灑鹽。每日裝著若無其事返工放工、如常出席家庭聚會，感覺好淒涼、好無助、好折磨！

老公話要慢慢解決，佢曾經講過會解決但叫我唔好追問，因為唔係一時三刻會解決得到，每日幻得幻失，有好多嘅懷疑，好無安全感。每次見到佢check email，我就會諗係唔係佢女朋友又send msg俾佢、佢下晝係唔係同女朋友食午飯(佢哋係同事)、放工happy hour晚飯又係唔係一齊....

對住佢，我盡量無苦口苦面，唔想令到佢更加想離開喱個家。真係對人歡笑....

我瞓唔到，每晚大約只係瞓到兩個幾小時、食唔落，已經瘦咗六磅。唔可以咁落去，尋日終於第一次買咗安眠藥，食咗，好瞓少少。咁嘅日子到底幾次會完結？

0 0 0

私人傳訊

mormorchan

男爵府

積分: 5146

好媽媽勳章

2^#

發表於 08-9-5 11:57 |只看該作者

原文章由 Carmen811 於 08-9-5 11:43 發表
以前聽朋友講佢哋嘅感情問題，例如有第三者之類，往往我都會叫佢哋爭氣，要主動分手，但原來到事情發生咗响自己身上，就原全係兩回事.....

懷疑我老公有婚外情已經有幾個月時間，喱幾個月好難受，瞓唔到、食唔到、每分鐘個腦都充 ...

You can express your sadness here, all of us are willing to listen to you and support you.

私人傳訊

ypmummy

大宅

積分: 4099

3^#

發表於 08-9-5 12:02 |只看該作者

原文章由 Carmen811 於 08-9-5 11:43 發表
以前聽朋友講佢哋嘅感情問題，例如有第三者之類，往往我都會叫佢哋爭氣，要主動分手，但原來到事情發生咗响自己身上，就原全係兩回事.....

懷疑我老公有婚外情已經有幾個月時間，喱幾個月好難受，瞓唔到、食唔到、每分鐘個腦都充 ...

你應同老公好好坐低傾....唔好再拖...你會好辛苦.....

私人傳訊

man4good

大宅

積分: 1217

4^#

發表於 08-9-5 12:09 |只看該作者

唉...咁佢有無講幾時會可以完全解決？問又唔得，咁一直拖，拖到幾時？佢係咪真係有心去解決？

私人傳訊

tc123

別墅

積分: 977

好媽媽勳章

5^#

發表於 08-9-5 12:14 |只看該作者

唉, 點解.............

點解做人會有咁多煩惱...今日你煩, 聽日佢煩, 後日...可能到自己煩..........

朋友... 又可以分擔几多?? 我都覺得好煩...

唔係諗lee樣...就諗個樣...

煩既野, 一單完左又一單.................

唔開心既事, 日積月累咁疊埋向個心度.... 得閒唔知發咩顛又會跳番出黎等你唔開心一陣.......唉!

我都唔知點安慰你..........................

我都想暈低一陣, 醒番之後,,,咩都唔記得哂...

私人傳訊

ringoivy

翡翠宮

積分: 76971

6^#

發表於 08-9-5 12:20 |只看該作者

咁就要問下你自己想點啦

佢話d野5係一時三刻可以解決得到都係因為佢想繼續享齊人之福啫

要解決5係應該灑脫咩

正一狗屁不通

原文章由 Carmen811 於 08-9-5 11:43 發表
以前聽朋友講佢哋嘅感情問題，例如有第三者之類，往往我都會叫佢哋爭氣，要主動分手，但原來到事情發生咗响自己身上，就原全係兩回事.....

懷疑我老公有婚外情已經有幾個月時間，喱幾個月好難受，瞓唔到、食唔到、每分鐘個腦都充 ...

私人傳訊

Carmen811

複式洋房

積分: 257

7^#

發表於 08-9-5 12:35 |只看該作者

我老公同我講，唔會一兩日內會解決到，咁我都明白，對方係佢同事，日日見住，係會麻煩嘅。

之前我頂唔住，同佢講成全佢哋，我搬走，佢同我講咗會搞掂件事，想我留抵。

我真係唔知會拖到幾時，佢叫我要自己觀察住，到時就會知道佢做咗野。

私人傳訊

414928

水晶宮

積分: 64076

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

8^#

發表於 08-9-5 12:41 |只看該作者

樓主應該搵一個傾訴對象,把問題同別人分享,這是開解自己情緒的方法,你把問題獨自承擔,只會增加自己的痛苦,對解決問題沒有幫助的。你老公講過會解決,你就要定下日期,唔係一時三刻都應該有個期限吧,不可以一拖再拖,係有心一早就可以解決問題,係無心再拖都解決不了問題。
無論結果係點,你都要好好同老公傾下,也在這時間好好為自己將來打算一下,加油,這世上不會誰沒有誰不能生存的。

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

9^#

發表於 08-9-5 12:48 |只看該作者

原文章由 Carmen811 於 08-9-5 12:35 發表
我老公同我講，唔會一兩日內會解決到，咁我都明白，對方係佢同事，日日見住，係會麻煩嘅。

之前我頂唔住，同佢講成全佢哋，我搬走，佢同我講咗會搞掂件事，想我留抵。

我真係唔知會拖到幾時，佢叫我要自己觀察住，到時就會知道佢做咗野。 ...

你老公都幾攪笑,唔準問,咁又點知呢??如果自己觀察到佢真係冇解決到,咁到時又點呢??我個時都走過,我個PK老公都叫我俾時間佢架,最後??咪越攪越大件事囉~~你唔好屈住自己啦~~你唔同屋企人講,唔同朋友講,其實係唔係怕,將來有一日佢真係回頭時,怕佢唔知點面對??如果係,我覺得你更加要講,唔係人地真係以為佢係好好先生~~

大家係同事,日日都會見到,根本佢地唔會解決到件事~~我覺得除非個女人搵到第二個男人啦,唔係,你老公都只會一路拖落去~~

我當日都好似你咁諗,做好自己,等佢唔好有離開個家既念頭,但到頭來,最慘既只有自己架咋~~其實男人有女人,根本就係佢地既錯,為咩仲要我地去就佢呢??我成日都話,係唔係因為女人唔想頭家散,唔想小朋友係單親家庭長大,我地就要忍呢??如果真係咁,咁D男人一定好想頭家散啦,唔係點會做D咁既野呢??

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

冬蝶

複式洋房

積分: 486

10^#

發表於 08-9-5 12:59 |只看該作者

佢地係同事日日咁對住, 點解決?
其實你老公有無可能換份工? 如果唔係就算佢就同個女人巳分手, 你會相信嗎? 你一樣每日會疑神疑鬼, 根本無用的. 雖然就算換工都可以約出去見, 但都總好過做同事日日對住好~

私人傳訊

Carmen811

複式洋房

積分: 257

11^#

發表於 08-9-5 13:05 |只看該作者

我老公無可能轉工，轉工等如白廢多年努力，唯有希望個女會轉。

我其實都唔知自己想點，最慘係雖然佢傷得我好深，但我知仍然愛佢！

私人傳訊

hellolal

複式洋房

積分: 449

12^#

發表於 08-9-5 13:29 |只看該作者

回覆 #10 冬蝶的文章

點解你要做被動果個?咁如果佢一拖一年半截又點?你精神可以承受到嗎?就算是離開佢，咁最多係痛苦一段時間，最后傷口可以慢慢痊癒。但如果再拖下長，只會令你的心不斷的痛......你根本不會知道什麼時候才可以了結。無論結果如何，我覺得你應給他一個期限，但時間不可以太長，大家都成年人，果個女人明知佢有老婆都痴埋嚟，咁佢應該預咗果男人會返去老婆度。我個人唔認為仲有咩要等，除非個男人唔捨得.....請原諒我咁直接，但你再這樣下去，苦的是你自己和你的小朋友........

私人傳訊

clc_ivy

大宅

積分: 3347

13^#

發表於 08-9-5 13:46 |只看該作者

每人個女人都係因為愛個男人先會同佢結婚,每一次都睇到"雖然佢係做錯,但係以然好愛佢"我知道如果有一日我老公都係咁,我都會同咁多位mama一樣咁傷心難過,都會講以上嘅說話,不過大家有無諗過,點解要令自己去對住一個已經唔再愛自己嘅男人?點解要令自己咁辛苦去面對?當個男人唔再愛自己嘅時候,女人就應該放手,放過自己,就算個男人真係返去你身邊,都好難擔保佢唔會再有下一次,當下一次嚟到嘅時候女人只會更加痛楚更加難過,當個男人同你講叫你比d時間佢去解決嘅時候,件事已經解決唔到,因為佢只係想逃避,如果佢真係愛你呢件事根本就唔會發生,既然發生咗呢件事就表示佢已經唔再愛你~~
仲有點解每個男人都會講同一個藉口就係:比d時間我

我係驅魔人媽媽

私人傳訊

esse

大宅

積分: 2266

14^#

發表於 08-9-5 13:49 |只看該作者

埃~~ 你又唔同人講，仲要係人面前扮無野，你會好辛苦呀!!

佢已經傷害了你的心，唔好再俾佢傷害你個身體，你訓唔到又食唔到，會影響身體

私人傳訊

ahbebe88

男爵府

積分: 5194

15^#

發表於 08-9-5 13:53 |只看該作者

第三者真係女人最痛...我都唔知點安慰你...加油呀!

私人傳訊

babypig801

複式洋房

積分: 436

16^#

發表於 08-9-5 14:01 |只看該作者

回覆 #1 Carmen811 的文章

樓主，你要想想他真的解決了現時問題後，你是否真的可以原諒他，不再亂想嗎？
如不能，長遠而言，只會是把死亡時間拖長，
長期活在惶恐中，壓力是可等的大，連照顧小朋友的心情也失掉似的。
八年前我也曾經歷過，前夫也說要時間解決，也說過不會因另一個女人而拋棄我。我也每天裝作若無其事，最終是怎樣？！
他的一拖再拖，他的愛理不理，而自己的疑神疑鬼，令自己的信念，意志及耐性都一一消磨了！
但若妳還年輕，而他也是第一次，我個人意見，妳可以比一些時間自己及他，看看他的表現及給自己看清楚他是否仍值得妳愛！

私人傳訊

emt1314

珍珠宮

積分: 46388

2025勳章 2025勳章蛇年勳章 2024年龍年勳章牛年勳章 2018母親節勳章親子達人勳章

17^#

發表於 08-9-5 14:39 |只看該作者

唔好俾佢拖住你，你要俾個限期佢，如果唔係。。。你會好辛苦！
可能個女仔都唔知佢有老婆，你最好失驚無神去接佢食飯，或送盤花去公司，大大隻字寫”老婆送”。
這叫做"宣泄主權"，等個女仔知難而退。
因為，好多男人去滚，通常得兩個藉口：1。我未結婚 2。我同老婆冇感情
仲有。。。一定要講俾你奶奶知，等佢哦吓個仔。

私人傳訊

幸福無比

別墅

積分: 569

18^#

發表於 08-9-5 16:28 |只看該作者

針吾吉到肉吾知痛

但長痛不如短痛!

男人都喜歡拖泥帶水, 佢話比時間佢解決, 但你要set一個限期比佢

私人傳訊

rubymo928

大宅

積分: 1612

19^#

發表於 08-9-5 16:42 |只看該作者

樓主,

甘你有無 feel 到你老公有做任何野去解決問題 ?

你同你老公家人關系如何 ? 如果唔系太差, 可以暗示個老公出面有女人. 睇下佢地物反應, 會唔會企你果邊. 不過, 始終佢地系同一條腸出, 你唔好 expect 佢地會撐你, 有物冬瓜豆腐最終都系靠自己.

家庭 gathering 如果系男方 ga, 甘你唔好去啦, 你唔去多幾次, 佢地都會問你有物事. 果時順勢話老公出面攪攪震...

如果系自己外家 gathering, 甘我都明白, 做女唔想父母家人擔心.

你老同同個女人系同事好難攪woo, 佢地日日見住. 你老公唔會 resign, 個女仔更加唔會捨得走啦. 你有無見個個女人 ?

你要保重呀 ! 輸人唔好輸勢 ! 唔好比自己再殘落去. 如果你仍愛你老公, 呢個好可能系一個持久戰. 有物上黎同我地傾, 記住你唔系孤軍作戰 ! Take Care !