Baby Kingdom - 親子王國 香港 討論區 › 首頁 › 論盡家傭› 今朝我個工人．．．

論盡家傭

收藏本版
發帖
返回列表
跳至頁
今朝我個工人．．． [複製鏈接]

首頁
12

尾頁
   0
venus.c


男爵府

積分: 7712

好媽媽勳章 畀面勳章


1#
發表於 08-9-14 15:04 |只看該作者
今日我個工人放假，但我於早上7:30餵完奶，就將個奶樽放在洗碗盤側邊，提她要烚奶樽，因為最後一個，到了10:20她叫醒我話烚緊奶樽，叫我整埋手尾，當時她已準備出門口，跟住我就叫佢整埋先出門口，她望吓個鐘（好似做俾我睇佢趕時間）跟住就入返廚房，到了10:３５分烚完，她整完就出門口，最初期她嚟屋企時如只剩一兩個奶樽就會於晚上洗完碗後烚，但而家就會於下午烚，夜晚洗完碗，抺完地就沖涼後入房（好似好趕住收工），她在房就講電話傳信息，有試過聽到佢十二點幾電話響，同埋初時她鍡奶就在廳鍡，我就多數坐在床上鍡，到我坐完月返工，我裝咗ip cam喺房，見她鍡奶時好似學我咁坐在床上，雙腳仲放埋在我張床上，跟住之後我就叫佢喺廳鍡，而平時下午我個女多數瞓在我床上，因無咁熱，她以前會瞓在床上同女玩等，我就叫佢唔好瞓喺度，仲好間接話如妳瞓著咗就好危險，因我唔想罵佢，而家佢就半瞓半坐咁，不過無辦法啦因個女喺床，仲有啲少問題，遲啲再講．．．．．．．．．
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


2#
發表於 08-9-14 15:32 |只看該作者
你都識講你工人今日放假, 佢唔一早走已經好乖, 仲同你做到10:20分, 都無乜幾個dd工人, 你仲要佢烚完先走得, 真係有d過份.....

唔知你係唔係在職媽媽, 要你休息日都番公司做野, 你唔知會唔會唔開心?

我工人8點出門口, 奶樽我叫佢早一晚要烚好, 若果真係唔夠用都試過, 佢一朝早同我烚, 我接力整埋d手尾囉!

我從來都唔要求工人係休息日幫我工作, 但佢自願幫我抹地, 煲水, 番屋企洗埋碗, 我覺得佢已經好好......
神未曾應許天色常藍;但衪曾應許生活有力!
私人傳訊

momo2008


別墅

積分: 620


3#
發表於 08-9-14 15:37 |只看該作者
原文章由 2heiBBmama 於 08-9-14 15:32 發表
你都識講你工人今日放假, 佢唔一早走已經好乖, 仲同你做到10:20分, 都無乜幾個dd工人, 你仲要佢烚完先走得, 真係有d過份.....




樓主.......其實你想工人對你好.....你都要對佢好先至得...雙向架 !!
私人傳訊

venus.c


男爵府

積分: 7712

好媽媽勳章 畀面勳章


4#
發表於 08-9-14 16:19 |只看該作者
佢平時又識提早洗，我自問對佢唔錯，無要求要洗碗好乾淨，有油我都無話佢，做嘢求期都算，有嘢食都預埋佢，但我就覺得佢識多咗朋友就越衰

私人傳訊

enahau


大宅

積分: 3102


5#
發表於 08-9-14 23:12 |只看該作者
[quote]原文章由 venus.c 於 08-9-14 16:19 發表
佢平時又識提早洗，我自問對佢唔錯，無要求要洗碗好乾淨，有油我都無話佢，做嘢求期都算，有嘢食都預埋佢，但我就覺得佢識多咗朋友就越衰 [/quote
我完全唔覺你工人有咩問題喎,而且你提完佢佢都無再喺你床上訓啦,無要求太高啦,照顧一個bb其實好辛苦,你同我都知,佢半坐喺你張床都ok既,唔訓著就可以接受。
私人傳訊

qqbabe


大宅

積分: 4659


6#
發表於 08-9-14 23:27 |只看該作者
原文章由 venus.c 於 08-9-14 16:19 發表
佢平時又識提早洗，我自問對佢唔錯，無要求要洗碗好乾淨，有油我都無話佢，做嘢求期都算，有嘢食都預埋佢，但我就覺得佢識多咗朋友就越衰


平時做野有錯係應該要話, 碗碟唔乾淨唔可以接受, 做野求期唔需要妥協, 唔係話你呢d由佢就等如放假時有權要求佢工作. 我覺得樣樣都應該揸正黎做, 包括權利和義務.
私人傳訊

luilui007


子爵府

積分: 11304


7#
發表於 08-9-14 23:40 |只看該作者
我工人放假那天,我不會要求她做這樣,做那樣...
我工人放假那天她亦不會同我蒸完奶瓶先走...
我工人放假那天她有時會幫我把污糟衣服放進洗衣機才走,我之後會自己掠...
我真係唔明白點解工人放假那天無做哂野又走,好似欠左你噤???某某些工作自己做又有什麼問題???
借問聲什麼是假期???
私人傳訊

danasohkg


大宅

積分: 1221


8#
發表於 08-9-15 00:07 |只看該作者
我會講同做一次比佢聽la!...
因為佢唔會明白我個requirement.
我係一定要做比佢睇....
私人傳訊

qj


別墅

積分: 640


9#
發表於 08-9-15 01:38 |只看該作者
我個工人好特別,平日做野偷懶, d野叫左都唔做, 話佢時佢唔出聲黑面,迫佢答點解唔做,佢話唔知. 佢好似覺得自己無問題,佢係咁嫁喇.
但到佢放假佢又會主動幫我煲粥俾bb先出門口,返來同bb沖涼. 究竟佢諗乜?
私人傳訊

mrs.hamster


禁止訪問

積分: 5073


10#
發表於 08-9-15 06:45 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


11#
發表於 08-9-15 08:42 |只看該作者
原文章由 qqbabe 於 08-9-14 23:27 發表


平時做野有錯係應該要話, 碗碟唔乾淨唔可以接受, 做野求期唔需要妥協, 唔係話你呢d由佢就等如放假時有權要求佢工作. 我覺得樣樣都應該揸正黎做, 包括權利和義務. ...


真係講得好岩, 平時做錯事, 求求其其我一定會出聲, 但唔等於dd就係交換條件, 要佢係休息日工作, 烚奶樽一定要講清楚早一晚要烚好, 而唔係休息日先做, dd要教要講, 係你張床瞓都係一樣要講, 你阿女鐘意係床樹, 唔代表工人可以坐你張床, 可能你唔介意, 我好介意囉, 無辦法我會叫工人放張櫈係床邊坐......
神未曾應許天色常藍;但衪曾應許生活有力!
私人傳訊

wewe


水晶宮

積分: 68008


12#
發表於 08-9-15 12:02 |只看該作者
我個姐姐休息曰係早上5:00-6:00出門口(有次夜尿見佢5:00己經梳洗緊....haha)，不過佢都義務執好屋煲好水先走，既然係咁我都隻眼開隻眼閉。

我覺得休息曰唔應該叫佢做嘢囉，要佢休息前一晚攪掂哂比較好。

[ 本文章最後由 wewe 於 08-9-15 12:04 編輯 ]
私人傳訊

春卷


侯爵府

積分: 24468

醒目開學勳章


13#
發表於 08-9-15 15:55 |只看該作者
原文章由 venus.c 於 08-9-14 15:04 發表
今日我個工人放假，但我於早上7:30餵完奶，就將個奶樽放在洗碗盤側邊，提她要烚奶樽，因為最後一個，到了10:20她叫醒我話烚緊奶樽，叫我整埋手尾，當時她已準備出門口，跟住我就叫佢整埋先出門口，她望吓個鐘（好似做俾我睇佢趕時間）跟住 ...

樓主唔好不開心,佢留返d嘢放假等你做是不對,你叫佢放假做嘢也不好, it's very simple, 你早一晚check吓有咩佢應做而未做的,叫佢complete先.....
另外, 好似this week咁放孖day, 就唯有自己做囉,無幾何,唔好執著d小事唔開心,而且佢10:20先走真係算晏(假設she's working for your family),算ok的了,你要佢做完先走,佢一定hard feeling...because she's already take extra work on holiday, and she think you will 感激, but you're not, so.....
私人傳訊

Cyrus123


大宅

積分: 3383


14#
發表於 08-9-15 16:41 |只看該作者
工人放假出門前真的好難要求佢做好多野！抹地、洗奶樽、洗衣之類，早一晚做完就算！
我發覺新到港的印，因由自己教，頭個約會合作些，亦不恨放假，又不會要求權利。
但舊工人就不同了！
我這新工人在hk做了7年，老油條，講明假期不拖地、掃地，我地要求佢Sat.拖多次及回家後(8:30pm)要做少少野，佢又OK bor.
出門前(9:00am), 佢多數倒埋垃圾、換好滾水、洗完衫，回來會肯幫阿仔洗澡，有時我玩倦了，佢代勞！不過，平日多數會偷懶：傾電話、成日食野、睇書、買野順利shop埋自己野law，同不主動掃阿仔書架的塵及執拾櫃桶law！
so far so good la, 用工人多幾個，你會化！

至於坐或訓主人床、小孩床都不許，連sofa, 安樂椅都唔比，佢有獨家椅，我講明的。

原文章由 venus.c 於 08-9-14 15:04 發表
今日我個工人放假，但我於早上7:30餵完奶，就將個奶樽放在洗碗盤側邊，提她要烚奶樽，因為最後一個，到了10:20她叫醒我話烚緊奶樽，叫我整埋手尾，當時她已準備出門口，跟住我就叫佢整埋先出門口，她望吓個鐘（好似做俾我睇佢趕時間）跟住 ...

[ 本文章最後由 Cyrus123 於 08-9-15 16:44 編輯 ]
私人傳訊

venus.c


男爵府

積分: 7712

好媽媽勳章 畀面勳章


15#
發表於 08-9-16 09:24 |只看該作者
工人10點幾出門口不是代表佢做到咁晏,而是她遲起身
私人傳訊

winnie_sh


子爵府

積分: 10622

醒目開學勳章


16#
發表於 08-9-16 11:27 |只看該作者
其實工人放假真係無義務做家務，不過早一晚做哂應該做的更加重要，呢個係時間分配同責任問題；老實講，要我放假接手做些佢應該要做的家務，我會好嬲，呢個係佢原本要做的，無可能留俾我做，所以我係工人來的初期，已經將工人放假做漏的家務，係當晚會同工人講好。

而家我工人會係放假早上，煲好熱水、凍水(間中唔記得)，掃個廳同出門丟垃圾送埋呀女返學(08:00)，之後夜晚9:30前回家(其實我接受夜返，不過始終要有原因同規矩俾佢守)，回家後佢會簡單整理好全屋同洗碗(如有的話)，如果呀女未沖涼佢會幫手搞掂呀女。

老實講，每一樣要求都要同工人有商有量，放係心度唔講，佢地根本無可能做到我地要求，只會越來越睇佢地唔順眼。
私人傳訊

mylulu007


伯爵府

積分: 15536


17#
發表於 08-9-16 12:16 |只看該作者
我個印日日都要抹地，放假日我地俾佢早一晚抹定地，那放假就可以早D出街，試過工人則則膊，留放假完回來才做，翌日就唔抹地（skip左一日）。 初時以為佢太忙，之後兩三次都係咁，就明佢係專登，所以有日佢放假前我一見佢起左身就講明要佢抹好地才出街。

我唸樓主唔係怪佢假日要樓主執手尾， 而係工人平日可以分配好時間做野但又me me more more， 到放假日就要人執手尾，甚至乜都唔做去街。

樓主要同工人坐低講清楚，有d乜功夫可以假期前一晚做定，唔好俾工人自己安排，又或心唸佢會自動波。咁就勞少d氣。
私人傳訊

ppmon


別墅

積分: 695


18#
發表於 08-9-16 12:49 |只看該作者
我都唔覺得你個工人有問題wor, 你7:30幾餵完奶的奶樽佢唔烚都冇錯wor, 因為佢今日係放假.... 但點解剩番一個奶樽佢琴晚唔烚好呢，我覺得呢個先係問題......不如你叫佢每晚都要將用過o既奶樽烚好咪得law.

另外，你唔鐘意佢做o既野, 直接同佢講唔好再做就得, 唔好轉彎抹角, 講咩驚危險壓親bb, 索性同佢講, 你唔可以坐或目訓我張床, 佢地知你唔鐘意就唔會坐架啦, 唔駛宛轉架。
仲有, 工人做錯野或做得唔好..例如唔乾淨...真係要教架, 千祈唔好唔出聲, 話佢聽碗唔乾淨, 有油, 下次唔好, 今次要洗過, 雖然煩d, 但試多幾次佢自然要改。

其實工人都係人, 所以我都唔預佢假期幫我做野, 有時佢放假朝早洗地或晚上洗碗, 我會講thank you, 唔做就算，因為始鐘係假期, 將心比己, 都唔想做啦!


原文章由 venus.c 於 08-9-14 15:04 發表
今日我個工人放假，但我於早上7:30餵完奶，就將個奶樽放在洗碗盤側邊，提她要烚奶樽，因為最後一個，到了10:20她叫醒我話烚緊奶樽，叫我整埋手尾，當時她已準備出門口，跟住我就叫佢整埋先出門口，她望吓個鐘（好似做俾我睇佢趕時間）跟住 ...
私人傳訊

KiuShaBB


珍珠宮

積分: 31492


19#
發表於 08-9-16 13:41 |只看該作者
你個工人都算唔錯啦, 我位賓姐休息日係唔做野架, 6:xx起身, 之前叫佢8:30am出去, 以為佢會幫吓手, 點知佢黑晒面坐喺房等時間, 老公同我都唔想條廢柴喺度篤眼篤鼻, 改為叫佢7am出門, 佢6:40am想出去, 但我唔俾, 佢攞定手袋企喺門口等7:00am, bb喊都唔會理, 話之你.
私人傳訊

piggy2007


大宅

積分: 2161


20#
發表於 08-9-16 15:29 |只看該作者
樓主, 正如其他媽咪所講, 工人放假, 佢幫你係人情, 唔幫你係道理. 當然作為一個employer, 冇哂奶樽用緊係唔okay啦. 你以後可以要求佢洗哂啲奶樽先至瞓. 我每日都要姊姊洗哂啲野先至可以休息. 星期日呢, 我唔會要求佢做野. 不過佢每次都好好, 番黎後會幫我洗哂啲碗, 我每次都會say thank. 因為人地真係EXTRA WORK 黎架.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy