吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我真係好嬲個囡咁俾人話.....

夫婦情感今日: 0|主題: 42723

收藏本版

發帖

返回列表

跳至頁

查看: 3134 | 回覆: 17

我真係好嬲個囡咁俾人話..... [複製鏈接]

大宅

積分: 3024

1^#

發表於 04-7-23 00:36 |只看該作者

我真係好嬲個囡咁俾人話.....

我老爺叫過我個囡幾次做"屎蟲", 都唔知有冇攪錯, 我真係好鬼嬲, 今日我老爺話完我奶奶又跟口話, 激死我, 我老公又唔出聲, 仲係度笑.......都唔知係未白痴架﹗

我囡囡而家6個月, 佢地抱佢時可能我囡囡唔鍾意, 就會周身郁, 跟住我老爺就話佢成條屎蟲咁, 唔止一次, 佢咁話個孫唔關我事, 但係咁話我個囡就唔得, 我話過我老公, 我老公又冇出聲, 今日我再話我老公, 我老公居然話佢老豆既意思係話我個囡似條蟲仔咁郁......我叫左我老公話佢阿媽架啦, 佢阿媽最錫佢, 但係佢應該會耳邊風。

我真係好鬼嬲, 我諗住同老公講如果下次再係咁, 我唔會再番去佢屋企, 或帶我個囡去搵佢地, 要番我老公自己帶個囡番(我老公一個帶唔掂), 但係我又唔想而家煩我老公, 因為佢黎緊10月有個升級試, 佢而家都好忙, 我又唔想煩到佢, 但係我又好嬲, 咁點好呢﹖

其實我好憎我老爺, 應該係人都憎佢, 因為佢好自以為是, 只有自己講既野先係岩, 但係屋企又冇人駁佢咀, d親戚又聽佢up完就算, 唔駁佢.....

我阿囡係佢第一個孫, 果時我陀住阿囡時未知係女, 佢就成日話要生仔......仔.......仔......仲之就講左好多不吉利既說話....又話如果係女, 生多幾個都係唔通殺左佢﹖我果時大緊肚, 我嬲過佢.....有一排冇見佢....

仲攪笑最近我老公個大嫂個老豆過左身, 我老爺都講幾次話好彩果日佢有去最後一面, 唔係佢老豆唔會去得咁安樂, 仲要講幾次, 我奶奶生日出去食飯又講, 我老公個大嫂即刻眼濕濕冇出聲, 淨係佢阿哥駁左佢老豆一句.....我唔係想講人是非, 係我老爺真係好痴線, 但係如果我衰對佢, 我一定係罪人, 我見佢大嫂咁都可以忍, 咁我係未都應該忍呢, 其實而家講左出黎都舒服d.....

佢大嫂話唔會生bb, 我都想再生多個, 但係又怕我老爺d痴線野.....仲之佢d痴線野多到講唔晒, 我奶奶都係好佢少少, 但係佢地又成日要見個孫, 阿囡2個幾月就要同阿囡傾電話, 我都避左佢地, 佢地而家只會搵我老公。

私人傳訊

Pufferfish

洋房

積分: 62

2^#

發表於 04-7-23 00:58 |只看該作者

Re: 我真係好嬲個囡咁俾人話.....

(I don't know Chinese input, sorry!)

I think they're really too bad! If your daughter gets older, her little heart will be hurt by these dirty words.

But don't get angry.

I think you can let your husband know that your family needs positive thinking and positive comments only. Try not to spend much time with the old man then, and NEVER ARGUE with him => you will not get angry or make anyone angry.

Sometimes we need to be considerate with the elderly, but in your case I am sure you have done your best. The old man is so stubborn just because of his bad habit or low education level. It will not help if you try to debate or "teach" him how to care about others' feelings. You can see this truth from how his relatives treat him.

Don't be upset. Support your husband's career and care about all the positive effects on your daughter. (e.g. Could you invite your mum or brothers / sisters to visit you and give some good examples in front of your husband?) :-|

私人傳訊

大宅

積分: 3024

3^#

發表於 04-7-23 01:19 |只看該作者

Re: 我真係好嬲個囡咁俾人話.....

Pufferfish,

好多謝妳既安慰呀, 其實我講左出黎我已經舒服左好多架啦, 我唔想令到我老公難做, 佢一個人搵錢, 又要供樓, 又要養車, 番工又辛苦....

因為我自己屋企都有婆媳糾紛, 仲攪到好疆, 所以我一定唔想發生係我身上, 仲有我老公屋企個個都好孝順, 唔會同爸爸媽媽鬧架, 我唔想我老公因為我做左迕逆仔, 其實而家都叫好好啦, 一個星期番去食一次飯OR飲一次茶, 佢地間唔中黎見下個孫, 唔駛一齊住真係我命大啦﹗

佢之前仲用粗口話過我個囡"岸xx"添呀, 唔得.....都係要send過email俾老公同佢講下先, 唔係第時個囡都唔知學d咩野番黎, 我老公成日想俾我奶奶湊下我地去睇下戲, 行下街, 我梗係一萬個唔放心啦﹗

私人傳訊

pattaya

複式洋房

積分: 219

4^#

發表於 04-7-23 01:57 |只看該作者

Re: 我真係好嬲個囡咁俾人話.....

I think if the elderly don't respect themselves, I also will not respect them, never!

私人傳訊

yenho

子爵府

積分: 10814

5^#

發表於 04-7-23 09:34 |只看該作者

Re: 我真係好嬲個囡咁俾人話.....

KX,

我家姐個老爺仲衰過你老爺多多聲呀! 不過, 好在我家姐生2 個都係仔, 可以塞住佢把口咋! 佢老爺重男輕女, 佢自己有3 個女, 佢果3 個女就一人生一個女, 番親去如果佢地d 女哭, 佢就對住佢d女講晒粗口, x 你老母, 都唔知你老母點生你架, 成日咸咸咸!!! 但我家姐果2 個仔佢就錫到濃, 要咩有咩! 佢d 女有時都好嬲架, 但係無辦法, 因為果個係佢老豆....所以呢, 你都唔好咁嬲啦, 下次佢再話你個囡, 你咪扮傻話: 有其父必有其女囉!! :wink:

我叫祉延, 係2004年4月18日出世啦~~2004年8月10日, 我第一次識反身啦!! 2004年12月25日, 我識坐啦!!2005年9月1日, 我有16 隻牙啦!!
18/4/04 2.675kgs 29/7/04 5.5 kgs 61cm23/1/05 9.55 kgs 70 cm28/3/05 10 kgs 72 cm6/5/05 10 kgs 74 cm26/10/05 11.1 kgs 79 cm

私人傳訊

ABCD媽咪

伯爵府

積分: 16016

好媽媽勳章

6^#

發表於 04-7-23 10:10 |只看該作者

Re: 我真係好嬲個囡咁俾人話.....

kx...
你老爺奶奶真係經典喎
不過...我同意其他媽咪講...不如忍一下啦
反正唔係同住...已經係福架啦..
我老爺奶奶雖然已經過身
但我有一個麻煩姑奶...為左佢...也差d搞到離婚
(因我因為她同老公開火)
我二女個樣生得似她的親生媽媽
我個姑奶竟當住所有人包括二女
話她一定將來係個水性楊花的女人...因她樣似媽咪.
哼!!...你話呢d女人點可o甘對一個細路女講野喎
呢個姑奶對我的傷害亦唔少....
我現在係忍!!!!!!!!!!!!!!!
老公見我對她好反感
已經少去她屋企...同埋就算要去
就他自己去...我同仔女在屋企
而一定要見面的日子...我就好好做個乖弟婦
忍佢....忍完最多上來bk訴苦...哈哈
基本上我好愛我老公同仔女
如果比呢d女人傷害左家庭...唔值呀!!!

私人傳訊

Honey

公爵府

積分: 27941

7^#

發表於 04-7-23 10:49 |只看該作者

Re: 我真係好嬲個囡咁俾人話.....

KX,

你老爺把口係衰, 但綜合你所講, 無謂同佢反面令你老公做唔到孝順仔, 暫時都係[size=medium]忍。
佢叫你囡囡做X蟲, 都有可能佢好似你老公所講佢覺得你囡囡好似蟲蟲一樣轉來轉去, 不過佢把口衰, 就係要加個屎字, 你第時同個囡講爺爺講個

我將這事告訴你們,是叫你們在我裡面有平安.在世上你們有苦難,但你們可以放心,我已經勝了世界. (約16:33)Born 3.02kg/1m 4.52kg/2m 6.06kg/3m10d 7.19kg/4m25d 8.38kg/6m 8.79kg/7m 9kg/8m 9.6kg/10m3w 10.2kg/12m 10.2kg/13m 10.8kg/16m 11.2kg

私人傳訊

Yumima

複式洋房

積分: 486

8^#

發表於 04-7-23 11:47 |只看該作者

Re: 我真係好嬲個囡咁俾人話.....

ABCD媽咪

你姑奶簡直係極品, 如果係我, 我唔會忍佢, 因為是她唔俾面你個女在先. 根本佢就唔應該係你個女面前講, (其實係一個正常人都唔可能講得出口la) ?-( 我相信你老公都會明白發生咩事la, (一個無智慧的人又怎可以傷害家庭呀),請放心, :mrgreen:

yumima

[url=C:\Documents and Settings\HA\My Documents\My Pictures]C:\Documents and Settings\HA\My Documents\My Pictures[/url]

私人傳訊

Kruson

男爵府

積分: 7413

9^#

發表於 04-7-23 11:53 |只看該作者

Re: 我真係好嬲個囡咁俾人話.....

KX,
如果係我我就會笑笑口咁話唔好咁核突咁話人啦, 人地係女仔o黎o架睇下佢地有咩反應先再繼續, 我都覺得唔好同佢地正面衝突, 試下笑笑口咁話佢地睇下佢地有咩反應先。

私人傳訊

袁太

大宅

積分: 1397

10^#

發表於 04-7-23 12:01 |只看該作者

Re: 我真係好嬲個囡咁俾人話.....

我好贊成Kruson做法。雖然佢地係衰但係一世人流流長都要對住佢地，正面衝突會令你老公好難做。

私人傳訊

月如

複式洋房

積分: 447

11^#

發表於 04-7-23 13:11 |只看該作者

Re: 我真係好嬲個囡咁俾人話.....

放鬆d啦,妳老爺有時講野係冇乜大腦,但妳唔好咁認真,佢講笑o者,如果係我,我會一笑置之~ 事實上我老公同老爺有笑過我bb係屎坑蟲,成日扭黎扭去,我都冇mind,明知係講笑,而老爺都係好錫bb, 唔係有心貶bb,無謂為左呢d小事咁認真,叫老公去話老爺,我相信妳老公都唔想,妳咁強硬話佢再講就唔上去佢地度,只會傷害妳夫婦關係+老爺奶奶同妳既關係,唔好咁衝動, 否則他日後悔莫及呀!

林月如

私人傳訊

該用戶已被刪除

12^#

發表於 04-7-23 15:43 |只看該作者

Re: 我真係好嬲個囡咁俾人話.....

提示: 作者被禁止或刪除內容自動屏蔽

私人傳訊

月如

複式洋房

積分: 447

13^#

發表於 04-7-23 16:15 |只看該作者

Re: 我真係好嬲個囡咁俾人話.....

其實我自己都經歷過呢個階段,岩岩結婚,生bb時,因為年紀仲細,好多野好計較,成日唔鍾意老爺奶奶呢樣果樣,但日子耐左,識諗左,自己咁計較反而令老公好反感,後來慢慢接受到兩老,原來佢地都好好,係開頭大家communication有問題,俾d時間,放開心胸,可能妳都會慢慢了解到對方唔係想像中咁差,大家background唔同,相處一定有d問題,但用多d耐性愛心(為左老公), 或者可以慢慢發現對方優點.

人同人既關係,如果繃得太緊,好容易會傷害到彼此關係,老爺奶奶仲有幾十年要對,如果傷害左個關係,以後日子點算? 都要盡量為老公設想,盡量大事為小啦.

林月如

私人傳訊

袁太

大宅

積分: 1397

14^#

發表於 04-7-23 16:45 |只看該作者

Re: 我真係好嬲個囡咁俾人話.....

月如，非常贊成你講法。

私人傳訊

忌廉妹

大宅

積分: 2957

15^#

發表於 04-7-23 17:34 |只看該作者

Re: 我真係好嬲個囡咁俾人話.....

你老爺都顛顛地架,睬佢都"烚岸"啦~
一係你就忍~忍~忍~
佢要講咪由得佢講囉~個孫係佢個仔個女
佢都係間接話緊佢自己係一條"屎虫"之嘛~
把口生係佢度既,佢要講咩理得佢死je~
一係你就同佢嘈獲"結"既~
不過如果係我我會攤牌同佢講,同佢講:
屎虫老爺生屎虫仔再生個屎虫女~
叫佢唔好再錫個孫女tim呀,肺事d屎
虫"瀨"落佢個咀唔走tim呀~仲有呀~叫
佢唔好上你屋企呀,你話你屋企有一大堆
屎虫向佢招緊手呀~整到佢成身屎就唔好啦~
(你話我無禮貌,都係咁話呀)依家老爺奶奶
大Q哂呀?又唔係你父母,嘈佢咁又點呀?
係佢唔尊重你同你女女先~佢唔尊重人,又
洗咩人地尊重佢呀,佢仲早過你好多做人啦~
如果佢話你無禮貌的話~同佢講一句:
你要人尊重自己~唔該你學識尊重人先!
咁大個人咁口不擇言~講出黎佢都唔怕比人
笑架wor~佢講d野一個流氓又有咩分別呀?
你唔出聲,佢咪以為你默認囉~一陣又"禁"住
你黎講呀,唔好比佢以為你咁好蝦呀!!

:mrgreen:

私人傳訊

lovelyanyan

大宅

積分: 1621

16^#

發表於 04-7-24 02:43 |只看該作者

Re: 我真係好嬲個囡咁俾人話.....

Yumima 寫道:
ABCD媽咪

你姑奶簡直係極品, 如果係我, 我唔會忍佢, 因為是她唔俾面你個女在先. 根本佢就唔應該係你個女面前講, (其實係一個正常人都唔可能講得出口la) ?-( 我相信你老公都會明白發生咩事la, (一個無智慧的人又怎可以傷害家庭呀),請放心, :mrgreen:

yumima

同意,我都試過比我姑奶講D佢認為無傷大雅嘅說話搞到我屋企家變過.

頌恩99年3月8,穎恩05年5月2,浩宏06年12月31 頌恩穎恩網頁

私人傳訊

心願

伯爵府

積分: 18826

17^#

發表於 04-7-24 22:41 |只看該作者

Re: 我真係好嬲個囡咁俾人話.....

KX:

你咁就嬲啦,我奶奶講野仲衰,我有咗佢就指住我個肚同我老公講,話我個BB一定唔夠佢個大孫聰明and靚仔,我已經好嬲,之後又當我面話我姑仔個朋友好好(女仔),又勤力又肯做以前成日叫我老公娶佢做老婆,又話果個女仔真係好好,你話咁我係咩呀,(我真係想話佢做咩唔娶隻牛番黎,牛夠勤力啦) :evil: :evil: 係我面前講咗好多次,有一次我終於忍唔住出聽,同我老公講,係啦人地咁好你做咩唔娶佢姐,好過娶我啦,之後我奶奶先識收口.

早幾年我呀媽升天,點知我奶奶講d野仲衰,我呀媽係火化既,佢自己講明唔火化,佢話比d火燒到魂飛魄散,做鬼都唔靈,我又駁佢,個人選擇唔同你唔鐘意就算,之後又話(我地有幫我媽買保險5年)你呀媽賺咗啦,買咗5年就攞錢啦,我就一定(薛)啦,頂佢呀,我嬲到爆炸