心聲留言

收藏本版
發帖
返回列表
跳至頁

首頁
12

尾頁
   0
mehk


複式洋房

積分: 139


1#
發表於 09-2-27 01:37 |只看該作者
當我打呢篇文章的時候, 為我至親至愛嘅女兒而哭得像小孩~~~~

http://forum.baby-kingdom.com/viewthread.php?tid=2079901&extra=page=1&filter=0&orderby=dateline&ascdesc=DESC&page=1

首先本人向baby-kingdom講聲"對不起", 本人只想將個人經歷與各媽咪分享, 並無意為貴網站帶來任何不便或麻煩.
我亦係度得到各位媽咪嘅支持, 知道嗎?你們的支持對我和bb是多麼的重要, 除了自己朋友嘅不斷鼓勵, 還有一班從未見面嘅媽媽支持, 個份力量是多麼重要和強大.anyway, 多謝每一位曾經support過我嘅媽咪.
由於已被刪除, 之前有位裂顎bb嘅母親,可否再與我contact, 因為bb將近做手術, 我想了解多少少手術前後要注意嘅事情.
我所講嘅每一字每一句都係真話, 從無誹謗內容, 佢再一次否認自己嘅錯誤, 佢曾經承認自己嘅錯誤. 作為一個母親, 睇到佢封信, 再一次挑起我心中嘅怒火,
還有心痛和眼淚, 佢一次又一次傷害我和我女兒. 如果佢每晚可以瞓得安樂的話, 我無話可說.

[ 本帖最後由 mehk 於 09-3-5 10:48 編輯 ]
私人傳訊

giyu


別墅

積分: 1030

好媽媽勳章


2#
發表於 09-3-5 10:18 |只看該作者
數字周刊出咗篇報導


循 序 修 補 　 兔 唇 兒 笑 臉 重 現

醫 生 的 一 時 疏 忽 ， 令 半 年 前 誕 下 囡 囡 的 Stephy （ 假 名 ） 陷 入 困 擾 。 初 生 的 囡 囡 ， 外 表 看 起 來 與 普 通 BB 一 樣 精 靈 活 潑 。 不 過 當 她 餵 奶 時 ， 就 發 現 囡 囡 經 常 從 鼻 孔 噴 奶 ， 她 初 時 都 不 以 為 意 ， 直 到 囡 囡 嘩 嘩 大 喊 時 ， 她 和 丈 夫 才 發 現 囡 囡 口 腔 內 的 上 顎 裂 開 ， 直 通 鼻 腔 。

Stephy 只 要 稍 稍 張 開 囡 囡 嘴 巴 ， 便 發 現 到 口 腔 內 的 裂 顎 。 （ 圖 片 由 Stephy 提 供 ）

超 聲 波 未 有 發 現
由 於 Stephy 懷 孕 時 ， 每 隔 四 星 期 便 接 受 產 前 超 聲 波 檢 查 ， 到 懷 孕 七 個 月 時 更 曾 接 受 四 維 超 聲 波 檢 查 ， 檢 查 過 胎 兒 心 跳 、 胎 盤 位 置 、 手 腳 骨 及 外 貌 等 ， 都 未 有 發 現 異 樣 ， 出 生 後 亦 沒 發 現 兔 唇 ， 所 以 事 件 令 Stephy 甚 為 震 驚 。
她 不 忿 主 診 醫 生 為 初 生 囡 囡 進 行 檢 查 時 ， 未 有 發 現 裂 顎 ， 事 後 查 問 時 ， 對 方 才 承 認 當 日 未 有 為 囡 囡 檢 查 口 腔 ； 而 院 方 亦 回 應 指 主 診 醫 生 並 非 駐 院 醫 生 ， 因 此 不 會 承 擔 責 任 ， Stephy 現 時 唯 有 轉 向 醫 委 會 投 訴 。
突 如 其 來 的 噩 耗 ， 令 Stephy 大 感 茫 然 ： 「 囡 囡 目 前 雖 已 夠 磅 數 做 手 術 ， 不 過 醫 生 說 要 等 她 九 個 月 大 以 上 才 適 宜 做 補 顎 手 術 ； 我 知 道 裂 顎 可 能 會 令 她 將 來 發 音 有 問 題 ， 而 且 影 響 她 的 耳 咽 管 功 能 ， 耳 朵 好 易 被 細 菌 感 染 甚 至 積 水 ， 感 染 中 耳 炎 ， 令 我 好 擔 心 … … 」
Stephy 心 理 承 受 極 大 負 擔 ， 唯 有 不 斷 搜 集 有 關 裂 顎 的 資 料 ， 並 向 香 港 兔 唇 裂 顎 協 會 求 助 ， 寄 望 囡 囡 可 以 健 康 成 長 。
私人傳訊

rebreather


男爵府

積分: 7397


3#
發表於 09-3-5 12:50 |只看該作者
推一下...
私人傳訊

@Ting@


男爵府

積分: 8139


4#
發表於 09-3-5 19:43 |只看該作者

私人傳訊

mehk


複式洋房

積分: 139


5#
發表於 09-3-8 10:16 |只看該作者
多謝各位媽咪嘅支持, 有日有位uncle睇完篇數字周刊報導同我講: 你bb好慘呀!, 但我同佢講,我bb一d都唔慘,因為有好多人好鍚佢同支持佢,當然包括個位uncle啦. 我覺得最慘係丁醫生囉, 如果佢攞出律師信嘅錢捐俾兔唇裂顎協會, 我諗我會調返轉好感激佢.
私人傳訊

mavisw


別墅

積分: 923


6#
發表於 09-3-8 15:15 |只看該作者
十多年前我都有唔好嘅遭遇．當時個仔剛滿５個月，有一晚（約１２點），佢唔舒服，身上出現一些紅班，紅班範圍有微熱感覺，ｂｂ係度喊，時間耐左，紅班數量越多，ｂｂ喊得越西利．喊聲聽得出佢唔舒服．兩公婆唔知點算，抱住個仔至早上６：００點，決定入院，心想去最近嘅醫院（荃灣ｘｘ私家醫院，係山上面），院方安排了一個姓李嘅醫生，入到院，ｂｂ發燒，個醫生話要同ｂｂ做化驗確定原因，只係要ｂｂ小便就可以．我於是叫９９到到院睇ｂｂ，我返屋企攞ｂｂ用品．返到醫院，９９同我講佢地帶ｂｂ做唔同化驗，我同９９講左醫生話只係要小便，９９就問護士佢地同ｂｂ做物化驗，護士答”講你都唔明啦”．雖覺其怪，但心以為醫生認為有需要同佢會稍後向我解釋．點知無解釋，第二日又話要插針做滴注．問個醫生化驗物嘢同其他問題，佢就發脾氣鬧人，住左３日，只比退燒藥，物都無做，於是決定找眕睇開嘅兒科醫生，講晒ｂｂ情況比佢聽，仍問佢可唔可以到醫院睇ｂｂ，佢話照佢診斷，唔使住院，佢由於認識個姓李嘅醫生，唔方便去醫院．叫我給果信佢就帶ｂｂ出院，每日帶ｂｂ去睇佢（約一星期應該無事）．於是第４日，我同個衰醫生講我要帶ｂｂ出院，佢竟然好溫柔咁叫我俾啲耐性等．我對佢嘢態度覺得好奇怪，亦一口拒絕．立即幫ｂｂ辨出院手續，點知聽到啲護士講，呢個醫生無生意，無人願意睇佢．我個心真係好痛，亂幫ｂｂ做化驗又插針，要一個５個月大嘅ｂｂ受咁多苦，就係為佢嘅生意？佢填保險個份表時，話有清楚向我解釋ｂｂ情況及有關化驗，真係無恥．ｂｂ亦如個兒科醫生講唔係咁大問題，一星期內就痊癒．呢個衰姓李醫生，如果果時有呢個網站，我一定告知全世界，免再落入圈套．無醫德嘅醫生真係害人不淺，枉佢地讀咁多書．
私人傳訊

mehk


複式洋房

積分: 139


7#
發表於 09-3-9 00:02 |只看該作者
mavisw, 多謝你嘅留言, 相信你bb現在都10歲lu, 祝佢讀書聰明同身體健康.
原來真係好多無醫德嘅醫生, 難道佢地當日行醫完全係為咗一個錢字???:evil: 難道佢地唔會做人父母???
我好想知道, 如果當日你個位李姓醫生同我呢位丁姓醫生與我地同一遭遇,唔知佢地會點呢?
私人傳訊

SHIRLEYLAM330


男爵府

積分: 5909

畀面勳章


8#
發表於 09-3-10 15:47 |只看該作者
無論你點罵佢,都補償唔到BB的傷痛,
希望呢D醫生會有報應,你地放心有天收!!
大家等睇好戲!!
私人傳訊

vet


水晶宮

積分: 52946

好媽媽勳章 畀面勳章


9#
發表於 09-3-10 23:23 |只看該作者


呢個醫生真係
私人傳訊

yoyomum2002


子爵府

積分: 11108


10#
發表於 09-3-16 23:05 |只看該作者
d乜野醫生黎架?
希望你bb早日手術成功.
私人傳訊

mehk


複式洋房

積分: 139


11#
發表於 09-3-17 00:17 |只看該作者
多謝各位
私人傳訊

mehk


複式洋房

積分: 139


12#
發表於 09-5-4 00:38 |只看該作者
hi, 各位, 我係4月29號收到瑪麗電話通知做手術嘞, 其實3月尾醫院都曾經打過嚟, 不過我要出trip, 所以cancel咗, 好彩今次都好快,隔一個月又通知我地入院嘞. 我地30號入咗院, 呢幾日假期, 返屋企"度假". 仲有唔夠8個鐘, bb就做手術嘞. 呢3日唔知點解好似過得特別慢, 我已經開始用針筒餵佢飲奶嘞, 不過可能飲得唔暢快, 所以佢好唔like呀, 希望佢到時叻叻啦, 好多謝大家一直嘅支持同鼓勵, 我已經準備好"應戰"嘞. 仲有呀, 呢期爆流感, 大家小心, 保重!
私人傳訊

michung


大宅

積分: 1599

好媽媽勳章


13#
發表於 09-5-4 00:52 |只看該作者
祝你bb一齊順利,身體健康!
私人傳訊

rebreather


男爵府

積分: 7397


14#
發表於 09-5-4 12:39 |只看該作者
原帖由 mehk 於 09-5-4 00:38 發表
hi, 各位, 我係4月29號收到瑪麗電話通知做手術嘞, 其實3月尾醫院都曾經打過嚟, 不過我要出trip, 所以cancel咗, 好彩今次都好快,隔一個月又通知我地入院嘞. 我地30號入咗院, 呢幾日假期, 返屋企"度假". 仲有唔夠8個 ...


祝一切順利
私人傳訊

vet


水晶宮

積分: 52946

好媽媽勳章 畀面勳章


15#
發表於 09-5-7 02:41 |只看該作者
係呀, bb需要你, 加油

原帖由 rebreather 於 09-5-4 12:39 發表


祝一切順利
私人傳訊

QUINCY121HK


侯爵府

積分: 22858


16#
發表於 09-5-7 09:39 |只看該作者
原帖由 mehk 於 09-5-4 00:38 發表
hi, 各位, 我係4月29號收到瑪麗電話通知做手術嘞, 其實3月尾醫院都曾經打過嚟, 不過我要出trip, 所以cancel咗, 好彩今次都好快,隔一個月又通知我地入院嘞. 我地30號入咗院, 呢幾日假期, 返屋企"度假". 仲有唔夠8個 ...



樓主,
你都要保重身體呀....bb好須要一個精精神神ge媽咪照顧佢架.... ....加油呀........
私人傳訊

潘高壽


侯爵府

積分: 23516

畀面勳章


17#
發表於 09-5-17 20:24 |只看該作者
原帖由 mehk 於 09-2-27 01:37 發表
當我打呢篇文章的時候, 為我至親至愛嘅女兒而哭得像小孩~~~~

http://forum.baby-kingdom.com/viewthread.php?tid=2079901&extra=page=1&filter=0&orderby=dateline&ascdesc=DESC&page=1

首先本人向baby-kingdom講 ...

我都試過有咁既經歷..bb 係半歲到...無啦啦發燒..好驚...唔知睇咩 e生好..bk 有個亞媽介紹左..yau ma dei,,一男西醫..個 e 生...睇 bb 時好 kau 其!..打左針...but 唔知咩針..話食幾次藥就好返..點知 bb 一食完藥..成個人就好涷..我好驚..就打電話落去問..個姑娘話..係咁架啦..我就話會唔會重得滯..佢就話唔會..我打死都唔比 bb 食第 2 次..就啦啦淋換左個 e 生..但個日都夠我 心痛死..so 我好明白你地既情況..唉!我都唔明點解香港咁多呢 d ,e 生架!
私人傳訊

adacheng0610


禁止訪問

積分: 1990


18#
發表於 09-5-18 23:57 |只看該作者
提示: 作者被禁止或刪除 內容自動屏蔽
私人傳訊

mehk


複式洋房

積分: 139


19#
發表於 09-6-9 01:13 |只看該作者
hi, 各位, 我返嚟嘞,
bb係4月30號入院, 見咗耳鼻喉同麻醉科醫生, 之後就返咗屋企渡假 姑娘叫我開始要用針筒餵奶, 俾bb習慣下. 另外又問第一晚邊個留夜陪bb, 要預咗好辛苦, 無得瞓, 因為bb會好扭計. 搞到我都好鬼緊張. 到5月4日一早我地就帶bb返醫院嘞.
一入去就換衫, 係手仔度幫佢搽d gel, 等佢隻打黃豆隻手隻無咁痛, 有少少麻醉. 等無幾耐, 我同爸爸就抱住佢落手術室. 入到手術室門口都等咗一陣, 姑娘就抱bb入手術房, 阿女因為太八卦, 連眼尾都唔望下我, 就跟姑娘入咗手術房嘞, 呢個時候我都要離開.
同爸爸去食個早餐, 之後再係手術室門口等, 我一直要自己保持輕鬆嘅心情, 因為我提醒自己, bb係feel到我嘅feeling架, 所以我一定唔可以緊張. 我地兩個講下笑, 吹下水, 瞓下休息下, 不過其實係瞓唔著架. 等咗兩個鐘, 連同我地一齊入去嘅都出返嚟, 我個人都開始焦急嘞. 過咗一陣姑娘就叫我嘞, 我嗱嗱林入去, 換衫, 最好笑遇著個唔識分左右嘅男護士, 差d入埋手術室幫手.
入到清醒房, 第一眼望到bb, 姑娘抱住, 口腫面腫眼腫, 個樣好慘架, 因為bb鍾意媽咪唱歌, 我就開始抱住佢唱歌仔佢聽嘞. 可能因為麻醉藥嘅關係, 佢望住你d眼神係好out focus架. 我見到佢個樣, 個心都好痛, 佢又係咁喊, 我都想喊出嚟咁滯, 我同佢講, bb乖啦, 媽咪係度, 你咁樣媽咪都忍唔住嘞~~~
係清醒房要等佢情況穩定d, 同埋要等d嬸嬸嚟推佢上去, 呢度先等得耐, 都等咗成個鐘呀. 我立即問姑娘有無止痛藥, 因為自己都知麻醉藥過咗, 個傷口就開始痛架嘞. 佢地話有, 不過要等醫生開. 上到房已經係一點幾嘞, 吊埋鹽水, 打咗針無耐佢就瞓咗嘞, 我以為佢地打止痛針, 因為佢又無點喊喎, 原來係抗生素, 到3點佢地先幫佢打止痛, 所以阿女真係好勁, 好叻呀.
到夜晚佢又無咩點扭計喎, 只不過係每一兩個鐘醒下, 喊兩聲, 拍下佢又瞓返, 所以我都有得休息, 佢真係好叻叻. 4號做手術, 5號都仲係吊緊鹽水, 6號開始嘗試俾水佢飲, 之後俾奶奶佢食, 我盡量餵佢, 每次加20ml俾佢, 希望佢快d食得返之前嘅份量, 可以快d出院. 佢嘅進度都唔錯, 到7號醫生話可以唔吊鹽水, 話睇埋情況如何, 8號走, 但我已經頂唔順嘞, 想快d帶佢返屋企, 強烈要求7號出院, 好彩醫生都批准.
做完手術佢要帶住手托啦, 係醫院我就用針筒餵奶, 不過針筒有個唔好處係, 佢一郁就好易整到佢, 試過佢扭計或者玩一郁, 差d就整到佢嘞, 嚇鬼死. 我返到屋企之後都用spoon餵. 但係因為個幾日天氣好熱, 佢又帶住個手托, 隻手仔出晒粒粒呀.
因為之前係網上資料都話康復期差不多21日, 我地就一直期待5月25號嘅來臨. 我地5月22號返瑪麗覆診, 本來帶住好期待嘅心情, 希望醫生有好消息俾我地, 點知醫生話bb個口d線未溶, 要過多兩星期先除得手托. 幾鬼唔開心, 仲要兩星期後醫生要做手術, 無期返去覆診, 要第3個星期先可以覆診. 我實在忍唔住嘞, 見到佢咁鬼辛苦, 我上星期六, 見過咗兩個星期, 就帶咗佢去吳偉民醫生度覆診. 吳醫生係我地第一次去瑪麗時嘅主診醫生, 後來佢自己出咗去執業, 第二次睇已經係李金合醫生嘞. 吳醫生一睇就話好返晒嘞喎, 嘩, 開心得我丫, 二話不說就除咗對手托先啦. bb自己都好開心呀, 又講野, 又同醫生byebye, 好搞笑, 成個人精靈晒同風騷晒.
不過其實佢出院後唔知點解肚痾呀, 睇過兒科醫生話有可能抗生素影響, 又有說法話因為無食回體食物.
原來bb recover得真係好快, 佢地好快好似無事一樣. 之前我地做父母嘅會諗自己點樣點樣support佢, 係呢次經歷裡面, 我覺得係阿女support緊我, 俾力量我. 如果唔係佢咁乖, 我邊有足夠精神, 邊能夠頂得住. 我除咗返屋企沖涼之外, 其餘時間都係醫院陪佢. 之前d義工媽咪都話唔好自己一個頂晒24個鐘, 其實又邊捨得丫. 夜晚佢都係兩三個鐘醒一醒, 之後又瞓返, 佢瞓我又瞓, 爭取時間休息.
我已經俾佢用返奶咀食奶同食返mum mum嘞, 佢宜家好叻架, 用得返正常奶咀, 仲好快添, 以前d奶咀都唔啱用lu.
係公立醫院會見到比我bb更加不幸嘅小朋友. 個幾日除咗係我同阿女一個非常感恩嘅經歷之外, 亦俾到我自己上咗幾日寶貴嘅幾堂課.
係呢度, 要多謝你地支持同鼓勵, 雖然大家唔認識, 未見過面, 但係人與人之間嘅感情就係咁樣建立咗起嚟. 所有幫過阿女嘅醫生, 護士, 嬸嬸, 其他醫護人員.
我所有嘅朋友, 家人, 同事, 上司, 無限感激.
私人傳訊

Rocanbaby


侯爵府

積分: 20633


20#
發表於 09-6-16 13:49 |只看該作者
祝你 bb 身體健康....精靈活潑...人見人愛
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見