我冇寫菜單，睇下邊樣平邊樣靚，通常買幾樣瓜菜豆類，加幾樣肉，海鮮就只會周末買，即日買即日整。我有媽咪幫手，冇咁頭痛，以前自己同細佬住都係差不多原則，兩個人比較易整，一碟肉類/海鮮類加一碟菜，隔日滾湯/煲湯。
常整嘅有蒜頭豆豉/梅子蒸排骨，朝早或隔晚醃定，放工拎出嚟蒸。
周末買定D鯪魚肉，加蔥粒陳皮/馬蹄，醃好後煎成魚餅，放入冰箱可以放耐D，食之前果日放下格解凍，可以就咁熱番食，又可以炒瓜/蘿蔔。
紹菜/娃娃菜可以放多幾日，加粉絲蝦米煮，好好送飯。
雞蛋常備，真係冇餸，煎荷包蛋又得，蒸水蛋又得，加午餐肉炒蛋又得，整雜菜蛋餅又得。
薯仔、洋蔥、紅蘿蔔、西芹常備，好多用途同變化。
花旗太太生活在花旗國，留意時差，你問我未必即時答到。
!
!
發表於 
返回列表
