懷孕前後今日: 0|主題: 330629

收藏本版

發帖

返回列表

跳至頁

查看: 2538 | 回覆: 28

分享生b過程 [複製鏈接]

beebeev3v

大宅

積分: 1443

1^#

發表於 16-4-1 18:52 |只看該作者 |倒序瀏覽 |打印

話說係3月19日朝早8點起身，以為自己肚痛去廁所，點知又無野，翻去張床諗住繼續訓，點知又痛，望下個中8點15分，又去多次廁所，點知又無，又翻去張床無幾耐又痛果陣8點45分，9點又痛，心諗應該係陣痛！再留意下，又無事啦喔！諗翻起頭先去廁所見到底底有濕，但唔多，得濕左底褲浪位，唔知係咪分泌物，以第一胎經驗係要啫喱狀嘅野！所以我又上網睇，原來穿水要分慢慢滲同pop一聲流勁多，我再打電話比我媽同朋友，佢地都叫我去醫院先！

跟住就去，9點落到樓下等左半個中都無的士，好彩唔急，如果急真係死定，上左的士就送囡囡去比我媽湊再去廣華，點知沿途又塞車，11點到去到廣華啦！

同急症登記處講個情況，佢叫我等人上候產室到檢查！上到去，再同姑娘講多次情況，跟住就磅重，聽bb心跳，量體溫血壓，再叫我換衫同時再用試紙驗尿，換好哂就帶手帶，出去放底衫比老公，拿bb尿片同產婦衛生巾，跟住就訓係床聽機，姑娘叫我如果bb郁一下就按一下個制，開頭丫b唔多郁，姑娘話唔得架喔，郁咁少，檢查唔到野架，就叫丫b乖啲啦，隔左段時間，姑娘又走過來睇，哇，今次郁得咁bb，要再聽多次令仔啲嘅先得！

0 0 0

私人傳訊

beebeev3v

大宅

積分: 1443

2^#

發表於 16-4-1 18:53 |只看該作者

beebeev3v 發表於 16-4-1 18:52
話說係3月19日朝早8點起身，以為自己肚痛去廁所，點知又無野，翻去張床諗住繼續訓，點知又痛，望下個中8點1 ...

到醫生來巡時就問我因咩事要黎，我就講翻個情況佢聽，佢就拎左樣野睇我下面，話又無穿水喔，跟住又話我個肚好大，佢睇翻我上一胎記錄，話我大囡都成3.88公斤，就問我今次個肚大啲定上次，我話今次，醫生話下今次仲要比上次大，佢問我對上果次照超聲波係幾時，我話照結構果時，佢就幫我照睇下bb個size 照左都幾耐下，佢話照唔到b腳仔，一陣再照！我聽到醫生同姑娘講催生好似好啲！因為佢驚我生唔出！照超聲波估計b重3.7公斤，所以就無再講催生！

而係聽機過程中，姑娘都見到我要子宮收縮，但唔密！因為仲聽緊機關係，到左食飯時間我都未要得食，到左探訪時間姐係1點幾時我先開始食飯！老公差唔多過左探訪時間2點先入黎，果陣姑娘叫我除介指同連，話如果開刀唔可以帶呢啲！食飯時都無乜胃口，因為陣痛嘅關係。

老公就出翻去等我，我食完飯就去廁所同飲水，係出面行左一陣，真係好痛完全唔想行，跟住訓翻係床到，望住個中，到左3點就開始5分鐘痛一次，真係痛到癲，我不停望住個鐘係度計同時諗又話生第二胎快啲，點解我咁慢嘅！隔離床個媽媽又喊不停話好痛，期間姑娘都有叫我地出去行同坐下波bb就會快點出世，隔離床同對面床媽媽都有出去行同坐波，我就真係痛到完全唔想郁！對面床媽媽翻黎同姑娘講佢依家5分鐘痛一次，我心想，咪同我一樣，點解佢可以咁勁係度行！隔離床媽媽翻到床到，又開始叫好痛，又同姑娘講我唔得啦，我想開刀，姑娘就話廣華無得開刀，而我都不停叫好痛丫！

私人傳訊

beebeev3v

大宅

積分: 1443

3^#

發表於 16-4-1 18:54 |只看該作者

beebeev3v 發表於 16-4-1 18:52
話說係3月19日朝早8點起身，以為自己肚痛去廁所，點知又無野，翻去張床諗住繼續訓，點知又痛，望下個中8點1 ...

姑娘走過黎同我講你第二胎會生快啲，所以一穿水同有好急屎感覺要講，我話知道，仲同我講你生前要抽血，同你配血，萬一生唔到要開刀，不過醫生同姑娘話對我有信心！我就繼續望住個中，後未我都唔記得最後望係幾點，因為真係好痛，痛到眼都張唔大，有啲暈嘅感覺，無幾耐，我聽到隔離床媽媽叫姑娘，但姑娘聽唔到，我幫佢叫，姑娘就走過來問邊個叫，我話隔離床媽媽叫，隔離床媽媽話佢穿水，係呢個時候我感覺到下面pop一聲穿水，我話姑娘我穿水呀！姑娘話你又穿水，你地係咪約埋一齊生架，佢話等佢檢查下，事實我真係穿左水，跟住幫我吊鹽水，又禁下我個肚，跟住比電話我打比老公叫佢入黎，之後就推我過去生！今次我無大叫，因為我上胎叫得好大聲，聽醫生話痛果時就用力，唔知幾耐就生左！

生完之後，醫生比我睇bb男定女，跟住幫我打麻醉連線之後，又比丫b我心口到話等佢聽我心跳喔！吊完果支幫助子宮收縮嘅野，醫生話唔幫我除住針筒，話我生左個大肥b驚我子宮收縮唔好驚我一陣大出血到時唔洗又插過！

bb比預產期早左10日出世同第一胎一樣，係廣華出世！重4.14kg！因超重要落兒科，我自己出院果日都要驗血糖！前日12點後禁飲食，第日朝早6點抽血，飲糖水，兩個中後再抽血！好在無事就可以出院！但出左院第二日去健康院檢查話bb黃，之後都要去覆診！