我上年年中入職而家公司,開始備孕。面試時,上司話佢公司嘅 practice 係要先temp半年,但強調我應徵依個係perm位,通常半年後會同我簽contract,我以為好似其他公司咁3個月 probation,就不以為意,繼續做人大計,仲同上司透露過有懷孕打算。半年後公司extend多我半年temp約,我即刻想轉工,點知原來已懷孕喇,諗住冇公司肯請大肚婆,就擱置搵工。因為唔係第1胎,3個月已經見哂肚,今年公司突然將我啲工作pass俾新人,冇原因冇解釋,話俾新人試下,我以為公司察覺到我身型想幫輕我,點知新年前收到公司通知話要將我大部份工作都轉俾新人做,冇講其他安排,只係不停叫我清filing同執正啲record,我7月尾預產5月尾約滿,如果公司唔同我續約或簽約,我根本冇可能搵到工,我覺得公司係察覺到我有孕想鋪定路唔要我,我依個case平機會幫到嗎?