夫婦情感今日: 2|主題: 42473

收藏本版

發帖

返回列表

跳至頁

查看: 4809 | 回覆: 66

我都想分享下我同老公的幸福生活。 [複製鏈接]

12 3 4

兔兔小馬甲

男爵府

積分: 7040

1^#

發表於 16-4-15 17:29 |只看該作者 |倒序瀏覽 |打印

我同老公拍拖七年（同居六年），结婚年半。
雖然時間唔算好長，但我哋一直都好恩愛。

老公係一個好細心，好錫老婆D男人，從來唔會對我發脾氣。
有時唔小心激嬲咗我（可能只係我心情唔好，或者意見不合），
佢都會第一時間不停同我講：“老婆，老公唔啱，老公知錯了。”

我係一個唔鐘意做家務既人，屋企整日都好亂，
但老公從來都唔會話我，到最後都係佢執。
執完後會同我講：“老婆，老公執咗屋企啦，老公叻唔叻啊？”

工作放面，老公係一個好努力工作既人，人工ok，准時出糧，
而且每次出糧都會第一時間交俾我，由我來分配點洗。
老公話佢最鐘意睇我數錢個樣。

佢唔食煙，唔飲酒，好少出去玩。
每日一收工，佢會第一時間打俾我，用好開心，好可愛把聲同我講：“老婆，老公收工啦，我哋今晚食乜啊。”

老公都唔係唔鐘意玩㗎，佢只鐘意同屋企人一齊去玩，
所以每隔一兩個月我哋就會組織一次家庭大聚會（十三個人），去唔同D地方行下，玩下，
又或者直接來我哋屋企既會所打下麻將，打下保齡。

而我都好錫老公㗎，同佢一齊之後，我就好少同朋友一齊食飯。
因為諗起老公要一個人食飯，好似好慘咁，心里就覺得唔舒服，
所以次次朋友約食飯，我都係問可唔可以帶老公，如果唔方面，我就唔出席。
我只想同老公一齊，就算大家有時唔講嘢，各自玩手機，見到佢係身邊，我的就覺得好開心，好滿足。

老公會咁乖，咁體帖，其實真係要多謝99，99由細到大都係教老公要錫老婆。
要有責任心，要對屋企好，唔可以係出面搞搞陣。老公都做到了。

99係一個好傳統，好易相處既人，但佢同時都係屋企既話事人，老公屋企5個兄弟姊妹，都好乖，好聽話，99講乜就都會照做，當然，99從來都冇過份既要求，只係一心為仔女，得閒叫大家返去聚餐。但就算係咁，我一直都唔够膽搬去99度住，因為自己知自己事，(又懶，脾氣又差，又鐘意話曬事。

)
所以，由我哋一開始同居，我哋就自己係出面租屋。

平時我哋一個月去99屋企食兩，三次飯。次次去到99屋企，99係廚房煮飯，我都會主動陪99傾解，睇下有乜需要幫手，每次食飯都會贊99煮嘢好食(真係好食，少鹽，少油，好健康)食完飯會主動洗碗。99鐘意講以前D故仔，我次次都好認真聽，就算99已經講咗幾次，我都會好似第一次聽咁，認真聽佢講。每次整家人出去玩，我都會扶住99一齊行，同佢傾解，99對我都好好。仲話要將佢既廚藝傳俾我，但其實我同老公日日係出面食飯，我只會煮好簡單D餸菜。