夫婦情感 今日: 0 | 主題: 42786

積分: 847

1^#

發表於 04-8-2 18:29 |只看該作者

你地會唔會因為咁唔開心??

奶奶幫我手揍BB，因為我要返工，佢個女（即我既姑仔－我地相處ok架）冇做嘢專注揍佢兩個囡囡，一個4歲一個2歲，另外佢都請咗個工人幫手照顧，我奶奶在言談間都好多時用佢個女揍女既模式去揍我囝囝，如果係你你地會唔會唔開心，我知有D係positive，但唔知點解我有D唔係咁開心？？
你地有冇類似經驗，係咪我小器呢？？ :-x

我中文名學勤，英文名係Howard，香港山頂嘉諾撒醫院面世。 27/7/2005-weight:12.9kg, height:86cm 17/9/2005 - weight:13.5kg, height:89cm 1/4/2006 - weight:14.3kg, height:93cm

私人傳訊

monchan

積分: 7751

畀面勳章

2^#

發表於 04-8-2 20:38 |只看該作者

Re: 你地會唔會因為咁唔開心??

既然交得比奶奶凑,就放晒手比佢啦！唔好計較咁多喇,費事搞到唔開心啦 :wink:

私人傳訊

fongmama

複式洋房

積分: 403

3^#

發表於 04-8-2 21:35 |只看該作者

Re: 你地會唔會因為咁唔開心??

如果佢湊你bb 既方法係正確既, 我唸無咩問題既, 起碼佢個女湊bb 既方法都係近代既方法, 而唔係30 年前果一套, 如果唔係既, 你咪直接同佢講囉!

私人傳訊

ronleung

積分: 3727

4^#

發表於 04-8-2 21:49 |只看該作者

Re: 你地會唔會因為咁唔開心??

咁你奶奶就硬係搵到最近/你又識的例子同你講啦, 講佢以前個套又out, 講D你唔識的人又無說服力, 最緊要係你姑仔個2個囡囡係咪健康成長先, 如果係的話, 睇唔出係咩問題喎!

私人傳訊

Long

積分: 4341

5^#

發表於 04-8-2 21:58 |只看該作者

Re: 你地會唔會因為咁唔開心??

比佢就比
唔好管
要管就不如自己來
但我知有時老人家方法古怪
所以我成日話醫生話....唔好咁......唔好乜.....
佢就唔做啦

私人傳訊

lcy1998430

積分: 3881

6^#

發表於 04-8-2 23:41 |只看該作者

Re: 你地會唔會因為咁唔開心??

最緊要係BB健康，其他乜都咪諗！
又要返工，又要湊BB，重諗咁多，真係人都顛呀！

私人傳訊

fofo

積分: 678

7^#

發表於 04-8-3 01:01 |只看該作者

Re: 你地會唔會因為咁唔開心??

佢湊你bb 既方法咩問題?

免費5星級酒店住宿連雙人早餐自助餐介绍,有興趣pm我

私人傳訊

HoWangMami

積分: 11868

8^#

發表於 04-8-3 11:56 |只看該作者

Re: 你地會唔會因為咁唔開心??

我覺得如果你姑仔D囡囡冇問題的話,咁咪放心比佢跟LOR,如果你覺得佢D囡囡都唔係咁好,你又想改的話,你可以試下同你姑仔傾下,大家交流下,湊仔方法人人唔同,如果對小朋友好的,跟下都無防

私人傳訊

積分: 847

9^#

發表於 04-8-3 12:55 |只看該作者

Re: 你地會唔會因為咁唔開心??

好多謝你地既回應，其實都冇乜大問題發生既，我姑仔都係用新手方法去揍女，而我奶奶會問吓佢BB會唔係咁係咁，我知奶奶係好想揍好我囝囝，唔係佢唔會問佢個女啦，不過有時係食方面係有D意見，即我姑仔乜都比佢兩個女食，但我BB仲細我覺得要比D味道淡D同容易消化既食物比BB食，好似上星期我話想比字母粉比囝囝食，奶奶都agree，但我就話唔好比河粉�烏冬之類難消化比囝囝食（因我姑仔有比佢兩個女食烏冬），其實我係想remind我奶奶一聲，但佢好似唔係好信我咁話”乜烏冬唔可以嫁咩，我見ｘｘ（我姑仔個名）都比佢個女啦，剪短ｄ咪ｏｋ”其實，係咪所有奶奶會信佢個女多過我地，我雖然係初為人母，但係我都會問其他已為人母既朋友�睇書學，點解唔信我既！仲有我覺得佢地先係媽咪而我好似唔係咁 :-x :-x :-x

我中文名學勤，英文名係Howard，香港山頂嘉諾撒醫院面世。 27/7/2005-weight:12.9kg, height:86cm 17/9/2005 - weight:13.5kg, height:89cm 1/4/2006 - weight:14.3kg, height:93cm

私人傳訊

calcal

積分: 6227

10^#

發表於 04-8-3 16:20 |只看該作者

Re: 你地會唔會因為咁唔開心??

我都會為呢d而唔開心o架~~畢竟同奶奶o既價值觀係完全唔同。
我BB現在還未出世，預產期十二月。都計劃交俾奶奶揍，日前去奶奶度食飯，話BB平時o係屋企用尿布好d，出街先用尿片，更強調唔係為o左慳錢(因我老爺奶奶一向唔捨得洗錢)。咁呢點我都贊同，BB pat pat無咁容易敏感，既然奶奶唔覺得洗尿布麻煩，我都唔介意。之後奶奶拎o左一包尿布o既存貨，係我姑仔生BB時買落，但最終無用到(姑仔o既BB並非由奶奶揍)，奶奶拆出o黎俾我同老公睇，嘩！發黃o既？我稔d黃色係因為擺得太耐所做成o既，但睇落去都唔衛生啦！
我又叫老公向老爺奶奶透露，下星期o既BB展，話我o地如果睇到do岩o既o野就會買o左先。之後老爺立即話唔好買住，又話呢do野用到時就有，言下之意佢o地會自己揀o黎買。呢方面我絕對信唔過佢o地，一來佢o地揍BBo既已是廿年前o既事，佢o地就連吸鼻器都唔知咩o野o黎，所以我同老公一於好少理，第時BB所用o既一切用品，大至床被衣服鞋襪小至尿片奶粉，都會提供埋俾奶奶，就連BB日後的餐單我都會計劃埋俾佢，我咁做一來唔想揍BB o既主導權落o左係我老爺奶奶度，做壞個開頭，就算奶奶唔高興都係咁話。二來我覺得每個媽咪都應該有自己o既一套及自己o既經驗，其他人無權去干涉。
不過，我都係稔住俾奶奶揍阿B揍到一歲，之後會俾我自己媽咪揍，因為我始終覺得媽咪識教小朋友多d，而且態度正確d~~~(因我曾親眼睇到奶奶代鄰居揍個3歲小朋友一個下午，奶奶教個小朋友做功課時，好大力咁扯佢頭髮，而老爺又好惡好大聲咁鬧佢。我將以上的目睹o既事及讚賞我媽咪識教小朋友既說話話返俾媽咪聽，我媽咪笑笑口咁話：我最多教到BB好似你o既水準o架咋~~~我話：已經好足夠^^

私人傳訊

積分: 847

11^#

發表於 04-8-3 18:20 |只看該作者

Re: 你地會唔會因為咁唔開心??

calcal，
首先祝你生個精靈活潑同孝順父母既BB先，其實我覺得你講得好啱，BB所用o既一切用品你都要提供埋俾你奶奶，有ｄ佢地未見過既用品你不防講比佢地知點用，做啱開頭係好緊要。不過有時你都要用D婉轉既說話同佢地講你既一套�新一代方法，最好叫你老公同佢地講會好D，因為我上過D培育幼兒既course，社工話係呢D case入面最好搵老公出面講，咁你同你奶奶關係會好D，不竟佢第曰會幫你揍BB，仲有你點解稔住俾奶奶揍阿B揍到一歲，之後會俾你媽咪揍，係咪你媽咪現在唔揍得BB住，如果你奶奶揍阿B揍到一歲，之後你就交比你媽咪揍，咁你奶奶會唔會有heart feeling嫁，因為你諗吓佢到時已經同BB有感情，佢可能唔”寫得”，點解你唔”索性”比你媽咪揍。 ?-(

我中文名學勤，英文名係Howard，香港山頂嘉諾撒醫院面世。 27/7/2005-weight:12.9kg, height:86cm 17/9/2005 - weight:13.5kg, height:89cm 1/4/2006 - weight:14.3kg, height:93cm

私人傳訊

calcal

積分: 6227

12^#

發表於 04-8-3 23:23 |只看該作者

Re: 你地會唔會因為咁唔開心??

學勤咪咪,
哦~~小朋友1歲就開始懂事啦，講到教小朋友，我對我奶奶真係無乜信心，因為有辦我睇。我老公同佢三個家姐細妹，由小從來都無參加過興趣班、學習班，家境又唔係差(我同我老公都係七、八十年代出世o既)，只係我老爺奶奶根本無培育小朋友o既心，我姑仔仲學壞o左添(因刑事入過女童院)，所以佢o地幾兄弟姊妹到依家大o左，完全無人生目標、理想咁，淨係識得$$。
我唔想我o既小朋友都好似佢o地咁囉~~~
況且我媽咪同我住同區，小朋友到1歲，我每晚揍佢返屋企都無咁辛苦。
我當然唔會同奶奶正面衝突啦！其實類似o既情況都試過o架啦，當初同奶奶住o左一年，我受不了，同老公置業搬走，老爺奶奶都唔高興o架，佢o地係有權干涉佢個仔，但無權阻止我o既自由。當中發生過好多小事，我都唔顧慮咁多，豁出去做自己o既決定，部份原因係想俾教訓d霸道o既人。
到依家，我都告誡我老公：以前結婚時，周圍o既人都話相處好同住難，亦有不少借鏡，但我o地都忽視呢個問題，及高估自己同人相處o既能力，認定呢條係唯一可行o既路，結果始終都係搬走。現在，好多媽咪同奶奶因為揍bb方法唔同而不和，最終又係搵工人或者自己媽咪揍，初時亦認定呢條又係唯一可行o既路(因老爺奶奶已退休，有時間又有地方)但我o地會否再踩入呢個"陷阱"，歷史重演，我叫我老公稔稔再決定。如果結果真的如我所想，都唔覺得係一回咩o野事，因早有心理準備~~~

私人傳訊

kikispider

禁止訪問

積分: 884

13^#

發表於 04-8-3 23:39 |只看該作者

Re: 你地會唔會因為咁唔開心??

提示: 作者被禁止或刪除內容自動屏蔽

私人傳訊

phoebe^^

積分: 13842

14^#

發表於 04-8-4 04:18 |只看該作者

Re: 你地會唔會因為咁唔開心??

學勤咪咪
你仔仔勁得意呀^^

私人傳訊

calcal

積分: 6227

15^#

發表於 04-8-4 08:07 |只看該作者

Re: 你地會唔會因為咁唔開心??

kikispider,
因為我媽咪屋企較細，我爸、哥又要返工，妹又就o黎會考，如果BB 俾我媽咪揍會嘈住佢o地，我最怕BB夜晚喊，令到我爸第朝無精神返工就唔好啦。雖然我d屋企人個個都話唔係問題，亦好歡迎我BB，而我都好想我媽咪揍，但我都要顧及佢o地、怕騷擾到佢o地嘛~~~咁我媽咪話如果奶奶真係揍得唔好先俾佢揍囉，始終我老爺奶奶已退休，屋企又夠大，佢o地又恨揍，所以俾佢o地試下。
到bb1歲左右，定性d，俾我媽咪揍日頭，都唔會咁騷擾，夜晚我帶返屋企，可以多d時間對住bb。
其實我媽咪都叫我唔好咁執著，唔好成日稔住奶奶會揍得唔好，會令自己做成壓力，叫我盡量放手，但眼見到o既o野又確係令人擔心。

私人傳訊

積分: 847

16^#

發表於 04-8-4 11:03 |只看該作者

Re: 你地會唔會因為咁唔開心??

phoebe,
好多謝你讚我囝囝呀!你囝囝都好可愛呢! 係咪八個月大。
calcal,
既然係咁你會否考慮請half day 保母揍bb係咪好過比你奶奶揍，因為我覺得依家bb聰明好多，如果揍佢嗰個有愛心，唔會成日只係度"話bb"，多d同佢講吓嘢，其實佢地意會到嫁，咁你小朋友個個性都會好d，冇咁"扭計"，第日容易教好多。

我中文名學勤，英文名係Howard，香港山頂嘉諾撒醫院面世。 27/7/2005-weight:12.9kg, height:86cm 17/9/2005 - weight:13.5kg, height:89cm 1/4/2006 - weight:14.3kg, height:93cm

私人傳訊

Almaz

積分: 11771

17^#

發表於 04-8-4 13:33 |只看該作者

Re: 你地會唔會因為咁唔開心??

calcal,

看完你的發表,我覺得除了我之外,其他mami都認為你的bb比你媽媽湊會比較好.如果你當初和奶奶住過而不歡而散,個人經驗認為你將bb比佢哋湊,一定會有很多磨擦,最終又再一次不歡而散.我也替你担心.

私人傳訊

Long

積分: 4341

18^#

發表於 04-8-4 23:05 |只看該作者

Re: 你地會唔會因為咁唔開心??

點照顧都唔緊要
乜方法都好
最重要無病無痛無意外
就放心比佢地啦

私人傳訊

phoebe^^