懷孕前後今日: 0|主題: 330477

收藏本版

發帖

返回列表

跳至頁

查看: 870 | 回覆: 4

由未生到生咗之後住咗廿三日醫院 [複製鏈接]

keikeicat

男爵府

積分: 7516

1^#

發表於 16-5-4 15:56 |只看該作者 |倒序瀏覽 |打印

三月三十日返瑪麗產檢，當時三十四週。因血壓太高要即時入院，之前試過留醫一兩日血壓回復正常就可以出院，點知驗到我有妊娠毒血症，醫生話要留院留到生為止。無奈下只得接受。

本來醫生約我三十七週開刀，因為我懷有孖胎，三十七週已足月。點知去到四月六日大約三十五週多啲因為血壓升過二百幾度，醫生話要緊急開刀生B，終於孖B平安出世。

以為休養幾日就可以出院，有得返屋企，血壓喺產後完全失控，一直喺一百六十以上唔跌，有一晚更加升上二百幾度而被送入產房那邊加護病房！護士長半迫半勸我要送走BB俾屋企人照顧，我就俾屋企人接走大B，留低細B陪我，因為喺出院無望的情況下，細B係我留院唯一寄託，而且我屋企人都照顧唔到兩個BB！

後來醫護人員要搵內科醫生開藥俾我先控制到血壓（產科醫生受到用藥限制，唔可以開較激嘅藥俾我），但當時我已經住院二十多日了！
真係住醫院住到怕，住到有少少抑鬱。

喺度要衷心多謝瑪麗K9S嘅姑娘阿姐細心照顧我，有時又同我傾吓計（住院時我喊過幾次）雖然有啲姑娘都好惡死！