吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 妳地信唔信‘落地喊三聲, 好醜命生成’呢句說話？ ...

心聲留言今日: 0|主題: 17528

收藏本版

發帖

返回列表

跳至頁

查看: 6785 | 回覆: 20

妳地信唔信‘落地喊三聲, 好醜命生成’呢句說話？ [複製鏈接]

Giant

水晶宮

積分: 67182

醒目開學勳章畀面勳章

1^#

發表於 04-7-27 11:50 |只看該作者

妳地信唔信‘落地喊三聲, 好醜命生成’呢句說話？

有時都係唔到我唔信, 身邊比我醜、脾氣比我臭的, 偏偏嫁得比我好。身邊比我學歷低、經驗差的, 偏偏覓得好工 …… 唉！唔到自己唔服, 個天係要妳一世冇運行, 就只好認命; 可能我姓”賴”啦! 結婚的日子曾給人算過, 話係唔好的, 但少不更事的我們當然唔信, 而家可能係現眼報。 :-( :-( :-(

孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！

私人傳訊

SUSANNA

伯爵府

積分: 17464

好媽媽勳章 BK Milk勳章

2^#

發表於 04-7-27 12:01 |只看該作者

Re: 妳地信唔信‘落地喊三聲, 好醜命生成’呢句說話？

我就話性格造就命運, 你想想如你擁有樂觀性格看開一點, 你的世界會美好些, 但如你是先天下(休)已(休)的人, 一生也在困苦中(自已給自已, 別人想幫也幫不上忙), 你說對嗎?

私人傳訊

栗子媽媽

侯爵府

積分: 23914

3^#

發表於 04-7-27 12:02 |只看該作者

Re: 妳地信唔信‘落地喊三聲, 好醜命生成’呢句說話？

做物咁灰呀
人比人,比死人,做心比上不足,比下有餘就夠
兩公婆既野,一定有D爭執啦,忍讓下啦

私人傳訊

hinhinmummy

侯爵府

積分: 21395

4^#

發表於 04-7-27 12:11 |只看該作者

Re: 妳地信唔信‘落地喊三聲, 好醜命生成’呢句說話？

人比人, 比死人

我一畢業, 就同我同學apply同一份工, 我成績好過佢, 點知公司請佢, 不請我.

到搵到野做, 佢同公司的高層拍拖, 我就連男朋友都無, 我就好羨慕, 點解佢條路好行過我好多.

後尾佢男朋友以前的女朋友食回頭草, 佢男朋友飛佢, 還要朝見口晚見面, 諗起都痛苦.

到依家佢都無再拍拖.

近排仔仔有d事, 佢同我傾開, 原來我一直係佢地心目中好幸福, 有個好老公, 有對仔女, 有份安穩的工.

原來人會身在福中不知福. 你羨慕緊人的時侯, 人地亦係度羨慕緊你.

知足常樂.

私人傳訊

花花

大宅

積分: 4334

5^#

發表於 04-7-27 12:13 |只看該作者

Re: 妳地信唔信‘落地喊三聲, 好醜命生成’呢句說話？

冇錯, 好過你的人有好多, 差過你的人都好多, 起碼你都有部電腦用, 上網來呻下, 有d 人直頭都唔知去邊到呻, 我都捱緊, 但我過得好快樂, 因我明白什麼叫"知足常樂"

:lol:

你睇人好, 人睇你好啫, 不用咁灰, 加油吧!

私人傳訊

Perria

大宅

積分: 1272

6^#

發表於 04-7-27 13:54 |只看該作者

Re: 妳地信唔信‘落地喊三聲, 好醜命生成’呢句說話？

你好呀~~~唔好睇得咁灰啦!!!同人比真係冇得比的，通常你同得人地比都係會覺得自己行條路冇咁幸運，唔通你會同人比較自己好開心好幸福咩~~~~~如樣地可能係某d地方你身邊朋友一樣的羨慕你~~~~~~~~既然自己揀左個老公，就不如諗下點去有個美好家庭，維繫大家感情好過，不停的同人比或羨慕他人唔會令你依家的生活有所改變，不如諗下現況好過~~~~大家都會支持你的!!! :lol:

私人傳訊

honeyBB

男爵府

積分: 8684

2024年龍年勳章 2018復活節勳章好媽媽勳章醒目開學勳章

7^#

發表於 04-7-27 14:33 |只看該作者

Re: 妳地信唔信‘落地喊三聲, 好醜命生成’呢句說話？

其實,大家都係"你睇我好,我睇你好",知足常樂呀! :-P

私人傳訊

ho_fish

大宅

積分: 1484

8^#

發表於 04-7-27 17:31 |只看該作者

Re: 妳地信唔信‘落地喊三聲, 好醜命生成’呢句說話？

Giant,唔好同人比較啦, 要比既大把有得比啦, 總之知足者,常亦樂啦

私人傳訊

Ita

大宅

積分: 1167

9^#

發表於 04-7-27 19:04 |只看該作者

Re: 妳地信唔信‘落地喊三聲, 好醜命生成’呢句說話？

Giant,

唔好咁灰喇，唔如意的日子好快就會過架喇，希望在明天呀！！

私人傳訊

哈哈

複式洋房

積分: 134

10^#

發表於 04-7-27 19:16 |只看該作者

Re: 妳地信唔信‘落地喊三聲, 好醜命生成’呢句說話？

我信架, 不過, 條命係點, 條路都係要行架la! Giant, 唔洗驚, 我都係一樣, 有我陪你, 一齊努力加油吧! :lol: :lol: :lol:

私人傳訊

judyma

複式洋房

積分: 477

11^#

發表於 04-7-28 10:30 |只看該作者

Re: 妳地信唔信‘落地喊三聲, 好醜命生成’呢句說話？

信架! 我都好信命架,但係最緊要係你個人o既性格,凡事睇開d.............................大家都講啦"知足常樂"ma

私人傳訊

sara

大宅

積分: 2734

12^#

發表於 04-7-28 12:37 |只看該作者

Re: 妳地信唔信‘落地喊三聲, 好醜命生成’呢句說話？

或者平凡同無選擇是一種福氣!
我有一個朋友,她由細到大都唔洗點付出,就可以收獲好多:
1. 讀書從來都唔太努力,但成日考得好好!
2. 由細到大都好多有人錫 ,而家好多男人追(已結婚)
3. 份工好穩定,老公人工好高,買個煲都2000幾蚊
4. 幾靚好叻,天生有氣質

但係佢一世都唔開心,因為佢有好多"挫折"
1. 見工面試俾人問問題 (但係10份有8份都一定請佢)
2.太多人追,受唔住誘惑
3.老公太有事業無時間陪

佢唔開心到要俾錢 (more than $1000/hr)見consultant!
我地成日同佢講,"你願唔願意同我地其中一個交換?"佢話,除左我地之外,一定有d結局好過我地的!
佢成日羨慕我覺得我好開心,其實只要佢可以唔要求咁多,佢都可以好開心呀!為什麼佢好似講到佢d唔開心係控制唔到呢
?我真係好唔明白!
所以條命好唔好,真係睇下你點perceive 你既人生啦!

私人傳訊

mei-mei

複式洋房

積分: 363

13^#

發表於 04-7-28 17:51 |只看該作者

Re: 妳地信唔信‘落地喊三聲, 好醜命生成’呢句說話？

我絕對相信"落地喊三聲, 好醜命生成"li 句說話,
但你個朋友唔開心就唔係命生成,
係個人點對事物O既睇法,物都睇開D咪開心D羅!

私人傳訊

雨霖鈴媽媽

別墅

積分: 894

14^#

發表於 04-8-3 00:04 |只看該作者

Re: 妳地信唔信‘落地喊三聲, 好醜命生成’呢句說話？

信架,不過我個仔出世時都無喊3聲

:party:

:-D

私人傳訊

amymei1108

民房

積分: 75

15^#

發表於 04-8-3 10:01 |只看該作者

Re: 妳地信唔信‘落地喊三聲, 好醜命生成’呢句說話？

Giant, 看你的留言，似乎算命先生對你結婚日子的評語很困擾你喎，會唔會係一種心理上的自我暗示呢? 即係人地話唔好，就成日仍住唔好。其實大家講得啱架，好唔好，睇你自己要求甚麼，用甚麼態度面對人生。這樣說好像是風涼話，其實我也曾經有你這種感覺，考試成績同別人一樣，人地入到U，我就入唔到; 辛辛苦苦在教院讀到學士畢業，際遇也不及早兩年証書畢業的好，人地好多係科主任，我還在浮沉。不過，人地付出的又係咪真係同我一樣呢? 會唔會係佢努力經營，而我看不見? 所以而家我都好珍惜我有的一切，因為是我努力得來的，也許看似不及別人的，但細心看看，或者會有驚喜呢?

私人傳訊

Giant

水晶宮

積分: 67182

醒目開學勳章畀面勳章

16^#

發表於 04-8-3 11:32 |只看該作者

Re: 妳地信唔信‘落地喊三聲, 好醜命生成’呢句說話？

多謝各位開解及支持, 我都諗通咗喇, 正所謂各有前因莫羨人, 就算眼見別人可得到幸運之神眷顧, 那可能是他前世種下的"因", 今世享受"果"罷！雖然好運在今世遠離我, 就好好在今世"種因", 希望來世有"好果"吧！而且只要身體健康就已是萬幸, 因為身體有病, 真的就算賺更多錢都只是花在醫生身上吧！

我行得走得, 去邊都得; 食得瞓得, 唔駛介口同食藥; 兒子頑皮, 但起碼是個正常兒童; 老公窮, 但真心對我; 其實都好應該去珍惜, 因為大家都唔知道眼前所有的, 幾時會失去。