吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 激氣!!! 個仔咁樣都唔諗下辦法!!

心聲留言今日: 0|主題: 17527

收藏本版

發帖

返回列表

跳至頁

查看: 2301 | 回覆: 12

激氣!!! 個仔咁樣都唔諗下辦法!! [複製鏈接]

可可2003

別墅

積分: 547

1^#

發表於 04-8-3 11:17 |只看該作者

激氣!!! 個仔咁樣都唔諗下辦法!!

我大伯個仔成十一個月啦, 淨係可以坐, 又唔識爬, 又唔識行, 兩隻腳好唔夠力, 落地都企唔穩, 震下震下, 最弊係鹵門仲未合埋, 成日見到果度有 d 野跳下跳下.

我兩公婆同我奶奶都好鐘意個 bb, 見到佢發育得好似唔係幾好都好緊張, 話佢知有d 咩可以俾 bb 食補鈣, 偏偏佢老豆阿媽好似冇咩所謂咁, 個做阿媽o既一放假就去街都唔會諗下整d有營養o既野俾個仔食, 個仔就俾個婆婆湊, 佢阿婆係屋企都唔會煮飯食, 終於就連 bb 都冇得食, 唔理有冇營養總之唔餓緊就得啦. 個仔一日除左飲奶就係食粥, d 粥入面又冇料, 蛋都冇只 (差唔多係白粥). 最攪笑有次去探佢地, 竟然成條通菜夾俾 bb 食 (果時得七個幾月), 咁 bb 點食到?

, 哈...佢話 bb 咁嘴刁...我真係

呢排都少左去探個bb, 仔係人地o既, 我地緊張都冇用. 惟有見唔到當唔知, 我個女十一個月大時已經可以坐住bb車通屋去, 好似炮彈人咁啦, 見到個 bb 咁樣真係好唔開心... :-(

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

Giant

水晶宮

積分: 67177

醒目開學勳章畀面勳章

2^#

發表於 04-8-3 11:59 |只看該作者

Re: 激氣!!! 個仔咁樣都唔諗下辦法!!

好可憐, 不過佢父母同外婆都唔理又冇計, 除非攪大佢, 報警話有人疏忽照顧兒童, 咁就可送BB入院檢查下身體既情況。BB發育唔好就會影響一世架喇。

孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！

私人傳訊

racar

子爵府

積分: 10379

3^#

發表於 04-8-3 12:39 |只看該作者

Re: 激氣!!! 個仔咁樣都唔諗下辦法!!

個BB好慘!
點解有D咁既媽咪架!
唔緊張個仔既健康既咩?
瘦唔瘦架??
唔好連你都唔理佢啦!
不如佢地唔理，你整D野比BB食啦! :cry:

私人傳訊

KarenC

珍珠宮

積分: 38563

環保接龍勳章

4^#

發表於 04-8-3 14:04 |只看該作者

Re: 激氣!!! 個仔咁樣都唔諗下辦法!!

可能BB就係營養唔夠所以發育咁慢，你唔好唔理BB，雖然係人地個仔，但如果連你都唔理，BB就無人理架喇~~~

人生本是苦

私人傳訊

可可2003

別墅

積分: 547

5^#

發表於 04-8-3 14:45 |只看該作者

Re: 激氣!!! 個仔咁樣都唔諗下辦法!!

racar & 各位,

知唔知十一個月 bb 都未企得穩會唔會好大問題呢?

個 bb 一路都有睇開保健架, 可能 d 醫生冇講個嚴重性我大伯知, 咁佢地咪覺得冇問題囉. 但係我就覺得好有問題, 冇理由成十一個月大, 隻腳都仲未夠力支撐身體架????? 佢地一味話係因為個仔頭大喎.....對住佢地真係哎救命.

其實我都有諗過, 話掂我星期六日都要係屋企整俾個女食, 就算整多 d 都冇問題, 最大問題係我同大伯佢地屋企距離都幾遠, 搭車最快都要半個鐘, 冇可能我整左之後湊埋個女去拎俾佢, 惟有係叫佢地過我度, 但係又唔知用咩理由叫佢地喎. 我都諗住叫我隻佬試下叫佢地今個星期過我度, 睇下佢地點啦.

我奶奶都成日拎湯去俾 bb 飲架, 不過 bb 係唔係真係飲左/飲左幾多就冇人知. 因為我奶奶拎到過去, bb阿婆成日都話佢剛食完粥, 一陣先再飲, 咁我奶奶冇理由監住佢, 咪走先囉.

我奶奶話 yesterday 先又見到激氣野. 我奶奶拎左d 青紅蘿蔔骨湯過去, bb阿婆就咁成舊紅蘿蔔 (壓都唔洗壓碎) 塞俾 bb 食, 我奶奶當堂

, 話佢仲話 "唔怕, 平日都係咁", 嘩....大佬呀....舊蘿蔔仲大過隻壹筒喎......

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

smallmonkey

民房

積分: 75

6^#

發表於 04-8-3 17:01 |只看該作者

Re: 激氣!!! 個仔咁樣都唔諗下辦法!!

可可2003,
你真係有愛心, I think you love kids, right? me too
有D人湊小朋友和BB好求其, 是是旦旦, 粗生粗養..... 好似我姑奶咁一樣, 大大舊肉大大碗飯俾個女食, 見我地用鉸剪剪細D食物, 就成日覺得我地"蚵個".......
不過我覺得 BB阿婆一D都唔識做, 麻麻來探孫仔仲拿湯來, 更係要飲俾麻麻睇, 俾下面嘛! 不如湊BB跟麻麻小住一排, 曹肥佢做小 pig pig 啦

我諗 BB婆婆可以湊「大」佢阿媽, E + 湊 BB應該都好似佢阿媽咁.... ?-(

私人傳訊

850212

禁止訪問

積分: 6156

7^#

發表於 04-8-3 21:53 |只看該作者

Re: 激氣!!! 個仔咁樣都唔諗下辦法!!

提示: 作者被禁止或刪除內容自動屏蔽

私人傳訊

乖仔媽

洋房

積分: 319

8^#

發表於 04-8-3 23:05 |只看該作者

Re: 激氣!!! 個仔咁樣都唔諗下辦法!!

係不如等麻麻湊下

咁你都可能幫到手

小朋友係要有營養才發育得好

我想這樣唔講食果個阿婆咁湊孫其他方面都相信是求求其其

怎能如此對小朋友日後長大都很大影響

幫下BB吧 :cry:

私人傳訊

cathy-tse

禁止訪問

積分: 143053

好媽媽勳章醒目開學勳章畀面勳章環保接龍勳章 BK猜猜猜慶中秋

9^#

發表於 04-8-4 01:03 |只看該作者

Re: 激氣!!! 個仔咁樣都唔諗下辦法!!

提示: 作者被禁止或刪除內容自動屏蔽

私人傳訊

可可2003

別墅

積分: 547

10^#

發表於 04-8-4 12:09 |只看該作者

Re: 激氣!!! 個仔咁樣都唔諗下辦法!!

我以前都唔係咁 like kids 架, 自己生左之後就變得好鐘意.
唉, 我地都好唔開心架! 不過我大伯同阿嫂兩個都唔生性, 所以奶奶同老爺都唔係幾想幫佢地. 講開真係好長篇.

係我生先, 所以奶奶同老爺咪幫我地湊女先囉. 加上我老爺得一份收入, 我同老公都冇咩錢剩, 唔想請工人. 奶奶一個人冇可能湊兩個 bb.

係我阿嫂生左之後成半年佢兩公婆都冇做野, 咁佢個仔o既奶粉尿片全部都係我奶奶買, 仲要送埋上門俾佢地 :evil: , 試過有一次我地剛剛食飯, 阿嫂果邊一個電話打黎話阿 b 冇晒奶粉家下餓到喊, 我奶奶惟有即刻放低隻碗拎罐奶粉過去俾佢, 你地話佢地係唔係過份? 一早知奶粉就黎食完, 人地出錢幫你買左都唔識自己去人地度拎, 仲好意思叫人送過去... 跟住個大伯呢期除左返工就係出去打機....阿嫂呢.....返工同去街....兩個人成日都冇錢剩, 仲要有 d 錢就兩公婆換手提...買衫....連個仔o既利是錢都用晒, 我奶奶依然要貼錢買奶粉尿片.....連我奶奶家下都話冇眼睇佢地. 我好懷疑佢地一日見個仔夠唔夠兩個鐘.

前一段時間, 大伯佢地仲鬧分手, 阿嫂仲話唔要個仔, 好彩後尾好返, 唔係呀...分分鐘我地要幫佢養仔. 我奶奶就係見佢地唔多理個仔, 有人幫佢地湊就即刻好似個仔唔關佢地事咁, 先至唔想 la屎上身, 等佢地有得推卸責任. 我奶奶都好無奈咁同我講, 個仔係佢地o既, 佢地自己都唔理, 唔通要我地同佢養埋呀? 佢地鐘意就返去同個仔玩下, 唔鐘意就各有各出街.

總之就激死人員!!!

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

sohappy

複式洋房

積分: 142

11^#

發表於 04-8-4 12:36 |只看該作者

Re: 激氣!!! 個仔咁樣都唔諗下辦法!!

d人點做人父母ga, 好心唔好生仔啦! 害人害物. :-x :-|

私人傳訊

靚靚媽媽

男爵府

積分: 5088

12^#

發表於 04-8-4 12:39 |只看該作者

Re: 激氣!!! 個仔咁樣都唔諗下辦法!!

我覺得你大伯好似我阿叔以前，依家佢個女都15歲啦，由細到大佢都係由我阿‘女麻女麻’揍，我阿叔都唔會俾錢我‘女麻女麻’，因為我阿叔係個女歲幾時同個老婆離o左婚，個女就跟我阿叔，點知好快就返大陸再結婚同生女，唔理個大女，而個阿媽就一年都唔睇一次個女，我覺得個女好慘，跟住阿叔個大陸老婆申請o左落黎，就趕個大女同我‘女麻女麻’走，我依家好憎阿叔一家，不過都係佢個大女慘d，佢15歲，中二都未讀完就唔讀書，仲成日都唔返屋企訓，我‘女麻女麻’好擔心佢，不過佢都係冇得救架啦！

政直明月耀安康
南極星輝照長蕎

私人傳訊

嵐豬仔

男爵府

積分: 5953

13^#

發表於 04-8-4 16:20 |只看該作者

Re: 激氣!!! 個仔咁樣都唔諗下辦法!!

Dear 可可2003,

睇完件事之後覺得好 sad! 如果BB的父母明知自己未定性,又負擔不起,點解重要生佢出來,佢地生得BB,就算屋企經濟環境唔好,佢地都應該交個心出來疼錫BB,而家最無辜的就係BB,不如你們屋企人重新商討,睇下可唔可以照顧個BB,你地的出發點應該以BB為重,免得日後BB出左任何問題,你們咁錫佢可能會覺得內疚,如果你們商量完之後真係覺得能力唔許可,不如嘗試送BB去育嬰園,育嬰園服務零至二歲的嬰兒，雖然係收費服務，但有困難的家庭可申請繳費資助,你可以去以下網址查閱政府 / 資助日間幼兒園及育嬰園名單:

http://www.info.gov.hk/swd/html_tc/down_sec/indexlis.html

:cry: :cry: :cry: