少年成長

收藏本版
發帖
返回列表
跳至頁

首頁
1

尾頁
   0
jenniferg1231


大宅

積分: 1078


1#
發表於 16-8-25 10:22 |只看該作者
本帖最後由 jenniferg1231 於 16-8-25 10:31 編輯

想請教，我個仔日日都唔比我返工，喊到好慘，有時見唔到我就好快收聲，有時要喊好耐。（呢個情況自我搬左去奶奶屋企就係咁，但都講緊差唔多2年）但又好得意，又唔會對爸爸係咁。

最近返n班（老爺奶奶同佢返放學），頭2星期都好好，著校服、咩書包、返學都好開心，我放工問佢，佢都話聽日返學。但唔知點解突然同我講佢返學唔開心，日日扭唔出門口唔著校服，仲大喊話唔返學。咁我刻意請假送佢返學，佢返到學校係冇咩野，仲要我同佢抹眼淚。老師，ee話抱佢佢都好主動比佢地抱，所以我又覺得佢唔係唔鐘意學校。而且試過一次我接佢放學，佢仲要好主動話睇書書（係書包扲書睇），又唱返學學既歌，問佢開唔開心都話開心，有次老師搵我，我講比我個仔聽老師搵我，佢扲起我個電話係咁叫老師個名，之後扮同老師傾計，好開心咁。但一到準備訓覺，就話返學唔開心，唔返學。

（其實唔知關唔關事）屋企d鄰居知佢返學，話佢真係慘，仲要有一次老爺講埋“係la 真係慘”。我只係陪左3次返學，都已經聽左2次d人咁講…宜家佢話唔返學既反應愈來愈大，都唔知可以點

我有問佢，佢話掛住我，我話係屋企唔返學，媽咪都係要返工嫁，佢淨係不停話掛住我，唔比我返工。好苦惱…
其實未返學之前，我老爺已經成日話“洗咩返學，係屋企咪得low 幼稚園都唔洗讀”。

呢排佢喊多左，一喊老爺就會滿足佢既要求，我都唔知我應該處理我老爺奶奶先定我個仔先…
私人傳訊

最緊要開心


別墅

積分: 825


2#
發表於 16-8-25 12:02 |只看該作者
你仔仔係學校其實有冇唁開心架,你可以先打比老師問下情況,睇下學習or同同學相處的情況
而你老爺方面,你就應該問下點解會覺得慘呢,原因係咩呢?_?可能係你唔係屋企既時候 發生左d事, 係你唔知既 或者你仔仔有同佢地講原因先覺得慘. 如果冇事發生,我覺得你要同你老爺傾傾,解釋返依家小朋友點解要讀幼稚園

加油啊
私人傳訊

美之選468


公爵府

積分: 26519


3#
發表於 16-8-25 12:23 |只看該作者
我阿仔細時都有經過呢個時期,(佢18個月大已經返學啦)我會用等價交換方式同佢勾手指尾.例如 : 如果佢今日不哭就會送一個禮物俾佢(佢喜歡的東西)你可以試吓答應佢等媽媽放工之後會帶XX東西俾佢.(但你一定要做到呀.絕不能呃佢)慢慢佢習慣左你返工.自己返學的生活方式就不用再用此方法啦.(果段時間我屋企的新玩具特別多.但都不是貴野)你可以買一套車仔(內有2X多架不同品種的車輛)大約都系幾十蚊.然後每日送一架車仔俾佢.叫佢儲埋一整套車仔.一個月也用不到一百蚊.
私人傳訊

jenniferg1231


大宅

積分: 1078


4#
發表於 16-8-25 15:10 |只看該作者
其實自我個仔第一日返開始，我都有問我個仔返學開唔開心同玩左咩，佢次次都話開心，仲數返學做過d咩比我聽，我問佢星期六返唔返學，佢話好要返學tim。仲成日話要咩書包著校服。

係上星期四風球停課，我放工返黎，咁我同佢講星期五又返學唱歌同同學仔玩lu，突然佢話返學唔開心就開始唔肯返，之後一日比一日扭唔肯換衫。

我老爺話慘，其實自我開始同佢報n班佢已經咁講，話幼稚園洗咩返，k1-k3都可以唔讀。連我老公個邊d親戚知佢讀n班，都話咁快返學咁慘。

私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy