自由講場今日: 1844|主題: 1353621

收藏本版

發帖

返回列表

跳至頁

查看: 1222 | 回覆: 0

辭職，唔係懦弱，而係人生踏前一大步 [複製鏈接]

ckwcc1207

大宅

積分: 1324

1^#

發表於 16-5-12 11:21 |只看該作者 |倒序瀏覽 |打印

庸材讚好專頁5月9日 16:29 ·

最近多左人同我傾訴，話工作唔開心，俾人蝦同杯葛，又或者係遇上一個唔好既上司俾上司針對，問我意見想知下一步應該點做。
我通常都係得一個意見，就係辭職！
可能你會唔甘心，覺得自己俾人蝦，俾人羞辱，問點解仲要選擇辭職逃避，唔反抗去捍衛自己既專嚴；又或者係你怕辭左職之後會搵唔到工，失學失業，就算搵到下一份工都好，都驚自己做唔掂⋯⋯。

「少年，你太年青了！」
出黎社會做野，有邊個人未試過俾人蝦？我啱啱入行做管理處，同事已經叫我招待VIP(當時我唔知)，最後俾人投訴去總公司驚動高層，當時既上司二話不說就已經將個波推落我度，話我冇聽指示做野，要我簽warning letter同公司作個交待。

當時既我嬲到想打人，覺得自己俾人冼左一獲，明知係VIP仲叫我呢個新入職冇耐既人處理，最後悔既係所謂既上司真係姓「賴」而我自己竟然冇留意。我同個上司講話我唔會簽封warning letter，當時既選擇一係留低繼續同佢玩野，又或者直接辭職乾手淨腳。
而最後，我選擇左辭職。辭職前，我會諗唔同既方法想去玩個上司，包括痾尿落佢飲既水度、寫匿名投訴信、甚至係諗過攞垃圾膠袋笠佢個頭，再毒打佢一獲；辭職後，準時返工放工，每日就係上勞工處搵工，得閒詐病請病假，生活不知幾寫意。

點知，下一份工俾我遇著伯樂，入新公司做野備受賞識，職位人工如坐直升機咁扶搖直上。
我一直只係做返自己，待遇不同只因我遇上伯樂。人生在世，好多事情都係講際遇，我承認自己好運，可以咁快升職加薪，好多比我叻既人仲營營役役為前途打拚，不過事實係如果我唔辭職，又未必搵到下一份好工。

呢個世界，冇話冇左邊個唔得，只有家人先會因為你既離開而傷心流眼淚，既然係咁，何必睇得工作太重，浪費心力去討好一啲你唔鍾意既人。
辭職，唔係懦弱，而係人生踏前一大步！

Trust me! Never try, never know!