懷孕前後

收藏本版
發帖
返回列表
跳至頁

首頁
1

尾頁
   7
Staryee


大宅

積分: 2071


1#
發表於 16-5-11 17:32 |只看該作者
今日聽到同事話外國有研究3-4歲既小朋友會識妒忌，所以呢個時間有新弟妹佢地既反應都特別大，還有機會係嬲一世。
我個細B就出世，大既而家3歲幾，有無JM有經驗，點減少大既情緒困擾？可以分享下嗎？有咩而家可以做定先，預防下？
私人傳訊

MrsPerthLiu


大宅

積分: 4433


2#
發表於 16-5-11 20:18 |只看該作者
Staryee 發表於 16-5-11 17:32
今日聽到同事話外國有研究3-4歲既小朋友會識妒忌，所以呢個時間有新弟妹佢地既反應都特別大，還有機會係嬲 ...

而家bb未出世，你同老公可以同大嘅講，bb出世後會多個人錫你呀，爸爸媽媽bb都一齊錫你架，多啲俾哥哥/姐姐感受下佢沒有被忽略之餘仲多左一份愛。
一出世一定好多人買禮物俾bb, 你同老公都買定份禮物，等bb出世後，送俾大嘅，同佢講爸爸媽媽bb一齊送俾你，恭喜你做哥哥/姐姐。
小b出世後，你兩公婆可能不自覺地focus 晒喺bb到，但千祈要記住都要俾返啲private time 俾大嘅，例如，你照顧住小b，老公就同大嘅落公園玩一陣又好，食杯雪糕又好，或者調轉，老公湊bb一陣，你自己同大嘅出去一陣，30分鐘都好，係哥哥/姐姐同爸媽嘅private time。
有時幫bb換片，可以叫哥哥/姐姐幫手拎塊片片或漂紙巾過嚟，然後讚下佢真係幫到媽咪手照顧bb。
當大嘅哭鬧或扭計時，畢竟佢得3歲人仔，佢都仲係好細架咋，千祈唔好講：「你已經係人地哥哥/姐姐，大個啦，仲喊！」之類嘅說話，佢會唔開心嘅，了解下佢咩事先，而且小朋友情緒激動時，個大人又激動，會更加帶起佢嘅情緒，平靜啲同佢講，睇下佢咩事先。
佢見到你抱bb時，可能佢嗰下都扭你抱，你咪叫老公都抱下佢一陣囉，唔好一嚟就拒絕，呢個係安全感問題。
以上嘅野，記得請公公婆婆、爺爺麻麻都配合下啦。
希望呢啲分享你會有用啦！
私人傳訊

Yanlovesnaz


子爵府

積分: 14073

大廚勳章 睛靈勳章 畀面勳章


3#
發表於 16-5-11 20:39 |只看該作者
我女出世，我仔剛3歲
妒忌心真係好重，但佢又好錫妹妹
我覺得佢仲未明白妹妹係咩野黎
只係覺得多左個人搶左爸爸媽媽
開頭我埋身餵奶，我仔好唔過意，會坐係我身上，由妹妹喊
妹妹翻屋企果日就好似佢讓左我出黎
直到而家佢霸住左爸爸，所以爸爸一抱妹妹，就變左我地大家都有錯
會先打我，再打爸爸同推妹妹，如果我地唔理佢，佢會打自己，大喊大叫
而家連爸爸同妹妹對望都唔得，會推妹妹個頭，有幾次佢仲偷偷打妹妹，比我老公捉到
但妹妹回奶，佢會幫妹妹抹嘴
妹妹喊，佢第一時間去睇妹妹咩事
又會攬佢，摸佢，叫佢唔好喊
私人傳訊

bosch


瑪瑙宮

積分: 128515

2025中秋節勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


4#
發表於 16-5-12 07:50 |只看該作者
嬲一世既原因係咪要追塑到童年, 我覺得有d 保留. 我反而認為父母長年累月都唔公平既關係大d, 另外都好睇小朋友性格.

我做既方法大致都係樓上 MrsPerthLiu 講果d.

我6年抱3, 二仔出世前後我做左好多安撫工作, 大仔一樣呷醋, 佢初生時唔會對二仔好熱情, 雖然冇過激行為, 但點會有d 爭寵, 或者霸玩具既夬情況,不過大大下一時糖痴豆, 一時水溝油咁. 我諗算係咁....

到生三女出世前後, 我反而冇乜做安撫工作. 淨係未照照聲波前, 大仔一知我有bb 就喊, 佢同我去過產檢後又冇乜野. 兩個子對住個妹係冇呷醋, 算忍讓又肯照顧個妹.

私人傳訊

海綿肚仔專家
@牛欄牌
5#
發表於 16-5-12 11:57 |只看該作者
回覆 Staryee 的帖子

您好Staryee，3-4歲既小朋友未係好識用說話表達自己憂慮/擔心，當屋企增加一個新成員，有可能會影響到情緒架。您可以叫哥哥/姐姐同肚裡面既BB唱下歌傾計，如果改左名就多D 同叫下BB 個名。當BB出左世之後，可以俾佢幫手照顧BB (例如BB 沖涼時幫手拎住毛巾) ，肯定佢嘅幫手令您更快完照顧BB既工作，可以陪到佢玩，仲要分配返D時間同大嘅獨處，例如去公園玩﹑買玩具等。只要您俾到佢感覺到您依然重視佢，唔會忽略左佢，而同時又有多個細佬妹陪佢一齊玩，慢慢小朋友就會明白!
我有一個願望，就是想見到每個BB食得好、瞓得好、笑得好、Poo得好，
有個海綿級肚仔，每天盡情體驗新事物、吸收新樂趣！
私人傳訊

Happi_Mum


男爵府

積分: 5738


6#
發表於 16-5-16 15:55 |只看該作者
me too, 弟弟今年出世, 加姐就4歲。由一有咗, 因為唔抱得阿女, 有同名女講, 佢好錫BB, 產檢也帶佢睇, 佢會講好愛弟弟, 和第時佢照顧弟弟,

但我好擔心, 將來BB出世, 尤其初生, 比少咗ATTENTION同時間佢, 一定會呷醋。如果萬一自己坐月憫爭, 或因為佢整到BB 罵佢... 就更唔開心, 我女都幾敏感
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy