話說我家族比較人多, 總有兩三個呢些人響左近, 堂細佬早兩年生意失敗, 欠落街數一大筆不突止, 我亞叔年紀唔少都成日收到銀行追數電話, 堂弟當時一家幾口開支都成問題, 接連向好多親人親戚借錢, 我亞叔老人家可以講係冇咩儲蓄, 得十幾萬都比埋佢, 所以我大時大節都有比錢我亞叔當飲茶。佢自己兄弟(親及堂)全部有借, 有幾萬有十幾萬, 我自己亞哥都借左8萬比佢應急。 相信銀行財仔, 屋或人親戚加加埋, 共欠7位數起碼。
堂弟上年先正式出返去打工, 佢老婆依然冇做野, part time都冇, 話細路年紀少做唔到野, 平時同我傾開計, 又講到自己幾經濟拮据。
好喇。堂弟婦平時響fb間中影吓食飯飲茶都算。最近竟然高調地響fb預告來緊暑假7月一家去北海道自駕遊, 仲問人取料點玩呀等等?
可能佢唸住佢些債主冇開fb?
就毫不避忌, 唔記得自己仍然欠債?
呢些人咩心態?
負數欠家人親戚錢, 都玩得安樂?
將來又點呢?
點對子女身教?
我唔想攪大件事, 唔敢同班brothers講佢去旅行, 費事搬弄事非, 所以響度講吓, 事實不吐不快。
發表於 
返回列表
