真係好鬼嬲，好耐冇試過買野買到一肚氣，以後唔敢再幫襯K-Kids Online/MomMaumhk(即mom&Maum港澳總代理，有兩個fb page)。野係平，但太多甩漏，好多媽媽買左地墊遲遲都收唔到貨，四月底俾哂錢買地墊，送100個波波，點知佢在韓國裝櫃漏左，地墊三次追單後一個月後到左，波波到依家（六月中）都未送來。我投訴佢，就叫我自重，話自己多客，必有誤差。媽媽團購group都好多人投訴好耐都收唔到貨，即係好多單都漏左！
佢漏單仲要買家自己俾運費，我叫佢賠運費，就話我唔好好似市井師奶屈人錢，叫我比小朋友一個好榜樣。唔賠償唔緊要，唔好人身攻擊，仲教我點教仔！我認我係市井師奶，但冇屈人錢，邊個屈人運費錢大家心裡有數(見圖），我只係好失望，客人投訴，意見接受，態度照舊。講真$28啫，唔係俾唔起，只係嬲起上黎，想佢地做返d野去安撫客人！
fb網上買野，無得好似淘寶咁俾評價，第一次買野既媽媽要小心。其實已經有好多媽媽受影響，但大家最後收到貨就算。如果唔拎出後講，無人會知，新手媽媽會繼續幫襯！BB大得快，大家都想快d俾佢學爬，媽媽心急係正常，但真係冇諗過要等兩個月先有貨。
發表於 
。
返回列表
