少年成長 今日: 0 | 主題: 16081

積分: 2394

1^#

發表於 15-8-17 15:34 |只看該作者 |倒序瀏覽 |打印

話說今日帶個仔(18個月)係冒險樂園度坐車仔,
突然有個哥哥(2-3歲)沖佐上黎部車度,
一上黎就搶住個手柄玩,
跟住仲要大力咁推開我個仔,
我梗係第一時間喝住佢啦,
我話唔可以打交架,一齊玩嘛,
我語氣都好輕柔下,
點知佢聽唔明我講或者聽得明都當聽唔到,
佢仲再有進一步動作想打我個仔,
我見佢父母唔係身邊,我唯有問佢家長係邊,
點解要打人啊,我掃佐四周圍一下都唔知邊個係佢屋企人,
無人行埋黎,我就抱走阿仔,此刻我仔已經嚇到喊佐,
可能我仔太斯文太細膽,跟住我再望返個細路,
見佢就繼續係咁琴上部車頂,又琴落黎咁 ......
此刻只能說,無家教!我要好好教好自己個仔,唔好學似佢咁 ,黑人憎!!

我知每個小朋友成長都會經歷LEE D 煩惱,
我點樣做好阿仔嘅思想工作呢?
或者下次再遇到呢類事情,我點樣處理得好D?

0 0 0

私人傳訊

pathymama

積分: 6709

2^#

發表於 15-8-17 20:46 |只看該作者

回覆：如果自己個仔俾其它小朋友欺負要點處理?

我仔細個時都曾遇過相似的事，我最初會同佢講：唔緊要，我地去玩其他玩具；但後來發覺咁樣會令小朋友更怕事細膽，當然又唔好教佢還手啦，所以之後我會教佢講，未識講就代佢講：我玩緊這玩具，你想玩就要排隊，輪流玩

私人傳訊

ccw1830

積分: 7694

3^#

發表於 15-8-18 00:30 |只看該作者

我仔兩者角色都做過。我認為呢個問題係小朋友世界係經常發生,係無可避免,亦都無法同一個2-3歲既小朋友去計較呢樣野。因佢地反應係好直接,要教佢地分享,讓人,唔係話講/教兩,三句就識做。正常人一見到想要既野,會好自然去拎,更何況小朋友,邊有咁多時間同你去分析其他野。若事情發生左,就由佢地,佢地會經一事,長一智,用自己方法去摸索呢個世界,用自己方式去同人相處。若唔係小朋友直接傷害我仔,我會由佢比人“蝦”下,等佢自己諗下辦法。

私人傳訊

oocholeoo

積分: 4506

認識瑞士牛牛第一回畀面勳章

4^#

發表於 15-8-18 12:35 |只看該作者

我仔都有呢個情況....佢會覺得好委屈之後大喊...
有時情急佢仲會出手...雖然係好細力, 事後佢都自己講打人唔岩又覺得好委屈....
我都唔知點教...

私人傳訊

chinyuetbb

積分: 3505

5^#

發表於 15-8-18 14:46 |只看該作者

引用：我仔兩者角色都做過。我認為呢個問題係小朋

原帖由 ccw1830 於 15-08-18 發表
我仔兩者角色都做過。我認為呢個問題係小朋友世界係經常發生,係無可避免,亦都無法同一個2-3歲既小朋友去計 ...

同意。太保護就變成害了小孩。社會就係咁，我覺得仔女從中學會自己處理，思考點應對，就算佢選擇離開，唔敢出聲，我認為都係一個解方法，唔係一定要勇敢出聲先叫好嘅。

私人傳訊

積分: 2394

6^#

發表於 15-8-18 17:33 |只看該作者

回覆 pathymama 的帖子

個人比較同意呢位mama嘅處理方法,
原因,1,我仔仲較細,先得歲半,佢講嘢都未識講幾多句,同埋佢暫時未返Playgroup之類嘅學習班, 同小朋友仔玩嘅時間唔多,佢仲比較怕生保人,遇到生保人有時驚人抱佢,佢都會過黎攬實我,所以我都要俾時間佢學習點同小朋友玩,同埋教佢遇到上面嗰類事情點樣處理(教佢同哥哥講:要排隊,或者話一齊玩,唔好爭),唔好搶,唔好打交),但無可能我唔出聲或者不理佢就咁俾人蝦囉,因為佢當時最信任嘅人係媽媽.

私人傳訊

ac320

積分: 7324

育兒性格勳章

7^#

發表於 15-8-25 14:42 |只看該作者

pathymama 發表於 15-8-17 20:46
我仔細個時都曾遇過相似的事，我最初會同佢講：唔緊要，我地去玩其他玩具；但後來發覺咁樣會令小朋友更怕事 ...

私人傳訊

lilian_2010

積分: 1079

8^#

發表於 15-8-25 15:49 |只看該作者

回覆：如果自己個仔俾其它小朋友欺負要點處理?

我個女以前都成日被蝦，初初我教佢禮讓、行開d去玩其他，但發現佢因為咁而越黎越細膽，好怕事，之後我就有改變，遇到細bb會繼續教佢禮讓，但大過想蝦佢就唔得，我會幫手，對方無家長在旁我會同佢講道理先，無用就用強硬態度逼退，其實真係懶幫人教仔，但某d小朋友實在太曳太過分，專蝦細過佢，咁ga情況下，家長若覺得等佢地自己處理分分鐘就可能受到身體傷害！其他人唔到我理，但遇著係我個女就唔得，所以宜家我女唔會走去蝦人搶人野，但其他人蝦佢時多數已經識反抗同保護自己！

私人傳訊

maggiekeung527

積分: 2024

9^#

發表於 15-8-26 15:41 |只看該作者

回覆：如果自己個仔俾其它小朋友欺負要點處理?

如果18m只可以當時立即抱走佢（保護左免受傷害先），教佢仲有第二件玩具玩，因為手上冇左件玩具先會哭，禮讓與否都唔係好明白！
如果再大D（會行會走會講野）做法又唔同，不是這麼容易去讓給別人，係要叫人比(小朋友自己講）返佢因為自己正在玩，要其他人想玩要排隊等。如果冇乜野（冇危險性出手打架等）唔好插手及加把口介入佢地世界，太過保護自己小朋友不會成長及自己去思考解決問題的。
如果解決唔到才找你，你先去教佢點做，下次會明白要點做。經一事長一智，受到欺負不是壞事，從中教曉如何保護自己才最重要，但點到要等佢明白才做到

私人傳訊

積分: 2394

10^#

發表於 15-8-26 17:53 |只看該作者

回覆 maggiekeung527 的帖子

OK,我都係睇個環境作出處理吧,嗰一次我仔真係俾人推撞受驚,我護仔心切,佢真係太細個,未識處理

私人傳訊

積分: 2394

11^#

發表於 15-8-26 17:59 |只看該作者

回覆 lilian_2010 的帖子

有啲媽媽都講得好啱,細路仔唔係靠我地三言兩語就教得好,人地個仔我地幫唔到.我唯有教育好自己個仔,唔想出到街俾人話:個細路仔真係黑人憎

私人傳訊

choicheukyin

積分: 4909

12^#

發表於 15-9-3 16:27 |只看該作者

回覆：ariel823 的帖子

我試過，搵職員黎搬走佢，佢地會幫你同佢父母講

私人傳訊

積分: 2394

13^#

發表於 15-9-3 21:39 |只看該作者

回覆 choicheukyin 的帖子

哈⋯真的嗎？

私人傳訊

Cbb831

複式洋房

積分: 186

14^#

發表於 15-9-3 23:51 |只看該作者

回覆：ariel823 的帖子

果細路點對我個女我就點對番佢！
有大人喺身邊都黎搶！當我係紙板人呀！
點教小朋友家家都唔同，我唔覺得蝦人果個細路會比我嘅三言兩語可以感化到，保護左自己個小朋友先係我唯一選擇！

私人傳訊

HYYLK2015

洋房

積分: 75

15^#

發表於 15-9-5 17:19 |只看該作者

比小朋友去學下D功夫班錦未可以保護到自己

私人傳訊

Athenalily

積分: 1338

16^#

發表於 15-9-6 00:31 |只看該作者

回覆：如果自己個仔俾其它小朋友欺負要點處理?

教小朋友分享或輪候
同哥哥講，我知你好想玩，可以一齊玩但要守規矩。如果可以一齊玩嘅就邀請佢一齊分享玩，如果唔可以就要輪候。例如我地玩多一分鐘就到你玩，好嗎？

事後要同返自己小朋友講，唔好學哥哥，想玩應該要輪候。
小朋友响學前期係非常容易模仿比自己年紀大嘅小朋友。

Life is short. Enjoy your coffee, and... Remember to smile.

私人傳訊

kylee_ho

禁止訪問

積分: 1385

17^#

發表於 16-7-11 10:17 |只看該作者

提示: 作者被禁止或刪除內容自動屏蔽

私人傳訊

ewatsang

積分: 3332

18^#

發表於 16-7-11 11:51 |只看該作者

ccw1830 發表於 15-8-18 00:30
我仔兩者角色都做過。我認為呢個問題係小朋友世界係經常發生,係無可避免,亦都無法同一個2-3歲既小朋友去計 ...

very good, agree with you.

私人傳訊

buzzvan