母乳餵哺今日: 0|主題: 85709

收藏本版

回覆發帖

返回列表

跳至頁

查看: 2447 | 回覆: 4

BB唔肯埋身,可以點做 [複製鏈接]

aibaba

男爵府

積分: 6509

1^#

發表於 16-9-19 14:47 |只看該作者 |倒序瀏覽 |打印

BB 廿幾日大, 第二胎
佢細碼b,初初頭一兩個禮拜啜唔到因為佢咀仔太細我nipple太大, 根本含唔晒, 佢食唔到我又痛
未出院時護士睇過佢都解答唔到我可以點
出院後見過母乳姑娘佢只係答我冇辦法bb大大下咀大啲就啜到
我大女當時都係2個月大先埋到身但係太遲, 佢已經習慣左樽餵, 咁我就做泵媽到6個月就停左

出院後細女都係要補好多奶粉。其間有泵, 但唔夠bb食。我唔想做泵媽又想追下奶, 於是又再試埋身, bb大個左啲含得好左, 但係佢太習慣樽餵, 埋身佢可能嫌慢, 一埋就爆喊, 係咁另開個頭唔要, 一俾樽即刻狂啜收晒聲, 每次埋身好似同佢打大交咁, 好似要逼佢食我啲奶。我見佢扯番出黎都成咀奶我又一路滴, 唔係話冇奶。

響佢唔太餓時試佢就當我奶咀hea啜, 根本冇食過仲好快訓埋。

呢兩日我仲無啦啦病左發高燒兩日食唔到野又冇泵, 即時好似回晒奶。今日好番啲即刻泵但得番10-20ml! 之前都叫有2安丫。

我真係好想呢胎做得到埋身全人奶(想盡量少泵, 泵比較嘥時間我仲要湊大女) 我應該點做? 仲有機會嗎? 點樣bb先肯啜呢?

0 0 0

私人傳訊回覆引用

Yanlovesnaz

子爵府

積分: 14073

大廚勳章睛靈勳章畀面勳章

2^#

發表於 16-9-19 17:12 |只看該作者

aibaba 發表於 16-9-19 14:47
BB 廿幾日大, 第二胎
佢細碼b,初初頭一兩個禮拜啜唔到因為佢咀仔太細我nipple太大, 根本含唔晒, 佢食唔到我 ...

你bb先得廿幾日人仔，當重頭初生咁餵起
係佢差不多喊餓前就餵佢，狠心d唔好餵樽，佢唔食就無得食，bb一肚餓無得揀就唯有啜，不過你要有耐性，始終人奶路係難行，同你個頭開左用樽，bb習慣左，埋翻身就會難過初生時，加油!!
食多d飲料湯水，食飯食多d有營養嘅食物，心情都好緊要，有壓力喊都會減奶量
每次埋身完都泵15分鐘，有無奶出都泵，可以幫助增奶，加油!!

私人傳訊回覆引用

joetreemo

子爵府

積分: 14241

3^#

發表於 16-9-19 20:41 |只看該作者

回覆樓主:

樓主用咩樽咀？我今胎阿B頭幾日在兒科用左幾日樽 NUK，之後返屋企用仿乳頭樽咀，都肯飲。我用Avent咀，仲教識BB咀張開添，因為個頭真係好大，而且都難啜。
上一胎就用TT樽，又係埋身用樽都無問題。

另外奶量方面，平常心啦，心情輕鬆同休息好影響奶量。有無辦法將大女交比人湊一兩日？我就係BB在兒科果兩三日不斷泵奶追奶，追到而家夠食有餘。

多飲水或茶，我在12蚊店買左好多黑豆茶包，坐月自己有個350ml水杯樽， BB餐同餐之間，我起碼飲兩樽至3樽，即一日3 ~ 4L水份。或者飲提血氣既南棗黨參水。

閒時零食就食花生，又有食醫院開既鐵丸補血。要食飯。

我B 10日大，晚上樽餵每餐100ML，我每次泵都咁上下。另會儲起埋身餵果啲噴奶反射，餵完會擠清。