自由講場

跳至

首頁
12

尾頁
   3


已刪除用户

積分: 194079

2024年龍年勳章 2023年兔年勳章 好媽媽勳章 畀面勳章 環保接龍勳章 BK Milk勳章


1#
發表於 08-11-7 10:00 |只看該作者
提示: 作者被禁止或刪除 內容自動屏蔽


大宅

積分: 1680


2#
發表於 08-11-7 10:12 |只看該作者
我估你個仔是否讀四,五年級呢?

因為我身同感受, 情況跟你一樣, 很嬲呀!

放鬆一點, 其實他的心態是做了便算, 改甚麼呀! 真麻煩!

我的做法都是講了就算, 他不改, 待他的老師圈出錯處, 你再跟他討論, 他便會服你.

因為現在他還細, 好似我個仔一樣, 小學的時侯, 不喜歡你改他的功課, 現在他是中一學生了!

他現在懂得回想以前父母以前為何那麼嚕囌地要他改正, 他現在才知道是對他有好處的.


子爵府

積分: 10130


3#
發表於 08-11-7 10:16 |只看該作者
原文章由 小傑媽媽 於 08-11-7 10:00 發表
佢就一手搶返張紙,改返個標點符號,然後好悔氣咁like手掟返張紙比我… 佢咁既態度,嗰一刻我真係想星佢幾巴呀 (不過我冇咁做)!呢個衰仔越大越唔將我哋放係眼內,平時駁咀駁舌已經係家常便飯 ,衰左又唔肯認,我覺得佢越黎越唔尊重我哋啦 !我真係好忟,好唔想同佢講野呀! 個仔咁硬頸,軟硬都唔受,我仲可以點教佢呀?


真係睇到火都黎埋, 不過打佢唔係一個好辦法, 要罰佢, 罰佢冇得做佢想做既野(如打機)
話佢知佢既態度唔好, 你唔尊重人, 人地都唔駛比面你.
我阿媽要有個勢, 唔好比佢食住你. 係呢! 你仔仔幾大呀?


已刪除用户

積分: 194079

2024年龍年勳章 2023年兔年勳章 好媽媽勳章 畀面勳章 環保接龍勳章 BK Milk勳章


4#
發表於 08-11-7 10:20 |只看該作者
提示: 作者被禁止或刪除 內容自動屏蔽


已刪除用户

積分: 194079

2024年龍年勳章 2023年兔年勳章 好媽媽勳章 畀面勳章 環保接龍勳章 BK Milk勳章


5#
發表於 08-11-7 10:22 |只看該作者
提示: 作者被禁止或刪除 內容自動屏蔽


男爵府

積分: 6994


6#
發表於 08-11-7 10:22 |只看該作者
原文章由 小傑媽媽 於 08-11-7 10:00 發表
昨日同個仔溫書,佢做完工作紙,咁我幫佢睇下做得啱唔啱啦,發覺其中有一個標點符號應該係 ":" ,而佢寫左 "!"mouth: ,咁我咪同佢講做錯左囉,點知佢死都唔認,話嗰個係冒號,只係寫得唔係咁好… 咁我話你寫成咁,老師一眼 ...


傑媽媽:早晨呀! 仲有我陪你呀.唔使咁嬲. 我家大蕃薯同小傑一樣. 最唔中意寫字,到依家寫到仲係8號風球咁.冇mood時,亂寫亂做. 冇興趣的,唔交功課.

依家小二了. 我日日同佢談心,寫鼓勵同提醒佢0既說話落家課日誌,等佢一打開,即刻見到.見佢有小小進步,讚佢上到天花板.

我家大蕃薯,我直情唔夠膽同佢講分數.因為到今日為止,佢仲係睇mood做嘢.

佢開心時,把教堂入邊唱的聖詩,用佢2級的水準,由頭彈到尾. 佢冇mood 時,禽晚咋,一路彈琴一路同我閙交.我唔睬佢.等佢發完,我再同佢談心.

湊住呢種小朋友,真係好勞心.努力呀.
快樂的甜芋快樂的甜芋


大宅

積分: 1212


7#
發表於 08-11-7 10:25 |只看該作者
我囡囡學校老師話其實他們唔想我們改, 因為唔改他們會知道他們錯什麼.


伯爵府

積分: 15270

好媽媽勳章 畀面勳章 環保接龍勳章 親子達人勳章 陪月勳章


8#
發表於 08-11-7 10:32 |只看該作者
而家d小朋友真係好難教,我個仔又係咁,脾氣又臭,仲恐教,一d都唔識得尊重人,同佢講野,話多兩句,就悔悔氣氣咁,真係eq少d都唔得,所以我都好明白你既感受,你個仔仲細,都可以慢慢同佢傾,我個仔已經有11歲大啦,佢好有主見,又係好硬頸,(似足我), 所以每當我開始講到好忟既時候,我會唔再同佢講架啦,費事會閙交,你一言我一語真係令我情況好差,只有其中一個收聲會好d,咁我會叫daddy同佢傾,佢eq好我多多聲,而且我老公教我唔好硬鬥硬,對大家無好處,所以我都正在向我老公學習教仔既方式

如果你個仔下次又係咁,你可以同佢講,如果佢唔聽,咪由得佢,等佢番到學校老師會話佢錯,佢就知唔聽你講,後果就係咁架啦


已刪除用户

積分: 194079

2024年龍年勳章 2023年兔年勳章 好媽媽勳章 畀面勳章 環保接龍勳章 BK Milk勳章


9#
發表於 08-11-7 10:33 |只看該作者
提示: 作者被禁止或刪除 內容自動屏蔽


水晶宮

積分: 51912


10#
發表於 08-11-7 10:34 |只看該作者
原文章由 ukiuki 於 08-11-7 10:25 發表
我囡囡學校老師話其實他們唔想我們改, 因為唔改他們會知道他們錯什麼.


都係架,反而我地唔去咁執意佢呢D野,佢地唔信邪既咪照交份咁既功課俾老師囉!改番黎咪又係要佢重做再改!佢地自己搵自己笨之嘛!我成日都咁同我仔講,你唔認真做功課,等老師派番黎都係要你重做,你咪又係要再做多次!人地只係做一次,你同一樣功課要做多幾次,係咪搵自己笨要自己再辛苦多一次?我仔聽完會唔出聲,會做好俾我睇囉.佢寫字求其,我都係同佢事先聲明話如果媽咪睇到D字寫得唔靚,我會擦哂佢唔理寫得有無錯我都要求再重做,要咁兇住佢,佢至會的起心肝寫好D字囉.


男爵府

積分: 5742


11#
發表於 08-11-7 10:40 |只看該作者
而家D小朋友多數係咁嘅。
既使佢心入邊已知衰左,但咀巴唔會認衰。


水晶宮

積分: 51912


12#
發表於 08-11-7 10:41 |只看該作者
原文章由 小傑媽媽 於 08-11-7 10:33 發表
甜芋,

你真係好,又有耐心又包容,蕃薯仔有你呢個媽媽真係幸福! 我自問EQ真係好低,我仲有排要跟你哋學野呀! 昨日我仲好地地,夜晚比個仔激完,跟住就開始唔舒服,今朝起身又咳又成日想嘔,唔知係咪積怨成疾呢… ...


放鬆D!唔好搞到自己太大壓力,係媽咪一對住自己仔女實無哂EQ架喇!我呢幾日咪又係咁噴我仔~~~ 激C我喇...呢幾日我教我仔既課題係點樣做人...成日顧住玩讀書就懶懶閒唔學野,叫住佢唔好再挖學校花園D泥整爛D蟻竇(蟻都係有生命有生存權利嘛),佢第二日又再挖,成日叫住佢唔好咁粗魯玩貓咁會整痛甚至整死D貓,佢今朝又係好夾硬咁扯住BOBBY仔對手咁掹佢上黎,BOBBY仔嗌哂救命,我一望住個仔,個曳仔即刻知衰即刻鬆手,又係俾我鬧爆鬧到番到學校門口,我係咁問佢係咪要媽咪今日將屋企五隻貓送哂俾人,佢又好驚咁叫我唔好咁做,我係咁同佢解釋,之後我真係好勞氣咁學佢頭先咁扯BOBBY仔對手咁大力扯痛番我仔隻手,我仔話痛,我話頭先BOBBY仔都係咁痛都係係咁喵住同你講話痛,你又咁對隻貓?跟住我仔咪唔出聲囉... 唉...有時呢D野仲難教過教仔讀書...唔知點教好...


男爵府

積分: 6994


13#
發表於 08-11-7 10:43 |只看該作者
原文章由 小傑媽媽 於 08-11-7 10:33 發表
甜芋,

你真係好,又有耐心又包容,蕃薯仔有你呢個媽媽真係幸福! 我自問EQ真係好低,我仲有排要跟你哋學野呀! 昨日我仲好地地,夜晚比個仔激完,跟住就開始唔舒服,今朝起身又咳又成日想嘔,唔知係咪積怨成疾呢… ...


傑媽 : 冇辦法,你同佢閙交,母子關係又差咗.你同佢閙,佢駁你嘴,永冇止境.你激心,兩敗俱傷,又做唔到嘢.

我平時係大蕃薯好鬼開心時,比如佢要出去玩,我會叫停佢,叫佢想像一下,出去玩,將會發生的事. 比如,萬一同小朋友唔開心,會點處理. 始終,人係冷靜的時候,處事方法會唔同啲.

你都可以試下,我覺得,小傑同大蕃薯呢種小朋友,佢地比較以自己出發點做事多啲,唔理其他人的感受. 所以,真係需要我地媽媽,同佢地談心同做比喻,引導佢地.
快樂的甜芋快樂的甜芋


已刪除用户

積分: 194079

2024年龍年勳章 2023年兔年勳章 好媽媽勳章 畀面勳章 環保接龍勳章 BK Milk勳章


14#
發表於 08-11-7 10:43 |只看該作者
提示: 作者被禁止或刪除 內容自動屏蔽


水晶宮

積分: 51912


15#
發表於 08-11-7 10:45 |只看該作者
原文章由 一家的太陽 於 08-11-7 10:40 發表
而家D小朋友多數係咁嘅。
既使佢心入邊已知衰左,但咀巴唔會認衰。


係咁,學似我仔治療師講,D小朋友去到呢個年紀開始注重個人形象好顧面子,明知自己做錯,但都要死撐囉!我仔都有架!雖則佢唔敢駁我咀,但佢有時俾我鬧時,佢一擰轉背就係咁唸咒語(鬧我痴線白痴衰人....),我一聽到都即刻兇佢,佢係停咗把口唔講呀,但個樣係好唔忿氣囉! 激死!!!


水晶宮

積分: 51912


16#
發表於 08-11-7 10:49 |只看該作者
原文章由 小傑媽媽 於 08-11-7 10:43 發表
其實我都真係試過見佢d寫得好肉酸,叫佢刷左寫靚d,佢就發晒悔氣咁大力刷,有時刷到本簿都爛埋架,你話係咪唔得佢死呀…mouth: 所以我都唔敢再叫佢刷啦,唯有叫佢下次寫好d 囉…



...


我仔都會架!佢自己覺得D字寫唔靚,佢會好炆咁大力係咁擦本簿架!根住含住成泡眼淚問我隻字寫得靚唔靚,我會叫佢做哂成本功課先,做完即刻交俾我睇,我覺得肉酸,媽咪自然會擦,叫佢再寫過~!千祈咪俾佢自己擦哂佢,D小朋友又發脾氣,一定擦爛本簿都似~~~呢個任務都係交番俾媽咪做好過,等D仔唔好亂黎.


男爵府

積分: 6994


17#
發表於 08-11-7 10:51 |只看該作者
原文章由 甜芋 於 08-11-7 10:43 發表


傑媽 : 冇辦法,你同佢閙交,母子關係又差咗.你同佢閙,佢駁你嘴,永冇止境.你激心,兩敗俱傷,又做唔到嘢.

我平時係大蕃薯好鬼開心時,比如佢要出去玩,我會叫停佢,叫佢想像一下,出去玩,將會發生的事. 比如,萬一同小朋友 ...


傑媽 : 我家大蕃薯同我關係,仲係幾好. 因為大蕃薯的問題,佢唔可以係屋企做功課0架. 我發覺,屋企太多引誘,同埋我又要返工,所以,我有一個好嚴格的補習老師跟進佢.

我同老師夾定. 佢知道大蕃薯0既情況.佢做惡人. 初時,大蕃薯同補習老師閙交,發爛渣都試過了. 當時,真係頭痛到我喊呀. 大蕃薯吵住唔返學,唔去補習社,我就氹住佢,安慰佢. 話俾佢知,做每件都有佢的遊戲規則.如果個個人都係想點就點,咁結果會點樣? 慢慢俾佢認識,任性的后果.
快樂的甜芋快樂的甜芋


男爵府

積分: 5742


18#
發表於 08-11-7 10:56 |只看該作者
阿仔今年5年班。你d講嘅佢都有斉哂。

佢就一手搶返張紙,改返,然後好悔氣咁like手掟返張紙比我…
擰轉背就係咁唸咒語(鬧我衰人....)


水晶宮

積分: 51912


19#
發表於 08-11-7 11:11 |只看該作者
原文章由 一家的太陽 於 08-11-7 10:56 發表
阿仔今年5年班。你d講嘅佢都有斉哂。

佢就一手搶返張紙,改返,然後好悔氣咁like手掟返張紙比我…
擰轉背就係咁唸咒語(鬧我衰人....)


我仔永遠唔敢發我晦氣,但永遠都係咁唸咒語咒我囉!我仔係揀人黎蝦架!對住佢老豆?我老公一惡少少話佢叫佢執番佢自己整跌D野咋,我仔都可以嬲到入房,跟住出廳係咁MIU咀MIU舌,我問佢做咩野,我仔竟然話:"爸爸發癲呀!佢痴線呀!正一癲佬!!!"當然我話鬼我仔同我仔講唔可以咁話爸爸架!但轉個頭我老公又玩孩子氣,走出黎寸爆個仔,個仔之後問爸爸晚飯去邊度食,我老公發番我仔晦氣話:"我係癲佬黎既,做咩問我食乜晚飯又同我講野呀?"跟住個仔至識驚,怕咗老豆,至肯氹番老豆咋!!!


大宅

積分: 4705


20#
發表於 08-11-7 11:26 |只看該作者
唔好激氣啦!同我個女一樣,我話佢錯,佢話Miss係話咁,死都唔改正.
http//lc-club.shopping.fashionsky.hk

首頁
12

尾頁

跳至