話說我上星期去完Legoland，第一日係酒店換好曬泳衣落去water park 玩，好開心無事。第二日玩完theme park,仲有2個鐘諗住玩多轉water park ，由於已經check in ，所以要係water park入面換衫，water park個更衣室地下d磚係好滑個d黎。我同囡囡係更衣室換完衫出黎，就聽到個仔係男更衣室喊到拆天，然後我老公就抱住個仔出黎，當時個仔成面血，老公抱住阿仔跟住個員工去急護站，止左血，老公話個仔係更衣室跣親，好在係額頭爆左，無整到眼。
止左血後，急救站個人叫我地去診所或者醫院，要聯針。由於我地book左車仲有個幾鐘到，同埋我覺得新加坡醫療應該好d，所以我選擇先止血，番到新加坡再處理。
到左約定時間，我地叫包車司機直接送我地送醫院，到左一間政府大醫院，即時有醫生幫我仔睇左傷口話要聯針，同建議我地去兒童醫院搞，於是幫我地叫左的士，去左間兒童醫院，醫生揸左麻醉藥膏，等9個字就聯針，聯左4針，同埋俾左份報告我，叫我番香港搵醫生拆線，埋單sgd109。
今日拆左線，傷口都好明顯下，希望大大下會淡d，同用頭髮遮住下。。
呢次分享，想提醒大家要加倍小心，係新加坡兒童醫院見到有個family應該都係港人去玩，個女跌到手臂都變形，好得人驚，聽到佢話個女係半個人咁高跌親。出門在外，小朋友又瘋狂，真係要好小心。
好在我仔都算勇敢，跌到個下喊，聯針拆線都無喊。跟住個幾日旅程都繼續玩好開心，係佢阿媽我嚇餐死擔心死
發表於 
返回列表
