吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同男朋友既關係轉變...(長篇大論...唔好意思..) ...

夫婦情感今日: 9|主題: 42738

收藏本版

發帖

返回列表

跳至頁

查看: 7342 | 回覆: 33

同男朋友既關係轉變...(長篇大論...唔好意思..) [複製鏈接]

wongpro

大宅

積分: 2665

最關心BB問題熱投勳章認識瑞士牛牛第一回醒目開學勳章畀面勳章

1^#

發表於 08-11-10 23:54 |只看該作者 |倒序瀏覽 |打印

唔好意思, 好長篇....
我同男朋友一齊左都差唔多2年半, 但當中有半年時間係分開左..事情係因為一個男人同一個女人..
之前我男朋友係好鍚我..佢鍾意我2年先同我講, 同我一齊個年幾佢都俾到好大信心, 好大安全感我..佢去邊都盡量帶埋我去..我都一直好信佢..冇太介意佢同咩女性朋友玩..而識佢既人全部都知佢有女朋友, 都知我地打算結婚...
但有一次因為佢既朋友(男性)嗌大交..係因為果個男仔由佢自己同佢女朋友分左手之後就成日搵我男朋友..佢地日日見, 搞到我想同男朋友2人世界下都唔得..我同過我男朋友反映..但佢冇去做d咩..佢覺得果個係佢最好既朋友, 朋友叫到就一定要見..所以我地成日三人行....(比著我要求日日見, 我男朋友會覺煩,見得太多) 就係分手個日, 我地3人行去食飯...之前我已經係冇見我男朋友成個星期...而佢地前一晚見完...個晚我冇出聲, 因為佢地講d話題我唔識...其實我男朋友知我咩事唔出聲, 佢都間唔中攬下我, 都同佢朋友講既野唔多回答...令大家可以有機會star個新話題3個人傾...但佢個朋友見我愈黑面愈講得多, 感覺就好似要令我男朋友更加唔理我咁...佢地傾左成晚, 到我男朋友送我返屋企時佢個fd仲話係等我男朋友落黎再傾...我真係好嬲...我咁耐冇見我男朋友, 成晚我冇機會同我男朋友講過半句野, 佢前一日先見完, 今晚仲傾左咁耐, 點解仲要死都要霸住佢?! 最後我好憫, 叫我男朋友唔洗送我, 我就走左..我男朋友因為咁而話我成個小朋友咁, 要同我分手...
我地分開左個半年, 我知道我男朋友好努力去追緊一個女人...個女人我識, 係佢公司既同事, 而且個女人都有老公(關係唔好), 仲有個歲幾既仔...我男朋友為個女人做好多野, 送好多野俾佢, 成日同佢去街, 去玩, 睇戲..有好多野什至我呢個之前一直做左咁耐女朋友既都未得到過...我一直都好唔開心, 連工都唔想返...日日冇啦啦喊...冇哂心機, 想自殺...不過係個半年我男朋友知我放唔低, 一直拖拉住斷斷續續同我一齊返...個段時間佢應承我同個女人冇再聯絡...但我一次又一次check sms, 電話record都發現佢地仲有聯絡, 什至佢呃住我同個女人出街, 睇戲..佢呃完我一次又一次..但我一直咁原諒佢...
成件事我最嬲既唔係我男朋友, 係個女人...因為我真係睇得出我男朋友為佢做左好多野...佢同個女人都表白左好多次..但個女人一直都只係用拖住我男朋友既態度..我同我朋友講過呢件事, 佢地應為個女人唔係鍾意我男朋友, 只係為左有人對佢好, 想霸住佢, 為左係我男朋友身上搵著數(出街唔洗用$$, 想要咩都有人送, 有人幫手養埋個仔等)
呢個女人從來冇俾過一個確實答案我男朋友, 但我男朋友一直單方面付出.令我男朋友一直都唔開心..個時我見到我男朋友咁, 我好心痛..更第一次見佢喊..
我真係好想知點解個女人可以咁??
自己連仔都有埋, 同老公又未搞好d咩關係就咁樣去俾個假希望人!!
4月我生日時, 我男朋友已經一早同我講明同我慶祝生日係最一次我地既見面+聯絡...個時我知我男朋友轉左工, 冇同個女人接觸咁多...大概半個月之後我男朋友主動搵我想我陪佢..我知道佢係好唔開心...聽得出佢把聲冇哂心機...個日之後我同我男朋友終於一齊返到而家...一齊返個時到而家, 我男朋友冇俾過任何承諾我(話同個女人唔會再有聯絡等等)...但一齊返冇耐時, 我男朋友銀包依然放住好多佢個女人/同個小朋友既合照...而電話冇哂同我既sms, 不過同個女人既sms就一個都冇del到...之後有一次俾我睇到佢既sms...我男朋友係之前再次同個女人表白+講好多心聲, 但個女人呢次好決絕咁講話以後唔好再見, 唔想我男朋友再誤會...我一直都再冇問過我男朋友同個女人既野, 只係間唔中串下佢講下笑咁...but佢都唔like, 會即叫我stop...之後一直到而家我知道我男朋友都冇同個女人見面, 只係個女人係我男朋友生日時send過sms俾我男朋友+拎左一盒chocolate去我男朋友office, 放係佢table俾佢...我男朋友都只係係個女人個仔生日+個女人生日時send過sms俾佢...
不過我地一齊返呢半年, 我男朋友冇再好似以前咁邊到都帶埋我去, 而佢同我講佢個男性朋友唔係咁鍾意我(我都唔太like佢)...但我想佢出去時可以帶埋我去, 等我可以同佢身邊既fd可以close d..我可以點做??
另外佢唔係太想我同佢關係公開俾佢以前公司既同事知...佢係怕有人做傳聲筒話到俾個女人知嗎?? 我男朋友同呢個女人既事, 對我黎講到而家都一直有條刺係到..成日會少少事都好驚我男朋友再受唔住誘惑離開我...請問可以點做?? 因為我唔想我地既關係再差, 我好想同佢一生一世...

0 0 0

私人傳訊

mkt

大宅

積分: 1535

2^#

發表於 08-11-11 00:16 |只看該作者

我覺得你同男朋友的感情一早出現咗問題，如果佢愛你，點會咁小事就提出分手？
你怪個女人拖住你男友，利用你男友，點解你又唔怪你男友呃你，拖住你，浪費緊你的感情同青春？
佢唔留戀同你的感情，咪delet晒同你的sms囉，但佢留住同果個女人的sms同合照，你就知佢心在何方。
佢唔再好似以前對你咁好，因為佢已經變咗，我唔明白你點解執著於呢個唔愛惜你的男人，就算畀你同佢一生一世，同個唔愛自己的男人喺埋一齊，有咩意思？

私人傳訊

十月變形記

大宅

積分: 2703

3^#

發表於 08-11-11 01:43 |只看該作者

原文章由 mkt 於 08-11-11 00:16 發表
我覺得你同男朋友的感情一早出現咗問題，如果佢愛你，點會咁小事就提出分手？
你怪個女人拖住你男友，利用你男友，點解你又唔怪你男友呃你，拖住你，浪費緊你的感情同青春？
佢唔留戀同你的感情，咪delet晒同你的sms囉，但佢留住同果個女 ...

好同意mkt嘅睇法.

其實樓主對於佢呢位男朋友只不過係spare, 不過當局者迷, 睇唔到自己原來係一隻牛, 唔係一隻馬(你男朋友騎牛搵馬).

唔好一味只係愛你男朋友而盲目地對佢好, 要睇清楚你男朋友係咪一樣對你付出真心, 專心愛你, 唔好被人當水泡.

十月變形記: http://hk.myblog.yahoo.com/bibu-fish

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

4^#

發表於 08-11-11 10:50 |只看該作者

樓主,請問你幾多歲?你仲有幾多青春可以浪費喺呢個男人身上? 大家都睇得出你好想同呢個男人一齊, 但好明顯個男人只係當你係second choice, 佢仲等緊人地嘅老婆.
你唔應該怪果個女人拖住你個男友, 係你個男人自己中埋去啫, 等如你自己一樣, 明知個男人有第二個, 你都仲係要"痴"埋去. 放過人地放過自己啦.

私人傳訊

bblucky

別墅

積分: 708

5^#

發表於 08-11-11 11:06 |只看該作者

睇得出個男人有幾愛你﹖
你還值得等他，在他身上浪費青春嗎﹖
不如直接點同你男朋友講出你想佢點做，如果連基本應做男朋友的動作他都做唔到，算把啦！

bblucky之家

私人傳訊

beagledog

大宅

積分: 3828

6^#

發表於 08-11-11 11:50 |只看該作者

唔應該同返你男友一齊.佢都唔愛你,你唔好作賤自己啦.

男人係咁架, 之前鍾意你2年,因為未得到所以係最好,得到之後都唔珍惜你啦, 自己d朋友仲緊要過你,可能你男友講過你壞話, 佢個朋友咪唔妥你囉.

佢依家又鍾意個有夫之婦咁,得到之後玩厭後咪又係放埋一邊.呢個女人醒過你唔會為左個自私男而放棄一頭家. 你男友好自私,你唔好再同佢一齊啦.

私人傳訊

2on

別墅

積分: 746

7^#

發表於 08-11-11 11:59 |只看該作者

樓主....
我想問你一個問題...你點解拍拖??你拍拖唸唔唸住有將來ka??
我真係唔明點解你可以接受你男友...
你話...
不過我地一齊返呢半年, 我男朋友冇再好似以前咁邊到都帶埋我去, 而佢同我講佢個男性朋友唔係咁鍾意我(我都唔太like佢)...(佢d fd唔鍾意咁係咪你e世都唔好出現..你同佢拍拖係fd的話唔鍾意都要接受ka la...)

但我想佢出去時可以帶埋我去, 等我可以同佢身邊既fd可以close d..我可以點做??(做跟得夫人...照跟可也)
另外佢唔係太想我同佢關係公開俾佢以前公司既同事知...佢係怕有人做傳聲筒話到俾個女人知嗎?? (同得你一齊点解仲要介意俾個女人知ar??_
我男朋友同呢個女人既事, 對我黎講到而家都一直有條刺係到..(根本你都放唔低....仲点落去下...浪費時間la...)

成日會少少事都好驚我男朋友再受唔住誘惑離開我...請問可以點做?? (走得快...好世界)

因為我唔想我地既關係再差, 我好想同佢一生一世...
講真我真係唔贊成你再同你男友一齊....根本佢都唔配做人男友....放棄la...走得快好世界ar...

私人傳訊

wongpro

大宅

積分: 2665

最關心BB問題熱投勳章認識瑞士牛牛第一回醒目開學勳章畀面勳章

8^#

發表於 08-11-11 13:30 |只看該作者

多謝大家既意見呀...
我20歲, 我男朋友都25歲..
我尋晚睇過佢銀包, 佢同個女人既相都已經冇放, 係只剩返一張佢同人地個仔既相.. 同埋一張同我既相.而家佢一d都唔俾我提個件事..
個次分手, 除左佢覺得我一走了之, 好小朋友咁, 仲有係佢覺得我性格唔好, 成日咩都問住佢, 佢覺得我唔信佢, 好似搞到佢要冇哂d朋友咁...佢份人都算幾大男人, 唔鍾意人煩, 唔鍾意人咩都問....但只不過我係我想知, 想大家做人都有個交帶...所以我自己去邊, 做d咩都會主動話佢知..
而家, 唔可以話佢唔錫我, 佢對我都好好...同以前冇咩大分別...(除左唔同埋佢d fd一齊出去, 佢唔會好似以前咁成日報到)..而我都一直改緊我既唔好性格去做一個好女朋友..
其實佢以前既同事有幾個都應該知我地一齊返, 我諗佢地只係唔sure,同埋男人知道呢d野都唔會點問去8掛...
上2個月我有左bb, 好辛苦, 之後仲作小產...個段時間佢係一直陪住我, 睇得到佢見我咁辛苦佢都唔開心..
我有次問過佢我仲係唔係一個2nd choice, 佢話唔係..之後我自己問同佢結婚, 將來既野, 佢算係俾左少少定心丸我...佢話只要我乖, 唔再有小姐脾氣, 我地就會有將來...
有時我都好亂, 唔知點好.......

私人傳訊

肥豬皇

大宅

積分: 3314

9^#

發表於 08-11-11 15:13 |只看該作者

o下, 仲有埋bb tim 呀~~o甘祝你好運喇

私人傳訊

溫柔

男爵府

積分: 6308

10^#

發表於 08-11-11 21:41 |只看該作者

點解你明知佢愛既已經唔係你,你重要去做人哋既替代品呢,你男朋友已經唔再係你當初同佢一齊嗰個,而家重有埋BB,唉,真係唔知講咩好?

[ 本文章最後由溫柔於 08-11-11 21:44 編輯 ]

私人傳訊

purplewan

禁止訪問

積分: 1508

11^#

發表於 08-11-11 21:44 |只看該作者

提示: 作者被禁止或刪除內容自動屏蔽

私人傳訊

purplewan

禁止訪問

積分: 1508

12^#

發表於 08-11-11 21:46 |只看該作者

提示: 作者被禁止或刪除內容自動屏蔽

私人傳訊

purplewan

禁止訪問

積分: 1508

13^#

發表於 08-11-11 21:48 |只看該作者

提示: 作者被禁止或刪除內容自動屏蔽

私人傳訊

mother904

翡翠宮

積分: 80872

畀面勳章

14^#

發表於 08-11-11 22:42 |只看該作者

唉！大人感情都唔穩定，點解仲要有bb？

「只要你乖，我地就會有將來」，呢句咁既野你都信，只可以講句祝你好運。

私人傳訊

Traini

複式洋房

積分: 104

15^#

發表於 08-11-11 23:46 |只看該作者

你個CASE 同我好似呀, 又係大家都唔睇好～
我覺得咁囉, 你為自己留一條後路啦....
唉...不過你而家又有埋BB, 要小心D 諗清楚自己以後點喇~祝你快樂...

私人傳訊

edea

王國長老

積分: 119074

王國長老

16^#

發表於 08-11-12 00:15 |只看該作者

我睇既時候都估到妳好細, 20歲, 真係好細. 我20歲時都係咁, 會為愛情不顧一切咁付出. 但到妳慢慢成長, 妳會明白更多, 將呢個男人睇得更透徹.

希望妳唔好介意我好直接咁講感受, 可能妳會難受, 但總好過妳再錯用情.

妳男友並唔愛妳. 佢真正愛既係果個結左婚既女人, 我估亦都係當初佢同妳分手既原因, 佢一直同妳拍拖, 人有我有, 但就對妳冇真感情. 如果真係愛妳, 唔會容許個朋友咁煩, 日日做電燈膽, 想同女朋友溫存下都唔得, 仲因為咁話分手, 非常清楚顯示佢並唔愛妳, 只o係搵個excuse分手.

妳都知佢咁重視個女人, sms一個都唔delete, 仲愛到連佢個小朋友既相都keep, 我諗妳係時候清醒, 知道佢內心真正所愛係邊一個.

妳話佢見妳放唔低就搵番妳, 我諗唔係咁既原因, 作為男人, 多一個冇損失, 反正有夫之婦唔到手, 更難聽講一句, 佢需要性,知妳放唔低佢, 佢有免費餐食, 何樂而不為.

妳觀點我唔係好認同, 最錯唔係個女人, 佢同妳男友開始左係錯, 但最後佢都好理智斬左纜, 唔再見妳男友, 問題一直都在於妳男友身上, 呃妳感情甚至肉體, 追求有夫之婦, 如果佢真心真意愛呢個女人倒還罷了, 但佢又要一邊拖住妳, 同妳復合又去同個女人約會.妳男朋友居心何在? 明知人地有老公都去追人老婆, 妳男朋友絕對有問題, 點可以話佢為個女人做咁多野, 個女人都唔表態? 一開始妳男朋友就唔應該做呢d野, 佢傷害人地家庭, 傷害妳, 妳男朋友唔係一個好人.

而且佢同妳復合左又唔願俾人知, 答案好簡單, 佢想低調, 有咩事再甩妳都唔怕俾人唱玩妳感情.

知道妳有左bb, 我真係唔敢樂觀, 妳所託非人, 結婚係好長遠既事, 勉強嫁一個唔愛妳既老公, 妳會有好長時間痛苦, 因為佢放唔低佢得唔到既女人, 而且佢得25歲, 好有可能你地仲要為左錢有好多爭執, 妳已經俾佢食住, 佢講到明妳聽話就冇事, 以後亦都只會佢話晒事, 妳乖乖地唔好逆佢意, 如果唔係妳可以想像佢會點對妳.

忠言可以逆耳, 但我勸妳如果以後要同佢一齊, 妳一定要自己有份工作, 當佢拋棄妳妳都可以自食其力, 如果妳諗住以後靠佢照顧妳, 妳會失望.

有事上黎傾下, 有班大姐同妳分析, 妳太細個, 仲未識諗, 真係好擔心.

mouth:

[ 本文章最後由 edea 於 08-11-12 00:26 編輯 ]

我唔係經常上BK, 想搵我嘅朋友請email: [email protected]

私人傳訊

周星馳

洋房

積分: 83

17^#

發表於 08-11-12 00:42 |只看該作者

我一直都好唔開心, 連工都唔想返...日日冇啦啦喊...冇哂心機, 想自殺...不過係個半年我男朋友知我放唔低, 一直拖拉住斷斷續續同我一齊返...個段時間佢應承我同個女人冇再聯絡...但我一次又一次check sms, 電話record都發現佢地仲有聯絡, 什至佢呃住我同個女人出街, 睇戲..佢呃完我一次又一次..但我一直咁原諒佢...

生活除了想自殺, check sms
還有很多事可以做的

(喜剧之王)
尹天仇(周星驰) : 角色我已分析过,其实可以有三个层次,四个阶段和五种不同的演译方法
(少林足球)
你快点回火星吧,地球是很危险的
(功夫)
如果他能好好读书, 我看他将来不是医生就是律师
但看他的样子比较像武师!

私人傳訊

mkt