吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 終於忍無可忍

論盡家傭今日: 5|主題: 134001

收藏本版

發帖

返回列表

跳至頁

查看: 1206 | 回覆: 4

終於忍無可忍 [複製鏈接]

sachu

複式洋房

積分: 151

1^#

發表於 08-11-16 00:14 |只看該作者 |倒序瀏覽 |打印

我今晚終於忍無可忍同個印傭嘈起上嚟!!!我係第一次請工人, 主要工作係想佢照顧BB同做屋企家務, 宜呢位YULIANNA大小姐係我媽咪一位行家用開的, 喺佢屋企做咗四年, 但因為唔再需要就將佢介紹比我, 我心想呢次冇死啦, 人哋都用咗咁多年!! 點知惡夢就係咁發生了, 唔知係未我前世同佢有仇, 我同佢講野又唔應我, 完全冇反應, 叫佢做野又冇反應, 完全當我死, 兼對住我又黑口黑面, 成鬼日都話心情唔好. 嗰次忍唔住未同佢講問佢咩事啦, 點解會當我講嘅野唔係野, 知唔知係我請佢返嚟做野, 跟住佢就答我:"太太, 我唔做啦, 做得唔開心!"問佢點解唔開心, 佢話我成日鬧佢, 咩都走去問佢, 比佢吹脹, 你做錯野同你講又冇反應, 一錯再錯, 嗰啲係BB啲野, 唔係一般家務, 嚴厲啲同你講你就話我鬧你. 屋企啲野你打理, 唔問你問邊個呀!!(我激到心想咁多人死唔見你死) 咁我未話冇所謂, 寫番封信比我, 等我老公返嚟再問佢, 佢就話:"先生, 我唔係想唔做, 我都唔捨得個BB". 跟住佢就同我say sorry, 我未話今次算, 再聽倒呢句說話我唔會再當冇聽過. 跟住一路雙安無事, 但佢一心情唔多好就唔理你嗰吓先死, 有時我同媽咪都覺得佢唔知係未心理變態, 成日喺我哋面前話要揾男人結婚, 二十幾歲都未嫁得出對於佢哋嚟講係遲婚, 佢啲兄弟姐妹全部嫁晒了, 可能佢心理壓力太大. 直至十月中阿大小姐工作兼態度上好有問題, 我又同佢傾啦, 我話佢抹BB啲野唔乾淨, 態度又有問題, 條友又話唔做, 我即刻叫佢寫封resign letter比我, 其實我同老公傾過比一個月人工, 比晒機票佢即刻走, 同時亦聯絡埋個agent問佢點做, 但媽咪又要我比面佢行家, 唔好即炒, 好!我忍! 等到佢比信我做埋下個月3號. 點知今晚就出事了, 我爸媽去咗旅行, 老公返工, BB又發高燒到103度, 日頭都冇事, 到夜晚佢沖完涼出嚟就唔多對路, 佢坐喺度睇電視時阿B跌咗個奶咀, 未叫佢攞去洗, 點知轉頭BB又跌過, 又要洗, 到我同BB換尿片時, 我驚佢周圍郁未比條片佢玩, 點知又跌落地, 佢拾起就掉落阿B個頭度, 我未話鬼佢, 佢就話冇呀, 我拾番比佢呀, 加陣你當我盲呀!!!跟住就嘈起上嚟, 又話我癡線, 又話公公婆婆先生都好鍾意佢, 點解我要咁對佢, 激到我死, 我忍無可忍就話因為佢哋買你怕, 驚你對阿B做啲咩, 其實大家都想佢快啲走, 如果唔係要比面X哥(媽咪行家), 我早就"陪"晒野佢即走, 理得你返印尼後返唔返倒嚟香港做野!!! 呢鑊我真係忍夠呀!!! 咩都忍得, 你咁對我個仔就世係假, 佢仲要病緊! 跟住我就打比老公同佢講, 喺電話我唔知老公同佢講啲咩, 只聽倒佢話我逼佢, 心想大小姐我幾時逼過你呀! 之後我冇理過佢, 佢就走去瞓覺, 宜加等老公返嚟睇吓點解決.
肯定一樣野佢會勁惡對住我哋兩個, 因為佢一路唔多agree我請工人, 其間我哋兩個又成日互數不是, 同埋最近攪佢resign啲野已經好煩, 佢又要返shift, 個人勁"醋".

我知媽咪個行家又幫佢揾倒工, 好似要二月先返工, 據我所知佢要湊一個3-4歲嘅小朋友同照顧一位老人家, 在此我只能夠祝呢家人好運. 因為之前佢同我同老公講過最憎湊細路同老人家, 因為細路麻煩兼老人家長氣, 最好係湊啲識行識走返學嘅小朋友, 唔洗點理!佢又向我媽咪話佢驚揾唔倒工先接呢份.

最後平心而論, 佢唔癲時做野都算係咁, 幾細心, 不過真係唔知佢幾時發作.

0 0 0

私人傳訊

kaginowong

禁止訪問

積分: 2812

2^#

發表於 08-11-16 01:22 |只看該作者

提示: 作者被禁止或刪除內容自動屏蔽

私人傳訊

mimi362436

男爵府

積分: 7372

3^#

發表於 08-11-16 10:27 |只看該作者

原文章由 sachu 於 08-11-16 00:14 發表
我今晚終於忍無可忍同個印傭嘈起上嚟!!!我係第一次請工人, 主要工作係想佢照顧BB同做屋企家務, 宜呢位YULIANNA大小姐係我媽咪一位行家用開的, 喺佢屋企做咗四年, 但因為唔再需要就將佢介紹比我, 我心想呢次冇死啦, ...

咁你係唸住炒佢丫..定係叫佢即刻走丫..???

私人傳訊

sachu

複式洋房

積分: 151

4^#

發表於 08-11-16 12:42 |只看該作者

我老公昨晚回來叫我忍埋佢呢十幾日, 此終阿B同我喺屋企. 跟住佢走去整醒咗大小姐, 訓話咗佢一輪, 問佢知唔知邊個簽佢份contract, 邊個先係工人, 邊個係太太, 叫佢分清楚, 又話請佢返嚟係幫屋企解決問題, 唔係加添先生煩惱, 又話我比面色佢睇係應該, 因為佢自己做錯野, 兼全家都有眼睇佢對我嘅態度係幾差, 我老公仲講埋我哋唔想做到咁絕先比一個月時間佢, 其實大家恨不得炒咗佢要佢即走等等......

簡單嚟講個瘟神都要做到12月3日先死走, 你問我的話大半年前已經想炒佢, 攪到我屋企家無寧日, 豪無歡笑!

[ 本文章最後由 sachu 於 08-11-16 12:59 編輯 ]

私人傳訊

2heiBBmama

公爵府

積分: 27067

好媽媽勳章親子達人勳章 BK Milk勳章

5^#

發表於 08-11-16 15:07 |只看該作者

原文章由 sachu 於 08-11-16 12:42 發表
我老公昨晚回來叫我忍埋佢呢十幾日, 此終阿B同我喺屋企. 跟住佢走去整醒咗大小姐, 訓話咗佢一輪, 問佢知唔知邊個簽佢份contract, 邊個先係工人, 邊個係太太, 叫佢分清楚, 又話請佢返嚟係幫屋企解決問題, 唔係加添先 ...

工人諗住12月3日都走啦, 仲使乜尊重你啫?! 受氣個個係你又唔係佢, 佢見到你激氣一定好開心啫, 但而家你都無辦法, 只好忍多佢半個月, 望就望佢唔好再玩野都算lu...

神未曾應許天色常藍;但衪曾應許生活有力!