吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 朋友

心聲留言今日: 0|主題: 17503

收藏本版

發帖

返回列表

跳至頁

查看: 1827 | 回覆: 14

朋友 [複製鏈接]

sssssssss

男爵府

積分: 9857

1^#

發表於 16-10-7 18:58 |只看該作者 |倒序瀏覽 |打印

最近一個好友離棄了我,我很痛心,現在完全無法正常工作.只好寫落嚟, 舒發一下.
我都知道依件事我都有錯,但係,我一直天真地以為我們會是一輩子的好閨蜜，我以為佢會原諒我！
不過，知道佢現在過得很好，我也安心了，也祝福佢。
佢是一個善於社交的人，所以有很多好朋友，我只是其中之一。
我是一個說話唔經大腦的人，常常得罪人唔知道，也因為家庭背景關係，是個很自閉的人。所以特別珍惜哩個識咗廿幾年的好友。

0 0 0

私人傳訊

sssssssss

男爵府

積分: 9857

2^#

發表於 16-10-7 19:03 |只看該作者

4年前，由於佢有2個BB忙碌於家庭之間，我亦為我的工作疲於奔命。已經小咗聯絡！
有次傾計,佢話，佢99終於和2個賤男分手了，現在新的男朋友很好，新的男友40多歲，很富有，事業有成。。。。。。
但是唔中意妹妹仔，好愛她的99（53歲），而且新BF每次嚟都送好多禮物給她的2個女兒。
我就問朋友一句，你自己的錢係咪自己保管,自己放好咖?，
佢答我,佢自己嘅錢緊係自己保管,點會俾99。
（因為她99已經打滾商場幾十年，洗乜我出聲，我以為她99比我們聰明。而且這是朋友的家事，我一向不是一個聰明人，我以為這麽簡單的事情，不需要我再三提醒我朋友，當時我朋友也說那男不是騙子什麽的.......
我也不方便多說）。

私人傳訊

sssssssss

男爵府

積分: 9857

3^#

發表於 16-10-7 19:04 |只看該作者

有一天，朋友打電話來，說她要把娘家的房子賣了。（事前，我同佢講過好多次，唔好賣你媽媽唯一留下來嘅屋，間屋可以等你萬一離婚有個安身之所，有個退路，係你教我的啊！而且賣咗，你細佬住邊? ）要講嘅都講曬，佢堅決要賣。房子是佢的，我都無辦法阻止。

中間我哋都如常偶爾會傾計。佢守口如瓶。

私人傳訊

sssssssss

男爵府

積分: 9857

4^#

發表於 16-10-7 19:08 |只看該作者

賣屋大半年後，有一日，朋友打電話嚟，我先知道事實，佢99中咗邪，為咗個男人，偷曬公司的錢，連朋友的嫁妝，及所有積蓄、公款，都俾曬個男人，街數成千萬。99倦款同男人消失咗。99當初呃佢，賣埋娘家的2套屋，+借親戚的錢，就還清。
原來99再三番四次呃佢。而家佢無曬所有的錢，佢細佬（17歲）無地方住可唔可以嚟我屋企住？

我晴天霹靂地講：“點解咁大件事，2年嚟，你無同我講過？你話你有事一定會講我聽。2年啦，你到依個地步先同我講？我真係唔知點幫你，我都好驚，如果係我遇到咁的事，我真是可能會死咗算！咁你而家點算？我父母的屋，我真是無辦法話事，你都知道我父母乜嘢人，你都知道我屋企就靠微薄的租金為生，我媽一定唔肯俾間屋你細佬。對唔住，幫唔到你！不如你睇下幾時得閑出嚟坐下，再諗下點算啦！”
（其實，佢識我20幾年，佢應該知道我父母點會肯俾間屋我朋友免費住，我父母的屋，我真是話唔到事，我以為佢會體諒我。我本來想就算無屋借俾佢細佬，都可以將我存咗十幾年的私已，分三分一俾佢。但係依次電話之後，每次再約佢出嚟，佢已經話唔得閑。）

私人傳訊

sssssssss

男爵府

積分: 9857

5^#

發表於 16-10-7 19:13 |只看該作者

有一次我又揾佢，佢答我，佢爸爸啱啱走咗，辦理緊後事，又要同佢爸的二奶分身家，唔得閒。所以我都無幫到手。亦無講任何嘢，因為雖然佢依個所謂的爸爸，由佢出世開始，從來無承擔過父親的責任，一分錢俾養過佢，仲經常製造一啲勁嘢線佢。而家只是一個負累走咗。
不過，佢親人就得咁多多，話曬都係血親，點都會傷心嘅。

所以我乜都無講。只叫佢，有乜嘢，可以揾我，無論幾點，隨時一個電話即到，我永遠在你背後。

私人傳訊

sssssssss

男爵府

積分: 9857

6^#

發表於 16-10-7 19:13 |只看該作者

之後，我時不時試過揾佢，佢都只是話好啊，遲啲見，而家唔得閑，遲啲再揾我。敷衍帶過。

又事隔幾年啦，我今日終於明白，你唔係無FB，只係唔想ADD ME，咁好啦！見到你仍然過番以前的幸福少奶生活，我已經滿足，雖然我已經做唔到你的閨蜜，但係你仍然喺我心目中有個好重要的位置。

祝安好！

私人傳訊

kenfung71

男爵府

積分: 6290

7^#

發表於 16-10-7 23:48 |只看該作者

朋友易得，知己先難求啫，人與人之間感情不是用時間去衡量的，也不要覺得好啱key啱傾就以為是知己，你珍惜互相之間那份感情是冇問題的，但要相方都懂得珍惜才會成為好朋友。

我只是說好朋友，不是知己。

我自己覺得知己的最少起碼能在你生命完結之後，能完全咁說出你的生平啦。

試下擴大自己的生活圈子，提升下自己的氣質，能夠去到那裡每個人都能成為你朋友