我未必可以做到當佢係屋企人，但我會當佢係朋友。
因為我都係打工仔，【己所不容，勿施於人】
打工仔通常會做嘅野，我都會隻眼開隻眼閉。。。例如，無野做時講講電話、恰恰眼瞓、睇吓雜志等。
我屋企無set rules及time table，只係佢笫一日上工時，我講咗對清潔要求，及屋企各人嘅喜惡，佢已經識自己安排好時間做野。
對工人一定唔好大聲呼喝佢，就算佢做錯，都要好聲好氣解釋俾佢知，亦都唔怕長氣講多几次。
我對工人。。。
1。我會同佢講【唔該、你可唔可以幫我】
2。一開飯，俾佢自己夾咗一碟餸先，知道佢仲意食魚頭，芒果布丁，專登留番俾佢食。
3。屋企嘅食物無配額，佢仲意食乜都得，我有得食佢就有得食。
4。唔會成日check住佢，由得佢自由發揮。
5。多啲關心吓佢嘅身體，例如佢出暗瘡，喉嚨唔舒服等，我會買定D夏桑菊俾佢飲。
6。有時買野送嘅Sample我會轉送俾佢。
7。每晚食完飯洗完碗就叫佢沖凉入房休息
8。就算早上起身，佢做緊野唔為意我已起身，我會主動走去同佢講早晨
So far佢已經嚟咗半年了，我哋都相處得好好，我睇得出佢亦都做得好開心（所有打工仔都希望），要互相尊重及包容！
我個人認為，同自己亞媽住都會有磨擦，亞媽有時所做嘅野你都會唔認同，何況係工人呢？
[ 本文章最後由 emt1314 於 08-12-2 16:55 編輯 ]
【一毫之善，與人方便；一毫之惡，勸君莫作；欺人是禍，饒人是福；不信抬頭看，蒼天饒過誰】
*****請勿將本人网名及言論內容抄襲到任何報紙或雜誌上*****
因為有好多工人都係上得床黎掀被蓋的
發表於 
返回列表
