懷孕前後今日: 0|主題: 330516

收藏本版

發帖

返回列表

跳至頁

查看: 3379 | 回覆: 8

瑪嘉烈順產長文 - 10月BB [複製鏈接]

shiba28

別墅

積分: 555

1^#

發表於 16-10-28 17:21 |只看該作者 |倒序瀏覽 |打印

終於係尋日朝早係瑪嘉烈生左阿女，順產真係十級痛，不過聽到阿B出黎喊個一刻係會令人忘卻痛楚。

話說生之前個日凌晨開始我或感到 regular 陣痛，一開始係30分鐘一次，跟住突然變成20-10分鐘。個種痛係好似肚痾，同假宮縮係完全唔同，每次大概20-30秒。由於唔係好痛，我就繼續訓番，諗住觀察下先。

結果第二朝同老公食完個早餐諗住準備時又突然間唔痛，心諗咁樣都食炸糊，已經39週5...個人好心急。

但下午休息過後又有番陣痛，跟住又漸漸變成10分鐘一次。由於驚被人彈回頭，所以想 make sure 真係勁堅先去醫院。

晚上食埋晚飯，d痛開始黎，8-10分鐘一次，都幾係野，心諗應該堅黎，可以去醫院啦。

其實咁遲先去除左驚彈回頭亦好驚陰探，如果未開可能會好痛。

結果姑娘幫我 check 時已經接近1度，可以留低。由於我冇見紅又冇穿水，唔知其實咁樣會唔會好耐。

不得不讚係瑪嘉烈既助產士真係好好，幫我駁哂儀器度陣痛。度左45分鐘之後大概5分鐘痛一次，於是護士叫我係房到等，可以行下坐下。跟住個d痛係真係幾痛，未會叫但絕對不是一般M痛可比。個次40-50秒。

一個鐘後姑娘幫我 check 同幫我見紅（用手指幫我撐了一下）跟住叫我打俾老公可以黎啦。老公黎左之後，開始堅痛，姑娘俾我用笑氣，開頭我覺得仲幾 work 但其實痛下痛下笑氣止唔到大痛。同埋笑氣要吸得準，唔係又 wing 又唔止痛，好難受。

跟住既時間我好模糊，可能又一個鐘，姑娘話我可以打止痛針，同笑氣一齊吸。我覺得止痛針 period 係我成個過程唯一休息既 period, 加埋笑氣係可以做到冇咩痛。但止痛針得個零鐘效用，藥力過你就回到地獄！跟住我就覺得好好好痛，已經唔知時間，但姑娘幫我再陰探同穿水，我就好想痾，但又未痾得（其實真係好痛同好難頂）但又過左陣，突然姑娘幫我整腳踏，話我可以痾啦！

待續...

0 0 0

私人傳訊

shiba28

別墅

積分: 555

2^#

發表於 16-10-28 17:22 |只看該作者

原本我都諗住痾得就 easy job, 可以解脫啦。但估唔到我黎到呢到先卡住，完全唔知點用力，淨係知道要 push....! 結果我係到搞左個幾鐘，姑娘話咁樣既話你再等下先，唔好痾住啦。

跟住就係我覺得最痛苦既過程，因為你曾經可以痾過但又冇得痾，極痛，極密，真係痛不欲生！再過一個鐘，終於又可以痾，但由於我用左太多時間，姑娘話等醫生過黎吸啦，仲要簽份野講風驗，其實個一刻我已經好模糊，咩都諗唔到。只要可以結束，咩都好啦。

最後set 好吸吸+用左幾次力，阿囡終於出世。醫生幫我清理胎盤（由於之前太痛，我反而冇咩感覺）同埋縫針（真係剪左都唔知）由於有打針，其實我都唔覺痛。

好好彩生左咁耐阿囡心跳都ok!所以都算母女平安,吸左都冇咩負作用（仲好驚會吸爆頭頭）

感謝各位瑪嘉烈醫護人員，雖然大家成日話政府醫院唔好，但我真心覺得大家都好專業同 supportive (特別係我既 midwife, 一直鼓勵我）

住左院36小時今晚可以同囡囡返屋企啦！