之前暑假已經帶囝囝黎過，個陣都係住車既主題房，囝囝玩得好開心！今次見呢間酒店有新主題房，咁岩佢九週年有優惠，可以免費upgrade去theme room
我決定一家三口再黎呢度渡下假！今次帶囝囝黎左海洋既主題房。
今次呢個主題房都佈置好靚！好多海豚！熄左燈之後囝囝仲開心，因為間房有盞射燈，令到成間房好似真係Ｏ係海底咁。
另外，我訂房個陣唔知房入面有按摩椅，所以好驚喜！張按摩椅細細張，但又估唔到都按得幾舒服、幾到位！按完Ｄ筋即刻鬆哂！我叫我Ｃ６第日都買返張俾我！
之後帶左囝囝落去沙灘玩沙，個沙灘幾好，唔會好多人，可以好好地咁享受三個人既時光。
晚餐食自助餐，Ｄ野食種類都算多，只係Ｄ食物分佈位置比較東一邊西一邊，相對黎講要行多幾步先拎齊Ｄ食物！
第二朝我地加左錢食早餐，又係因為九週年，所以我地其中一個人只要俾＄9.9就可以食buffet！食完早餐同囝囝去玩下水，玩下波波池，之後就夠鐘退房。
整體黎講，咁樣他他條咁渡過兩日一夜，埋單都唔使千五蚊，而且仲要囝囝好開心，我覺得抵俾！可以遠離一下繁囂，又可以享受下天倫之樂。
發表於 
返回列表
