吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 結左同未結或準備結既您,請問拍左幾耐同去到咩情況先好 ...

夫婦情感今日: 2|主題: 42785

收藏本版

發帖

返回列表

跳至頁

查看: 2301 | 回覆: 17

結左同未結或準備結既您,請問拍左幾耐同去到咩情況先好結? [複製鏈接]

meian

男爵府

積分: 8578

BK Milk勳章

1^#

發表於 08-12-3 14:29 |只看該作者 |倒序瀏覽 |打印

結左婚o既您同未結or準備結o既您, 請問拍左幾耐拖先結婚, 而你地認為到到咩情況先好結?

我唔係恨嫁 (真的不是), 但同bf都差不多5年了, 佢細我差唔多一年, 有時講笑or sweet-talk時都講下幾時可以結婚d話題, 可惜就算認真唔認真咁chat10000次喱個話題, 佢都係答: 有錢先得ga

錢, surely重要, 而結婚, 某程度or某些人眼中可能只係一張紙, 我咁樣出post, 係想問下有冇人試過bf又唔係唔愛你, 但又唔想plan結婚住, (坦白講, 就算佢話而家or明年想結, 我都唔會) 可是錢係未就係男人的excuse?

of course, 我覺得我男友係一個完完全全冇planning o既人, o係佢心目中可能認死我唔會離開佢 (當然唔係因為佢唔plan結婚而離開咁naive), 但有好多野都令我睇出佢係一個冇planning, 乜都但求安穩 (唔係知足果隻安穩, 係lazy for any change), 令我太失望太心淡, 有冇朋友可以指導下我?

thanks!

* 我唔係要個好有錢o既人做husband
* 我只想要個有為將來打算o既人做partner, even唔結婚都ok

0 0 0

私人傳訊

小可愛bb

大宅

積分: 2465

2^#

發表於 08-12-3 14:50 |只看該作者

當認定對方係終生伴侶, 想同對方組織家庭, 而客觀環境又許可, 就可以結婚, 所以無話幾時先適合

無錢都可以係一個原因, 我同我BF都係因為呢個原因而未能結婚 (當然仲有其他原因)

但係你哋有無儲錢FOR結婚, 或者諗吓點搵更加多錢?

最大問題係.....你哋有無真係諗住將來結婚....如果有, 自然就會考慮到以下問題

1. 住屋
2. 生育
3. 工作/ 家庭分配

呢D全部都係錢, 同埋責任問題,當然都要有愛去維繫~

私人傳訊

meian

男爵府

積分: 8578

BK Milk勳章

3^#

發表於 08-12-3 15:00 |只看該作者

原文章由 小可愛bb 於 08-12-3 14:50 發表
當認定對方係終生伴侶, 想同對方組織家庭, 而客觀環境又許可, 就可以結婚, 所以無話幾時先適合

無錢都可以係一個原因, 我同我BF都係因為呢個原因而未能結婚 (當然仲有其他原因)

但係你哋有無儲錢FOR結婚, 或者諗吓 ...

你講得岩, 樣樣都係錢之餘, 仲要愛去維繫....唔知我地仲有幾多o既"愛"....

我好耐之前已經話不如一個月少少地saving, 但佢當時唔願意, 到今年開始再chat, 又話我save先save, 咁我當時會save啦一齊, 但佢又話我part-time緊個course未讀完都仲係要錢, 我點save, 即意思好似係得佢save, 我唔save (其實我係一定會save, 我覺得佢excuse緊) 多有多save, 少有少save姐, 佢話佢月尾都會淨錢已經=save左錢! 我覺得好好笑, 唔知男仔係未咁諗野, 覺得淨=save?

我認為淨左, 佢下個月一樣可以用上個月淨左果d錢, 而儲錢係儲起第2度, 可以唔郁o既資金 !

到底我係未太多要求呀!??

私人傳訊

八婆仔@

水晶宮

積分: 53079

最關心BB問題熱投勳章環保接龍勳章大廚勳章 BK Milk勳章

4^#

發表於 08-12-3 15:00 |只看該作者

我同男朋友一指拖就計劃結婚,我地計劃結婚時先一起 saving,
我記得男朋友(老公)一句說話,就係....
'如果結婚要等我有$先可以結,我呢一世都唔會同你結都婚,因為我呢一世都唔會有$....'

咩叫有$大家定義唔同!但大定一條心,定目標,一齊儲$,就可以計得幾年後,有幾$,係未足夠結婚!

婚平有平結.貴有貴結,你可以比佢知道,同他結婚不一定要大排筵席,珠光寶器,細細地,溫馨就可以!

所以個人認為,無$結婚係一個藉口,會唔伯男朋友心底仲有其他想法或者擔心,你可以認真d問下佢!

如果你話男朋友沒有 planning,佢個人係禁,你都好難改變佢,為佢讓佢知要有計劃,你地2個先有將來,否則生命就會混沌過左去喇!

祝福你!

私人傳訊

八婆仔@

水晶宮

積分: 53079

最關心BB問題熱投勳章環保接龍勳章大廚勳章 BK Milk勳章

5^#

發表於 08-12-3 15:01 |只看該作者

私人傳訊

八婆仔@

水晶宮

積分: 53079

最關心BB問題熱投勳章環保接龍勳章大廚勳章 BK Milk勳章

6^#

發表於 08-12-3 15:01 |只看該作者

私人傳訊

2on

別墅

積分: 746

7^#

發表於 08-12-3 15:58 |只看該作者

其實何時先唸結婚...好睇你地對大家的信心....

若果BF話要你SAVE佢先SAVE的話結唔結到ba...

我覺得若果有心同你計劃結婚的話
係唔會計較要付出多少ka...
我同我老公由零開始儲起...
我老公係個好大洗的人...個個月未到月尾都清哂d$...
當我地決定左結婚之後...佢一出糧會立即過三份二糧俾我儲....
佢都估唔到佢做得到...

仲有...若果你決定結婚前...
你地真係要好好唸清楚...
你鍾意對方d乜嘢...仲有你對佢有多少的信心...
因為一生的幸福就交俾佢ka la...
結婚唔係簽張紙咁簡單....
結婚係一生一世ka...
共富貴當然好la...但你都要唸下一生都會有跌的時候...
你又願唔願意同佢一齊去面對ar....
若果你好有信心的話...我唸你都係計劃結婚的時候la...
但anyway...有時愛係令人盲目的....
我都建議你付出千多元去上d婚前輔導course...
上左個course....你會知到你自己有係計劃錯ka la...
good luck la...

私人傳訊

小manman

翡翠宮

積分: 87139

8^#

發表於 08-12-3 18:34 |只看該作者

我同我honey拍左5年幾拖,今個月24日平安夜註冊結婚,其實,由我地拍左拖3個月已經認定左對方係結婚對象,但因為經濟問題到今年先真正落實我地的結婚大計,but係呢幾年裏面,我地大家都會講下將來結婚想點搞、結婚之後的住屋問題.........所以我係知道佢係有計劃我地的將來既~~~

如果一個唔願意承擔、又唔肯為將來打算、又無作出結婚承諾的男人,我諗我飛左佢九世囉!!!

私人傳訊

ill

子爵府

積分: 12740

9^#

發表於 08-12-3 19:34 |只看該作者

我同老公拍左拖11年,由F4開始同佢一起,拍拖3個月已經話要嫁比佢,佢一開始做野就開始save money, even summer job都會save $500。到我做野,我都開始save,大家唔會計較save幾多,由大家每人每月都save $500,到每月每人$20000,一直有計劃, 有時,儲左一d,又可以有其他用途,可以去下旅行...
總之,有計劃就好好多啦。

私人傳訊

cindy_abchk

洋房

積分: 77

10^#

發表於 08-12-4 09:28 |只看該作者

我同我男友都拍左4年, 成日都話"遲D先" "有錢先 " 我覺得男人多數都係口不對心。
宜家我地開始SAVE MONEY,計劃將來。

私人傳訊

yanlongma

男爵府

積分: 5016

11^#

發表於 08-12-4 10:20 |只看該作者

我覺得，如果男方話無錢所以唔結住，但又唔肯儲錢，呢個就係excuse。
但如果男方話無錢，但願意儲錢，咁就可以見到佢真係有誠意。

老實講，好多男人唔想結婚，除左金錢的原因，最重要就係責任的問題。佢地覺得結婚要有好大的commitment。係心理上的壓力，你問佢有咩實際壓力，佢又講唔到你聽！

我同c6拍左6年拖，直情要同佢講：我想生仔，再唔生我會變高齡產婦，咁佢先肯同我結！

私人傳訊

junetam

男爵府

積分: 6170

2025勳章蛇年勳章

12^#

發表於 08-12-4 10:26 |只看該作者

我同老公拍咗5年拖...覺得係時候結婚就結...就算係咪拍拖我哋都有儲錢，所以問題唔大，只係唔夠錢買樓...唯有住我老公佢哋一家夾錢買的樓先，第日叔仔結咗婚應該都會搬埋嚟...
你哋個case好似我個friend...佢個男友又係無計劃的..我個friend都係咁...

成日話無錢結婚，生仔都話無錢，我話結婚真的無錢咪旅行結婚囉~~簽張紙加旅行一萬多啲都得，佢哋話想買到樓先結婚...跟住我話咁你唔洗結lu...

事關之前佢個男友賴無開個聯名戶口儲錢，唉~~老實講有心儲就唔係聯名戶口都得啦~自己儲都可以嫁...我個friend的阿爸阿媽都話就算過多幾年個男仔都係咁...其實講真我個friend都未玩夠當然包括佢男友啦~無錢結婚有錢去旅行仲一年去幾次，佢話唔同因為係去玩...到咗依嫁佢哋話結婚啦~~啲酒席錢咪由男方阿爸阿媽出囉...其餘就不知了...你要攪清楚你同你男友係咪真係想同對方結婚，如果真係就真係要plan...一係就好似我個friend咁要啲屋企人比錢囉~~就算唔結婚都要plan第時會點嫁...

私人傳訊

tingkiss

別墅

積分: 602

13^#

發表於 08-12-4 19:34 |只看該作者

@@我都覺得唔關個錢字事有D人冇咩所謂成班親朋戚友坐埋食餐飯就得有D人要求高D咪儲夠錢先結,,
我覺得最緊要個人玩夠,,玩個意思唔係出去蒲

私人傳訊

tingkiss

別墅

積分: 602

14^#

發表於 08-12-4 19:36 |只看該作者

聽講呢男人去到咁上下年齡事業有成個伴侶又岩就會好自然想結婚想有個家但9成結婚果個唔係人生中最愛果個..

私人傳訊

bktcc

超級版主

積分: 84672

超級版主

15^#

發表於 08-12-4 19:41 |只看該作者

原文章由 八婆仔@ 於 08-12-3 15:00 發表
我同男朋友一指拖就計劃結婚,我地計劃結婚時先一起 saving,
我記得男朋友(老公)一句說話,就係....
'如果結婚要等我有$先可以結,我呢一世都唔會同你結都婚,因為我呢一世都唔會有$....'

咩叫有$大家定義唔同!但大定 ...

講得好

私人傳訊

ka_hei

大宅

積分: 4848

16^#

發表於 08-12-8 02:15 |只看該作者

如果想結婚後會生小朋友，當然要儲定一筆錢，結婚可以好簡單只註冊，自己親戚食餐好嘅一萬多啲都可以，你平均一個月儲＄１０００，儲一年已經結到，但係養育小朋友係一項長遠投資，你只可望有出冇入的投資，所以最好有一定經濟基礎先結婚就最穩陣。

私人傳訊

wmpl

大宅

積分: 3000

17^#

發表於 08-12-8 05:10 |只看該作者

我都好明白你嘅想法,,因為我都係同你一樣,,只不過你覺得對方同你一齊毫無計劃,,就影響咗再繼續同佢一齊落去嘅信心,,不過你哋一齊都有五年,,真係咩都習慣晒,,唔係佢睇死你唔會離開佢嘅問題,,而係可能你從來冇真正表達過自己想點,,怕自己攞出嚟講又好似迫婚,,好恨嫁,,令對方誤會,,令自己尷尬,,但唔講對方又唔明,,得過且過,,你就愈嚟愈心淡,,但又唔係想分手,,搞到自己好似進退兩難咁!!

雖然話現代係文明社會,,但女人青春有限仍然係鐵一般嘅事實,,所謂流金歳月就係咁解,,唔好俾對方磋砣你嘅日子,,有啲男人個性永遠長不大,,又從來唔識為將來打算,,你就要為自己打算!!

既然你個心始終唔舒服,,自己想點就清清楚楚完完全全講出嚟,,態度要堅持,,唔駛怕唔好意思亦唔好心軟,,結唔結婚都好,,做得伴侶當然想長久,,可以嘅話仲會係一生一世,,唔係講玩,,冇得心軟求其,,唔係迫佢,,而係你係有要求嘅權利,,而對方亦有權利去知道你想點而決定會點做,,到時睇吓佢會唔會真正有所改變再決定下一步如何,,而你亦都要有所行動,,唔好得個講字,,所以第一步係你自己攞錢出嚟儲起先,,結果如何都好,,最起碼你都會有個錢傍身!!